Mambo Senakheribu ebombela Jerusalema
(2 Bomambo 18:13-272 Zwiyitikalo 32:1-19)1 Mu gole le bugumi lina makole ali manna e kubusa kwa Mambo Hezekiya, mambo we Asiriya Senakheribu wakazha kuwonginilila mizi mikulu yose ye Juda ngono kayitapa. 2 Ngono mambo we Asiriya katuma nkulu we balauli be babhayani babe kudwa ku Lakhishi kuti ayende kuna Mambo Hezekiya ku Jerusalema ana babhayani banjinji. Kaswika kama pa ngolo ye dziba litja pezhugwi mu zila ye bumambo inoyenda ku Nnda we Nsuki. 3 Ngono kashangamidziwa ndi Eliyakimu nkololo wa Hilikiya wakabe ali iye ntjengeti we ng'umba ye bumambo epelekwa ndi Shebina nkwalili na Jowa nkololo wa Asafu nkwali we zwiyitikalo.
4 Nkulu we balauli be babhayani kabadwa kati, “Kadweni Hezekiya muti, ‘Mambo nkulu, mambo we Asiriya kati, Tjawakabiga mu tjili ini ha wakadzikama wakajali wali? 5 Unokumbula kuti mano ne masimba e kugwa matama anolebelekwa koga kene? Wakabiga muna ani, ha undipandukila wali? 6 Wakabiga mu Egipiti, igoguja ludozo gwe lushanga gwakavunika, gunowobhaya mmwe ne mmwe unodozola ndigo. Faro mambo we Egipiti wakajalo kuna ibabo bose bakabiga munli. 7 Koga ha ungandidwa ukati, “Iswi tigelebgwe muna Yahwe Ndzimu wedu.” Apa ate uli iwo we magalo akatuthumala ne zwibeso zwe zwibhayilo zwakati Hezekiya kazwikolomola, ebe edwa Juda ne Jerusalema eti, “Namatani pa tjibeso tjinopisigwa zwibhayilo itjetji kene?” 8 Buya ngeno udumane na tetshi wangu mambo we Asiriya. Ndowokupa mbizi dzili zwiwulu zwibili (2 000), ha iwe unoshaka bangadzitaswa. 9 Aungatubule kumidzana ne nng'ompela we bashomanana tjose be balanda ba tetshi wangu, ha ili kuti wakabiga mu koloyi dze ngwa ne bataswi be mbizi dze Egipiti. 10 Pezhugwi kwa ipapo ndawobhayana ne shango iyeyi nge kuda kwa Yahwe. Yahwe nge kwabo bakandidwa bakati, Yenda unokolomodza shango iyeyije.’ ”
11 Ipapo Eliyakimu na Shebina na Jowa bakadwa nkulu we batungamili be babhayani be Asiriya bakati, “Tokumbila kuti utilebese nge Tjiaramu ngoti totjiwa, usitilebese nge Tjijuta mu zebe dze bathu ibaba ba pezhugwi kwe guma.” 12 Koga iye kabadabila eti, “Apa moti ndatumwa kuwoleba zwithu izwezwi kuna tetshi wenyu ne ku muli koga kene? Akuzojalo, ndatumwa neku bathu bapezhugwi kwe guma, banowoja mapambuko abo bakang'wa mitundo yabo koga samwi.”
13 Ipapo nkulu we balauli be babhayani be Asiriya kamilidza hwi kalebeleka nge Tjijuta kati, “Ihwani matama a mambo nkulu, mambo we Asiriya. 14 Mambo kati, Musitjengedziwe ndi Hezekiya ngoti aatowotubula ku musunungula. 15 Musitongo duma Hezekiya ha eti mugalebgwe muna Yahwe eti, ‘Nge malebeswa Yahwe banowotitjidza. Nzi nkulu iwoyu awungatogwe nge Asiriya.’ 16 Musitongo teedza Hezekiya. Mambo we Asiriya kati, Dumanani nami mube ne mbakiso mubhudile ngeno kundili, ipapo mmwe ne mmwe wenyu unowoja zhambi dze nzhambi uwe ne phaya dze mpaya uwe eng'wa vula mu tshime lile, 17 kuswikila ndizha ndi mutola ndi muisa ku shango inonga yenyu, shango ina mathunde ne nkumbi we zhambi, shango ina tjiwunga ne minda ye mizhambi. 18 Hezekiya asitongo mu lasha nge kumudwa eti, ‘Yahwe banowotitjidza.’ Apa uyapo kene ndzimu pakati kwe midzimu ye zwitjaba wakatongo sunungula itjaba mu maboko a mambo we Asiriya? 19 Ingayi kene midzimu ye Hamati ne ye Aripadi? Ye Sefarivaimu kee, ingayi? Apa yakatongo sunungula Samariya mu maboko angu kene? 20 Ndiipi midzimu pakati kwayo yose iyeyi yakatongo sunungula shango dzayo mu maboko angu kene? Apa ngono mungandibudza kuti Yahwe ungasunungula Jerusalema mu maboko angu kene?”
21 Koga ibo bakanyalala zwabo bakasitongo n'dabila ngekuti mambo bakabe bati, “Musitongo nshandula.” 22 Ipapo Eliyakimu nkololo wa Hilikiya iye wakabe ali ntjengeti we ng'umba ye bumambo ana Shebina nkwalili na Jowa nkololo wa Asafu ali nkwali we zwiyitikalo bakayenda kuna Hezekiya bapalula zwiambalo zwabakaambala, ngono bakambudza matama wose alebgwa ne nkulu we balauli be babhayani be Asiriya.
Mambo Senakheribu ebombela Jerusalema
(2 Bomambo 18:13-272 Zwiyitikalo 32:1-19)1 Mu gole le bugumi lina makole ali manna e kubusa kwa Mambo Hezekiya, mambo we Asiriya Senakheribu wakazha kuwonginilila mizi mikulu yose ye Juda ngono kayitapa. 2 Ngono mambo we Asiriya katuma nkulu we balauli be babhayani babe kudwa ku Lakhishi kuti ayende kuna Mambo Hezekiya ku Jerusalema ana babhayani banjinji. Kaswika kama pa ngolo ye dziba litja pezhugwi mu zila ye bumambo inoyenda ku Nnda we Nsuki. 3 Ngono kashangamidziwa ndi Eliyakimu nkololo wa Hilikiya wakabe ali iye ntjengeti we ng'umba ye bumambo epelekwa ndi Shebina nkwalili na Jowa nkololo wa Asafu nkwali we zwiyitikalo.
4 Nkulu we balauli be babhayani kabadwa kati, “Kadweni Hezekiya muti, ‘Mambo nkulu, mambo we Asiriya kati, Tjawakabiga mu tjili ini ha wakadzikama wakajali wali? 5 Unokumbula kuti mano ne masimba e kugwa matama anolebelekwa koga kene? Wakabiga muna ani, ha undipandukila wali? 6 Wakabiga mu Egipiti, igoguja ludozo gwe lushanga gwakavunika, gunowobhaya mmwe ne mmwe unodozola ndigo. Faro mambo we Egipiti wakajalo kuna ibabo bose bakabiga munli. 7 Koga ha ungandidwa ukati, “Iswi tigelebgwe muna Yahwe Ndzimu wedu.” Apa ate uli iwo we magalo akatuthumala ne zwibeso zwe zwibhayilo zwakati Hezekiya kazwikolomola, ebe edwa Juda ne Jerusalema eti, “Namatani pa tjibeso tjinopisigwa zwibhayilo itjetji kene?” 8 Buya ngeno udumane na tetshi wangu mambo we Asiriya. Ndowokupa mbizi dzili zwiwulu zwibili (2 000), ha iwe unoshaka bangadzitaswa. 9 Aungatubule kumidzana ne nng'ompela we bashomanana tjose be balanda ba tetshi wangu, ha ili kuti wakabiga mu koloyi dze ngwa ne bataswi be mbizi dze Egipiti. 10 Pezhugwi kwa ipapo ndawobhayana ne shango iyeyi nge kuda kwa Yahwe. Yahwe nge kwabo bakandidwa bakati, Yenda unokolomodza shango iyeyije.’ ”
11 Ipapo Eliyakimu na Shebina na Jowa bakadwa nkulu we batungamili be babhayani be Asiriya bakati, “Tokumbila kuti utilebese nge Tjiaramu ngoti totjiwa, usitilebese nge Tjijuta mu zebe dze bathu ibaba ba pezhugwi kwe guma.” 12 Koga iye kabadabila eti, “Apa moti ndatumwa kuwoleba zwithu izwezwi kuna tetshi wenyu ne ku muli koga kene? Akuzojalo, ndatumwa neku bathu bapezhugwi kwe guma, banowoja mapambuko abo bakang'wa mitundo yabo koga samwi.”
13 Ipapo nkulu we balauli be babhayani be Asiriya kamilidza hwi kalebeleka nge Tjijuta kati, “Ihwani matama a mambo nkulu, mambo we Asiriya. 14 Mambo kati, Musitjengedziwe ndi Hezekiya ngoti aatowotubula ku musunungula. 15 Musitongo duma Hezekiya ha eti mugalebgwe muna Yahwe eti, ‘Nge malebeswa Yahwe banowotitjidza. Nzi nkulu iwoyu awungatogwe nge Asiriya.’ 16 Musitongo teedza Hezekiya. Mambo we Asiriya kati, Dumanani nami mube ne mbakiso mubhudile ngeno kundili, ipapo mmwe ne mmwe wenyu unowoja zhambi dze nzhambi uwe ne phaya dze mpaya uwe eng'wa vula mu tshime lile, 17 kuswikila ndizha ndi mutola ndi muisa ku shango inonga yenyu, shango ina mathunde ne nkumbi we zhambi, shango ina tjiwunga ne minda ye mizhambi. 18 Hezekiya asitongo mu lasha nge kumudwa eti, ‘Yahwe banowotitjidza.’ Apa uyapo kene ndzimu pakati kwe midzimu ye zwitjaba wakatongo sunungula itjaba mu maboko a mambo we Asiriya? 19 Ingayi kene midzimu ye Hamati ne ye Aripadi? Ye Sefarivaimu kee, ingayi? Apa yakatongo sunungula Samariya mu maboko angu kene? 20 Ndiipi midzimu pakati kwayo yose iyeyi yakatongo sunungula shango dzayo mu maboko angu kene? Apa ngono mungandibudza kuti Yahwe ungasunungula Jerusalema mu maboko angu kene?”
21 Koga ibo bakanyalala zwabo bakasitongo n'dabila ngekuti mambo bakabe bati, “Musitongo nshandula.” 22 Ipapo Eliyakimu nkololo wa Hilikiya iye wakabe ali ntjengeti we ng'umba ye bumambo ana Shebina nkwalili na Jowa nkololo wa Asafu ali nkwali we zwiyitikalo bakayenda kuna Hezekiya bapalula zwiambalo zwabakaambala, ngono bakambudza matama wose alebgwa ne nkulu we balauli be babhayani be Asiriya.