Dumiliso
1 Ndimi Paulo, ndina Timoti, tili balanda ba Kirisiti Jesu.
Ku bayengemali* bose muna Kirisiti Jesu bamu nzi we Filipi ne badiyi ne batiyakoni be gubungano:
2 Ngoni ne kunyalala kunodwa ku Ndzimu Tate bedu na She Jesu Kirisiti ngakube namwi.
Paulo unotembezelela babali be lukwalo gugwe
3 Ndoboka Ndzimu wangu misi yose ha ndimukumbula. 4 Tjibaka tjimwe ne tjimwe tjandinomutembezelela, ndotembezela nge kushatha, 5 ndiboka sekwa makabhatana nami mu nshingo we ndebo mbuya, kudwa mu zhuba le kutangisa kowoti ngwenu, 6 ndina malebeswa e kuti iye wakatangisa nshingo wakanaka mu muli, unowoupedzisa mu zhuba la Kirisiti Jesu. 7 Kwakandilulwamila kuzwihwa sa ikoku nge kwenyu mose, ngobe mumu moyo wangu misi yose. Mose makashanganila ngoni dze Ndzimu nami, kose mu busungwa gwangu ne mu kuvikilila ne kusimisa ndebo mbuya. 8 Ndzimu ntendeki wangu, kuti ndoyemula kumubona mose kwazo nge ludo gwa Kirisiti Jesu.
9 Ngono ntembezelo wangu hwuti, ludo gwenyu gudwilile gupaphidzike ne zibo nenge kuhwisisa nge buzhalo, 10 kuti ndizo mutubule kushalula tjakalulwama kupinda zose, ngono mube bakatjenapala musibe ne nlandu mu Zhuba la Kirisiti, 11 mowowang'wa muna mitjelo izhele ye ndulamo inozha ndi Jesu Kirisiti kukudza ne kulumbidza Ndzimu.
Kutjila hwutjilila Kirisiti
12 Ndoshaka muziba etji zwikamu, zwakandishingikalila zwakabhatsha kuandamisa ndebo mbuya. 13 Ngono ngekwa ikoku, babhayani bose pano ne bamwe bose banoziba kuti ndi mu busungwa ngekwa Kirisiti. 14 Bunjinji gwe zwikamu, bakasimisiwa muna She nge busungwa gwangu, kakale batjibe nge tjilopa kuleba dama le Ndzimu basingatje.
15 Malebeswa hwukuti bamwe banosumikila Kirisiti nge ndandala nenge kukakabadzana, koga bamwe banonsumikila nge mazwiwo akalulwama. 16 Aba banokuthama nge ludo, ngobe beziba kuti Ndzimu wakandipa nshingo we kuvikilila ndebo mbuya. 17 Ibabo bamwe banosumikila Kirisiti nge kushaka kuzwishingila bali boga kusi nge moyo wakalulwama beshaka kundidziyidza kunjinji mu busungwa gwangu.
18 Apa koti tjimwe kene? Kene Kirisiti unosumikigwa nge zila ipi kene ipi, yakabipa kene ye malebeswa, ngono ngekwa ikoko ndoshatha. Ee ndowoshatha, 19 ngobe ndoziba kuti nge mitembezelo yenyu nenge bhatsho ye Meya ya Jesu Kirisiti, ikoku kowoshanduka kukandisunungula. 20 Sekwa ndinoyemula, kakale ndigalabgwe kuti anditowobhakhwa nge shoni mu nshingo wangu, koga nge kulebeleka ndakasimisamoyo sekwa ndagala ndithama, Kirisiti unowokudziwa mu mbili wangu; kene kuli nge butjilo kene nge lufu. 21 Ngobe kundili kutjila ndi Kirisiti, kufa imbuzilo. 22 Koga ha ili kuti kutjila ndiko kuna nshingo una mbhayilo, ipapo anditoziba kuti ndingashalula kupi. 23 Ndi pakati kwe mikumbulo mibili, ndoyemula kuthubukana nge butjilo ndikanobe na Kirisiti, ngobe ikoku kobhatsha kwazo. 24 Koga kube nditjatjila mu nyama kosheteka kupindisa, kuti mubhatshike. 25 Ndogalamoyo ndi ikoku, ndoziba kuti ndowotjila, ngono adwilila namwi mose, ndithamila ikoku kudwilila mbeli kwenyu ne kushatha mu kugalamoyo, 26 koyita kuti mundili mube nge tjamungazwikudza nditjo muna Kirisiti Jesu ngekwe kuzha kwangu kumuli kakale.
27 Tjikulu hwuti, zila ye butjilo gwenyu ngaiyendilane ne ndebo mbuya ya Kirisiti, kuti ndizo kene ndizha kuwomubona kene ndisipo, ndihwe nge kwenyu kuti makabhata makasimisa nge meya ing'ompela ne nkumbulo nng'ompela mugwisila kugalamoyo kwe ndebo mbuya, 28 musingatje tjimwe mu zwita zwenyu, woku tjilakidzo ku bali tje kulobesiwa kwabo, koga tje jidzo lenyu, linodwa ku Ndzimu. 29 Ngobe makakupiwa kuti, ngekwa Kirisiti musigalemoyo munli koga, mudziyilebo nge kukwe, 30 muli mu ngwa iyozwayo yamakabona, koga ngwenu muhwa kuyi ndi muili.
Dumiliso
1 Ndimi Paulo, ndina Timoti, tili balanda ba Kirisiti Jesu.
Ku bayengemali* bose muna Kirisiti Jesu bamu nzi we Filipi ne badiyi ne batiyakoni be gubungano:
2 Ngoni ne kunyalala kunodwa ku Ndzimu Tate bedu na She Jesu Kirisiti ngakube namwi.
Paulo unotembezelela babali be lukwalo gugwe
3 Ndoboka Ndzimu wangu misi yose ha ndimukumbula. 4 Tjibaka tjimwe ne tjimwe tjandinomutembezelela, ndotembezela nge kushatha, 5 ndiboka sekwa makabhatana nami mu nshingo we ndebo mbuya, kudwa mu zhuba le kutangisa kowoti ngwenu, 6 ndina malebeswa e kuti iye wakatangisa nshingo wakanaka mu muli, unowoupedzisa mu zhuba la Kirisiti Jesu. 7 Kwakandilulwamila kuzwihwa sa ikoku nge kwenyu mose, ngobe mumu moyo wangu misi yose. Mose makashanganila ngoni dze Ndzimu nami, kose mu busungwa gwangu ne mu kuvikilila ne kusimisa ndebo mbuya. 8 Ndzimu ntendeki wangu, kuti ndoyemula kumubona mose kwazo nge ludo gwa Kirisiti Jesu.
9 Ngono ntembezelo wangu hwuti, ludo gwenyu gudwilile gupaphidzike ne zibo nenge kuhwisisa nge buzhalo, 10 kuti ndizo mutubule kushalula tjakalulwama kupinda zose, ngono mube bakatjenapala musibe ne nlandu mu Zhuba la Kirisiti, 11 mowowang'wa muna mitjelo izhele ye ndulamo inozha ndi Jesu Kirisiti kukudza ne kulumbidza Ndzimu.
Kutjila hwutjilila Kirisiti
12 Ndoshaka muziba etji zwikamu, zwakandishingikalila zwakabhatsha kuandamisa ndebo mbuya. 13 Ngono ngekwa ikoku, babhayani bose pano ne bamwe bose banoziba kuti ndi mu busungwa ngekwa Kirisiti. 14 Bunjinji gwe zwikamu, bakasimisiwa muna She nge busungwa gwangu, kakale batjibe nge tjilopa kuleba dama le Ndzimu basingatje.
15 Malebeswa hwukuti bamwe banosumikila Kirisiti nge ndandala nenge kukakabadzana, koga bamwe banonsumikila nge mazwiwo akalulwama. 16 Aba banokuthama nge ludo, ngobe beziba kuti Ndzimu wakandipa nshingo we kuvikilila ndebo mbuya. 17 Ibabo bamwe banosumikila Kirisiti nge kushaka kuzwishingila bali boga kusi nge moyo wakalulwama beshaka kundidziyidza kunjinji mu busungwa gwangu.
18 Apa koti tjimwe kene? Kene Kirisiti unosumikigwa nge zila ipi kene ipi, yakabipa kene ye malebeswa, ngono ngekwa ikoko ndoshatha. Ee ndowoshatha, 19 ngobe ndoziba kuti nge mitembezelo yenyu nenge bhatsho ye Meya ya Jesu Kirisiti, ikoku kowoshanduka kukandisunungula. 20 Sekwa ndinoyemula, kakale ndigalabgwe kuti anditowobhakhwa nge shoni mu nshingo wangu, koga nge kulebeleka ndakasimisamoyo sekwa ndagala ndithama, Kirisiti unowokudziwa mu mbili wangu; kene kuli nge butjilo kene nge lufu. 21 Ngobe kundili kutjila ndi Kirisiti, kufa imbuzilo. 22 Koga ha ili kuti kutjila ndiko kuna nshingo una mbhayilo, ipapo anditoziba kuti ndingashalula kupi. 23 Ndi pakati kwe mikumbulo mibili, ndoyemula kuthubukana nge butjilo ndikanobe na Kirisiti, ngobe ikoku kobhatsha kwazo. 24 Koga kube nditjatjila mu nyama kosheteka kupindisa, kuti mubhatshike. 25 Ndogalamoyo ndi ikoku, ndoziba kuti ndowotjila, ngono adwilila namwi mose, ndithamila ikoku kudwilila mbeli kwenyu ne kushatha mu kugalamoyo, 26 koyita kuti mundili mube nge tjamungazwikudza nditjo muna Kirisiti Jesu ngekwe kuzha kwangu kumuli kakale.
27 Tjikulu hwuti, zila ye butjilo gwenyu ngaiyendilane ne ndebo mbuya ya Kirisiti, kuti ndizo kene ndizha kuwomubona kene ndisipo, ndihwe nge kwenyu kuti makabhata makasimisa nge meya ing'ompela ne nkumbulo nng'ompela mugwisila kugalamoyo kwe ndebo mbuya, 28 musingatje tjimwe mu zwita zwenyu, woku tjilakidzo ku bali tje kulobesiwa kwabo, koga tje jidzo lenyu, linodwa ku Ndzimu. 29 Ngobe makakupiwa kuti, ngekwa Kirisiti musigalemoyo munli koga, mudziyilebo nge kukwe, 30 muli mu ngwa iyozwayo yamakabona, koga ngwenu muhwa kuyi ndi muili.