Kuzwileba jinyo kwe ndziyili
1 Ndakati, “Ndowotjengeta zila dzangu
kuti ndisitongotjinya nge lulimi gwangu,
ndowobhata nlomo wangu ha babi bali pandili.”
2 Ndakazwiyita tjimumu ha nyalala,
azwibhata kukasibhatshe tjimwe.
Kuhwazogwadza kwangu kukapaphidzika.
3 Moyo wangu ukapisa mukati kwangu.
Ndakati ndiaalakana kwazokwazo, moto ukapisa,
ngono alebeleka nge lulimi gwangu.
4 “Yahwe, thamani kuti ndizibe bhelelo langu,
nenge mbalo ye mazhuba angu.
Thamani kuti ndizibe kuti butjilo
gwangu gopela gulibilidza tjini.”
5 Makathama mazhuba angu kabe mashomanana,
ne butjilo gwangu ategulitjinwe mu mesho enyu.
Malebeswa hwuti mmwe ne mmwe unonga meya yafemiwa.
6 Malebeswa hwuti nthu unoyenda se ntutshi
Malebeswa kuti banodziyidzikila suli,
unokubunganya fumwa asingazibe ntoli wayo.
7 Ngono ngwenu She, nditjakalindilani?
Ndogalabgwe mu muli.
8 Mundisunungule mu matjinyo angu.
Musindithame iseko tje zwilengwe.
9 Ndi tjimumu anditozhula nlomo wangu,
ngobe ndimwi makathama ikoku.
10 Dusani shamu yenyu mundili,
ndatjishakadzwa ngotibugwa nge luboko gwenyu.
11 Ha muloba nthu mu ntjemelela tjibi,
molobesa zwaanoda se sola.
Malebeswa nthu unonga meya koga yafemiwa.
12 Ihwani ntembezelo wangu Yahwe,
muteedzeni tjililo tjangu,
musinyalale ha nditebula mishodzi.
Ngoti ndi mwezi wenyu unopinda,
ndin'yendi sa bobatategulu bangu bose.
13 Musinditjebuke kuti ndizo ndibone kushatha
ndisathu ayenda, ndisingawobong'wa kakale.
Kuzwileba jinyo kwe ndziyili
1 Ndakati, “Ndowotjengeta zila dzangu
kuti ndisitongotjinya nge lulimi gwangu,
ndowobhata nlomo wangu ha babi bali pandili.”
2 Ndakazwiyita tjimumu ha nyalala,
azwibhata kukasibhatshe tjimwe.
Kuhwazogwadza kwangu kukapaphidzika.
3 Moyo wangu ukapisa mukati kwangu.
Ndakati ndiaalakana kwazokwazo, moto ukapisa,
ngono alebeleka nge lulimi gwangu.
4 “Yahwe, thamani kuti ndizibe bhelelo langu,
nenge mbalo ye mazhuba angu.
Thamani kuti ndizibe kuti butjilo
gwangu gopela gulibilidza tjini.”
5 Makathama mazhuba angu kabe mashomanana,
ne butjilo gwangu ategulitjinwe mu mesho enyu.
Malebeswa hwuti mmwe ne mmwe unonga meya yafemiwa.
6 Malebeswa hwuti nthu unoyenda se ntutshi
Malebeswa kuti banodziyidzikila suli,
unokubunganya fumwa asingazibe ntoli wayo.
7 Ngono ngwenu She, nditjakalindilani?
Ndogalabgwe mu muli.
8 Mundisunungule mu matjinyo angu.
Musindithame iseko tje zwilengwe.
9 Ndi tjimumu anditozhula nlomo wangu,
ngobe ndimwi makathama ikoku.
10 Dusani shamu yenyu mundili,
ndatjishakadzwa ngotibugwa nge luboko gwenyu.
11 Ha muloba nthu mu ntjemelela tjibi,
molobesa zwaanoda se sola.
Malebeswa nthu unonga meya koga yafemiwa.
12 Ihwani ntembezelo wangu Yahwe,
muteedzeni tjililo tjangu,
musinyalale ha nditebula mishodzi.
Ngoti ndi mwezi wenyu unopinda,
ndin'yendi sa bobatategulu bangu bose.
13 Musinditjebuke kuti ndizo ndibone kushatha
ndisathu ayenda, ndisingawobong'wa kakale.