Madzu mabili ne nzhambi
1 Dama la Yahwe lakazha kundili liti, 2 “Nkololo we nthu, tengela ikalabe utjifananye ne bathu be Iziraela 3 uti ku bali, ‘Tjinolebgwa ndi She Yahwe ndietji, dzu gulugulu lina mapapilo makulu ne misiba milefu ne misibana minjinji ina mibala yakasiyana lakazha ku Lebanoni. Likatola theswi dze nsida Dzu gulu 4 likathubula theswi ye lutabi. Likayisenga likayenda nayo ku shango ye baseenyi kwalakaswika liidzwala.
5 “ ‘Ngono likatola imwe ye mbewu mu shango likaidzwala mu mavu akakola. Likaidzikila pana vula njinji se lutabi gwe wilo. 6 Yakamela ikabe n'dapkhwi ukatandabala ukapasha, koga uli tjapasi. Thabi dzawo dzikashanduka dzikalinga kulili, koga midzi ikasala pawakamela. Ndizo ukatandabala, ukabe ne thabi dzina mazhani.
7 “ ‘Koga kwakabe kuna limwe dzu gulugulu lina mapapilo makulu ne misiba minjinji. Ngono nti iwoyu ukatambunudzila midzi yawo kulili. Thabi dzinomela ukadzilingisa kulili kuti liwudilidzile. 8 Wakadzikigwa mu mavu akakola pana vula njinji kuti ube ne thabi, uzwale mitjelo ube nti mbuya.’
9 “Ubadwe uti, ‘Tjinolebgwa ndi She Yahwe etji, Apa unowobhudilila kene? Apa autowosimugwa mitjelo yawo ikapuluka ikawoma, thabi ne mazhani kukawoma kene? Unosimugwa nge bulelu kusina simba limwe linoshingisiwa kene bathu banjinji kuusimula. 10 Nenguba ungadzikigwa apa ungatjila kene? Phepo ye kubhezhuba ayitowoti iwuloba ukawoma, uwomela pawakakulila kene?’ ”
Ifano tjotjenesiwa
11 Ipapo dama la Yahwe likazha kundili liti, 12 “Idwa bapanduki ibaba uti, ‘Apa amutoziba kuti zwithu izwezwi zodwani kene?’ Ubabudze uti, ‘Mambo we Bhabhiloni wakazha ku Jerusalema, katola mambo wayo ne makombgwa ayo kabgwilila nabo ku Bhabhiloni. 13 Ipapo katola mmwe we ng'umba ye bumambo ngono kathama tjidumano naye ngekuntunisa. Batungamili be shango naibo kabasenga kayenda nabo, 14 kuthama kuti bumambo guwile pasi, gusitongo milika gutjile koga nge kulondolodza tjidumano. 15 Koga mambo kampandukila nge kutuma bamilili babe ku Egipiti kuti abhatshiwe nge ngwa hwulu. Apa unowatshika kene? Apa iye unothama zwithu zwakajali unowophunyuka kene? Ungatjinya tjidumano ngono kaphunyuka kene? 16 Nge malebeswa se nditjila, koleba She Yahwe, unowofila mu Bhabhiloni, mu shango ya mambo wakan'gadza pa tjigalo tje bumambo, waakalengudza kutuna kukwe, waakatjinya tjidumano tjitje. 17 Faro ne ngwa iye yakasima ne bunjinji gwaanago abatowobe ne bhatsho kunli tjibaka tjinowobe kubakiwa makuma e ngwa kupoteleka ne guma lipkhwanyiwa. 18 Wakalengudza kutuna kukwe katjinya tjidumano. Nge kuti wakabe azwimisila kulondolodza tjidumano ngono koga kabe ethama zwithu zose izwezwi, aangaphunyuke.
19 “ ‘Ndizo She Yahwe bakati, Nge malebeswa senditjila ndowonkhiga kutuna kwangu kwaakalengudza ne tjidumano tjangu tjaakatjinya. 20 Ndowon'walila gwanga gwangu, ngono unowobhatshigwa nge dati langu. Ndowonzhisa ku Bhabhiloni ndibe ndi nsumikilisila ko nge kuti aatogalikabgwe kundili. 21 Babhayani babe bose banotizha banowoligwa nge thumo, batjila banowopalala nge mbizho dzose. Ndiko kwaanowoziba kuti ndimi Yahwe ndakaleba.
Ndzimu unogadzabgwe Iziraela
22 “ ‘Tjinoleba She Yahwe etjetji,
“ ‘Imi nge kwangu ndowotola lutabi gwathinila
mu thabi dziku theswi ye nsida
ndibe ndiyidzikila.
Ndowothubula lutabi gutjibutjetjana
mu thabi dzipezhugwizhugwi tjetjana
ndibe ndigudzikila pezhugwi
kwe dombo lefu lakakula.
23 Ndowogudzikila
pezhugwizhugwizhugwi kwe Dombo le Iziraela.
Gowobe ne thabi gukazwala mitjelo,
gukabe nsida mbuya.
Nyuni dze njudzi dzakasiyana dzowobaka mashaka muuli,
dzowowana bugalo mu ntutshi wawo,
zose zwibumbiwa zwina mapapilo.
24 Miti yose mu shango inowoziba
kuti ndimi Yahwe.
Ndowobuzila pasi nti nlefu
athama nti nfupi ukakula ukabe nlefu.
Ndowowomesa nti nnyolo,
athama nti wakawoma ukathinila.
Imi Yahwe ndimi ndaleba
ibile ndowokuthama.’ ”
Madzu mabili ne nzhambi
1 Dama la Yahwe lakazha kundili liti, 2 “Nkololo we nthu, tengela ikalabe utjifananye ne bathu be Iziraela 3 uti ku bali, ‘Tjinolebgwa ndi She Yahwe ndietji, dzu gulugulu lina mapapilo makulu ne misiba milefu ne misibana minjinji ina mibala yakasiyana lakazha ku Lebanoni. Likatola theswi dze nsida Dzu gulu 4 likathubula theswi ye lutabi. Likayisenga likayenda nayo ku shango ye baseenyi kwalakaswika liidzwala.
5 “ ‘Ngono likatola imwe ye mbewu mu shango likaidzwala mu mavu akakola. Likaidzikila pana vula njinji se lutabi gwe wilo. 6 Yakamela ikabe n'dapkhwi ukatandabala ukapasha, koga uli tjapasi. Thabi dzawo dzikashanduka dzikalinga kulili, koga midzi ikasala pawakamela. Ndizo ukatandabala, ukabe ne thabi dzina mazhani.
7 “ ‘Koga kwakabe kuna limwe dzu gulugulu lina mapapilo makulu ne misiba minjinji. Ngono nti iwoyu ukatambunudzila midzi yawo kulili. Thabi dzinomela ukadzilingisa kulili kuti liwudilidzile. 8 Wakadzikigwa mu mavu akakola pana vula njinji kuti ube ne thabi, uzwale mitjelo ube nti mbuya.’
9 “Ubadwe uti, ‘Tjinolebgwa ndi She Yahwe etji, Apa unowobhudilila kene? Apa autowosimugwa mitjelo yawo ikapuluka ikawoma, thabi ne mazhani kukawoma kene? Unosimugwa nge bulelu kusina simba limwe linoshingisiwa kene bathu banjinji kuusimula. 10 Nenguba ungadzikigwa apa ungatjila kene? Phepo ye kubhezhuba ayitowoti iwuloba ukawoma, uwomela pawakakulila kene?’ ”
Ifano tjotjenesiwa
11 Ipapo dama la Yahwe likazha kundili liti, 12 “Idwa bapanduki ibaba uti, ‘Apa amutoziba kuti zwithu izwezwi zodwani kene?’ Ubabudze uti, ‘Mambo we Bhabhiloni wakazha ku Jerusalema, katola mambo wayo ne makombgwa ayo kabgwilila nabo ku Bhabhiloni. 13 Ipapo katola mmwe we ng'umba ye bumambo ngono kathama tjidumano naye ngekuntunisa. Batungamili be shango naibo kabasenga kayenda nabo, 14 kuthama kuti bumambo guwile pasi, gusitongo milika gutjile koga nge kulondolodza tjidumano. 15 Koga mambo kampandukila nge kutuma bamilili babe ku Egipiti kuti abhatshiwe nge ngwa hwulu. Apa unowatshika kene? Apa iye unothama zwithu zwakajali unowophunyuka kene? Ungatjinya tjidumano ngono kaphunyuka kene? 16 Nge malebeswa se nditjila, koleba She Yahwe, unowofila mu Bhabhiloni, mu shango ya mambo wakan'gadza pa tjigalo tje bumambo, waakalengudza kutuna kukwe, waakatjinya tjidumano tjitje. 17 Faro ne ngwa iye yakasima ne bunjinji gwaanago abatowobe ne bhatsho kunli tjibaka tjinowobe kubakiwa makuma e ngwa kupoteleka ne guma lipkhwanyiwa. 18 Wakalengudza kutuna kukwe katjinya tjidumano. Nge kuti wakabe azwimisila kulondolodza tjidumano ngono koga kabe ethama zwithu zose izwezwi, aangaphunyuke.
19 “ ‘Ndizo She Yahwe bakati, Nge malebeswa senditjila ndowonkhiga kutuna kwangu kwaakalengudza ne tjidumano tjangu tjaakatjinya. 20 Ndowon'walila gwanga gwangu, ngono unowobhatshigwa nge dati langu. Ndowonzhisa ku Bhabhiloni ndibe ndi nsumikilisila ko nge kuti aatogalikabgwe kundili. 21 Babhayani babe bose banotizha banowoligwa nge thumo, batjila banowopalala nge mbizho dzose. Ndiko kwaanowoziba kuti ndimi Yahwe ndakaleba.
Ndzimu unogadzabgwe Iziraela
22 “ ‘Tjinoleba She Yahwe etjetji,
“ ‘Imi nge kwangu ndowotola lutabi gwathinila
mu thabi dziku theswi ye nsida
ndibe ndiyidzikila.
Ndowothubula lutabi gutjibutjetjana
mu thabi dzipezhugwizhugwi tjetjana
ndibe ndigudzikila pezhugwi
kwe dombo lefu lakakula.
23 Ndowogudzikila
pezhugwizhugwizhugwi kwe Dombo le Iziraela.
Gowobe ne thabi gukazwala mitjelo,
gukabe nsida mbuya.
Nyuni dze njudzi dzakasiyana dzowobaka mashaka muuli,
dzowowana bugalo mu ntutshi wawo,
zose zwibumbiwa zwina mapapilo.
24 Miti yose mu shango inowoziba
kuti ndimi Yahwe.
Ndowobuzila pasi nti nlefu
athama nti nfupi ukakula ukabe nlefu.
Ndowowomesa nti nnyolo,
athama nti wakawoma ukathinila.
Imi Yahwe ndimi ndaleba
ibile ndowokuthama.’ ”