Jeremiya na Pashihuri
1 Kwakati mpirisiti Pashihuri nkololo wa Imeri wakabe ali ntungamili mu Ng'umba ya Yahwe kahwa kuti Jeremiya wakabe elebesambeli ngekwe zwithu izwezwi. 2 Ipapo Pashihuri kaloba Jeremiya nlebesambeli kansungilila makumbo mu bhangwana lakabe lili tjapezhugwi ku Nkoba wa Bhenjamini we Ng'umba ya Yahwe. 3 Tjimuka kwakati Pashihuri esunungula Jeremiya mu bhangwanaBhangwana lakabe lisungiligwa mu makumbo Jeremiya kandwa kati, “Yahwe abatjakudana Pashihuri botjikudana ‘Ndziyidzi mbizho dzose.’ 4 Ngoti Yahwe bakati, ‘Bona ndowokuthama ndziyidzi kukuli ne ku bakwinya babo bose. Banowobulawa nge thumo le zwita zwabo iwe wakalingilila. Ndowolonga Juda yose mu maboko a mambo we Bhabhiloni, unowobatapila ku Bhabhiloni, ngono unowobabulaya nge thumo. 5 Pezhugwi kwa ipapo ndowolonga fumwa yose ye nzi nkulu ne mimwiso yawo yose ne zwija zwawo zwe ntengo upezhugwi ne zose zwe matula a bomambo be Juda mu maboko e zwita zwabo, banowozwitola bakazwitapa bakazwisengela ku Bhabhiloni. 6 Ngono iwe Pashihuri na bose banogala mu ng'umba iyo mowotapigwa ku Bhabhiloni iko mokuyenda mukanofila ikoko ngono banowomubiganyila ikoko, imwi ne bakwinya benyu bose ibo bawakalebesambeli manyepkhwa ku bali.’ ”
Ng'ong'ola kwa Jeremiya
7 Imwi Yahwe makanditjengedza,
ngono atjengedzeka,
nenguba makasima kundipinda,
kakale makandikunda.
Ndatjibe tjiseko zhuba lose,
mmwe ne mmwe unondidadila.
8 Ngoti tjibaka ne tjibaka andilebeleka ndomimila,
ndimimila nditi, “Phiphiti ne golomodzo!”
Ngoti dama la Yahwe landizhisila,
kutukiwa ne kugongobogwa zhuba lose.
9 Ha nditi, “Anditjofa ndabakumbula,
kene alebeleka ngekwe zina labo,”
ngakunge moto unopisa mu moyo wangu,
moto wakazhaliligwa mu mafupa angu.
Ndanyadziwa ngo dzikitadza,
ngono andingatjatubule.
10 Ngoti ndohwa kunyebezela kunjinji,
zogwadza zwizhele mbizho dzose.
“Muntjeteni, ngati ntjeteni!”
Bakwinya bangu bose bandinotjila nabo
bakalingilila kuwa kwangu.
“Pamwe unowotjengedzeka,
ipapo tikankunda,
ngono tikazwibgwilizila mu nli.”
11 Koga Yahwe banami bali mbayani unotjisa,
ndizo badziyidzi bangu banowokuthiwa,
abangandikunde.
Banowobhakhwa nge shoni kwazo,
ngoti abatowobhudilila.
Kulengudzika kwabo kusingapele
akutowokanganika.
12 Imwi Yahwe Masimbawose molika nlulwami,
mobona tjimu moyo ne mu nkumbulo,
imani ndibone kubgwilizila kwenyu mu bali,
ngoti ndamupa ndebo yangu.
13 Mbilani Yahwe,
kudzani Yahwe!
Ngoti basunungula butjilo gwe unosheta,
mu luboko gwe mbiimbi.
14 Bhiso ngalibe mu zhuba landakazwagwa nalo!
Zhuba la mme bangu labakandizwala ngalisikombolegwe!
15 Bhiso ngalibe mu nthu wakawodwa tate bangu eti,
“Wazwaligwa nkololo,”
ethama kuti bashathe kwazo.
16 Nthu iwoyu ngaange mizi mikulu,
yakakolomogwa ndi Yahwe basina ngoni,
Ngaahwe tjililo mangwanana,
ne lunyanga gunotjenjedza masikati zhuba lili pa thongoma,
17 ngoti azondibulayila mu tjibumbilo,
kuti ndizo mmeyangu babe ikumbu tjangu,
ipapo bakabe bowogala bakazwisenga tjatjose.
18 Ini ndakabhuda mu tjibumbilo,
kuti ndiwobona kudziyidzika ne buyendasi,
ne kugala mazhuba angu ndilengudzika kene?
Jeremiya na Pashihuri
1 Kwakati mpirisiti Pashihuri nkololo wa Imeri wakabe ali ntungamili mu Ng'umba ya Yahwe kahwa kuti Jeremiya wakabe elebesambeli ngekwe zwithu izwezwi. 2 Ipapo Pashihuri kaloba Jeremiya nlebesambeli kansungilila makumbo mu bhangwana lakabe lili tjapezhugwi ku Nkoba wa Bhenjamini we Ng'umba ya Yahwe. 3 Tjimuka kwakati Pashihuri esunungula Jeremiya mu bhangwanaBhangwana lakabe lisungiligwa mu makumbo Jeremiya kandwa kati, “Yahwe abatjakudana Pashihuri botjikudana ‘Ndziyidzi mbizho dzose.’ 4 Ngoti Yahwe bakati, ‘Bona ndowokuthama ndziyidzi kukuli ne ku bakwinya babo bose. Banowobulawa nge thumo le zwita zwabo iwe wakalingilila. Ndowolonga Juda yose mu maboko a mambo we Bhabhiloni, unowobatapila ku Bhabhiloni, ngono unowobabulaya nge thumo. 5 Pezhugwi kwa ipapo ndowolonga fumwa yose ye nzi nkulu ne mimwiso yawo yose ne zwija zwawo zwe ntengo upezhugwi ne zose zwe matula a bomambo be Juda mu maboko e zwita zwabo, banowozwitola bakazwitapa bakazwisengela ku Bhabhiloni. 6 Ngono iwe Pashihuri na bose banogala mu ng'umba iyo mowotapigwa ku Bhabhiloni iko mokuyenda mukanofila ikoko ngono banowomubiganyila ikoko, imwi ne bakwinya benyu bose ibo bawakalebesambeli manyepkhwa ku bali.’ ”
Ng'ong'ola kwa Jeremiya
7 Imwi Yahwe makanditjengedza,
ngono atjengedzeka,
nenguba makasima kundipinda,
kakale makandikunda.
Ndatjibe tjiseko zhuba lose,
mmwe ne mmwe unondidadila.
8 Ngoti tjibaka ne tjibaka andilebeleka ndomimila,
ndimimila nditi, “Phiphiti ne golomodzo!”
Ngoti dama la Yahwe landizhisila,
kutukiwa ne kugongobogwa zhuba lose.
9 Ha nditi, “Anditjofa ndabakumbula,
kene alebeleka ngekwe zina labo,”
ngakunge moto unopisa mu moyo wangu,
moto wakazhaliligwa mu mafupa angu.
Ndanyadziwa ngo dzikitadza,
ngono andingatjatubule.
10 Ngoti ndohwa kunyebezela kunjinji,
zogwadza zwizhele mbizho dzose.
“Muntjeteni, ngati ntjeteni!”
Bakwinya bangu bose bandinotjila nabo
bakalingilila kuwa kwangu.
“Pamwe unowotjengedzeka,
ipapo tikankunda,
ngono tikazwibgwilizila mu nli.”
11 Koga Yahwe banami bali mbayani unotjisa,
ndizo badziyidzi bangu banowokuthiwa,
abangandikunde.
Banowobhakhwa nge shoni kwazo,
ngoti abatowobhudilila.
Kulengudzika kwabo kusingapele
akutowokanganika.
12 Imwi Yahwe Masimbawose molika nlulwami,
mobona tjimu moyo ne mu nkumbulo,
imani ndibone kubgwilizila kwenyu mu bali,
ngoti ndamupa ndebo yangu.
13 Mbilani Yahwe,
kudzani Yahwe!
Ngoti basunungula butjilo gwe unosheta,
mu luboko gwe mbiimbi.
14 Bhiso ngalibe mu zhuba landakazwagwa nalo!
Zhuba la mme bangu labakandizwala ngalisikombolegwe!
15 Bhiso ngalibe mu nthu wakawodwa tate bangu eti,
“Wazwaligwa nkololo,”
ethama kuti bashathe kwazo.
16 Nthu iwoyu ngaange mizi mikulu,
yakakolomogwa ndi Yahwe basina ngoni,
Ngaahwe tjililo mangwanana,
ne lunyanga gunotjenjedza masikati zhuba lili pa thongoma,
17 ngoti azondibulayila mu tjibumbilo,
kuti ndizo mmeyangu babe ikumbu tjangu,
ipapo bakabe bowogala bakazwisenga tjatjose.
18 Ini ndakabhuda mu tjibumbilo,
kuti ndiwobona kudziyidzika ne buyendasi,
ne kugala mazhuba angu ndilengudzika kene?