Tjibi tje Jerusalema
1 Tizhilani yeno na yeno mu dzizila dze Jerusalema!
Lingani kumupoteleka ngono muzwibonegwe.
Shakani ku matengeselo awe mubone,
ha kuna nthu wamunowowana,
iye unothama tjakatambunuka
iye unoshaka lebeswa,
kuti ndizo ndinzwiibhatigwe.
2 Nenguba beti, “Na Yahwe banotjila,”
koga betuna manyepkhwa.
3 Imwi Yahwe apa mesho enyu aatolinga lebeswa kene?
Makabaphobola,
koga abazohwa zogwadza,
makabapeleledza,
koga bakalamba kutjemegwa.
Bakathama njiso dzabo dzikasima kupinda bgwe,
bakalamba kushandukila matjinyo.
4 Ipapo ndakati, “Ibaba ate bali betjimwe, zwilengwe
abana mikumbulo,
ngoti abatoziba zila ya Yahwe,
nlayo we Ndzimu wabo.
5 Ndowoyenda ku bahwola,
ndowonolebeleka nabo.
Nge malebeswa banoziba zila ya Yahwe,
nlayo we Ndzimu wabo.”
Koga bose naibo bakavuna jokwi,
bakathubula mitjili.
6 Ndizo shumba inodwa mu ishaka inowobabulaya,
phele inodwa mu tjilambanyika inowobalobesa.
Ngwe inowobalalila mu mizi yabo mikulu,
mmwe ne mmwe unobhudila kuzhe
unowopalulanyiwa kabe zwitibhutibhu,
ngoti bupanduki gwabo gunjinji,
bakathama zwithu zwinjinji zwisina kugalikamoyo.
7 “Ndingamuzwiibhatigwa tjini wali?
Bana benyu bakandifupatila,
bakatuna ne midzimu isi midzimu.
Ndakati ndibapa zwinojiwa bakaguta,
bakathama bupombgwe
bakakubungana mu ng'umba dze fukula.
8 Banonga mbizi ndume dzakakola dzishashala,
imwe ne imwe ililila hadzi ye imwe.
9 Apa andingabalobele zwithu izwezwi kene?” Kojalo Yahwe.
Apa andingazwibgwilizile,
mu zwitjaba zwinonga izwezwi kene?
10 Palamani minda yayo mukolomole,
koga musi ikolomole yose,
pululani thabi dzayo,
ngoti adzitedzili dza Yahwe.
11 Ngoti be ng'umba ya Iziraela ne ng'umba ya Juda
bakandishayila bugalimoyo kwakapelela dumbu
kojalo Yahwe.
12 Bakaleba manyepkhwa ngekwa Yahwe beti,
“Abangathame tjimwe!
Akuna tjakabipa tjinowotiwila,
atingafe tabona thumo kene bhamba.
13 Balebesambeli banowobe phepo yoga,
dama alitowobe mu bali.
Ikoku kowobashingikalila!”
14 Ndizo Yahwe Ndzimu Masimbawose bakati,
“Ngoti bathu bakaleba matama iyawa,
bona, ndothama matama angu mu nlomo uwo kube moto,
bathu ibaba kube hwuni, moto unowobaja.
15 Bonani, ndozhisa mu muli
itjaba tjikule kubhayana nawe ng'umba ye Iziraela,
kojalo Yahwe.
Itjaba tjakasima,
itjaba tja ntolo tjose,
itjaba tje lulimi gwamusingazibe,
kene gwamungahwa tjabanoleba.
16 Wobhodo dze misebe yatjo inonga ikumbu tjakaashama,
bose koga babhayani bakasima.
17 Banowoja zwe minda dzenyu ne zojiwa zwenyu,
banowoja bakololo ne bakololokadzi benyu,
banowoja mbudzi ne pkhwizi dzenyu ne ng'ombe dzenyu,
banowoja zhambi dzenyu ne phaya dzenyu,
mizi yenyu ye matizhilo yamunogalabgwe muili,
inowokolomogwa nge thumo.”
18 “Koga ne mu mazhuba iyawo, kojalo Yahwe, anditomupeleledza. 19 Ngono ha bathu bebhuzwa beti, ‘Ini Yahwe Ndzimu wedu bathama zwithu zwakajali mu tili?’ Ngono unowoti kubali, ‘Koga sekwa makandifupatila mukashingila midzimu ipoga mu shango yenyu, ndizo namwibo mowoshingila bataya mu shango isi yenyu.’ ”
20 Zibisa woku mu ng'umba ya Jakubo,
ukulebe mu Juda:
21 “Ihwani woku imwi zwilengwe imwi bathu basina mikumbulo,
bana mesho koga musingabone,
bana zebe koga musingahwe.
22 Apa amutonditja kene? Kojalo Yahwe.
Apa motetema mbeli kwangu kene?
Ndakathama nsetje kube n'gathu we gungwa,
tjidzibilidzi tjatjose tjagusingake gukatjuluka,
kene mapundu e vula angapitukana agungatubule,
zwingabomba koga azwingagutjuluke.
23 Koga bathu ibaba bana bukomba ne moyo we bupanduki,
bakapambuka bakazwiyendila ntome.
24 Mu mimoyo yabo abatozwidwa beti,
‘Ngatitjeni Yahwe Ndzimu wedu,
ibo banotipa vula ye zhizha ne ye nsewulo nge tjibaka tjayo,
ibo banogadzabgwe misi ye kuvuna.’
25 Matjinyo enyu akapambusa zwithu izwezwi,
zwibi zwenyu zwakadzibila ndulamo.
26 Ngoti bathu babiibi banowanika pakati kwe bathu bangu,
banolalila bathu sa ibabo banobhatshila nyuni.
27 Se mazongondo azhele nyuni,
ng'umba dzabo dzizhele butjebeli,
ndizo batjibe ne masimba batjifuma,
28 bakatjikola banokwidzima.
Banozwikudza ne mishingo yabo yakabipa isina tjilizanyo,
banosumikilisa kusakatambunuka,
ndebo dze siyang'wa kuyita kuti dzisibhudilile,
abatolebelekela fanilo dze banosheta.
29 Apa andizofanila kubalobela zwithu izwezwi kene?
Kojalo Yahwe,
apa andizofanila kuzwibgwilizila
mu zwitjaba zwakajali kene?”
30 Tjithu tjinotjenamisa kakale tjakabipa
tjashingikala mu shango,
31 balebesambeli banolebeselambeli manyepkhwa,
bapirisiti banoshinga nge simba labo
ngono bathu bangu banoda kwakajalo,
koga mowothama tjini ha bhelelo latjiswika kene?
Tjibi tje Jerusalema
1 Tizhilani yeno na yeno mu dzizila dze Jerusalema!
Lingani kumupoteleka ngono muzwibonegwe.
Shakani ku matengeselo awe mubone,
ha kuna nthu wamunowowana,
iye unothama tjakatambunuka
iye unoshaka lebeswa,
kuti ndizo ndinzwiibhatigwe.
2 Nenguba beti, “Na Yahwe banotjila,”
koga betuna manyepkhwa.
3 Imwi Yahwe apa mesho enyu aatolinga lebeswa kene?
Makabaphobola,
koga abazohwa zogwadza,
makabapeleledza,
koga bakalamba kutjemegwa.
Bakathama njiso dzabo dzikasima kupinda bgwe,
bakalamba kushandukila matjinyo.
4 Ipapo ndakati, “Ibaba ate bali betjimwe, zwilengwe
abana mikumbulo,
ngoti abatoziba zila ya Yahwe,
nlayo we Ndzimu wabo.
5 Ndowoyenda ku bahwola,
ndowonolebeleka nabo.
Nge malebeswa banoziba zila ya Yahwe,
nlayo we Ndzimu wabo.”
Koga bose naibo bakavuna jokwi,
bakathubula mitjili.
6 Ndizo shumba inodwa mu ishaka inowobabulaya,
phele inodwa mu tjilambanyika inowobalobesa.
Ngwe inowobalalila mu mizi yabo mikulu,
mmwe ne mmwe unobhudila kuzhe
unowopalulanyiwa kabe zwitibhutibhu,
ngoti bupanduki gwabo gunjinji,
bakathama zwithu zwinjinji zwisina kugalikamoyo.
7 “Ndingamuzwiibhatigwa tjini wali?
Bana benyu bakandifupatila,
bakatuna ne midzimu isi midzimu.
Ndakati ndibapa zwinojiwa bakaguta,
bakathama bupombgwe
bakakubungana mu ng'umba dze fukula.
8 Banonga mbizi ndume dzakakola dzishashala,
imwe ne imwe ililila hadzi ye imwe.
9 Apa andingabalobele zwithu izwezwi kene?” Kojalo Yahwe.
Apa andingazwibgwilizile,
mu zwitjaba zwinonga izwezwi kene?
10 Palamani minda yayo mukolomole,
koga musi ikolomole yose,
pululani thabi dzayo,
ngoti adzitedzili dza Yahwe.
11 Ngoti be ng'umba ya Iziraela ne ng'umba ya Juda
bakandishayila bugalimoyo kwakapelela dumbu
kojalo Yahwe.
12 Bakaleba manyepkhwa ngekwa Yahwe beti,
“Abangathame tjimwe!
Akuna tjakabipa tjinowotiwila,
atingafe tabona thumo kene bhamba.
13 Balebesambeli banowobe phepo yoga,
dama alitowobe mu bali.
Ikoku kowobashingikalila!”
14 Ndizo Yahwe Ndzimu Masimbawose bakati,
“Ngoti bathu bakaleba matama iyawa,
bona, ndothama matama angu mu nlomo uwo kube moto,
bathu ibaba kube hwuni, moto unowobaja.
15 Bonani, ndozhisa mu muli
itjaba tjikule kubhayana nawe ng'umba ye Iziraela,
kojalo Yahwe.
Itjaba tjakasima,
itjaba tja ntolo tjose,
itjaba tje lulimi gwamusingazibe,
kene gwamungahwa tjabanoleba.
16 Wobhodo dze misebe yatjo inonga ikumbu tjakaashama,
bose koga babhayani bakasima.
17 Banowoja zwe minda dzenyu ne zojiwa zwenyu,
banowoja bakololo ne bakololokadzi benyu,
banowoja mbudzi ne pkhwizi dzenyu ne ng'ombe dzenyu,
banowoja zhambi dzenyu ne phaya dzenyu,
mizi yenyu ye matizhilo yamunogalabgwe muili,
inowokolomogwa nge thumo.”
18 “Koga ne mu mazhuba iyawo, kojalo Yahwe, anditomupeleledza. 19 Ngono ha bathu bebhuzwa beti, ‘Ini Yahwe Ndzimu wedu bathama zwithu zwakajali mu tili?’ Ngono unowoti kubali, ‘Koga sekwa makandifupatila mukashingila midzimu ipoga mu shango yenyu, ndizo namwibo mowoshingila bataya mu shango isi yenyu.’ ”
20 Zibisa woku mu ng'umba ya Jakubo,
ukulebe mu Juda:
21 “Ihwani woku imwi zwilengwe imwi bathu basina mikumbulo,
bana mesho koga musingabone,
bana zebe koga musingahwe.
22 Apa amutonditja kene? Kojalo Yahwe.
Apa motetema mbeli kwangu kene?
Ndakathama nsetje kube n'gathu we gungwa,
tjidzibilidzi tjatjose tjagusingake gukatjuluka,
kene mapundu e vula angapitukana agungatubule,
zwingabomba koga azwingagutjuluke.
23 Koga bathu ibaba bana bukomba ne moyo we bupanduki,
bakapambuka bakazwiyendila ntome.
24 Mu mimoyo yabo abatozwidwa beti,
‘Ngatitjeni Yahwe Ndzimu wedu,
ibo banotipa vula ye zhizha ne ye nsewulo nge tjibaka tjayo,
ibo banogadzabgwe misi ye kuvuna.’
25 Matjinyo enyu akapambusa zwithu izwezwi,
zwibi zwenyu zwakadzibila ndulamo.
26 Ngoti bathu babiibi banowanika pakati kwe bathu bangu,
banolalila bathu sa ibabo banobhatshila nyuni.
27 Se mazongondo azhele nyuni,
ng'umba dzabo dzizhele butjebeli,
ndizo batjibe ne masimba batjifuma,
28 bakatjikola banokwidzima.
Banozwikudza ne mishingo yabo yakabipa isina tjilizanyo,
banosumikilisa kusakatambunuka,
ndebo dze siyang'wa kuyita kuti dzisibhudilile,
abatolebelekela fanilo dze banosheta.
29 Apa andizofanila kubalobela zwithu izwezwi kene?
Kojalo Yahwe,
apa andizofanila kuzwibgwilizila
mu zwitjaba zwakajali kene?”
30 Tjithu tjinotjenamisa kakale tjakabipa
tjashingikala mu shango,
31 balebesambeli banolebeselambeli manyepkhwa,
bapirisiti banoshinga nge simba labo
ngono bathu bangu banoda kwakajalo,
koga mowothama tjini ha bhelelo latjiswika kene?