Kukunda kwa Yahwe
1 Ndiani iwoyu unozha edwa ku Edomu,
unodwa mu nzi nkulu we Bhozira akaambala zwiambalo zwakazhola zwishaba?
Ndiani iwoyu wakaambala bubuya gungapa,
unotshamba akasima mu bukulu gwe matatabuko awe?
“Ndimi ndinozibisa bathu ndulamo, ndina masimba e kutjidza.”
2 Ini zwiambalo zwizo zwili zwishaba,
zwinga zwe nthu unoswina nkumbi we zhambi?
3 “Ndakaswina nkumbi ndili ndoga,
akuna wakabe anami kudwa mu zwitjaba.
Ndakabatshamba ndakagwadza moyo ngono abatshambila pasi nge bushongola,
malopa abo kaphutukila zwiambalo zwangu ngono azhodza zwiambalo zwangu zose.
4 Ngoti zhuba le kubgwilizila lakabe lili mu moyo wangu
ngono gole le kudzutunula lakabe lazha.
5 Ndakalinga ngono kwakabe kusina ne nng'ompela ungabhatsha,
ndakakaabadziwa nge kuti akuna wakandibhatsha,
ndizo luboko gwangu gwakakunda, bushongola gwangu gwakandisimisa.
6 Ndakatshamba njudzi ndakagwadza moyo,
nge bushongola gwangu ndakabathama bakangabakalaladza ngono atebulila malopa abo pasi.”
7 Ndowoleba ngekwe ludo gwa Yahwe gusingazunguzike,
ngekwe mishingo yabakafanila kudzigwa,
kuyendidzana na zose Yahwe zwabakatithamila,
zwithu zwinjinji zwakanaka zwabakathamila bathu be Iziraela,
kuyenda nge mahwilongoni abo nenge ludo gwabo gusingazunguzike.
8 Yahwe bakati, “Nge malebeswa ibaba bathu bangu,
bana basingake bakabe mapitipiti kundili.”
Ndizo Yahwe bakabe Ntjidzi wabo.
9 Mu kudziyila kwabo kose naibo bakadziila nabo,
ngono ntumwa we kudzimu unolakidza buyapo gwawo wakabatjidza.
Mu ludo gwabo nenge ngoni dzabo bakabadzutunula,
bakabamilidza bakababhabha mu misi yose ya ntolo.
10 Nenguba kwakajalo bathu bakapanduka bakahwisa zogwadza Meya Yakayengemala.
Ndizo Yahwe bakashanduka bakabe tjita tjabo
ngono bakagwa nabo ibo tjekwabo.
11 Ngono ipapo bakakumbula tjakashingikala mu mazhuba a ntolo,
mu mazhuba a Mushe ne bathu babe.
Ungayi iye wakabatjuludza gungwa ne nlisi we ngubi?
Ungayi iye wakalonga Meya iye yakayengemala mubali,
12 iye wakayisa luboko gugwe gwe luji guna masimba ku luboko gwe luji gwa Mushe,
iye wakapalalanya vula mbeli kwabo kuzwithamila zina,
13 iye wakabapitsha magalo akangina?
Akuna tjakabakutha, bakasala benga mbizi mu tjilambanyika.
14 Se ng'ombe dzinodelukila mu nkuku,
meya ya Yahwe yakabapa kunyaluluka.
Ndiko sekwa makatungamila bathu benyu kupa zina lenyu gudzo.
15 Lingani pasi muli kudzimu kwamunogala kwakayengemala mubone.
Kuzwimisila kwenyu ne simba lenyu kungayi?
Moyo wenyu nnyolo ne mahwilongoni enyu tazwinyimiwa.
16 Kana mu tate bedu, nenguba Abhurahama asingatizibe na Iziraela asingatiamutjile,
imwi mu Tate bedu, Ndzutunuli wedu zina lenyu lodwa ntolo.
17 Ini wali Yahwe mutithama kuti tipambuke mu zila dzenyu mu kukutadza mimoyo yedu kube kushingikala kuti tisimutje?
Shandukani ngekwe balanda benyu, ngekwe njudzi dzamakathuwa.
18 Kwakatola tjibaka tjifutshwanana bathu benyu bakayengemala begala mu bugalo gwenyu gwakayengemala,
koga ngwenu zwita zwedu zwakagutshambila pasi.
19 Totjinga bathu bamusakatongo busa,
tofanana ne bathu basakatongodang'wa nge zina lenyu.
Kukunda kwa Yahwe
1 Ndiani iwoyu unozha edwa ku Edomu,
unodwa mu nzi nkulu we Bhozira akaambala zwiambalo zwakazhola zwishaba?
Ndiani iwoyu wakaambala bubuya gungapa,
unotshamba akasima mu bukulu gwe matatabuko awe?
“Ndimi ndinozibisa bathu ndulamo, ndina masimba e kutjidza.”
2 Ini zwiambalo zwizo zwili zwishaba,
zwinga zwe nthu unoswina nkumbi we zhambi?
3 “Ndakaswina nkumbi ndili ndoga,
akuna wakabe anami kudwa mu zwitjaba.
Ndakabatshamba ndakagwadza moyo ngono abatshambila pasi nge bushongola,
malopa abo kaphutukila zwiambalo zwangu ngono azhodza zwiambalo zwangu zose.
4 Ngoti zhuba le kubgwilizila lakabe lili mu moyo wangu
ngono gole le kudzutunula lakabe lazha.
5 Ndakalinga ngono kwakabe kusina ne nng'ompela ungabhatsha,
ndakakaabadziwa nge kuti akuna wakandibhatsha,
ndizo luboko gwangu gwakakunda, bushongola gwangu gwakandisimisa.
6 Ndakatshamba njudzi ndakagwadza moyo,
nge bushongola gwangu ndakabathama bakangabakalaladza ngono atebulila malopa abo pasi.”
7 Ndowoleba ngekwe ludo gwa Yahwe gusingazunguzike,
ngekwe mishingo yabakafanila kudzigwa,
kuyendidzana na zose Yahwe zwabakatithamila,
zwithu zwinjinji zwakanaka zwabakathamila bathu be Iziraela,
kuyenda nge mahwilongoni abo nenge ludo gwabo gusingazunguzike.
8 Yahwe bakati, “Nge malebeswa ibaba bathu bangu,
bana basingake bakabe mapitipiti kundili.”
Ndizo Yahwe bakabe Ntjidzi wabo.
9 Mu kudziyila kwabo kose naibo bakadziila nabo,
ngono ntumwa we kudzimu unolakidza buyapo gwawo wakabatjidza.
Mu ludo gwabo nenge ngoni dzabo bakabadzutunula,
bakabamilidza bakababhabha mu misi yose ya ntolo.
10 Nenguba kwakajalo bathu bakapanduka bakahwisa zogwadza Meya Yakayengemala.
Ndizo Yahwe bakashanduka bakabe tjita tjabo
ngono bakagwa nabo ibo tjekwabo.
11 Ngono ipapo bakakumbula tjakashingikala mu mazhuba a ntolo,
mu mazhuba a Mushe ne bathu babe.
Ungayi iye wakabatjuludza gungwa ne nlisi we ngubi?
Ungayi iye wakalonga Meya iye yakayengemala mubali,
12 iye wakayisa luboko gugwe gwe luji guna masimba ku luboko gwe luji gwa Mushe,
iye wakapalalanya vula mbeli kwabo kuzwithamila zina,
13 iye wakabapitsha magalo akangina?
Akuna tjakabakutha, bakasala benga mbizi mu tjilambanyika.
14 Se ng'ombe dzinodelukila mu nkuku,
meya ya Yahwe yakabapa kunyaluluka.
Ndiko sekwa makatungamila bathu benyu kupa zina lenyu gudzo.
15 Lingani pasi muli kudzimu kwamunogala kwakayengemala mubone.
Kuzwimisila kwenyu ne simba lenyu kungayi?
Moyo wenyu nnyolo ne mahwilongoni enyu tazwinyimiwa.
16 Kana mu tate bedu, nenguba Abhurahama asingatizibe na Iziraela asingatiamutjile,
imwi mu Tate bedu, Ndzutunuli wedu zina lenyu lodwa ntolo.
17 Ini wali Yahwe mutithama kuti tipambuke mu zila dzenyu mu kukutadza mimoyo yedu kube kushingikala kuti tisimutje?
Shandukani ngekwe balanda benyu, ngekwe njudzi dzamakathuwa.
18 Kwakatola tjibaka tjifutshwanana bathu benyu bakayengemala begala mu bugalo gwenyu gwakayengemala,
koga ngwenu zwita zwedu zwakagutshambila pasi.
19 Totjinga bathu bamusakatongo busa,
tofanana ne bathu basakatongodang'wa nge zina lenyu.