Mbumbi we hali
1 Dama lakazha kuna Jeremiya lidwa kuna Yahwe liti, 2 “Milika, yenda ku ng'umba ye mbumbi we hali, ikoko ndowothama kuti uhwe matama angu.” 3 Ndizo ndakadelukila ku ng'umba ye mbumbi we hali,Mbumbi we hali ndikaswika ndiwana ebumbila pa gumbgwana lile linobumba. 4 Ngono abona hali yaakabe ebumba ipkhwanyikila mu maboko awe ngono kaibumba kakale ikabe hali ipoga, eibumba kudzina ebona yanlulwamila.
5 Ipapo dama la Yahwe lakazha kundili liti, 6 “Iwe ng'umba ye Iziraela apa andingamuthame sekwa mbumbi we hali athama kene? Kojalo Yahwe. Bonani koga se ntapkhwi umu maboko e mbumbi namwibo makajalo mu maboko angu imwi ng'umba ye Iziraela. 7 Ha ndingati ne tjimwe tjibaka ha leba ngekwe itjaba kene mbuso kuti ndowoutshindunula aupkhwanya aukolomola, 8 ngono ha itjaba itjetjo tjandaleba nge kwatjo tjingashandukila bubi gwatjo, ndowoshandula nkumbulo we bubi gwandabe nditi ndoguthamila itjo. 9 Ha ndingati ne tjimwe tjibaka ha leba ngekwe itjaba kene mbuso kuti ndowoubaka kakale aulima, 10 ngono ha ungathama bubi mu mesho angu usingahwe hwi langu, ipapo ndowoshandula nkumbulo wangu wekuthama bubuya gwandabe ndakazwimisila kuguthamila iwo. 11 Ndizo ngwenu idwa balume be Juda ne bagali be Jerusalema uti, ‘Yahwe bakati, “Bonani ndolulwamisa bubi gwakamulingisana, ndomubumbila nkumbulo we kumuloba shamu. Shandukani, mmwe ne mmwe wenyu mu mipanga iye mibiibi ngono mululwamise zila dzenyu ne zwiyito zwenyu.” ’
12 “Koga banoti, ‘Akutobhatsha! Towotobela ndongoloso dzedu kakale mmwe ne mmwe unowothama kuyendidzana ne bukomba gwe bubi gwe moyo uwe.’
13 “Ndizo Yahwe bakati,
‘Bhuzwani mu zwitjaba
kuti ndiani wakatongohwa ngekwa ikoko?
Mwanadi Iziraela,
wathama tjithu tjakabipa kwazo.
14 Apa kapuku ye Lebanoni
inganyawukila pakakungulukila kuna mabgwe kene?
Apa vula dzinotothola kudwa ku matombo akule dzosoma kuwunga kene?
15 Koga bathu bangu bakandikangang'wa,
banopisila midzimu ye manyepkhwa motsha,
kwakayita kuti bakuthiwe mu zila dzabo,
ne mu zila dzabo hwulukugwe.
Yakabathama kuti batjekeledze,
mu zila dzisakabakwa.
16 Shango yabo inowothukudziwa,
ikabe tjithu tjinoshinyatiwa nge kusingapele.
Mmwe ne mmwe unopinda nayo unowokaabala,
kazunguza nsholo uwe.
17 Se phepo ye bhezhuba ndowobapaladza,
mbeli kwe tjita.
Ndowobalakidza itiko tjangu kusi buso gwangu,
mu zhuba le mbatsha dzabo.’ ”
18 Ipapo banowoti, “ ‘Izhani, ngati lukileni Jeremiya gwanga, ngoti zwidiyo zwe nlayo azwingalashiwe ne bapirisiti kene goko le batjenjedu kene dama le balebesambeli. Ndizo buyani ngati n'nginilileni nge ndimi dzedu tisibhulutane ndodwa ne tjimwe tjaanoleba.’ ”
19 Munditeedze imwi Yahwe,
ihwani tjinolebgwa ne banyanyayidzi bangu.
20 Apa bubuya gwakafanila lipiwa nge bubi kene?
Koga banditshila gomba.
Kumbulani kuti ndakatongoma mbeli kwenyu,
alebeleka mu bumo gwabo,
shandusani bushongola gwenyu mubali.
21 Ndizo tjidzani bana babo mu bhamba,
mubalonge mu simba le thumo,
bakadzi babo ngabashete mbeleko kakale babe tjilikadzi.
Balume babo babulawe nge bugwele.
Bazhuzha babo babulawe nge thumo mu ngwa.
22 Tjililo ngatjihwike tjidwa mu ng'umba dzabo,
tjinyolotjo amuzhisa banginilili ku bali,
ngoti bakatsha gomba kundibhatshila
bakasumbika zwibhatshili kubhatshila makumbo angu.
23 Koga imwi moziba imwi Yahwe,
mikumbulo yabo yose ye kundibulaya.
Musibazwiibhatigwe matjinyo abo,
kene kuli kubukusha tjibi tjabo pa mesho enyu.
Ngabakandalale mbeli kwenyu,
mubathame saikoku nge tjibaka tje kugwadzamoyo kwenyu.
Mbumbi we hali
1 Dama lakazha kuna Jeremiya lidwa kuna Yahwe liti, 2 “Milika, yenda ku ng'umba ye mbumbi we hali, ikoko ndowothama kuti uhwe matama angu.” 3 Ndizo ndakadelukila ku ng'umba ye mbumbi we hali,Mbumbi we hali ndikaswika ndiwana ebumbila pa gumbgwana lile linobumba. 4 Ngono abona hali yaakabe ebumba ipkhwanyikila mu maboko awe ngono kaibumba kakale ikabe hali ipoga, eibumba kudzina ebona yanlulwamila.
5 Ipapo dama la Yahwe lakazha kundili liti, 6 “Iwe ng'umba ye Iziraela apa andingamuthame sekwa mbumbi we hali athama kene? Kojalo Yahwe. Bonani koga se ntapkhwi umu maboko e mbumbi namwibo makajalo mu maboko angu imwi ng'umba ye Iziraela. 7 Ha ndingati ne tjimwe tjibaka ha leba ngekwe itjaba kene mbuso kuti ndowoutshindunula aupkhwanya aukolomola, 8 ngono ha itjaba itjetjo tjandaleba nge kwatjo tjingashandukila bubi gwatjo, ndowoshandula nkumbulo we bubi gwandabe nditi ndoguthamila itjo. 9 Ha ndingati ne tjimwe tjibaka ha leba ngekwe itjaba kene mbuso kuti ndowoubaka kakale aulima, 10 ngono ha ungathama bubi mu mesho angu usingahwe hwi langu, ipapo ndowoshandula nkumbulo wangu wekuthama bubuya gwandabe ndakazwimisila kuguthamila iwo. 11 Ndizo ngwenu idwa balume be Juda ne bagali be Jerusalema uti, ‘Yahwe bakati, “Bonani ndolulwamisa bubi gwakamulingisana, ndomubumbila nkumbulo we kumuloba shamu. Shandukani, mmwe ne mmwe wenyu mu mipanga iye mibiibi ngono mululwamise zila dzenyu ne zwiyito zwenyu.” ’
12 “Koga banoti, ‘Akutobhatsha! Towotobela ndongoloso dzedu kakale mmwe ne mmwe unowothama kuyendidzana ne bukomba gwe bubi gwe moyo uwe.’
13 “Ndizo Yahwe bakati,
‘Bhuzwani mu zwitjaba
kuti ndiani wakatongohwa ngekwa ikoko?
Mwanadi Iziraela,
wathama tjithu tjakabipa kwazo.
14 Apa kapuku ye Lebanoni
inganyawukila pakakungulukila kuna mabgwe kene?
Apa vula dzinotothola kudwa ku matombo akule dzosoma kuwunga kene?
15 Koga bathu bangu bakandikangang'wa,
banopisila midzimu ye manyepkhwa motsha,
kwakayita kuti bakuthiwe mu zila dzabo,
ne mu zila dzabo hwulukugwe.
Yakabathama kuti batjekeledze,
mu zila dzisakabakwa.
16 Shango yabo inowothukudziwa,
ikabe tjithu tjinoshinyatiwa nge kusingapele.
Mmwe ne mmwe unopinda nayo unowokaabala,
kazunguza nsholo uwe.
17 Se phepo ye bhezhuba ndowobapaladza,
mbeli kwe tjita.
Ndowobalakidza itiko tjangu kusi buso gwangu,
mu zhuba le mbatsha dzabo.’ ”
18 Ipapo banowoti, “ ‘Izhani, ngati lukileni Jeremiya gwanga, ngoti zwidiyo zwe nlayo azwingalashiwe ne bapirisiti kene goko le batjenjedu kene dama le balebesambeli. Ndizo buyani ngati n'nginilileni nge ndimi dzedu tisibhulutane ndodwa ne tjimwe tjaanoleba.’ ”
19 Munditeedze imwi Yahwe,
ihwani tjinolebgwa ne banyanyayidzi bangu.
20 Apa bubuya gwakafanila lipiwa nge bubi kene?
Koga banditshila gomba.
Kumbulani kuti ndakatongoma mbeli kwenyu,
alebeleka mu bumo gwabo,
shandusani bushongola gwenyu mubali.
21 Ndizo tjidzani bana babo mu bhamba,
mubalonge mu simba le thumo,
bakadzi babo ngabashete mbeleko kakale babe tjilikadzi.
Balume babo babulawe nge bugwele.
Bazhuzha babo babulawe nge thumo mu ngwa.
22 Tjililo ngatjihwike tjidwa mu ng'umba dzabo,
tjinyolotjo amuzhisa banginilili ku bali,
ngoti bakatsha gomba kundibhatshila
bakasumbika zwibhatshili kubhatshila makumbo angu.
23 Koga imwi moziba imwi Yahwe,
mikumbulo yabo yose ye kundibulaya.
Musibazwiibhatigwe matjinyo abo,
kene kuli kubukusha tjibi tjabo pa mesho enyu.
Ngabakandalale mbeli kwenyu,
mubathame saikoku nge tjibaka tje kugwadzamoyo kwenyu.