Bathu banokumbila Jeremiya kuti abatembezelele
1 Ipapo batungamili be balauli be babhayani na Johanani nkololo wa Kareya na Azariya nkololo wa Hoshaya ne bathu bose kudwa kuna bakulu kunoti batukununu bakasedzela, 2 ngono bakadwa Jeremiya bakati, “Tongo hwa tjatinokumbila, tikati, utitembezelele Yahwe Ndzimu uwo, iswi ne malimbelimbe wose iyawa. Dumbu takabe tili banjinji ngono takasala tili bashumanana koga sekwa unotibona nge mesho awo. 3 Tembezela kuti Yahwe Ndzimu uwo batibudze kuti tiyende ngayi nekuti tithameni.”
4 Jeremiya nlebesambeli kabashandula eti, “Ndamuhwa, bonani ndowotembezela Yahwe Ndzimu wenyu kuyenda nge kumbila kwenyu, tjinowodabigwa ndi Yahwe ndowomuzibisa itjo, akuna tjandinomusumbikila.”
5 Ipapo bakadwa Jeremiya bakati, “Atshene Yahwe bangabe ntendeki we lebeswa kakale unogalikamoyo unotitilika nlandu ha tisingathame kuyendidzana ne matama wose a Yahwe Ndzimu uwo abanotituma. 6 Kene kubuya kene kubiibi, towoteedza hwi la Yahwe Ndzimu wedu ibo batinokutuma kubali kuti ndizo kutilulwamile ati teedza Yahwe Ndzimu wedu.”
7 Kwakati shule kwe mazhuba ali gumi dama la Yahwe likazha kuna Jeremiya. 8 Ipapo kadana Johanani nkololo wa Kareya ne batungamili be balauli be babhayani bakabe banaye ne bathu bose kudwa muna batukununu kunoti bakulukulu, 9 ngono kabadwa kati, “Yahwe Ndzimu we Iziraela ibo bamandituma kubali kuyisa zwamunokumbila bakati, 10 ‘Ha mugala mu shango iyeyi, ipapo ndowomubaka asimukwebele pasi, ndowomulima asimudzikunule ngoti ndobuza moyo wangu mu bubi gwandakamuthamila. 11 Musitje mambo we Bhabhiloni iye wamunotja, musitongo ntja, kojalo Yahwe, ngoti ndinamwi kumutjidza ne kumusunungula mu luboko gugwe. 12 Ndowomuhwila ngoni kuti ndizo na iye amuhwile ngoni ngono amuletje mugale mu shango yenyu. 13 Koga amuti, “Atingagale mu shango iyeyi,” musingateedze hwi la Yahwe Ndzimu wenyu, 14 muti, “Aa toyenda ku shango ye Egipiti, iko kwatisingowobona ngwa, kene kuhwa nsindo we lunyanga kene kube ne zhala ye zojiwa, ndiko kwatinonogala,” 15 ipapo ihwani dama la Yahwe, imwi limbelimbe le Juda. Yahwe Masimbawose Ndzimu we Iziraela bakati, “Ha makashingayilila kungina ku Egipiti ne kunogala ko, 16 ipapo bhamba lamunotja lowomukulila iko ku shango ye Egipiti ngono bhamba lamunotja lowomusala shule kwakabangalala ku Egipiti ngono mowofila ko. 17 Balume bose banoshingayilila kuyenda ku Egipiti kunogala ko banowobulawa nge thumo ne bhamba nenge bugwele, abatowobe ne limbelimbe kene watjila mu bubi gwandinowozhisa mu bali.” ’
18 “Ngoti Yahwe Masimbawose Ndzimu we Iziraela bakati, ‘Koga sekwa kugwadzamoyo kwangu ne bushongola gwangu zwakatebuligwa mu bagali be Jerusalema, ndizo bushongola gwangu gowotebuliligwa mu muli amungayenda ku Egipiti. Mowobe ne bhiso mukabe tjithu tjinotjisa ne madado. Amutjowobona pathu ipapa kakale. 19 Yahwe bakati kumuli, iwe limbelimbe le Juda, “Usiyende ku Egipiti.” Ziba kwe lebeswa kuti ndamutjenjedza mu zhuba la nasi. 20 Kana mazwidanila mbatsha ngekundituma kuna Yahwe Ndzimu wenyu muti, “Tokumbila utembezele Yahwe Ndzimu wedu, tjimwe ne tjimwe Yahwe Ndzimu wedu tjabanoleba towotjithama.” 21 Ndamubudza nasi, koga amuzoteedza Yahwe Ndzimu wenyu mu tjimwe ne tjimwe tjabakandituma kuti ndimubudze. 22 Ndizo ngwenu zibisisani woku: Mowobulawa nge thumo ne bhamba ne bugwele mu magalo amunoshaka kunogala.’ ”
Bathu banokumbila Jeremiya kuti abatembezelele
1 Ipapo batungamili be balauli be babhayani na Johanani nkololo wa Kareya na Azariya nkololo wa Hoshaya ne bathu bose kudwa kuna bakulu kunoti batukununu bakasedzela, 2 ngono bakadwa Jeremiya bakati, “Tongo hwa tjatinokumbila, tikati, utitembezelele Yahwe Ndzimu uwo, iswi ne malimbelimbe wose iyawa. Dumbu takabe tili banjinji ngono takasala tili bashumanana koga sekwa unotibona nge mesho awo. 3 Tembezela kuti Yahwe Ndzimu uwo batibudze kuti tiyende ngayi nekuti tithameni.”
4 Jeremiya nlebesambeli kabashandula eti, “Ndamuhwa, bonani ndowotembezela Yahwe Ndzimu wenyu kuyenda nge kumbila kwenyu, tjinowodabigwa ndi Yahwe ndowomuzibisa itjo, akuna tjandinomusumbikila.”
5 Ipapo bakadwa Jeremiya bakati, “Atshene Yahwe bangabe ntendeki we lebeswa kakale unogalikamoyo unotitilika nlandu ha tisingathame kuyendidzana ne matama wose a Yahwe Ndzimu uwo abanotituma. 6 Kene kubuya kene kubiibi, towoteedza hwi la Yahwe Ndzimu wedu ibo batinokutuma kubali kuti ndizo kutilulwamile ati teedza Yahwe Ndzimu wedu.”
7 Kwakati shule kwe mazhuba ali gumi dama la Yahwe likazha kuna Jeremiya. 8 Ipapo kadana Johanani nkololo wa Kareya ne batungamili be balauli be babhayani bakabe banaye ne bathu bose kudwa muna batukununu kunoti bakulukulu, 9 ngono kabadwa kati, “Yahwe Ndzimu we Iziraela ibo bamandituma kubali kuyisa zwamunokumbila bakati, 10 ‘Ha mugala mu shango iyeyi, ipapo ndowomubaka asimukwebele pasi, ndowomulima asimudzikunule ngoti ndobuza moyo wangu mu bubi gwandakamuthamila. 11 Musitje mambo we Bhabhiloni iye wamunotja, musitongo ntja, kojalo Yahwe, ngoti ndinamwi kumutjidza ne kumusunungula mu luboko gugwe. 12 Ndowomuhwila ngoni kuti ndizo na iye amuhwile ngoni ngono amuletje mugale mu shango yenyu. 13 Koga amuti, “Atingagale mu shango iyeyi,” musingateedze hwi la Yahwe Ndzimu wenyu, 14 muti, “Aa toyenda ku shango ye Egipiti, iko kwatisingowobona ngwa, kene kuhwa nsindo we lunyanga kene kube ne zhala ye zojiwa, ndiko kwatinonogala,” 15 ipapo ihwani dama la Yahwe, imwi limbelimbe le Juda. Yahwe Masimbawose Ndzimu we Iziraela bakati, “Ha makashingayilila kungina ku Egipiti ne kunogala ko, 16 ipapo bhamba lamunotja lowomukulila iko ku shango ye Egipiti ngono bhamba lamunotja lowomusala shule kwakabangalala ku Egipiti ngono mowofila ko. 17 Balume bose banoshingayilila kuyenda ku Egipiti kunogala ko banowobulawa nge thumo ne bhamba nenge bugwele, abatowobe ne limbelimbe kene watjila mu bubi gwandinowozhisa mu bali.” ’
18 “Ngoti Yahwe Masimbawose Ndzimu we Iziraela bakati, ‘Koga sekwa kugwadzamoyo kwangu ne bushongola gwangu zwakatebuligwa mu bagali be Jerusalema, ndizo bushongola gwangu gowotebuliligwa mu muli amungayenda ku Egipiti. Mowobe ne bhiso mukabe tjithu tjinotjisa ne madado. Amutjowobona pathu ipapa kakale. 19 Yahwe bakati kumuli, iwe limbelimbe le Juda, “Usiyende ku Egipiti.” Ziba kwe lebeswa kuti ndamutjenjedza mu zhuba la nasi. 20 Kana mazwidanila mbatsha ngekundituma kuna Yahwe Ndzimu wenyu muti, “Tokumbila utembezele Yahwe Ndzimu wedu, tjimwe ne tjimwe Yahwe Ndzimu wedu tjabanoleba towotjithama.” 21 Ndamubudza nasi, koga amuzoteedza Yahwe Ndzimu wenyu mu tjimwe ne tjimwe tjabakandituma kuti ndimubudze. 22 Ndizo ngwenu zibisisani woku: Mowobulawa nge thumo ne bhamba ne bugwele mu magalo amunoshaka kunogala.’ ”