Jinyo le Jerusalema ne tjidziwa kwayo
1 Yee mme wee! Wapalala iwe mpanduki wakatemapala
nzi nkulu we batshambilidzi!
2 Akuna hwi laanoteedza,
aatotjemeleka,
aatogalabgwe muna Yahwe.
Aatozwisedzedza ku Ndzimu uwe.
3 Makulukota awo i shumba dzinobomba,
balauli bawo banonga phele dze madekwana
dzinoja dzikasisiye tjimwe tje mangwanana.
4 Balebesambeli bawo banozwikudza kakale batjebeli,
bapirisiti bawo banotemapadza zwakayengemala
banokombamisa nlayo.
5 Yahwe bakatambunuka pakati kwawo,
akuna tjisiitjo tjabanothama.
Mangwanana mamwe ne mamwe banolakidza ndulamo yabo,
mu kuyedza kwe zhuba abatokong'wa kulakidza ndulamo yabo.
Koga basakatambunuka abana shoni.
6 Ndakalobesa zwitjaba, ndakakolomola matizhilo apkhwanya
ndakasiya dzizila dzawo dzisina batobeli.
Mizi mikulu yakakolomogwa
akuna unowosala ndodwa.
7 Ndakabe ndati, Nge malebeswa unowonditja,
unowoamutjila kutjemegwa!
Ipapo magalo awe kasilobesiwe kene
shamu yangu ikasidelukile mu nli.
Koga bakazwimisila kushinga mishingo yabo yakabola.
8 Ndizo mundilinde, kojalo Yahwe.
Zhuba landinowomilika apa butendeki.
Ngobe ndapedzisa kuti ndowokubunganya zwitjaba
ndowokubunganya mibuso
kuti ndizo nditebulile bushongola gwangu ne kupisa kwe kugwadzamoyo kwangu kose mu bali,
ngoti nge moto we bushongola gwe fupa langu
shango inowojiwa nge moto.
9 Ngono kudwapo ndowotjenapadza milomo ye bathu
kuti ndizo badane zina la Yahwe ne kubashingila bakabhatana.
10 Kudwa seli kwe njizi dze Khushi
banamati bose bangu, bathu bangu bakapalalana
banowondizhisila zwipo.
11 Mu zhuba ilelo amutjowobhakhwa nge shoni
ngekwe mishingo yenyu yamakandithamila,
ngoti ndowodusa ibabo banoshathila kuzwikudza,
amutjowofa mazwida kakale mu dombo langu lakayengemala.
12 Koga ndowosiya pakati kwenyu
banozwiyisa pasi ne bana mimoyo minyolo
ibo banogalabgwe muna Yahwe.
13 Malimbelimbe e Iziraela aatowothama tjakabhuda mu zila
kene kuli kuleba manyepkhwa kene
butjebeli gungawang'wa mu milomo yabo.
Banowoja bakaizela akuna ungabatjisa.
Lumbo gwe shatho
14 Mbila pezhugwi iwe nkololokadzi we Ziyoni!
Pembela kaa iwe Iziraela!
Shatha upululudze nge moyo uwo wose,
iwe nkololokadzi we Jerusalema!
15 Yahwe babigila ntome shamu iyo,
badusila kutjena zwita zwizo.
Yahwe, Mambo we Iziraela banawe,
autjofa watja hwubadzi dzipi kene dzipi!
16 Mu zhuba ilelo banowoti ku Jerusalema,
“Usitje, iwe Ziyoni,
maboko awo ngaasinengetele.
17 Yahwe Ndzimu uwo banawe,
ba mbhayani unokunda.
Banowokushathila nge shatho hwulu,
banowokunyaladza nge ludo gwabo,
banowokushathila nge lumbo gwe shatho,
18 koga se zhuba le nzano.
Tjililo tjekusabe ne mizano ndatjidusa mu muli,
tjabe tjili ntolo ne bhalule le shoni mu muli.
19 Bonani, mu tjibaka itjetjo ndowozwilingisanya ne batshambilidzi benyu
Ndowotjidza zwilema
akubunganya bakapalala ne shango.
Ndowobapa gudzo ne ntutshi,
mu shango imwe ne imwe
yabakabe babhatisiwa shoni muili.
20 Mu tjibaka itjetjo ndowomuzhisa kanyi,
mu tjibaka itjetjo ndowomukubunganya,
ndowomupa kukudziwa ne kutetiwa mu bathu bose be shango,
andimubgwilizila thundu yenyu mbeli kwenyu.”
Kojalo Yahwe.
Jinyo le Jerusalema ne tjidziwa kwayo
1 Yee mme wee! Wapalala iwe mpanduki wakatemapala
nzi nkulu we batshambilidzi!
2 Akuna hwi laanoteedza,
aatotjemeleka,
aatogalabgwe muna Yahwe.
Aatozwisedzedza ku Ndzimu uwe.
3 Makulukota awo i shumba dzinobomba,
balauli bawo banonga phele dze madekwana
dzinoja dzikasisiye tjimwe tje mangwanana.
4 Balebesambeli bawo banozwikudza kakale batjebeli,
bapirisiti bawo banotemapadza zwakayengemala
banokombamisa nlayo.
5 Yahwe bakatambunuka pakati kwawo,
akuna tjisiitjo tjabanothama.
Mangwanana mamwe ne mamwe banolakidza ndulamo yabo,
mu kuyedza kwe zhuba abatokong'wa kulakidza ndulamo yabo.
Koga basakatambunuka abana shoni.
6 Ndakalobesa zwitjaba, ndakakolomola matizhilo apkhwanya
ndakasiya dzizila dzawo dzisina batobeli.
Mizi mikulu yakakolomogwa
akuna unowosala ndodwa.
7 Ndakabe ndati, Nge malebeswa unowonditja,
unowoamutjila kutjemegwa!
Ipapo magalo awe kasilobesiwe kene
shamu yangu ikasidelukile mu nli.
Koga bakazwimisila kushinga mishingo yabo yakabola.
8 Ndizo mundilinde, kojalo Yahwe.
Zhuba landinowomilika apa butendeki.
Ngobe ndapedzisa kuti ndowokubunganya zwitjaba
ndowokubunganya mibuso
kuti ndizo nditebulile bushongola gwangu ne kupisa kwe kugwadzamoyo kwangu kose mu bali,
ngoti nge moto we bushongola gwe fupa langu
shango inowojiwa nge moto.
9 Ngono kudwapo ndowotjenapadza milomo ye bathu
kuti ndizo badane zina la Yahwe ne kubashingila bakabhatana.
10 Kudwa seli kwe njizi dze Khushi
banamati bose bangu, bathu bangu bakapalalana
banowondizhisila zwipo.
11 Mu zhuba ilelo amutjowobhakhwa nge shoni
ngekwe mishingo yenyu yamakandithamila,
ngoti ndowodusa ibabo banoshathila kuzwikudza,
amutjowofa mazwida kakale mu dombo langu lakayengemala.
12 Koga ndowosiya pakati kwenyu
banozwiyisa pasi ne bana mimoyo minyolo
ibo banogalabgwe muna Yahwe.
13 Malimbelimbe e Iziraela aatowothama tjakabhuda mu zila
kene kuli kuleba manyepkhwa kene
butjebeli gungawang'wa mu milomo yabo.
Banowoja bakaizela akuna ungabatjisa.
Lumbo gwe shatho
14 Mbila pezhugwi iwe nkololokadzi we Ziyoni!
Pembela kaa iwe Iziraela!
Shatha upululudze nge moyo uwo wose,
iwe nkololokadzi we Jerusalema!
15 Yahwe babigila ntome shamu iyo,
badusila kutjena zwita zwizo.
Yahwe, Mambo we Iziraela banawe,
autjofa watja hwubadzi dzipi kene dzipi!
16 Mu zhuba ilelo banowoti ku Jerusalema,
“Usitje, iwe Ziyoni,
maboko awo ngaasinengetele.
17 Yahwe Ndzimu uwo banawe,
ba mbhayani unokunda.
Banowokushathila nge shatho hwulu,
banowokunyaladza nge ludo gwabo,
banowokushathila nge lumbo gwe shatho,
18 koga se zhuba le nzano.
Tjililo tjekusabe ne mizano ndatjidusa mu muli,
tjabe tjili ntolo ne bhalule le shoni mu muli.
19 Bonani, mu tjibaka itjetjo ndowozwilingisanya ne batshambilidzi benyu
Ndowotjidza zwilema
akubunganya bakapalala ne shango.
Ndowobapa gudzo ne ntutshi,
mu shango imwe ne imwe
yabakabe babhatisiwa shoni muili.
20 Mu tjibaka itjetjo ndowomuzhisa kanyi,
mu tjibaka itjetjo ndowomukubunganya,
ndowomupa kukudziwa ne kutetiwa mu bathu bose be shango,
andimubgwilizila thundu yenyu mbeli kwenyu.”
Kojalo Yahwe.