Mizi ye matizhilo
(Mbalo 35:9-34Joshuwa 20:1-9)1 “Kowoti Yahwe Ndzimu uwo belobesa njudzi dze shango Yahwe Ndzimu uwo yabanokupa, ube ubatata, ube ugala mu mizi yabo ne mu ng'umba dzabo, 2 ushalule mizi mitatu mu shango Yahwe Ndzimu uwo yabanokupa kuithuwa. 3 Ululwamise zila, uthubulanye shango yaunopiwa ndi Yahwe Ndzimu uwo katatu, kuti nthu mmwe ne mmwe wabulaya atizhile ko.
4 “Ngono mbulayi ungatizhilako kuti atjile ndi woyu; ndi wabulaya nthu kusinge mwaza, asakatongo bengana naye mu misi yakapinda. 5 Ngatiti nlume unoyenda ku ishaka ne mbakidzani uwe kutema hwuni, ebe emilidza shathu kutema nti ngono shathu libe lishomoka libe liloba mbakidzani uwe ebe efa, mbulayi ngaatizhile ku mmwe we mizi iyeyi kuzwitjidza, 6 mbgwilizili we watebula malopa mu kugwadzamoyo kukwe kukulu asiti enlonda kambhata mu zila ngoti zila indefu, ebe embulaya nenguba abe asakalingisana ngofa, seakabe asi tjita ku mbakidzani uwe mu misi yakapinda. 7 Ndizo wali ndomudwa nditi shalulani mizi mikulu mitatu. 8 Ngono kowoti Yahwe Ndzimu wenyu betalabudza n'gathu wenyu sekwa bakagadzabgwe kupa botate benyu 9 kuyenda koga ngekuti mowobe muna njele kulondolodza nlayo iwoyu wandinomupa mu zhuba lino, mude Yahwe Ndzimu wenyu mutobele zila dzabo kuyenda kwakunoyenda, ngono mowopapha mizi mitatu nge mimwe mizi mikulu mitatu. 10 Mukuthame kuti malopa asina nlandu asitongo tebugwa mu shango iyeyi Yahwe Ndzimu wenyu yabanomupa ili thaka kudwa kuthama kuti nlandu we kutebula malopa ube pezhugwi kwenyu.
11 “Koga ha nlume ebenga mbakidzani uwe ebe enlalila ebe emukila enkubadza ebe efa, ngono nlume iwoyo ebe etizhila ku mmwe we mizi iyeyi mikulu, 12 ipapo sholotjena dze nzi nkulu kwaanodwa banowotuma batumwa kunontola ikoko, bebe benlonga mu maboko e mbgwilizili we watebula malopa kuti afe. 13 Musitongo nhwila ngoni, koga muduse nlandu we kutebula malopa asina nlandu mu Iziraela kuti kumuyendile zubuyanana.
Migathu ye mituthu
14 “Mu thaka yamunowobe nayo mu shango iyeyi yamunopiwa ndi Yahwe Ndzimu wenyu kuithuwa, musitongo sedza n'gathu we mbakidzani wakatjekwa nge bahwola bantolo.
Batendeki
15 “Ntendeki nn'gompela aazolizana kutendekela mmwe nthu kutilikwa nlandu mu tjimwe tjaathama kene tjibi tjimwe koga, butendeki gwe babili kene batatu ndigo gungabonesa nthu nlandu. 16 Ha ntendeki usakatambunuka emukila mmwe nthu etilika nlandu we tjimwe tjisiitjo, 17 ipapo bubili gwabo baboneke mbeli kwa Yahwe pa bapirisiti ne basumikilisi bakabhata mu mazhuba iyawo. 18 Basumikilisi bashakisise ngono ha ntendeki ali ntendeki we manyepkhwa ngono etilika mwana wa tate babe nlandu we manyepkhwa, 19 ipapo munthamile itjetjo tjaabe eshaka kutjithamila mwana wa tate babe, ndizo muduse bubi pakati kwenyu. 20 Ngono bamwe banowohwa ngono bakatja ngono bakasitongo thama mbipo yakajali pakati kwenyu. 21 Musitongo hwa ngoni, kowobe butjilo gubhudila butjilo, zhisho libhudila zhisho, zhino libhudila zhino, tjiazha tjibhudila tjiazha ne gumbo libhudila gumbo.
Mizi ye matizhilo
(Mbalo 35:9-34Joshuwa 20:1-9)1 “Kowoti Yahwe Ndzimu uwo belobesa njudzi dze shango Yahwe Ndzimu uwo yabanokupa, ube ubatata, ube ugala mu mizi yabo ne mu ng'umba dzabo, 2 ushalule mizi mitatu mu shango Yahwe Ndzimu uwo yabanokupa kuithuwa. 3 Ululwamise zila, uthubulanye shango yaunopiwa ndi Yahwe Ndzimu uwo katatu, kuti nthu mmwe ne mmwe wabulaya atizhile ko.
4 “Ngono mbulayi ungatizhilako kuti atjile ndi woyu; ndi wabulaya nthu kusinge mwaza, asakatongo bengana naye mu misi yakapinda. 5 Ngatiti nlume unoyenda ku ishaka ne mbakidzani uwe kutema hwuni, ebe emilidza shathu kutema nti ngono shathu libe lishomoka libe liloba mbakidzani uwe ebe efa, mbulayi ngaatizhile ku mmwe we mizi iyeyi kuzwitjidza, 6 mbgwilizili we watebula malopa mu kugwadzamoyo kukwe kukulu asiti enlonda kambhata mu zila ngoti zila indefu, ebe embulaya nenguba abe asakalingisana ngofa, seakabe asi tjita ku mbakidzani uwe mu misi yakapinda. 7 Ndizo wali ndomudwa nditi shalulani mizi mikulu mitatu. 8 Ngono kowoti Yahwe Ndzimu wenyu betalabudza n'gathu wenyu sekwa bakagadzabgwe kupa botate benyu 9 kuyenda koga ngekuti mowobe muna njele kulondolodza nlayo iwoyu wandinomupa mu zhuba lino, mude Yahwe Ndzimu wenyu mutobele zila dzabo kuyenda kwakunoyenda, ngono mowopapha mizi mitatu nge mimwe mizi mikulu mitatu. 10 Mukuthame kuti malopa asina nlandu asitongo tebugwa mu shango iyeyi Yahwe Ndzimu wenyu yabanomupa ili thaka kudwa kuthama kuti nlandu we kutebula malopa ube pezhugwi kwenyu.
11 “Koga ha nlume ebenga mbakidzani uwe ebe enlalila ebe emukila enkubadza ebe efa, ngono nlume iwoyo ebe etizhila ku mmwe we mizi iyeyi mikulu, 12 ipapo sholotjena dze nzi nkulu kwaanodwa banowotuma batumwa kunontola ikoko, bebe benlonga mu maboko e mbgwilizili we watebula malopa kuti afe. 13 Musitongo nhwila ngoni, koga muduse nlandu we kutebula malopa asina nlandu mu Iziraela kuti kumuyendile zubuyanana.
Migathu ye mituthu
14 “Mu thaka yamunowobe nayo mu shango iyeyi yamunopiwa ndi Yahwe Ndzimu wenyu kuithuwa, musitongo sedza n'gathu we mbakidzani wakatjekwa nge bahwola bantolo.
Batendeki
15 “Ntendeki nn'gompela aazolizana kutendekela mmwe nthu kutilikwa nlandu mu tjimwe tjaathama kene tjibi tjimwe koga, butendeki gwe babili kene batatu ndigo gungabonesa nthu nlandu. 16 Ha ntendeki usakatambunuka emukila mmwe nthu etilika nlandu we tjimwe tjisiitjo, 17 ipapo bubili gwabo baboneke mbeli kwa Yahwe pa bapirisiti ne basumikilisi bakabhata mu mazhuba iyawo. 18 Basumikilisi bashakisise ngono ha ntendeki ali ntendeki we manyepkhwa ngono etilika mwana wa tate babe nlandu we manyepkhwa, 19 ipapo munthamile itjetjo tjaabe eshaka kutjithamila mwana wa tate babe, ndizo muduse bubi pakati kwenyu. 20 Ngono bamwe banowohwa ngono bakatja ngono bakasitongo thama mbipo yakajali pakati kwenyu. 21 Musitongo hwa ngoni, kowobe butjilo gubhudila butjilo, zhisho libhudila zhisho, zhino libhudila zhino, tjiazha tjibhudila tjiazha ne gumbo libhudila gumbo.