Mbono ya Daniyele ye nyundo ne phoko
1 Kwakati mu gole le butatu le mbuso wa Mambo Bhelishazari abona mbono gwe bubili. 2 Mu mbono dzangu ndakazwibona ndili mu nzi nkulu we Susa mu ntuthu we Elamu, ndakabe ndili mile pa gwizi gwe Ulai. 3 Ndakamilidza mesho ngono abona nyundo ili mile pa phili ye gwizi ina manyanga mabili malefu lefu koga gumwe guli gulefu kupinda gumwe ngono lunyanga gwe bubili gukadwapo gukakula kupinda gwe kutanga. 4 Ndakabona nyundo ishandukila kunomila zhuba ne ku bunandzwa ne ku burwa, kwakabe kusina tjibandana tjingama mbeli kwayo kakale kwakabe kusina ungapudzumuka mu simba layo, yakabe ishinga kuda ne kubona kakale izwikudza.
5 Ndakati nditjakatjenamila kuti ikoku kodwani, phoko ikadwa kunomila zhuba yakapalama shango, izha ili mu lubilo gunotjenamisa isingatshambe pasi ngono phoko iyeyi yakabe ina lunyanga gunoboneka utji kule pakati kwe mesho ayo. 6 Phoko iyeyo ikazha ku nyundo iyeyije ina nyanga mbili yandakabona ilimile pa phili ye gwizi ngono ikamilikila nyundo nge simba gulu. 7 Ndakabona phoko sekwa yakabe ithula nyundo nge bushongola, ikaitshamba ipelela yavuna manyanga ayo mabili. Nyundo yakasala isina ndodwa ne simba kuzwigwila. Phoko yakaligila nyundo pasi ikaitshamba nge makumbo ngono kukasheta waiangula mu simba layo gulu. 8 Phoko ikazwikudza ne kupinda ina bushongola koga yakati ipapo payakabe izwidwa iti yakatjisima lunyanga gwayo gukavunika. Ngono pagwakabe gulipo kukamela mamwe manyanga ali manna anoboneka uli kule akatendeka mbizho nna dze shango. 9 Mu gumwe gwe nyanga idzedzi nna kwakamela lunyangana gwakatangisa guli butukununu ngono koga guna masimba gwakakulila ku burwa ne kunobhuda zhuba neku shango yakanaka. 10 Gwakakula gukanoti ku mbunga we babhayani be kudzimu. Gwakalashila pasi bamwe be mbunga we bhayani be kudzimu ne dzimwe nyenyedzi ikadzitshamba tshamba. 11 Gwakazwikudza mamo gukazwilizanya na She we mbunga, gukadusila kutjena zwibhayilo zwizwe zwe zhuba ne zhuba gukabuya gukakolomodza bugalo gwakayengemala. 12 Ndzimu ukaletja lunyanga kukulila bathu bawo ne zwibhayilo zwinopisiwa zwakatemapala zwikatola mamo e zwakayengemala zwe zhuba ne zhuba, lebeswa likalashigwa kutjena lunyanga igo gukabhudilila mu tjimwe ne tjimwe tjagwakabe gushinga.
13 Ngono ndakahwa n'yengemali ebhuzwana ne mmwe eti, “Kowotola tjibaka tjingapani kuti mbono idzedzi dze zwibhayilo zwe zhuba ne zhuba ne zwiyito zwe bupanduki zwishingikale ne kuti bugalo gwakayengemala ne mbunga zwitshambiwe tshambiwe nge makumbo kene?”
14 Ngono kati ku mmwe wakayengemala, “Kowotola madekwana ne mangwanana ali zwiwulu zwibili zwina mazana ali matatu (2 300) kusina zwibhayilo zwinodusiwa, kudwapo ndiko bugalo gwakayengemala kwagunowobgwilila mu tjimo tjago.”
Ntumwa we kudzimu Gabhariyele unotjenesa mbono
15 Ndakati nditjakumbula ngekwe mbono idzedzi kuti dzingabe dzidwani, ipapo abona kulimile nthu mbeli kwangu. 16 Ngono ndakahwa hwi lidana kudwa ku phili dze gwizi gwe Ulai liti, “Gabhariyele, thama kuti nlume iwoyu ahwisise mbono iyeyi.” 17 Ndizo kasedzela pandakabe ndili mile ngono mukusedzela kukwe ndakabe ne kutja kukulu kwazo ngono awa nge zwidwi ngo teta. Koga iye kandidwa kati, “Nkololo we nthu, tjawakafanila zibisisa hwuti mbono iyeyi inoleba ngekwe zwe bupelo gwe shango.”
18 Ngono wakati atjalebeleka nami atimbama ndakabhaya ne tjiso pasi koga kandibhata kandimisa nge makumbo. 19 Ngono kandidwa kati, “Ndowokubudza zwinowoshingikala tjibaka tjinozha, mu tjibaka tje bushongola gwe Ndzimu ngoti mbono iyeyi inotendeka ku tjibaka tje bupelo gwe shango.
20 “Ngekwe nyundo yawakabona ina manyanga mabili, imilile bomambo babili be Mediya ne Pheshiya. 21 Phoko iyo imilile mbuso we Gerisi ngono lunyanga gupakati gwe mesho ayo gumilile mambo we kutanga. 22 Ngekwe lunyanga igoguje gwakavunika ngono pa magalo ago kukamela mamwe ali manna, ikoku kodwa kuti kowomuka mibuso ili minna mu mbuso iwo zwawo ngono iyo aitobe yakasima se mbuso we kutanga.
23 “Ngono kowoti bhelelo le mibuso iyeyi labe pejo, batjinyi batjinya bashatha, kowomuka mambo wakasima una tjilopa we jenjedu bhitipiti la malipiti. 24 Unowobe ne masimba asi mashoma koga kowobe kusi ngekwe simba lile, unowozhisa golomodzo linobhaya theswi ye moyo, tjiyapo unowobhudilila mu tjimwe ne tjimwe tjaanothama. Unowobulaya balume bakasima ne bayengemali. 25 Nge bupitipiti gugwe unowobhudilila ngono unowozwikudza kazwiloba ifuba. Unowobulaya banji asina ndodwa ne dama laanobadwa, unowomukila Nkololo wa bomambo, unowolobesiwa, koga kusi nge simba le nthu. 26 Mbono ngekwe zwibhayilo zwe mangwanana ne madekwana yawakatjenesegwa nge kwayo malebeswa dumbu, koga sumbika mbono iyeyi, ngoti inowoshingikala shule kwe tjibaka.”
27 Ndakabe ne kushangashangana mbili kwazo ngono abe mu thobo dzinopisa kwe mazhuba. Ngono kwati shule amilika ayenda anoshinga mishingo yangu ya mambo, koga ndakabe ndakakaabadziwa kwazo nge mbono iyeyi kakale ndisingayihwisise.
Mbono ya Daniyele ye nyundo ne phoko
1 Kwakati mu gole le butatu le mbuso wa Mambo Bhelishazari abona mbono gwe bubili. 2 Mu mbono dzangu ndakazwibona ndili mu nzi nkulu we Susa mu ntuthu we Elamu, ndakabe ndili mile pa gwizi gwe Ulai. 3 Ndakamilidza mesho ngono abona nyundo ili mile pa phili ye gwizi ina manyanga mabili malefu lefu koga gumwe guli gulefu kupinda gumwe ngono lunyanga gwe bubili gukadwapo gukakula kupinda gwe kutanga. 4 Ndakabona nyundo ishandukila kunomila zhuba ne ku bunandzwa ne ku burwa, kwakabe kusina tjibandana tjingama mbeli kwayo kakale kwakabe kusina ungapudzumuka mu simba layo, yakabe ishinga kuda ne kubona kakale izwikudza.
5 Ndakati nditjakatjenamila kuti ikoku kodwani, phoko ikadwa kunomila zhuba yakapalama shango, izha ili mu lubilo gunotjenamisa isingatshambe pasi ngono phoko iyeyi yakabe ina lunyanga gunoboneka utji kule pakati kwe mesho ayo. 6 Phoko iyeyo ikazha ku nyundo iyeyije ina nyanga mbili yandakabona ilimile pa phili ye gwizi ngono ikamilikila nyundo nge simba gulu. 7 Ndakabona phoko sekwa yakabe ithula nyundo nge bushongola, ikaitshamba ipelela yavuna manyanga ayo mabili. Nyundo yakasala isina ndodwa ne simba kuzwigwila. Phoko yakaligila nyundo pasi ikaitshamba nge makumbo ngono kukasheta waiangula mu simba layo gulu. 8 Phoko ikazwikudza ne kupinda ina bushongola koga yakati ipapo payakabe izwidwa iti yakatjisima lunyanga gwayo gukavunika. Ngono pagwakabe gulipo kukamela mamwe manyanga ali manna anoboneka uli kule akatendeka mbizho nna dze shango. 9 Mu gumwe gwe nyanga idzedzi nna kwakamela lunyangana gwakatangisa guli butukununu ngono koga guna masimba gwakakulila ku burwa ne kunobhuda zhuba neku shango yakanaka. 10 Gwakakula gukanoti ku mbunga we babhayani be kudzimu. Gwakalashila pasi bamwe be mbunga we bhayani be kudzimu ne dzimwe nyenyedzi ikadzitshamba tshamba. 11 Gwakazwikudza mamo gukazwilizanya na She we mbunga, gukadusila kutjena zwibhayilo zwizwe zwe zhuba ne zhuba gukabuya gukakolomodza bugalo gwakayengemala. 12 Ndzimu ukaletja lunyanga kukulila bathu bawo ne zwibhayilo zwinopisiwa zwakatemapala zwikatola mamo e zwakayengemala zwe zhuba ne zhuba, lebeswa likalashigwa kutjena lunyanga igo gukabhudilila mu tjimwe ne tjimwe tjagwakabe gushinga.
13 Ngono ndakahwa n'yengemali ebhuzwana ne mmwe eti, “Kowotola tjibaka tjingapani kuti mbono idzedzi dze zwibhayilo zwe zhuba ne zhuba ne zwiyito zwe bupanduki zwishingikale ne kuti bugalo gwakayengemala ne mbunga zwitshambiwe tshambiwe nge makumbo kene?”
14 Ngono kati ku mmwe wakayengemala, “Kowotola madekwana ne mangwanana ali zwiwulu zwibili zwina mazana ali matatu (2 300) kusina zwibhayilo zwinodusiwa, kudwapo ndiko bugalo gwakayengemala kwagunowobgwilila mu tjimo tjago.”
Ntumwa we kudzimu Gabhariyele unotjenesa mbono
15 Ndakati nditjakumbula ngekwe mbono idzedzi kuti dzingabe dzidwani, ipapo abona kulimile nthu mbeli kwangu. 16 Ngono ndakahwa hwi lidana kudwa ku phili dze gwizi gwe Ulai liti, “Gabhariyele, thama kuti nlume iwoyu ahwisise mbono iyeyi.” 17 Ndizo kasedzela pandakabe ndili mile ngono mukusedzela kukwe ndakabe ne kutja kukulu kwazo ngono awa nge zwidwi ngo teta. Koga iye kandidwa kati, “Nkololo we nthu, tjawakafanila zibisisa hwuti mbono iyeyi inoleba ngekwe zwe bupelo gwe shango.”
18 Ngono wakati atjalebeleka nami atimbama ndakabhaya ne tjiso pasi koga kandibhata kandimisa nge makumbo. 19 Ngono kandidwa kati, “Ndowokubudza zwinowoshingikala tjibaka tjinozha, mu tjibaka tje bushongola gwe Ndzimu ngoti mbono iyeyi inotendeka ku tjibaka tje bupelo gwe shango.
20 “Ngekwe nyundo yawakabona ina manyanga mabili, imilile bomambo babili be Mediya ne Pheshiya. 21 Phoko iyo imilile mbuso we Gerisi ngono lunyanga gupakati gwe mesho ayo gumilile mambo we kutanga. 22 Ngekwe lunyanga igoguje gwakavunika ngono pa magalo ago kukamela mamwe ali manna, ikoku kodwa kuti kowomuka mibuso ili minna mu mbuso iwo zwawo ngono iyo aitobe yakasima se mbuso we kutanga.
23 “Ngono kowoti bhelelo le mibuso iyeyi labe pejo, batjinyi batjinya bashatha, kowomuka mambo wakasima una tjilopa we jenjedu bhitipiti la malipiti. 24 Unowobe ne masimba asi mashoma koga kowobe kusi ngekwe simba lile, unowozhisa golomodzo linobhaya theswi ye moyo, tjiyapo unowobhudilila mu tjimwe ne tjimwe tjaanothama. Unowobulaya balume bakasima ne bayengemali. 25 Nge bupitipiti gugwe unowobhudilila ngono unowozwikudza kazwiloba ifuba. Unowobulaya banji asina ndodwa ne dama laanobadwa, unowomukila Nkololo wa bomambo, unowolobesiwa, koga kusi nge simba le nthu. 26 Mbono ngekwe zwibhayilo zwe mangwanana ne madekwana yawakatjenesegwa nge kwayo malebeswa dumbu, koga sumbika mbono iyeyi, ngoti inowoshingikala shule kwe tjibaka.”
27 Ndakabe ne kushangashangana mbili kwazo ngono abe mu thobo dzinopisa kwe mazhuba. Ngono kwati shule amilika ayenda anoshinga mishingo yangu ya mambo, koga ndakabe ndakakaabadziwa kwazo nge mbono iyeyi kakale ndisingayihwisise.