Kushalaulana
1 Zwikamu, se bagalimoyo muna Jesu Kirisiti She we tjedza, musitongobe ne shalaulo. 2 Nge kuti ha kuzha bathu mu gubungano lenyu, mmwe akaambala linga le golide ne zwiambalo zwakanaka, mmwe ali nshayi wakapalukigwa, 3 mube muti kuna we zwiambalo zwakanaka, “Izha ugale apa pakalulwama,” mube mudwa nshayi muti, “Mila apaje,” kene “Gala pasi,” 4 apa amuzoshalaula mukabe basumikilisi bana mikumbulo mibi kene?
5 Hwililani zwikamu zwinodika. Amutoziba kuti Ndzimu wakashalula bashayi mu shango kuti babe bafumi mu bugalimoyo nenge kuti babe ibo banowobe bana be bushe mu bushe gwe kudzimu, igo gwawakabagadzabgwe banouda kene? 6 Koga makalengudza bashayi. Apa ate ili bafumi banomutshambilidza bemukwebela mu lubazhe kuti musumikilisiwe kene? 7 Apa bafumi ate ibo banotuka zina gulu, ileli lamunodang'wa ndilo kene?
8 Ha mulondolodza nlayo we bushe umu hwalo dze Ndzimu unoti, “Ida mmwe nthu sekwa unozwida,” mothama zubuyanana. 9 Koga ha mushalaula bathu mothama tjibi, ne nlayo unomubona nlandu we kuti mu batjinyi. 10 Nge kuti iye unotobela milayo mimwe yose koga katjuluka nng'ompela, unofanana ne watjuluka yose. 11 Nge kuti iye wakati, “Usi thame bupombgwe,” ndiyezwe wakati, “Usibulaye.” Ngono ngwenu ha usingathame bupombgwe koga ubulaya, unobe watjuluka milayo yose. 12 Ndizo muti tjamunoleba mutjishinge, muziba kuti mowosumikilisiwa nge nlayo we sununguko. 13 Ngobe kusumilikisa akuna mahwilongoni muna usakabe ne mahwilongoni, se mahwilongoni e kunda kusumikilisa.
Ibeni ne mishingo inolakidza kugalamoyo kwenyu
14 Kobuzilani zwikamu, ha nthu eti unogalamoyo, koga asina mishingo? Kugalamoyo kwakajalo kungantjidza kene? 15 Ha zwikamu, zwimwe zwizha kumuli zwiamba zhala ne zwiambalo zwisina, 16 ngono mmwe wenyu kabe ezwidwa eti, “Yendani nge mbakiso, muje mugute, mufuke mudziyigwe,” koga musazwipa zojiwa ne zwiambalo, kobhatshani kene? 17 Ne kugalamoyo ha kusina mishingo, kuli kugalamoyo koga, kwakafa.
18 Koga mmwe ungati kumuli, “Iwe una kugalamoyo, ngono imi ndina mishingo.” Tongo ndilakidza kugalamoyo kuko kusina mishingo, imi ndowokulakidza kugalamoyo kwangu nge mishingo. 19 Moduma kuti kuna Ndzimu nng'ompela, mothama zubuyanana. Ne meya mibi inoduma, ika tetema. 20 Tjilengwe ndiwe! Apa unoshaka kulakidziwa kuti kugalamoyo kusina mishingo aatekwe tjimwe kene? 21 Autoziba kuti tate bedu Abhurahama bakatogwa balinlulwami nge Ndzimu nge mishingo yabo, nge kuti bakabe bapa Ndzimu mwana wabo Isaki, tjili tjibhayilo mu tjibeso tjinopisigwa zwibhayilo kene? 22 Unobona kuti kugalamoyo kukwe kwakabe kwakashangana ne mishingo kene? 23 Ndizo kukashingikala matama amu hwalo dze Ndzimu anoti, “Abhurahama wakagalamoyo mu Ndzimu, ngono nge kugalamoyo kukwe Ndzimu wakanthama nlulwami.” Ndizo kadang'wa kuyi nzwalani we Ndzimu.
24 Mobona kuti nthu unothamwa nlulwami nge mishingo kusi nge kugalamoyo kuli koga?
25 Amutoziba kuti Rahabu we fukula wakathamwa nlulwami nge mishingo kene? Wakati kaamutjila shodzi, ngono kadzilonga mu zila isina zwita.
26 Ngono se mbili usina meya wakafa, kugalamoyo kusina mishingo na ikobo kwakafa.
Kushalaulana
1 Zwikamu, se bagalimoyo muna Jesu Kirisiti She we tjedza, musitongobe ne shalaulo. 2 Nge kuti ha kuzha bathu mu gubungano lenyu, mmwe akaambala linga le golide ne zwiambalo zwakanaka, mmwe ali nshayi wakapalukigwa, 3 mube muti kuna we zwiambalo zwakanaka, “Izha ugale apa pakalulwama,” mube mudwa nshayi muti, “Mila apaje,” kene “Gala pasi,” 4 apa amuzoshalaula mukabe basumikilisi bana mikumbulo mibi kene?
5 Hwililani zwikamu zwinodika. Amutoziba kuti Ndzimu wakashalula bashayi mu shango kuti babe bafumi mu bugalimoyo nenge kuti babe ibo banowobe bana be bushe mu bushe gwe kudzimu, igo gwawakabagadzabgwe banouda kene? 6 Koga makalengudza bashayi. Apa ate ili bafumi banomutshambilidza bemukwebela mu lubazhe kuti musumikilisiwe kene? 7 Apa bafumi ate ibo banotuka zina gulu, ileli lamunodang'wa ndilo kene?
8 Ha mulondolodza nlayo we bushe umu hwalo dze Ndzimu unoti, “Ida mmwe nthu sekwa unozwida,” mothama zubuyanana. 9 Koga ha mushalaula bathu mothama tjibi, ne nlayo unomubona nlandu we kuti mu batjinyi. 10 Nge kuti iye unotobela milayo mimwe yose koga katjuluka nng'ompela, unofanana ne watjuluka yose. 11 Nge kuti iye wakati, “Usi thame bupombgwe,” ndiyezwe wakati, “Usibulaye.” Ngono ngwenu ha usingathame bupombgwe koga ubulaya, unobe watjuluka milayo yose. 12 Ndizo muti tjamunoleba mutjishinge, muziba kuti mowosumikilisiwa nge nlayo we sununguko. 13 Ngobe kusumilikisa akuna mahwilongoni muna usakabe ne mahwilongoni, se mahwilongoni e kunda kusumikilisa.
Ibeni ne mishingo inolakidza kugalamoyo kwenyu
14 Kobuzilani zwikamu, ha nthu eti unogalamoyo, koga asina mishingo? Kugalamoyo kwakajalo kungantjidza kene? 15 Ha zwikamu, zwimwe zwizha kumuli zwiamba zhala ne zwiambalo zwisina, 16 ngono mmwe wenyu kabe ezwidwa eti, “Yendani nge mbakiso, muje mugute, mufuke mudziyigwe,” koga musazwipa zojiwa ne zwiambalo, kobhatshani kene? 17 Ne kugalamoyo ha kusina mishingo, kuli kugalamoyo koga, kwakafa.
18 Koga mmwe ungati kumuli, “Iwe una kugalamoyo, ngono imi ndina mishingo.” Tongo ndilakidza kugalamoyo kuko kusina mishingo, imi ndowokulakidza kugalamoyo kwangu nge mishingo. 19 Moduma kuti kuna Ndzimu nng'ompela, mothama zubuyanana. Ne meya mibi inoduma, ika tetema. 20 Tjilengwe ndiwe! Apa unoshaka kulakidziwa kuti kugalamoyo kusina mishingo aatekwe tjimwe kene? 21 Autoziba kuti tate bedu Abhurahama bakatogwa balinlulwami nge Ndzimu nge mishingo yabo, nge kuti bakabe bapa Ndzimu mwana wabo Isaki, tjili tjibhayilo mu tjibeso tjinopisigwa zwibhayilo kene? 22 Unobona kuti kugalamoyo kukwe kwakabe kwakashangana ne mishingo kene? 23 Ndizo kukashingikala matama amu hwalo dze Ndzimu anoti, “Abhurahama wakagalamoyo mu Ndzimu, ngono nge kugalamoyo kukwe Ndzimu wakanthama nlulwami.” Ndizo kadang'wa kuyi nzwalani we Ndzimu.
24 Mobona kuti nthu unothamwa nlulwami nge mishingo kusi nge kugalamoyo kuli koga?
25 Amutoziba kuti Rahabu we fukula wakathamwa nlulwami nge mishingo kene? Wakati kaamutjila shodzi, ngono kadzilonga mu zila isina zwita.
26 Ngono se mbili usina meya wakafa, kugalamoyo kusina mishingo na ikobo kwakafa.