Mambo Ahazi we Juda
(2 Bomambo 16:1-4)1 Ahazi wakabe ana makole ali makumi mabili (20) tjibaka tjaakatangisa busa. Ngono wakabusa makole ali gumi lina kutathatu (16) mu Jerusalema. Wakathama mbipo mu mesho a Yahwe, kasitobele Yahwe nge buzhalo, sekwa batategulu babe Dafite bakabe bethama. 2 Koga wakatobela zila dzabo mambo be Iziraela ebuya ebezha zwifano zwa bo Bhaale, 3 kakale kapisa motsha ku nkuku we Bhenihinomi kabuya kapisa bakololo babe bali zwibhayilo zwinopisiwa etobela zwiyito zwakabipa zwe njudzi dzakabe dzatatiwa ndi Yahwe bedzitatila kutjena ne Baiziraela. 4 Kadusa zwibhayilo kakale kapisa motsha mu magalo apezhugwi, ne ku matuthu ne kusi kwe miti mimwe ne mimwe ye bgwelele.
Ngwa ye Siriya ne Iziraela
(2 Bomambo 16:5)5 Ndizo Yahwe Ndzimu uwe bakanlonga mu maboko a mambo we Aramu. Ngono Baaramu bakankunda bakatapa bathu babe bali banjinji ngono kabayisa ku Damasiko. Wakalongwa mu maboko a mambo we Iziraela kakale, mambo we Iziraela wakankunda kwakabangalala kubi, 6 ngoti Peka nkololo wa Ramaliya wakabe abulaya babhayani bali zwiwulu zwili zana lina makumu mabili (120 000) mu Juda mu zhuba ling'ompela bose ibaba bakabulawa bakabe bali babhayani bakasima koga yakabe kuli kuti bakafupatila Yahwe Ndzimu wa bobatategulu babo. 7 Ngono Zikiri nlume wakasima we Ifureimi iye kabulaya Maaseya nkololo wa mambo na Azirikamu nlauli we ng'umba ya mambo na Elikana iye wakabe etobela mambo nge mamo. 8 Baiziraela bakatapa bakanyi kwabo be bayisa kubusungwa bali zwiwulu zwili mazana mabili (200 000) bali bakadzi ne bakololo ne bakololokadzi ngono bakatapa thundu dzabo dzisishoma bakadziyisa ku Samariya.
9 Koga kwakabe kuna nlebesambeli wa Yahwe wakabe edang'wa Odedi ikoko, ngono wakabhuda kanoshanganidza babhayani bakabe bebuya ku Samariya ngono kabadwa kati, “Ngoti Yahwe Ndzimu wa bobatategulu benyu babe bakagwadzilamoyo Juda bakailonga mu maboko enyu, ngono imwi makababulaya nge bushongola gwakadza gukaswika kudzimu. 10 Ngono ngwenu moshakathama balume ne bakadzi be Juda ne Jerusalema balanda benyu. Koga apa namwi amuzothamila Yahwe Ndzimu wenyu jinyo kene? 11 Ndizo ngwenu mundibhulutane kwazo! Bgwilizani basungwa bose ibaba, kusakajalo bushongola gwa Yahwe gowodelukila mu muli.”
12 Batungamili bamwe mubali kuli balume be Ifureimi Azariya nkololo wa Johanani na Bherekiya nkololo wa Meshilemoti na Jehizikiya nkololo wa Shalumu na Amasa nkololo wa Hadilayi bakamililana na ibabo bakabe bedwa ku ngwa, 13 ngono bakabadwa bakati, “Musizhise basungwa ibaba ngeno, ngoti mungadwa muthama kuti tibe ne nlandu pakati kwedu na Yahwe pezhugwi kwe zwibi ne nlandu zwatinazo kale ngwenu. Nlandu wedu nkulu kale, kakale bushongola gwakadelukila Iziraela kuli kale.”
14 Ndizo babhayani bakasiya basungwa ne thundu mbeli kwe makulukota ne gubungano lose. 15 Ngono balume ibabo bakalebgwa nge mazina bakatola basungwa, bakatola zwiambalo mu thundu yakabe yatapiwa ngono bakapa bakabe basakaambala kuti baambale. Bakabapa zwiambalo ne shangu ne zojiwa ne vula ne mafuta anozhogwa. Ngono bose ibabo bakabe bekong'wa bakatathisiwa madonki. Ndizo basungwa bakabgwiliziwa kuna bakanyi kwabo ku Jerikho nzi nkulu we milala. Ipapo Baiziraela bakabgwilila ku Samariya.
Ahazi unokumbila bhatsho ku Asiriya
(2 Bomambo 16:7-9)16 Mu tjibaka itjetjo Mambo Ahazi katuma bathu kuna mambo we Asiriya kuti wombhatsha. 17 Baedomu bakabe banginilila Juda kakale babayisa ku busungwa. 18 Bafilisitiya bakabe banginilila mizi mikulu ye kwakakungulukila mu Juda ne ye Negebu. Bakatola bakabuya bakagala mu Bhetishemeshi ne Aijaloni ne Gederoti ne Soko ne mizi yayo yakaipoteleka ne Timina ne mizi yayo yakaipoteleka ne Gimuzo ne mizi yayo yakaipoteleka. 19 Ngobe Yahwe bakabe beyisa Juda pasi ngekwa Ahazi mambo we Iziraela ngobe wakabe akwebela Juda ku tjibi kakale asingagalebgwe ndodwa muna Yahwe. 20 Ngono Tiligati Filineseri mambo we Asiriya kammukila ngono kan'zhisila mang'oni pana kuti ambhatshe. 21 Ngobe Ahazi wakabe akatola zwimwe zwija mu Ng'umba ya Yahwe ne ng'umba ye bushe ne ye makulukota ngono kadusila mambo we Asiriya zwipo koga ikoku akuzom'bhatsha nge tjimwe.
22 Mu tjibaka tjitje tje mang'oni iyawa kusagalikabgwe kwa Mambo Ahazi muna Yahwe kukakula, 23 ngobe wakadusila midzimu ye Damasiko zwibhayilo iyo yakabe yankunda ekumbula eti, “Ngoti midzimu ya bomambo be Siriya ndiyo yababhatsha, ndowoyidusila zwibhayilo kuti ndizo indibhatshe.” Koga yakabe bhelelo lile ne Baiziraela bose.
24 Ahazi kakubunganya zwishingisiwa zose zwe Ng'umba ye Ndzimu ngono kazwithubulila zwikasala zwili zwipithu pithu ngono kazhalila mikoba ye Ng'umba ya Yahwe, kazwithamila tjibeso tjinopisigwa zwibhayilo ku ndzibo mmwe ne mmwe mu Jerusalema. 25 Mu nzi nkulu mmwe ne mmwe kabaka magalo a pezhugwi anopisigwa zwibhayilo kupisigwa midzimu ngono kabe atanga Yahwe Ndzimu wa bobatategulu babe.
26 Mimwe mishingo ye mbuso uwe nenge zila dzidze dzose kudwa mu kutangisa kunoti ku bupelo yakakwagwa mu Hwalo dza Bomambo be Juda ne Iziraela. 27 Ahazi kafa ngono kanobiganyiwa ku nzi nkulu we Jerusalema koga kusi ku zwikumbu zwa bomambo be Iziraela. Hezekiya nkololo uwe kan'gala thaka.
Mambo Ahazi we Juda
(2 Bomambo 16:1-4)1 Ahazi wakabe ana makole ali makumi mabili (20) tjibaka tjaakatangisa busa. Ngono wakabusa makole ali gumi lina kutathatu (16) mu Jerusalema. Wakathama mbipo mu mesho a Yahwe, kasitobele Yahwe nge buzhalo, sekwa batategulu babe Dafite bakabe bethama. 2 Koga wakatobela zila dzabo mambo be Iziraela ebuya ebezha zwifano zwa bo Bhaale, 3 kakale kapisa motsha ku nkuku we Bhenihinomi kabuya kapisa bakololo babe bali zwibhayilo zwinopisiwa etobela zwiyito zwakabipa zwe njudzi dzakabe dzatatiwa ndi Yahwe bedzitatila kutjena ne Baiziraela. 4 Kadusa zwibhayilo kakale kapisa motsha mu magalo apezhugwi, ne ku matuthu ne kusi kwe miti mimwe ne mimwe ye bgwelele.
Ngwa ye Siriya ne Iziraela
(2 Bomambo 16:5)5 Ndizo Yahwe Ndzimu uwe bakanlonga mu maboko a mambo we Aramu. Ngono Baaramu bakankunda bakatapa bathu babe bali banjinji ngono kabayisa ku Damasiko. Wakalongwa mu maboko a mambo we Iziraela kakale, mambo we Iziraela wakankunda kwakabangalala kubi, 6 ngoti Peka nkololo wa Ramaliya wakabe abulaya babhayani bali zwiwulu zwili zana lina makumu mabili (120 000) mu Juda mu zhuba ling'ompela bose ibaba bakabulawa bakabe bali babhayani bakasima koga yakabe kuli kuti bakafupatila Yahwe Ndzimu wa bobatategulu babo. 7 Ngono Zikiri nlume wakasima we Ifureimi iye kabulaya Maaseya nkololo wa mambo na Azirikamu nlauli we ng'umba ya mambo na Elikana iye wakabe etobela mambo nge mamo. 8 Baiziraela bakatapa bakanyi kwabo be bayisa kubusungwa bali zwiwulu zwili mazana mabili (200 000) bali bakadzi ne bakololo ne bakololokadzi ngono bakatapa thundu dzabo dzisishoma bakadziyisa ku Samariya.
9 Koga kwakabe kuna nlebesambeli wa Yahwe wakabe edang'wa Odedi ikoko, ngono wakabhuda kanoshanganidza babhayani bakabe bebuya ku Samariya ngono kabadwa kati, “Ngoti Yahwe Ndzimu wa bobatategulu benyu babe bakagwadzilamoyo Juda bakailonga mu maboko enyu, ngono imwi makababulaya nge bushongola gwakadza gukaswika kudzimu. 10 Ngono ngwenu moshakathama balume ne bakadzi be Juda ne Jerusalema balanda benyu. Koga apa namwi amuzothamila Yahwe Ndzimu wenyu jinyo kene? 11 Ndizo ngwenu mundibhulutane kwazo! Bgwilizani basungwa bose ibaba, kusakajalo bushongola gwa Yahwe gowodelukila mu muli.”
12 Batungamili bamwe mubali kuli balume be Ifureimi Azariya nkololo wa Johanani na Bherekiya nkololo wa Meshilemoti na Jehizikiya nkololo wa Shalumu na Amasa nkololo wa Hadilayi bakamililana na ibabo bakabe bedwa ku ngwa, 13 ngono bakabadwa bakati, “Musizhise basungwa ibaba ngeno, ngoti mungadwa muthama kuti tibe ne nlandu pakati kwedu na Yahwe pezhugwi kwe zwibi ne nlandu zwatinazo kale ngwenu. Nlandu wedu nkulu kale, kakale bushongola gwakadelukila Iziraela kuli kale.”
14 Ndizo babhayani bakasiya basungwa ne thundu mbeli kwe makulukota ne gubungano lose. 15 Ngono balume ibabo bakalebgwa nge mazina bakatola basungwa, bakatola zwiambalo mu thundu yakabe yatapiwa ngono bakapa bakabe basakaambala kuti baambale. Bakabapa zwiambalo ne shangu ne zojiwa ne vula ne mafuta anozhogwa. Ngono bose ibabo bakabe bekong'wa bakatathisiwa madonki. Ndizo basungwa bakabgwiliziwa kuna bakanyi kwabo ku Jerikho nzi nkulu we milala. Ipapo Baiziraela bakabgwilila ku Samariya.
Ahazi unokumbila bhatsho ku Asiriya
(2 Bomambo 16:7-9)16 Mu tjibaka itjetjo Mambo Ahazi katuma bathu kuna mambo we Asiriya kuti wombhatsha. 17 Baedomu bakabe banginilila Juda kakale babayisa ku busungwa. 18 Bafilisitiya bakabe banginilila mizi mikulu ye kwakakungulukila mu Juda ne ye Negebu. Bakatola bakabuya bakagala mu Bhetishemeshi ne Aijaloni ne Gederoti ne Soko ne mizi yayo yakaipoteleka ne Timina ne mizi yayo yakaipoteleka ne Gimuzo ne mizi yayo yakaipoteleka. 19 Ngobe Yahwe bakabe beyisa Juda pasi ngekwa Ahazi mambo we Iziraela ngobe wakabe akwebela Juda ku tjibi kakale asingagalebgwe ndodwa muna Yahwe. 20 Ngono Tiligati Filineseri mambo we Asiriya kammukila ngono kan'zhisila mang'oni pana kuti ambhatshe. 21 Ngobe Ahazi wakabe akatola zwimwe zwija mu Ng'umba ya Yahwe ne ng'umba ye bushe ne ye makulukota ngono kadusila mambo we Asiriya zwipo koga ikoku akuzom'bhatsha nge tjimwe.
22 Mu tjibaka tjitje tje mang'oni iyawa kusagalikabgwe kwa Mambo Ahazi muna Yahwe kukakula, 23 ngobe wakadusila midzimu ye Damasiko zwibhayilo iyo yakabe yankunda ekumbula eti, “Ngoti midzimu ya bomambo be Siriya ndiyo yababhatsha, ndowoyidusila zwibhayilo kuti ndizo indibhatshe.” Koga yakabe bhelelo lile ne Baiziraela bose.
24 Ahazi kakubunganya zwishingisiwa zose zwe Ng'umba ye Ndzimu ngono kazwithubulila zwikasala zwili zwipithu pithu ngono kazhalila mikoba ye Ng'umba ya Yahwe, kazwithamila tjibeso tjinopisigwa zwibhayilo ku ndzibo mmwe ne mmwe mu Jerusalema. 25 Mu nzi nkulu mmwe ne mmwe kabaka magalo a pezhugwi anopisigwa zwibhayilo kupisigwa midzimu ngono kabe atanga Yahwe Ndzimu wa bobatategulu babe.
26 Mimwe mishingo ye mbuso uwe nenge zila dzidze dzose kudwa mu kutangisa kunoti ku bupelo yakakwagwa mu Hwalo dza Bomambo be Juda ne Iziraela. 27 Ahazi kafa ngono kanobiganyiwa ku nzi nkulu we Jerusalema koga kusi ku zwikumbu zwa bomambo be Iziraela. Hezekiya nkololo uwe kan'gala thaka.