Kuzwitjengeta mu midzimu
1 Ndoshaka kuti mualakane zwikamu kuti bobatategulu bedu bose bakabe bali kusi kwe gole nenge kuti bose bakatjuluka gungwa. 2 Bose bakadubikwa kube batobeli ba Mushe mu gole ne mu gungwa. 3 Kakale bose bakaja zojiwa zwe tjimeya 4 kakale bose bakang'wa tjing'o tje tjimeya. Ngobe bakang'wa mu shongwe ye kudzimu, iyeyo yakabe yakabatobela, ngono shongwe iyeyo ndi Kirisiti. 5 Bunji gwabo abazoshathisa Ndzimu, ndizo bakabulawa mu tjilambanyika.
6 Zwithu izwezwi zwakashingikala kutjenjedza iswi kuti tisiyemule bubi sa ibo. 7 Musibe bathigamili be midzimu se kwakathama bamwe babo, ngobe kwakakwagwa kuyi, “Bathu bakagala pasi kuja ne kung'wa, kakale bakamilika bakazana.” 8 Tisithameni bupombgwe se kwakathama bamwe babo, ngono zwiwulu zwili makumi mabili ana kutatu (23 000) zwikafa zhuba ling'ompela. 9 Tisilikeni She, se kwakathama bamwe babo, ngono bakalobesiwa nge nyoka, 10 kene kuli kung'ong'ola se kwakathama bamwe babo, ngono bakalobesiwa nge nlobesi.
11 Zwithu izwezwi zwakabashingikalila kuli kutjenjedza, ngono zwakakwagwa kudiya iswi banotjila mu misi ye bupelo.
12 Ndizo iye unokumbula kuti umile wakasima ngaabe nge njele kuti asiwe. 13 Akuna ndiko yakamuwila isakatongowila nthu. Ndzimu unogalikabgwe ndizo aungakuletjedzele kuti ulikiwe kunopinda matatabuko awo, koga ne ndiko Ndzimu unozhisa zila yaungabhuda ndiyo, kuti usimisile.
14 Ndizo badiwa bangu, mu zwikupe tjose mu kunamata midzimu. 15 Ndolebeleka ne bathu bakatjenjela, muzwibonegwe kene tjandinoleba malebeswa. 16 Bhepe le makombolelo latinopa latinokombolela, apa ate kukobana mu malopa a Kirisiti kene? Tjiwunga tjatinokwamula, apa ate kukobana mbili wa Kirisiti kene? 17 Sekuna tjiwunga tjing'ompela, iswi banjinji ti mbili nng'ompela, ngobe iswi tose tokobana tjiwunga itjetjo tjing'ompela.
18 Kumbulani bathu be Iziraela, apa ibaba banoja zwibhayilo abana gobe mu tjibeso tje zwibhayilo kene? 19 Apa ndodwani kene? Apa ndodwa kuti zojiwa zwakapiwa midzimu zwi tjimwe kene, kene iyo midzimu i tjimwe? 20 Aa! Ndodwa kuti basinganamate Ndzimu banopa zwibhayilo meya mibi. Anditoshaka kuti mube ne buzwalani ne meya mibi. 21 Amungang'we mu bhepe la She ne bhepe le meya mibi. Amungaje mu ndilo ya She ne mu ndilo ye meya mibi. 22 Apa toshaka yita kuti She babe ne fupa kene? Apa takasima kubapinda kene?
23 “Zwithu zose zodumiligwa,” koga ate zwithu zose zwinobhatsha, “Zwithu zose zodumiligwa,” koga ate zwithu zose zwinobumba. 24 Ngakushete unozwishakila bubuya, koga ngaagushakile bamwe.
25 Ijani tjinotengesiwa mu matengeselo e nyama musingabhuzwe muyitila hana. 26 Ngobe “Shango nge ya She ne tjimwe ne tjimwe tjimuili.”
27 Ha mmwe we basingagalemoyo ekudanila zojiwa ha ushaka kuyenda, yenda, uje kene ilini tjawapiwa, usinabhuzo. 28 Koga aangati ku kuli, “Zojiwa izwezwi zwapiwa midzimu,” ipapo usije zojiwa izwezo uthamila iwoyo wakubudza kakale uthamila hana, 29 Anditodwa hana iyo, ndodwa iye.
Kusununguka kwangu kungalaugwa nge hana ye mmwe nthu tjini? 30 Ha ndija nge kuboka, ini ndingongobolegwa itjetjo tjandinobokela?
31 Ndizo kene unoja kene ung'wa, kene unothamani koga, thama kose kukudza Ndzimu. 32 Usigwadzisemoyo kene ali Njuta kene N'giriki kene gubungano le Ndzimu, 33 sekwa ndinogwisa kushathisa bathu bose mu tjimwe ne tjimwe tjandinothama, ndisingazwishakigwe mbuzilo koga ndikudza bose kuti ndizo batjidziwe.
Kuzwitjengeta mu midzimu
1 Ndoshaka kuti mualakane zwikamu kuti bobatategulu bedu bose bakabe bali kusi kwe gole nenge kuti bose bakatjuluka gungwa. 2 Bose bakadubikwa kube batobeli ba Mushe mu gole ne mu gungwa. 3 Kakale bose bakaja zojiwa zwe tjimeya 4 kakale bose bakang'wa tjing'o tje tjimeya. Ngobe bakang'wa mu shongwe ye kudzimu, iyeyo yakabe yakabatobela, ngono shongwe iyeyo ndi Kirisiti. 5 Bunji gwabo abazoshathisa Ndzimu, ndizo bakabulawa mu tjilambanyika.
6 Zwithu izwezwi zwakashingikala kutjenjedza iswi kuti tisiyemule bubi sa ibo. 7 Musibe bathigamili be midzimu se kwakathama bamwe babo, ngobe kwakakwagwa kuyi, “Bathu bakagala pasi kuja ne kung'wa, kakale bakamilika bakazana.” 8 Tisithameni bupombgwe se kwakathama bamwe babo, ngono zwiwulu zwili makumi mabili ana kutatu (23 000) zwikafa zhuba ling'ompela. 9 Tisilikeni She, se kwakathama bamwe babo, ngono bakalobesiwa nge nyoka, 10 kene kuli kung'ong'ola se kwakathama bamwe babo, ngono bakalobesiwa nge nlobesi.
11 Zwithu izwezwi zwakabashingikalila kuli kutjenjedza, ngono zwakakwagwa kudiya iswi banotjila mu misi ye bupelo.
12 Ndizo iye unokumbula kuti umile wakasima ngaabe nge njele kuti asiwe. 13 Akuna ndiko yakamuwila isakatongowila nthu. Ndzimu unogalikabgwe ndizo aungakuletjedzele kuti ulikiwe kunopinda matatabuko awo, koga ne ndiko Ndzimu unozhisa zila yaungabhuda ndiyo, kuti usimisile.
14 Ndizo badiwa bangu, mu zwikupe tjose mu kunamata midzimu. 15 Ndolebeleka ne bathu bakatjenjela, muzwibonegwe kene tjandinoleba malebeswa. 16 Bhepe le makombolelo latinopa latinokombolela, apa ate kukobana mu malopa a Kirisiti kene? Tjiwunga tjatinokwamula, apa ate kukobana mbili wa Kirisiti kene? 17 Sekuna tjiwunga tjing'ompela, iswi banjinji ti mbili nng'ompela, ngobe iswi tose tokobana tjiwunga itjetjo tjing'ompela.
18 Kumbulani bathu be Iziraela, apa ibaba banoja zwibhayilo abana gobe mu tjibeso tje zwibhayilo kene? 19 Apa ndodwani kene? Apa ndodwa kuti zojiwa zwakapiwa midzimu zwi tjimwe kene, kene iyo midzimu i tjimwe? 20 Aa! Ndodwa kuti basinganamate Ndzimu banopa zwibhayilo meya mibi. Anditoshaka kuti mube ne buzwalani ne meya mibi. 21 Amungang'we mu bhepe la She ne bhepe le meya mibi. Amungaje mu ndilo ya She ne mu ndilo ye meya mibi. 22 Apa toshaka yita kuti She babe ne fupa kene? Apa takasima kubapinda kene?
23 “Zwithu zose zodumiligwa,” koga ate zwithu zose zwinobhatsha, “Zwithu zose zodumiligwa,” koga ate zwithu zose zwinobumba. 24 Ngakushete unozwishakila bubuya, koga ngaagushakile bamwe.
25 Ijani tjinotengesiwa mu matengeselo e nyama musingabhuzwe muyitila hana. 26 Ngobe “Shango nge ya She ne tjimwe ne tjimwe tjimuili.”
27 Ha mmwe we basingagalemoyo ekudanila zojiwa ha ushaka kuyenda, yenda, uje kene ilini tjawapiwa, usinabhuzo. 28 Koga aangati ku kuli, “Zojiwa izwezwi zwapiwa midzimu,” ipapo usije zojiwa izwezo uthamila iwoyo wakubudza kakale uthamila hana, 29 Anditodwa hana iyo, ndodwa iye.
Kusununguka kwangu kungalaugwa nge hana ye mmwe nthu tjini? 30 Ha ndija nge kuboka, ini ndingongobolegwa itjetjo tjandinobokela?
31 Ndizo kene unoja kene ung'wa, kene unothamani koga, thama kose kukudza Ndzimu. 32 Usigwadzisemoyo kene ali Njuta kene N'giriki kene gubungano le Ndzimu, 33 sekwa ndinogwisa kushathisa bathu bose mu tjimwe ne tjimwe tjandinothama, ndisingazwishakigwe mbuzilo koga ndikudza bose kuti ndizo batjidziwe.