Matjinyo e Bajuda ne kulobgwa shamu kwabo
1 “Tjibi tje Juda tjakakwagwa nge pena ye butale, nge theswi ye dayimani tjakakobolegwa mu tjileiti tje mimoyo yabo ne mu nyanga dze zwibeso zwabo zwe zwibhayilo, 2 ha bana babo ibo bekumbula zwibeso zwabo zwe zwibhayilo ne midzimu yabo ye Ashera mu miti mitala na pezhugwi kwe matombo malefulefu 3 ne mu matuthu e shango yakazhuka. Fumwa iyo ne thundu iyo ndowothama kuti zwitapiwe ili iwo mbhayilo we tjibi tjitjo mu ntuthu wose uwo. 4 Ngono unowolashikigwa nge thaka iyo yandakakupa, ndowokuthama kuti ushingile zwita zwizo mu shango yausinga zibe ngoti mu kugwadzamoyo kwangu moto wakabangalala unowopisa nge kusingapele.”
Galabgwe muna Yahwe
5 Yahwe bakati,
“Una bhiso nthu unogalabgwe bathu,
unothama nthu simba lile,
we moyo unofupatila Yahwe.
6 Unonga denjana limu tjilambanyika,
atowobona tjimwe tjibuya tjinozha.
Unowogala mu magalo akakwakwalala
magalo asina bathu e shango ye mwenyu.
7 “Kwakakombolegwa nthu unogalabgwe muna Yahwe,
wakazwisesekedza muna Yahwe.
8 Unonga nti wakadzwagwa pa vula,
we midzi inotendebukila ku nkuku,
autotja ha pisa kuzha,
ngoti mazhani awo anogala ali matala,
autodziyidzika nge gole lisina vula,
ngoti autokuba.”
9 Moyo unotjebela kupinda zwithu zose,
kakale wakabola kwakabangalala,
ndiani ungauhwisisa wali?
10 “Imi Yahwe ndoshakisisa tjipa moyo,
ndikalika nkumbulo,
kuti ndizo ndipe nthu mmwe ne mmwe kuyendidzana ne mija iye
kuyendidzana ne mitjelo ye zwiyito zwizwe.”
11 Se hwali tjakabubatila mabumbulu atjisakabigila,
ne nthu wakajalobo unowana fumwa nge kusakatambunuka.
Koti mazhuba awe abe pakati ikampalalila,
ngono ku bhelelo lile unowobe tjilengwe.
12 Tjigalo tje gudzo tjakabigwa pezhugwi kudwa mu kutangisa,
pathu pe bugalo gwedu gwakayengemala.
13 Imwi Yahwe, kugalabgwe kwe Iziraela,
bose banomufupatila banowobhatisiwa shoni,
ibabo banomutizha banowokwagwa pasi,
ngoti bakalasha Yahwe tshime le vula inotjila.
Jeremiya unokumbila Ndzimu
14 Mundipodze imwi Yahwe ngono ndowopola,
munditjidze ngono ndowotjila,
ngoti ndimwi bandinokudza.
15 Bona, bakandidwa bakati,
“Lingayi dama la Yahwe? Ngalizhe!”
16 Andizotizha kube nlisi wenyu,
andizoyemula zhuba le kupungayila, woku mokuziba,
zwakabhuda mu nlomo wangu zwimbeli kwenyu.
17 Musibe kupalusa moyo kundili,
mu mabgwatilo angu mu zhuba le mbatsha.
18 Ngababhakhwe nge shoni ibabo banondidziyidza,
koga imi musithame kuti ndibhakhwe nge shoni,
ngaba temeke mafupa,
koga imi ngandisitemeke mafupa,
zhisani pezhugwi kwabo zhuba le bubi,
mubakolomole nge golomolo lakawatshika kabili!
Zhuba le Sabata lilondolodziwe
19 Yahwe bakandidwa bakati, “Yenda unoma pa nkoba we bathu be itjaba nkoba unongina kakale ubhuda na bomambo be Juda, unoma kakale ku mimwe mikoba yose ye Jerusalema, 20 ulebe uti, ‘Ihwani dama la Yahwe imwi bomambo be Juda ne Juda yose ne bagali bose be Jerusalema banongina ne mikoba iyeyi. 21 Yahwe bakati, “Bhulutanani woku ngekwe matjilo enyu, musisenge ntolo nge zhuba le Sabata kene kuli kuwozhisa ku mikoba ye Jerusalema. 22 Musisenge ntolo kudwa mu ng'umba dzenyu mu zhuba le Sabata kene kuli kushinga nshingo upi kene upi koga yengemadzani zhuba le Sabata sekwa ndakadwa bobatategulu benyu. 23 Koga ibo bakasiteedze kene kuli kuhwa nge zebe dzabo, koga bakahwomeledza mitshibha yabo kuti ndizo basihwe kene kuamutjila ndaulo.
24 “ ‘ “Koga ha munganditeedza, kojalo Yahwe, mukasizhise mitolo ku mikoba ye nzi nkulu mu zhuba le Sabata koga muyengemadza zhuba le Sabata musinga shinge mu lili, 25 ipapo banowongina nge mikoba ye nzi iwoyu nkulu bomambo banogala mu tjigalo tje bumambo tja Dafite bakatatha koloyi dze mbizi ne mbizi, ibo ne hadzasha dzabo ne balume be Juta ne bagali bose be Jerusalema. Nzi nkulu iwoyu unowogagwa nge kusinga pele. 26 Bathu banowozha bedwa ku mizi mikulu ye Juda ne mamwe magalo akapoteleka Jerusalema kudwa ku shango ye Bhenjamini ne kudwa ku shango yakakungulukila ne kudwa ku shango ye matombo ne kudwa ku Negebu bezhisa zwibhayilo zwinopisiwa ne zwibhayilo zwinojiwa ne zwipo zwe mathunde ne motsha, bezhisa tjibhayilo tje mboko ku ng'umba ya Yahwe. 27 Koga amusinganditeedze musingayengemadze zhuba le Sabata ipapo moto wakabangalala unowobhata mikoba yawo, ukaja ng'umba dza bomambo be Jerusalema ngono autodzimika.” ’ ”
Matjinyo e Bajuda ne kulobgwa shamu kwabo
1 “Tjibi tje Juda tjakakwagwa nge pena ye butale, nge theswi ye dayimani tjakakobolegwa mu tjileiti tje mimoyo yabo ne mu nyanga dze zwibeso zwabo zwe zwibhayilo, 2 ha bana babo ibo bekumbula zwibeso zwabo zwe zwibhayilo ne midzimu yabo ye Ashera mu miti mitala na pezhugwi kwe matombo malefulefu 3 ne mu matuthu e shango yakazhuka. Fumwa iyo ne thundu iyo ndowothama kuti zwitapiwe ili iwo mbhayilo we tjibi tjitjo mu ntuthu wose uwo. 4 Ngono unowolashikigwa nge thaka iyo yandakakupa, ndowokuthama kuti ushingile zwita zwizo mu shango yausinga zibe ngoti mu kugwadzamoyo kwangu moto wakabangalala unowopisa nge kusingapele.”
Galabgwe muna Yahwe
5 Yahwe bakati,
“Una bhiso nthu unogalabgwe bathu,
unothama nthu simba lile,
we moyo unofupatila Yahwe.
6 Unonga denjana limu tjilambanyika,
atowobona tjimwe tjibuya tjinozha.
Unowogala mu magalo akakwakwalala
magalo asina bathu e shango ye mwenyu.
7 “Kwakakombolegwa nthu unogalabgwe muna Yahwe,
wakazwisesekedza muna Yahwe.
8 Unonga nti wakadzwagwa pa vula,
we midzi inotendebukila ku nkuku,
autotja ha pisa kuzha,
ngoti mazhani awo anogala ali matala,
autodziyidzika nge gole lisina vula,
ngoti autokuba.”
9 Moyo unotjebela kupinda zwithu zose,
kakale wakabola kwakabangalala,
ndiani ungauhwisisa wali?
10 “Imi Yahwe ndoshakisisa tjipa moyo,
ndikalika nkumbulo,
kuti ndizo ndipe nthu mmwe ne mmwe kuyendidzana ne mija iye
kuyendidzana ne mitjelo ye zwiyito zwizwe.”
11 Se hwali tjakabubatila mabumbulu atjisakabigila,
ne nthu wakajalobo unowana fumwa nge kusakatambunuka.
Koti mazhuba awe abe pakati ikampalalila,
ngono ku bhelelo lile unowobe tjilengwe.
12 Tjigalo tje gudzo tjakabigwa pezhugwi kudwa mu kutangisa,
pathu pe bugalo gwedu gwakayengemala.
13 Imwi Yahwe, kugalabgwe kwe Iziraela,
bose banomufupatila banowobhatisiwa shoni,
ibabo banomutizha banowokwagwa pasi,
ngoti bakalasha Yahwe tshime le vula inotjila.
Jeremiya unokumbila Ndzimu
14 Mundipodze imwi Yahwe ngono ndowopola,
munditjidze ngono ndowotjila,
ngoti ndimwi bandinokudza.
15 Bona, bakandidwa bakati,
“Lingayi dama la Yahwe? Ngalizhe!”
16 Andizotizha kube nlisi wenyu,
andizoyemula zhuba le kupungayila, woku mokuziba,
zwakabhuda mu nlomo wangu zwimbeli kwenyu.
17 Musibe kupalusa moyo kundili,
mu mabgwatilo angu mu zhuba le mbatsha.
18 Ngababhakhwe nge shoni ibabo banondidziyidza,
koga imi musithame kuti ndibhakhwe nge shoni,
ngaba temeke mafupa,
koga imi ngandisitemeke mafupa,
zhisani pezhugwi kwabo zhuba le bubi,
mubakolomole nge golomolo lakawatshika kabili!
Zhuba le Sabata lilondolodziwe
19 Yahwe bakandidwa bakati, “Yenda unoma pa nkoba we bathu be itjaba nkoba unongina kakale ubhuda na bomambo be Juda, unoma kakale ku mimwe mikoba yose ye Jerusalema, 20 ulebe uti, ‘Ihwani dama la Yahwe imwi bomambo be Juda ne Juda yose ne bagali bose be Jerusalema banongina ne mikoba iyeyi. 21 Yahwe bakati, “Bhulutanani woku ngekwe matjilo enyu, musisenge ntolo nge zhuba le Sabata kene kuli kuwozhisa ku mikoba ye Jerusalema. 22 Musisenge ntolo kudwa mu ng'umba dzenyu mu zhuba le Sabata kene kuli kushinga nshingo upi kene upi koga yengemadzani zhuba le Sabata sekwa ndakadwa bobatategulu benyu. 23 Koga ibo bakasiteedze kene kuli kuhwa nge zebe dzabo, koga bakahwomeledza mitshibha yabo kuti ndizo basihwe kene kuamutjila ndaulo.
24 “ ‘ “Koga ha munganditeedza, kojalo Yahwe, mukasizhise mitolo ku mikoba ye nzi nkulu mu zhuba le Sabata koga muyengemadza zhuba le Sabata musinga shinge mu lili, 25 ipapo banowongina nge mikoba ye nzi iwoyu nkulu bomambo banogala mu tjigalo tje bumambo tja Dafite bakatatha koloyi dze mbizi ne mbizi, ibo ne hadzasha dzabo ne balume be Juta ne bagali bose be Jerusalema. Nzi nkulu iwoyu unowogagwa nge kusinga pele. 26 Bathu banowozha bedwa ku mizi mikulu ye Juda ne mamwe magalo akapoteleka Jerusalema kudwa ku shango ye Bhenjamini ne kudwa ku shango yakakungulukila ne kudwa ku shango ye matombo ne kudwa ku Negebu bezhisa zwibhayilo zwinopisiwa ne zwibhayilo zwinojiwa ne zwipo zwe mathunde ne motsha, bezhisa tjibhayilo tje mboko ku ng'umba ya Yahwe. 27 Koga amusinganditeedze musingayengemadze zhuba le Sabata ipapo moto wakabangalala unowobhata mikoba yawo, ukaja ng'umba dza bomambo be Jerusalema ngono autodzimika.” ’ ”