Kubgwilila kuna Yahwe kodana kuwatshika
1 “Ngono kowoti zwithu zose izwezwi zwizha ku kuli, makombolelo ne bhiso ileli ilo landakabiga mbeli kuko, ngono ube ulikumbula uli pakati kwe njudzi dzose Yahwe Ndzimu uwo kwabakakutatila, 2 ngono ube ubgwilila kuna Yahwe Ndzimu uwo, iwe ne bana babo ube uhwa hwi labo muna kose kwandinokudwa muna lino zhuba nge moyo uwo wose nenge meya iyo yose, 3 ipapo Yahwe Ndzimu uwo banobuza kuwatshika kuko, banokuhwila ngoni ngono banowokukubunganya kakale kudwa mu bathu bose Yahwe kwabakakupaladzila ko. 4 Nenguba ungabe wakalashigwa ku midzibo ye kudzimu, Yahwe Ndzimu uwo banowokukubunganya kudwa ikoko, banowokutola kudwa ikoko. 5 Ngono Yahwe Ndzimu uwo banowokuzhisa mu shango yakabe ili ya bobatategulu babo kuti ibe iyo ngono banokuthama kuti uwatshike kakale uwande kupinda bobatategulu babo. 6 Yahwe Ndzimu wenyu banowothumbidza moyo uwo ne mimoyo ye bana babo, ndizo kuti ude Yahwe Ndzimu uwo nge moyo uwo wose nenge meya iyo yose kuyita kuti utjile. 7 Ngono Yahwe Ndzimu uwo banowolonga bhiso ileli mu zwita zwizo zwinokudziyidza. 8 Ngono unowohwa hwi la Yahwe kakale ukalondolodza milayo yabo yose yandinokudwa mu zhuba lino. 9 Yahwe Ndzimu uwo banowokuthama kuti uwatshike kwazo mu mishingo yose ye maboko awo, mu ntjelo we mbili uwo ne mu ntjelo we ng'ombe dzidzo ne mu ntjelo we mavu awo ngoti Yahwe banowoshathila kukuwatsha sekwa bakashathila bobatategulu babo, 10 ha uhwa hwi la Yahwe Ndzimu uwo, ulondolodza milayo yabo iyeyi yakakwagwa mu lukwalo igogu gwe nlayo, ha ushandukila kuna Yahwe Ndzimu uwo nge moyo uwo wose nenge meya iyo yose.”
11 “Nlayo iwoyu wandinokupa mu zhuba lino awuzokusimila kwazo, naiko ate uli kulekule nawe. 12 Aute uli kudzimu kwaungati, ‘Ndiyani unowotiyendila pezhugwi kudzimu kanowuzhisa kutili kuti tiwuhwe tiwushinge?’ 13 Nayiko ate uli seli kwe gungwa kwaungati, ‘Ndiyani unowotiambukila gungwa, kauzhisa kutili kuti tiwuhwe tiwushinge?’ 14 Koga dama lipejo nawe kwazo, limu nlomo uwo ne mu moyo uwo kuyita kuti ndizo ulishinge.
15 “Bona, ndabiga mbeli kuko mu zhuba lino bupenyu ne kwakalulwama, lufu ne kwakabipa. 16 Ha ulondolodza nlayo wa Yahwe Ndzimu uwo wandinokupa mu zhuba lino ngoda Yahwe Ndzimu uwo ne kuyenda mu zila dzabo ne kulondolodza milayo yabo, ipapo unowotjila ukawanda ngono Yahwe Ndzimu uwo banowokukombolela mu shango yaunongina kuyitola ibe iyo. 17 Koga ha mungashandusila moyo yenyu ntome, mube musingahwilile, koga mube mupambuka munamata midzimu mimwe muyishingila, 18 ndomubudza mu zhuba lino kuti mowopela, amutowotjila tjibaka tjilefu mu shango yamunotjuluka Jorodani kuyingina ne kuyitola kube yenyu. 19 Ndodana kudzimu ne shango kutendeka nge kwenyu mu zhuba lino kuti ndabiga mbeli kwenyu bupenyu ne lufu, makombolelo ne bhiso, ndizo wali shalula bupenyu kuti iwe ne bana babo mutjile, 20 mude Yahwe Ndzimu wenyu muhwe hwi labo ngono mubanamatile, ngoti ikoko kodwa bupenyu ne mazhuba manjinji, kuyita kuti mugale mu shango Yahwe yabakatuna kuna bobatategulu benyu, bo Abhurahama, na Isaki na Jakubo kubapa iyo.”
Kubgwilila kuna Yahwe kodana kuwatshika
1 “Ngono kowoti zwithu zose izwezwi zwizha ku kuli, makombolelo ne bhiso ileli ilo landakabiga mbeli kuko, ngono ube ulikumbula uli pakati kwe njudzi dzose Yahwe Ndzimu uwo kwabakakutatila, 2 ngono ube ubgwilila kuna Yahwe Ndzimu uwo, iwe ne bana babo ube uhwa hwi labo muna kose kwandinokudwa muna lino zhuba nge moyo uwo wose nenge meya iyo yose, 3 ipapo Yahwe Ndzimu uwo banobuza kuwatshika kuko, banokuhwila ngoni ngono banowokukubunganya kakale kudwa mu bathu bose Yahwe kwabakakupaladzila ko. 4 Nenguba ungabe wakalashigwa ku midzibo ye kudzimu, Yahwe Ndzimu uwo banowokukubunganya kudwa ikoko, banowokutola kudwa ikoko. 5 Ngono Yahwe Ndzimu uwo banowokuzhisa mu shango yakabe ili ya bobatategulu babo kuti ibe iyo ngono banokuthama kuti uwatshike kakale uwande kupinda bobatategulu babo. 6 Yahwe Ndzimu wenyu banowothumbidza moyo uwo ne mimoyo ye bana babo, ndizo kuti ude Yahwe Ndzimu uwo nge moyo uwo wose nenge meya iyo yose kuyita kuti utjile. 7 Ngono Yahwe Ndzimu uwo banowolonga bhiso ileli mu zwita zwizo zwinokudziyidza. 8 Ngono unowohwa hwi la Yahwe kakale ukalondolodza milayo yabo yose yandinokudwa mu zhuba lino. 9 Yahwe Ndzimu uwo banowokuthama kuti uwatshike kwazo mu mishingo yose ye maboko awo, mu ntjelo we mbili uwo ne mu ntjelo we ng'ombe dzidzo ne mu ntjelo we mavu awo ngoti Yahwe banowoshathila kukuwatsha sekwa bakashathila bobatategulu babo, 10 ha uhwa hwi la Yahwe Ndzimu uwo, ulondolodza milayo yabo iyeyi yakakwagwa mu lukwalo igogu gwe nlayo, ha ushandukila kuna Yahwe Ndzimu uwo nge moyo uwo wose nenge meya iyo yose.”
11 “Nlayo iwoyu wandinokupa mu zhuba lino awuzokusimila kwazo, naiko ate uli kulekule nawe. 12 Aute uli kudzimu kwaungati, ‘Ndiyani unowotiyendila pezhugwi kudzimu kanowuzhisa kutili kuti tiwuhwe tiwushinge?’ 13 Nayiko ate uli seli kwe gungwa kwaungati, ‘Ndiyani unowotiambukila gungwa, kauzhisa kutili kuti tiwuhwe tiwushinge?’ 14 Koga dama lipejo nawe kwazo, limu nlomo uwo ne mu moyo uwo kuyita kuti ndizo ulishinge.
15 “Bona, ndabiga mbeli kuko mu zhuba lino bupenyu ne kwakalulwama, lufu ne kwakabipa. 16 Ha ulondolodza nlayo wa Yahwe Ndzimu uwo wandinokupa mu zhuba lino ngoda Yahwe Ndzimu uwo ne kuyenda mu zila dzabo ne kulondolodza milayo yabo, ipapo unowotjila ukawanda ngono Yahwe Ndzimu uwo banowokukombolela mu shango yaunongina kuyitola ibe iyo. 17 Koga ha mungashandusila moyo yenyu ntome, mube musingahwilile, koga mube mupambuka munamata midzimu mimwe muyishingila, 18 ndomubudza mu zhuba lino kuti mowopela, amutowotjila tjibaka tjilefu mu shango yamunotjuluka Jorodani kuyingina ne kuyitola kube yenyu. 19 Ndodana kudzimu ne shango kutendeka nge kwenyu mu zhuba lino kuti ndabiga mbeli kwenyu bupenyu ne lufu, makombolelo ne bhiso, ndizo wali shalula bupenyu kuti iwe ne bana babo mutjile, 20 mude Yahwe Ndzimu wenyu muhwe hwi labo ngono mubanamatile, ngoti ikoko kodwa bupenyu ne mazhuba manjinji, kuyita kuti mugale mu shango Yahwe yabakatuna kuna bobatategulu benyu, bo Abhurahama, na Isaki na Jakubo kubapa iyo.”