Kubgwilizigwa Iziraela
1 Dama lakazha kuna Jeremiya lidwa kuna Yahwe liti, 2 “Yahwe Ndzimu we Iziraela bakati, ‘Kwala mu lukwalo matama wose andakakubudza. 3 Ngoti bona, mazhuba aswika,’ kojalo Yahwe, ‘andinowobgwiliza fumwa ye bathu bangu Baiziraela ne Bajuta,’ kojalo Yahwe, ‘ndowobabgwiliza ku shango yandakapa bobatategulu babo ngono banowoithuwa.’ ”
4 Awa matama akalebgwa ndi Yahwe ngekwe Iziraela ne Juda:
5 “Yahwe bakati,
Takahwa tjililo tje kupaluka moyo,
tje kudziyidzika ne kusabe ne mbakiso.
6 Bhuzwisisani, mubone,
apa nlume wakatongo zwala kene?
Ini ngono ndibona nlume mmwe ne mmwe,
akabhata thunji se nkadzi umu zwibhayo kene?
Ini njiso dzose dzakafubala kene?
7 Yee mme wee zhuba ilelo lotjisa seni!
Akuna linonga ilo,
tjibaka tje buyendasi gwa Jakubo,
koga unowotjidziwa mu guli.
8 “Ngono mu zhuba ilelo, koleba Yahwe Masimbawose, kuti imi ndowovuna jokwi mu mitshibha yabo kakale ndowopalula misungo yabo, bataya abatjawobathama balanda. 9 Koga banowoshingila Yahwe Ndzimu wabo na Dafite mambo wabo, wandinowobamusila ibo.
10 “Ndizo usitje iwe Jakubo nlanda wangu, koleba Yahwe,
kene kuli kutemeka mafupa iwe Iziraela,
ngoti bona, ndowokutjidza ikoko kulekule,
ne zwizekugwana zwizo mu shango ye butapiwa gwabo.
Jakubo unowobgwilila kabe ne mbakiso ne mbakililiko,
akuna unowon'thama kuti atje.
11 Ndinawe, ndowokutjidza,
koleba Yahwe.
Nenguba ndingalobesa zwitjaba zose,
zwawakapalalila kuzwili,
koga iwe andingakulobese.
Ndowokutjemela kwakalizanila,
andingakuletjedze ukayenda koga usalobgwa shamu.
12 “Ngoti Yahwe banoleba beti,
Banga lilo ate linolapika,
hwubadzi dzidzo ate dzinopola.
13 Akuna unoteedzesa ndebo iyo,
akuna nti we banga lilo,
bhodzo alipo mukuli.
14 Badiwa babo bose bakakukangang'wa,
abana hanya nawe,
ngoti ndakakuloba sekwa tjita tjingathama,
ndakakuloba shamu se una moyo nkukutu,
ngoti jinyo lilo ligulu kwazo,
ngoti zwibi zwizo zwinjinji kwazo.
15 Ini ulilila banga lilo,
zogwadza zwizo zwisina ndapo kene?
Ngekwe jinyo lilo gulu ne zwibi zwizo zwinjinji,
ndakakuthamila zwithu izwezwi.
16 “Koga bose banokujila banowojiwa bo,
zwita zwizo zose zowotapiwa.
Bose banokutolela banowotolegwa bo,
bose banokukwibila ndowobapa batoleli bo.
17 Ngoti ndowokubgwilizila mamuko awo,
apodza mabanga awo, koleba Yahwe,
ngoti unodang'wa wakatatiwa,
Ziyoni iye usina una hanya nayo!
18 “Yahwe banolebeleka bakati,
Bonani ndowobgwiliza fumwa ye mishasha ya Jakubo,
abe ne ngoni mu magalo awe,
nzi nkulu unowomusiwa mu matongo awo,
ng'umba ye bushe inowoma mu bugalo gwawo gwakalingisana.
19 Pakati kwabo kowohwika njimbo dze mboko,
ne mahwi a ibabo bakashatha.
Ndowobawatsha, abatowobe bashomanana,
ndowothama kuti bakudziwe, abatowobe balingigwa pasi.
20 Bana babo banowonga koga ntolo,
gubungano labo lowomisiwa mbeli kwangu,
ndowoloba shamu bose banobatshambilidza.
21 Ntungamili wabo unowobe mmwe we bakanyi kwabo,
nlauli wabo unowobhuda pakati kwabo,
ndowon'sedzedza pejo, unowozha pejo nami,
ngoti ndiani ungabe ne tjilopa kandisedzela?
Koleba Yahwe.22 “Ndizo mowobe bathu bangu,
ndowobe Ndzimu wenyu.”
23 Bonani dutu la Yahwe!
Bushongola gunothuta,
tjampupudze tjinotjisa tjowowuwudza
mu misholo ye babiibi.
24 Zogwadza zwakabangalala zwa Yahwe azwitowobgwilila shule,
kudzina bashingikadza kakale bawidza zwabazwimisila shinga mu nkumbulo wabo.
Mu mazhuba anozha,
mowohwisisa ikoku.
Kubgwilizigwa Iziraela
1 Dama lakazha kuna Jeremiya lidwa kuna Yahwe liti, 2 “Yahwe Ndzimu we Iziraela bakati, ‘Kwala mu lukwalo matama wose andakakubudza. 3 Ngoti bona, mazhuba aswika,’ kojalo Yahwe, ‘andinowobgwiliza fumwa ye bathu bangu Baiziraela ne Bajuta,’ kojalo Yahwe, ‘ndowobabgwiliza ku shango yandakapa bobatategulu babo ngono banowoithuwa.’ ”
4 Awa matama akalebgwa ndi Yahwe ngekwe Iziraela ne Juda:
5 “Yahwe bakati,
Takahwa tjililo tje kupaluka moyo,
tje kudziyidzika ne kusabe ne mbakiso.
6 Bhuzwisisani, mubone,
apa nlume wakatongo zwala kene?
Ini ngono ndibona nlume mmwe ne mmwe,
akabhata thunji se nkadzi umu zwibhayo kene?
Ini njiso dzose dzakafubala kene?
7 Yee mme wee zhuba ilelo lotjisa seni!
Akuna linonga ilo,
tjibaka tje buyendasi gwa Jakubo,
koga unowotjidziwa mu guli.
8 “Ngono mu zhuba ilelo, koleba Yahwe Masimbawose, kuti imi ndowovuna jokwi mu mitshibha yabo kakale ndowopalula misungo yabo, bataya abatjawobathama balanda. 9 Koga banowoshingila Yahwe Ndzimu wabo na Dafite mambo wabo, wandinowobamusila ibo.
10 “Ndizo usitje iwe Jakubo nlanda wangu, koleba Yahwe,
kene kuli kutemeka mafupa iwe Iziraela,
ngoti bona, ndowokutjidza ikoko kulekule,
ne zwizekugwana zwizo mu shango ye butapiwa gwabo.
Jakubo unowobgwilila kabe ne mbakiso ne mbakililiko,
akuna unowon'thama kuti atje.
11 Ndinawe, ndowokutjidza,
koleba Yahwe.
Nenguba ndingalobesa zwitjaba zose,
zwawakapalalila kuzwili,
koga iwe andingakulobese.
Ndowokutjemela kwakalizanila,
andingakuletjedze ukayenda koga usalobgwa shamu.
12 “Ngoti Yahwe banoleba beti,
Banga lilo ate linolapika,
hwubadzi dzidzo ate dzinopola.
13 Akuna unoteedzesa ndebo iyo,
akuna nti we banga lilo,
bhodzo alipo mukuli.
14 Badiwa babo bose bakakukangang'wa,
abana hanya nawe,
ngoti ndakakuloba sekwa tjita tjingathama,
ndakakuloba shamu se una moyo nkukutu,
ngoti jinyo lilo ligulu kwazo,
ngoti zwibi zwizo zwinjinji kwazo.
15 Ini ulilila banga lilo,
zogwadza zwizo zwisina ndapo kene?
Ngekwe jinyo lilo gulu ne zwibi zwizo zwinjinji,
ndakakuthamila zwithu izwezwi.
16 “Koga bose banokujila banowojiwa bo,
zwita zwizo zose zowotapiwa.
Bose banokutolela banowotolegwa bo,
bose banokukwibila ndowobapa batoleli bo.
17 Ngoti ndowokubgwilizila mamuko awo,
apodza mabanga awo, koleba Yahwe,
ngoti unodang'wa wakatatiwa,
Ziyoni iye usina una hanya nayo!
18 “Yahwe banolebeleka bakati,
Bonani ndowobgwiliza fumwa ye mishasha ya Jakubo,
abe ne ngoni mu magalo awe,
nzi nkulu unowomusiwa mu matongo awo,
ng'umba ye bushe inowoma mu bugalo gwawo gwakalingisana.
19 Pakati kwabo kowohwika njimbo dze mboko,
ne mahwi a ibabo bakashatha.
Ndowobawatsha, abatowobe bashomanana,
ndowothama kuti bakudziwe, abatowobe balingigwa pasi.
20 Bana babo banowonga koga ntolo,
gubungano labo lowomisiwa mbeli kwangu,
ndowoloba shamu bose banobatshambilidza.
21 Ntungamili wabo unowobe mmwe we bakanyi kwabo,
nlauli wabo unowobhuda pakati kwabo,
ndowon'sedzedza pejo, unowozha pejo nami,
ngoti ndiani ungabe ne tjilopa kandisedzela?
Koleba Yahwe.22 “Ndizo mowobe bathu bangu,
ndowobe Ndzimu wenyu.”
23 Bonani dutu la Yahwe!
Bushongola gunothuta,
tjampupudze tjinotjisa tjowowuwudza
mu misholo ye babiibi.
24 Zogwadza zwakabangalala zwa Yahwe azwitowobgwilila shule,
kudzina bashingikadza kakale bawidza zwabazwimisila shinga mu nkumbulo wabo.
Mu mazhuba anozha,
mowohwisisa ikoku.