Iziraela inofupatila Ndzimu
1 Dama la Yahwe lakazha kundili liti,
2 “Yenda unoleba mu zebe dze Jerusalema uti,
‘Yahwe bakati, “Ndokumbula kuzwipa kwe butjetjana gugo
ne ludo gugo gwakabe gunga gwe nlongo,
ugala wakandisala shule mu tjilambanyika,
mu shango isakadzwagwa tjimwe.
3 Iziraela yakabe yakayengemala kuna Yahwe,
ntjelo we kutanga we kuvuna kukwe.
Bose bakabatja bakazwibona nlandu
bubi gukabawila,” ’ ”
koleba Yahwe.
4 Ihwani dama la Yahwe imwi ng'umba ya Jakubo ne misha yose ye ng'umba ye Iziraela. 5 Yahwe bakati,
“Nlandu wakawang'wa ndi bobatategulu benyu mu ndili ndiupi,
wakayita kuti bayendile kule nami,
basale shule midzimu isina bhatsho
ngono bakabe basi betjimwe kundili kene?
6 Abazobhuzwa beti, ‘Yahwe bangayi kene,
ibo bakatidusa mu shango ye Egipiti,
ibo bakatitungamila mu tjilambanyika,
mu shango yakakwakwalala ina makomba,
mu shango ye bhamba ne zhalima demadema,
mu shango isina unoipalama,
kusina nthu unogala muili kene?’
7 Ndakamuzhisa mu shango ye bhokonyogwa,
kuti muje mitjelo yayo na zose zwayo zwakanaka.
Koga makati mungina muili mukatemapadza shango yangu,
mukathama thaka yangu tjinoshimisa.
8 Bapirisiti abazobhuzwa beti, ‘Yahwe bangayi kene?’
Ibo bakabe beshinga nge nlayo bakabe basinga ndizibe,
balauli bakandipandukila,
balebesambeli belebelekelambeli na Bhaale,
bakasala shule midzimu isina bhatsho.
9 “Ndizo ndina ndebo namwi,”
koleba Yahwe.
“Nenge bana be bana benyu ndowobe ne ndebo nabo.
10 Tjulukilani ku tjekelo dze Khitimu mubone,
kene tumani bathu ku Kedari banolingisisa nge njele,
mubone kuti kwakatongobe ne tjakajali kene.
11 Apa itjaba tjakatongo teetshanya midzimu yatjo,
nenguba isi midzimu dumbu kene?
Koga bathu bangu bakateetshanya gudzo labo,
nge midzimu isina bhatsho.
12 Kaabalani imwi mazhuzhugwi ngekwa itjetji,
Lobgwani ne hana musale musina mate,”
koleba Yahwe.
13 “Ngoti bathu bangu bathama zwibi zwibili,
bakandifupatila,
imi tshime le vula ye butjilo,
bakazwitshila matshime abo,
matshime ana mikhwe asingabhate vula.
14 “Apa Iziraela i nlanda kene?
Apa wakazwaligwa mu bulanda kene?
Ini ngono abe thundu inotapiwa?
15 Shumba dzakambombela,
dzakabombela pezhugwi.
Dzakathama kuti shango iye ithukudzike,
mizi mikulu iye matongo asina bagali.
16 Pezhugwi kwa ipapo balume be Memifisi ne Tahefanesi
bakapkhwanya ipepe tje nsholo uwo.
17 Apa amuzozwizhisila itjetji pezhugwi kwenyu,
nge kufupatila Yahwe Ndzimu wenyu,
tjibaka tjabakabe bakamutungamila mu zila kene?
18 Ngwenu mobuyigwa ngeni kuyenda ku Egipiti,
kunong'wa vula dze Naili kene?
Kene mobuyigwa ngeni ngoyenda ku Asiriya
kunong'wa vula dze Yufuratesi kene?
19 Bubi gwenyu gowomuloba shamu,
kuzwilasha kwenyu kowomutjemela.
Zibani kakale bonani kuti kwakabipa kakale kobaba
kufupatila She Yahwe wenyu,
kunditja akupo mu muli,”
koleba Yahwe Ndzimu Masimbawose.
20 “Ngoti kwatjibe tjibaka makavuna jokwi lenyu
makathubula misungo yenyu,
ngono muti, ‘Atitowomushingila.’
Ee, mu duthu limwe ne limwe lefulefu,
ne kusi kwe miti mimwe ne mimwe mitala
mukalala pasi se fukula.
21 Ngono imi ndakamudzwala muli nzhambi mbuyanana,
muli mbewu yakanaka dumbu.
Kwakazha tjini kuti mundishandukile mube bakabola
mube nzhambi we shango kene?
22 Nenguba mungula nge isipa
mukashingisa isipa tjinjinji,
kubasa kwe jinyo lenyu kutji mbeli kwangu,
koleba She Yahwe.
23 Mungaleba tjini wali muti, ‘Atizotemapala
atizotobela bo Bhaale?’
Bonani kuti makazwibhata tjini ku nkuku,
bonani zwamakathama,
monga kamela hadzi,
inolabuka iyenda yeno na yeno itjuluka zila ishaka ndume,
24 monga donki tje shango tjakawolobela tjilambanyika,
tjinuhwidza phepo tjikwiyigwa,
ndiyani ungadziba njemulo dzatjo wali?
Bose banotjishaka akuna unozwinyadza nge kwatjo,
mu tjibaka tje kukwiyigwa banowotjibona.
25 Musitizhe kudzina matshambo enyu esubuka
ne hwulo dzenyu dzikawomelela nge nyota.
Koga makati, ‘Akutobhatsha,
ngoti takada midzimu ipoga,
ngono towoitobela.’
26 “Koga se mbava inobhakhwa nge shoni yabhakhwa
ne ng'umba ye Iziraela bo inobhakhwa nge shoni,
ibo na bomambo babo ne makulukota abo
ne bapirisiti babo ne balebesambeli babo,
27 ibo banoti ku guni, ‘U tate bedu,’
ku bgwe bakati, ‘Makatizwala,’
ngoti bakandifupatila
pana kuti bashandukile kundili,
koga abali mu mang'oni banoti,
‘Milikani mutitjidze!’
28 Midzimu yenyu ingayi,
iyo yamakazwithamila kene?
Ngaimilike ha ingamutjidza,
mu tjibaka tje mang'oni enyu,
ngoti koga se bunji gwe mizi yenyu
ne midzimu yenyu minji bo, imwi Bajuda.
29 “Ini mung'ong'ola nge kwangu?
Makandipandukila,
koleba Yahwe.
30 “Bana benyu ndakabalobela suli,
abazo tjemeleka,
mathumo enyu anolobesa balebesambeli benyu
se shumba inozandabula.
31 Koga tjizekugwana ndimwi bhulutanani dama la Yahwe.
Apa ndakatongobe tjilambanyika ku Iziraela kene,
kene abe shango ye ishaka tjakati tshi?
Ngono ini bathu bangu beti, ‘Takasununguka,
atingazhe kumuli kene?’
32 Apa mwanadi ungakangang'wa zwizholo zwizwe,
kene nlongo thako iye ye ndobolo kene?
Bathu bangu bakandikangang'wa,
kwe mazhuba asina mbalo.
33 “Moziba seni zila yenyu yekushaka ludo
bakadzi be zwinyanya bangazwidiya mu muli.
34 Ne mu zwiambalo zwenyu kowanika
malopa e bashayi basina nlandu,
koga musakabawana bepkhwanya ng'umba,
ne kwakajalo,
35 moti, ‘Atina nlandu,
nge malebeswa gwadzamoyo kwabo kwashanduka patili.’
Bonani, ndowomuzhisa kuti musumikilisiwe,
ngoti makati, ‘Amuzo thama tjibi.’
36 Ini mugala mushandula zila dzenyu tjinyolotjo?
Mowobhatisiwa shoni ne Egipiti
sekwa makabhatisiwa shoni ne Asiriya.
37 Ne muili mowobhuda koga,
makasenga maboko mu misholo yenyu,
ngoti Yahwe balamba ibabo bamunogalabgwe,
ngono amutowobhudilila nge kwabo.
Iziraela inofupatila Ndzimu
1 Dama la Yahwe lakazha kundili liti,
2 “Yenda unoleba mu zebe dze Jerusalema uti,
‘Yahwe bakati, “Ndokumbula kuzwipa kwe butjetjana gugo
ne ludo gugo gwakabe gunga gwe nlongo,
ugala wakandisala shule mu tjilambanyika,
mu shango isakadzwagwa tjimwe.
3 Iziraela yakabe yakayengemala kuna Yahwe,
ntjelo we kutanga we kuvuna kukwe.
Bose bakabatja bakazwibona nlandu
bubi gukabawila,” ’ ”
koleba Yahwe.
4 Ihwani dama la Yahwe imwi ng'umba ya Jakubo ne misha yose ye ng'umba ye Iziraela. 5 Yahwe bakati,
“Nlandu wakawang'wa ndi bobatategulu benyu mu ndili ndiupi,
wakayita kuti bayendile kule nami,
basale shule midzimu isina bhatsho
ngono bakabe basi betjimwe kundili kene?
6 Abazobhuzwa beti, ‘Yahwe bangayi kene,
ibo bakatidusa mu shango ye Egipiti,
ibo bakatitungamila mu tjilambanyika,
mu shango yakakwakwalala ina makomba,
mu shango ye bhamba ne zhalima demadema,
mu shango isina unoipalama,
kusina nthu unogala muili kene?’
7 Ndakamuzhisa mu shango ye bhokonyogwa,
kuti muje mitjelo yayo na zose zwayo zwakanaka.
Koga makati mungina muili mukatemapadza shango yangu,
mukathama thaka yangu tjinoshimisa.
8 Bapirisiti abazobhuzwa beti, ‘Yahwe bangayi kene?’
Ibo bakabe beshinga nge nlayo bakabe basinga ndizibe,
balauli bakandipandukila,
balebesambeli belebelekelambeli na Bhaale,
bakasala shule midzimu isina bhatsho.
9 “Ndizo ndina ndebo namwi,”
koleba Yahwe.
“Nenge bana be bana benyu ndowobe ne ndebo nabo.
10 Tjulukilani ku tjekelo dze Khitimu mubone,
kene tumani bathu ku Kedari banolingisisa nge njele,
mubone kuti kwakatongobe ne tjakajali kene.
11 Apa itjaba tjakatongo teetshanya midzimu yatjo,
nenguba isi midzimu dumbu kene?
Koga bathu bangu bakateetshanya gudzo labo,
nge midzimu isina bhatsho.
12 Kaabalani imwi mazhuzhugwi ngekwa itjetji,
Lobgwani ne hana musale musina mate,”
koleba Yahwe.
13 “Ngoti bathu bangu bathama zwibi zwibili,
bakandifupatila,
imi tshime le vula ye butjilo,
bakazwitshila matshime abo,
matshime ana mikhwe asingabhate vula.
14 “Apa Iziraela i nlanda kene?
Apa wakazwaligwa mu bulanda kene?
Ini ngono abe thundu inotapiwa?
15 Shumba dzakambombela,
dzakabombela pezhugwi.
Dzakathama kuti shango iye ithukudzike,
mizi mikulu iye matongo asina bagali.
16 Pezhugwi kwa ipapo balume be Memifisi ne Tahefanesi
bakapkhwanya ipepe tje nsholo uwo.
17 Apa amuzozwizhisila itjetji pezhugwi kwenyu,
nge kufupatila Yahwe Ndzimu wenyu,
tjibaka tjabakabe bakamutungamila mu zila kene?
18 Ngwenu mobuyigwa ngeni kuyenda ku Egipiti,
kunong'wa vula dze Naili kene?
Kene mobuyigwa ngeni ngoyenda ku Asiriya
kunong'wa vula dze Yufuratesi kene?
19 Bubi gwenyu gowomuloba shamu,
kuzwilasha kwenyu kowomutjemela.
Zibani kakale bonani kuti kwakabipa kakale kobaba
kufupatila She Yahwe wenyu,
kunditja akupo mu muli,”
koleba Yahwe Ndzimu Masimbawose.
20 “Ngoti kwatjibe tjibaka makavuna jokwi lenyu
makathubula misungo yenyu,
ngono muti, ‘Atitowomushingila.’
Ee, mu duthu limwe ne limwe lefulefu,
ne kusi kwe miti mimwe ne mimwe mitala
mukalala pasi se fukula.
21 Ngono imi ndakamudzwala muli nzhambi mbuyanana,
muli mbewu yakanaka dumbu.
Kwakazha tjini kuti mundishandukile mube bakabola
mube nzhambi we shango kene?
22 Nenguba mungula nge isipa
mukashingisa isipa tjinjinji,
kubasa kwe jinyo lenyu kutji mbeli kwangu,
koleba She Yahwe.
23 Mungaleba tjini wali muti, ‘Atizotemapala
atizotobela bo Bhaale?’
Bonani kuti makazwibhata tjini ku nkuku,
bonani zwamakathama,
monga kamela hadzi,
inolabuka iyenda yeno na yeno itjuluka zila ishaka ndume,
24 monga donki tje shango tjakawolobela tjilambanyika,
tjinuhwidza phepo tjikwiyigwa,
ndiyani ungadziba njemulo dzatjo wali?
Bose banotjishaka akuna unozwinyadza nge kwatjo,
mu tjibaka tje kukwiyigwa banowotjibona.
25 Musitizhe kudzina matshambo enyu esubuka
ne hwulo dzenyu dzikawomelela nge nyota.
Koga makati, ‘Akutobhatsha,
ngoti takada midzimu ipoga,
ngono towoitobela.’
26 “Koga se mbava inobhakhwa nge shoni yabhakhwa
ne ng'umba ye Iziraela bo inobhakhwa nge shoni,
ibo na bomambo babo ne makulukota abo
ne bapirisiti babo ne balebesambeli babo,
27 ibo banoti ku guni, ‘U tate bedu,’
ku bgwe bakati, ‘Makatizwala,’
ngoti bakandifupatila
pana kuti bashandukile kundili,
koga abali mu mang'oni banoti,
‘Milikani mutitjidze!’
28 Midzimu yenyu ingayi,
iyo yamakazwithamila kene?
Ngaimilike ha ingamutjidza,
mu tjibaka tje mang'oni enyu,
ngoti koga se bunji gwe mizi yenyu
ne midzimu yenyu minji bo, imwi Bajuda.
29 “Ini mung'ong'ola nge kwangu?
Makandipandukila,
koleba Yahwe.
30 “Bana benyu ndakabalobela suli,
abazo tjemeleka,
mathumo enyu anolobesa balebesambeli benyu
se shumba inozandabula.
31 Koga tjizekugwana ndimwi bhulutanani dama la Yahwe.
Apa ndakatongobe tjilambanyika ku Iziraela kene,
kene abe shango ye ishaka tjakati tshi?
Ngono ini bathu bangu beti, ‘Takasununguka,
atingazhe kumuli kene?’
32 Apa mwanadi ungakangang'wa zwizholo zwizwe,
kene nlongo thako iye ye ndobolo kene?
Bathu bangu bakandikangang'wa,
kwe mazhuba asina mbalo.
33 “Moziba seni zila yenyu yekushaka ludo
bakadzi be zwinyanya bangazwidiya mu muli.
34 Ne mu zwiambalo zwenyu kowanika
malopa e bashayi basina nlandu,
koga musakabawana bepkhwanya ng'umba,
ne kwakajalo,
35 moti, ‘Atina nlandu,
nge malebeswa gwadzamoyo kwabo kwashanduka patili.’
Bonani, ndowomuzhisa kuti musumikilisiwe,
ngoti makati, ‘Amuzo thama tjibi.’
36 Ini mugala mushandula zila dzenyu tjinyolotjo?
Mowobhatisiwa shoni ne Egipiti
sekwa makabhatisiwa shoni ne Asiriya.
37 Ne muili mowobhuda koga,
makasenga maboko mu misholo yenyu,
ngoti Yahwe balamba ibabo bamunogalabgwe,
ngono amutowobhudilila nge kwabo.