Iziraela unogadziwabgwe
1 Kumbilani vula muna Yahwe
mu tjibaka tje vula ye ntovudzo,
ndibo Yahwe banothama lupenyo gwe vula,
ndibo banonisila bathu vula,
bakapa mmwe ne mmwe fulo mu shango.
2 Ngoti midzimu inoleba zwisina wakabona koga,
bakandili banoleba manyepkhwa koga,
banoleba hwope dzisidza tjimwe,
nyaladzo yabo i phepo koga.
Ndizo bathu bedzimila se pkhwizi,
betshambilidziwa ngoti besheta nlisi.
3 Bushongola gwangu gumu balisi,
kakale ndowoloba shamu batungamili,
ngoti Yahwe Masimbawose banowotjengeta pkhwizi dzabo,
iyo ng'umba ye Juda,
unowobathama bakanga mbizi inobilima mu ngwa.
4 Mu Juda kowobhuda bgwe linotambunudza
munli kowobhuda lubambo gwe nshasha,
munli kowobhuda nsebe we ngwa,
munli kowobhuda mbusi mmwe ne mmwe.
5 Bose banowonga balume be babhayani
betshamba bakasima bali mu zijana dze ngwa
ngoti Yahwe banabo,
banowogwa bakakunda bataswi be mbizi dze ngwa.
6 Ndowosimisa ng'umba ya Juda,
kakale ndowotjidza ng'umba ya Josefa.
Ndowobabgwiliza kanyi
ngobe ndina ngoni mu bali.
Banowonga ungati andizotongobasiya
ngobe ndimi Yahwe Ndzimu wabo
kakale ndowobadabila.
7 Baifureimi banowonga balume be ngwa,
ngono mu mimoyo yabo banowoshatha se bakalaladza,
Bana babo banowobona ngono banowobe ne kushatha,
banowoshatha muna Yahwe.
8 Ndowodana bathu bangu,
ngono abakubunganya,
ngono ndowobadzutunula,
abawatsha sekwa bakabe bali iko kutanga.
9 Nenguba ndakabe ndabapaladzila kuna be zwitjaba,
nekwakajalo ku magalo akulekule banowondikumbula.
Ibo ne bana babo banowotjila,
ngono banowobgwilila kanyi.
10 Ndowobadusa mu Egipiti
abakubunganya kudwa mu Asiriya.
Ndowobazhisa ku Giliyadi ne Lebanoni
ngono akutowobe ne magalo anobakwana.
11 Banowotjuluka gungwa gwe mang'oni,
ngono mapundu e gungwa anowotebamisiwa
ne makangina kwazo kwe gwizi gwe Naili kowopkhwa.
Kuzwikudza kwe Asiriya kowopela,
ne simba le Egipiti lowopela.
12 Ndowosimisa bathu bangu muna Yahwe,
ngono nge zina labo banobatobela, koleba Yahwe.
Iziraela unogadziwabgwe
1 Kumbilani vula muna Yahwe
mu tjibaka tje vula ye ntovudzo,
ndibo Yahwe banothama lupenyo gwe vula,
ndibo banonisila bathu vula,
bakapa mmwe ne mmwe fulo mu shango.
2 Ngoti midzimu inoleba zwisina wakabona koga,
bakandili banoleba manyepkhwa koga,
banoleba hwope dzisidza tjimwe,
nyaladzo yabo i phepo koga.
Ndizo bathu bedzimila se pkhwizi,
betshambilidziwa ngoti besheta nlisi.
3 Bushongola gwangu gumu balisi,
kakale ndowoloba shamu batungamili,
ngoti Yahwe Masimbawose banowotjengeta pkhwizi dzabo,
iyo ng'umba ye Juda,
unowobathama bakanga mbizi inobilima mu ngwa.
4 Mu Juda kowobhuda bgwe linotambunudza
munli kowobhuda lubambo gwe nshasha,
munli kowobhuda nsebe we ngwa,
munli kowobhuda mbusi mmwe ne mmwe.
5 Bose banowonga balume be babhayani
betshamba bakasima bali mu zijana dze ngwa
ngoti Yahwe banabo,
banowogwa bakakunda bataswi be mbizi dze ngwa.
6 Ndowosimisa ng'umba ya Juda,
kakale ndowotjidza ng'umba ya Josefa.
Ndowobabgwiliza kanyi
ngobe ndina ngoni mu bali.
Banowonga ungati andizotongobasiya
ngobe ndimi Yahwe Ndzimu wabo
kakale ndowobadabila.
7 Baifureimi banowonga balume be ngwa,
ngono mu mimoyo yabo banowoshatha se bakalaladza,
Bana babo banowobona ngono banowobe ne kushatha,
banowoshatha muna Yahwe.
8 Ndowodana bathu bangu,
ngono abakubunganya,
ngono ndowobadzutunula,
abawatsha sekwa bakabe bali iko kutanga.
9 Nenguba ndakabe ndabapaladzila kuna be zwitjaba,
nekwakajalo ku magalo akulekule banowondikumbula.
Ibo ne bana babo banowotjila,
ngono banowobgwilila kanyi.
10 Ndowobadusa mu Egipiti
abakubunganya kudwa mu Asiriya.
Ndowobazhisa ku Giliyadi ne Lebanoni
ngono akutowobe ne magalo anobakwana.
11 Banowotjuluka gungwa gwe mang'oni,
ngono mapundu e gungwa anowotebamisiwa
ne makangina kwazo kwe gwizi gwe Naili kowopkhwa.
Kuzwikudza kwe Asiriya kowopela,
ne simba le Egipiti lowopela.
12 Ndowosimisa bathu bangu muna Yahwe,
ngono nge zina labo banobatobela, koleba Yahwe.