Ku Makedoniya ne Giriki
1 Shule kwe zhoba yapela, Paulo kadana badiyiwa ngono kabawoneka nge matama ano kulumbidza. Ipapo kamilika kayenda ku Makedoniya. 2 Kapalama mituthu iyeyo, ngono kakulumbidza bathu nge matama manjinji. Ipapo kaswika ku Giriki. 3 Kapitsha mwedzi ili mitatu ikoko. Kukati Bajuta belangana nge kukwe, iye kabe abe pejo nge kuyenda nge ikepe ku Siriya akazwimisila kupinda nge Makedoniya. 4 Sopata we Bhereya ali nkololo wa Piro, kayenda naye; na Arisitako na Sekundo bedwa ku Tesalonika; na Gayo, edwa ku Debhe; Tikikasi na Tirofimo, bedwa ku ntuthu we Ezhiya na Timoti. 5 Bakayendila mbeli bakanotimilila mu Tiroasi. 6 Takayenda nge gungwa kudwa mu Filipi shule kwe Nshingo we tjiwunga tjisina mbidzo, ngono shule kwe mazhuba mashanu tikabhatana nabo mu Tiroasi, iko kwatakapitsha mazhuba ali kutendeka.
Kukumba kwe bupelo kwa Paulo ku Tiroasi
7 Ngono nge zhuba le kutanga mu tshipi madekwana tikakubunganila kukobana zojiwa. Paulo kalebeleka nge bathu ngono kadwilila kuswikila pakati kwe busiku, se akabe emuka eyenda. 8 Mavone manjinji akabe ethuta mu ng'umba ipezhugwi kwatakabe tashanganila. 9 Mmwe nzhuzha wakabe edang'wa Yutiko wakabe ali gele pa fesitere katshumwayila, shule kabhakhwa nge hwope Paulo atjakadwilila ngolebeleka nge bulefu, kakuligwa nge hwope ngono kawila pasi edwa ku ng'umba ye butatu pezhugwi. Bakati bennunga, kabe afa. 10 Koga Paulo kadeluka kakotama ngono kan'gumbatila. Kati, “Musidziyidzike unotjila!” 11 Paulo kati abgwilila pezhugwi, kapemula tjiwunga kaja, ngono kalebeleka nabo tjibaka tjilefu kudzina zhuba libhuda, ndizo kayenda. 12 Bakayenda ne nzhuzha kanyi etjila, ngono bakanyaladzika kwazo.
Kudwa ku Tiroasi kunoti Mileto
13 Takayendila mbeli ku ikepe ngono tikayenda nge gungwa ku Asosi, kwatakabe tinotathisa Paulo. Wakabe alongolosa sa ikoko, ngobe iye nge kukwe wakabe akazwimisila kuyenda nge makumbo. 14 Kati eshangana naswi mu Asosi tikantathisa ngono tikayenda ku Mitilene. 15 Tikayenda nge gungwa kudwa ipapo, ngono tikaswika kwakalingisana ne Kiyosi tjimuka. Shule kwe zhuba ling'ompela tikaswika ku Samosi, ngono tjimuka tikaswika ku Mileto. 16 Paulo wakabe akumbula kuyenda nge gungwa epinda nge mu Efeso, kuti asilashe tjibaka mu ntuthu we Ezhiya ngoti wakabe elibilidzila kube yapo mu Jerusalema nge zhuba le Pentekosite, ha kwakabe kutubuka.
Ndebeleko ye kuwoneka kwa Paulo ku bakulu be Efeso
17 Kudwa mu Mileto Paulo kayisa thumo ku Efeso, kudana bakulu be gubungano kuti bazhe kunli. 18 Bakati baswika kati ku bali, “Imwi nge kwenyu moziba sekwa ndakatjila pakati kwenyu kudwa mu zhuba le kutanga nditshamba mu Ezhiya. 19 Ndakashingila She nge kuzwiyisa pasi kose nenge mishodzi nenge ndiko dzakazha kundili nge milangano ye Bajuta. 20 Moziba kuti akuna tjandakasumbika tjakabe tjina bhatsho mu muli se ndakabe ndisumikila ndidiya patjena ne kudwa mu ng'umba ndiyenda kuyimwe. 21 Ndakalebeleka ne Bajuta ne Bezwitjaba ngekwe kushandukila ku Ndzimu nenge kugalamoyo muna She wedu Jesu. 22 Ngono ngwenu, mu kuhwa Meya, ndoyenda ku Jerusalema, ndisingazibe tjinowonondishingikalalila ikoko, 23 kuzhe kwe kuti Meya yakayengemala inolebeleka nami kuti mu nzi mmwe ne mmwe busungwa nenge kudziyidziwa zwakandilinda. 24 Koga anditotola butjilo gwangu guna themba kene gudika kundili, ndoshaka koga kuwidza thumo yangu ne kupedza nshingo She Jesu wabakandipa kuushinga. Iwo, kuleba ndebo mbuya ngekwe ngoni dze Ndzimu.
25 “Bonani ndoziba kuti imwi mose bandakayenda pakati kwenyu ndisumikila ngekwe bushe gwe Ndzimu amutjowobona tjiso tjangu. 26 Ndizo ndomubudza ndisimisa mu zhuba lino nditi, ha mmwe wenyu angalashika, andina nlandu. 27 Ngobe andizotongo sumbika kumubudza ngekwe kuda kose kwe Ndzimu. 28 Ndizo muzwilise, mulise pkhwizi dzose dzamakalisisiwa nge Meya yakayengemala, kutjengeta gubungano le Ndzimu, lawakathama nge malopa e Nkololo wawo. 29 Ndoziba kuti shule kwe ndayenda, phele dzinotjisa dzowozha pakati kwenyu, ngono adzitowotjidza pkhwizi. 30 Tjibaka tjowozha tjinowoti balume bamwe banodwa mu muli bakaleba manyepkhwa kupambusila bagalimoyo ku bali. 31 Ndizo, ibeni nge njele, mualakane kuti mu makole matatu, andizoletja kutjemela siku ne sikati mmwe ne mmwe wenyu ndilila.
32 “Ngono ngwenu ndomuyisa mu kutjengeta kwe Ndzimu ne mu dama le ngoni dzawo, ilo linotubula kumubumba likamupa thaka Ndzimu yaunayo kupa bayengemadziwa bawo. 33 Andizotongo yemula siliva kene golide kene zwiambalo zwimwe. 34 Imwi nge kwenyu moziba kuti ndakashinga ndi iyawa maboko angu kuwana tjimwe ne tjimwe tjakabe tjishakwa nge bakwinya bangu kose nami. 35 Ndakamulakidza mu zwithu zose kuti ngoshinga kwazo mu zila iyeyi takafanilo bhatsha basakasima tikumbula matama akalebgwa ndi She Jesu eti, ‘Kupa kwakakombolegwa pana kupiwa!’ ”
36 Paulo kati epedza, kathigama pasi katembezela nabo bose. 37 Bakalila bose ben'gumbatila bemputa. 38 Bakabe bali mu buyendasi kwazo, ngobe wakabe ati abatjowombona kakale. Ndizo bakampeleka ku ikepe.
Ku Makedoniya ne Giriki
1 Shule kwe zhoba yapela, Paulo kadana badiyiwa ngono kabawoneka nge matama ano kulumbidza. Ipapo kamilika kayenda ku Makedoniya. 2 Kapalama mituthu iyeyo, ngono kakulumbidza bathu nge matama manjinji. Ipapo kaswika ku Giriki. 3 Kapitsha mwedzi ili mitatu ikoko. Kukati Bajuta belangana nge kukwe, iye kabe abe pejo nge kuyenda nge ikepe ku Siriya akazwimisila kupinda nge Makedoniya. 4 Sopata we Bhereya ali nkololo wa Piro, kayenda naye; na Arisitako na Sekundo bedwa ku Tesalonika; na Gayo, edwa ku Debhe; Tikikasi na Tirofimo, bedwa ku ntuthu we Ezhiya na Timoti. 5 Bakayendila mbeli bakanotimilila mu Tiroasi. 6 Takayenda nge gungwa kudwa mu Filipi shule kwe Nshingo we tjiwunga tjisina mbidzo, ngono shule kwe mazhuba mashanu tikabhatana nabo mu Tiroasi, iko kwatakapitsha mazhuba ali kutendeka.
Kukumba kwe bupelo kwa Paulo ku Tiroasi
7 Ngono nge zhuba le kutanga mu tshipi madekwana tikakubunganila kukobana zojiwa. Paulo kalebeleka nge bathu ngono kadwilila kuswikila pakati kwe busiku, se akabe emuka eyenda. 8 Mavone manjinji akabe ethuta mu ng'umba ipezhugwi kwatakabe tashanganila. 9 Mmwe nzhuzha wakabe edang'wa Yutiko wakabe ali gele pa fesitere katshumwayila, shule kabhakhwa nge hwope Paulo atjakadwilila ngolebeleka nge bulefu, kakuligwa nge hwope ngono kawila pasi edwa ku ng'umba ye butatu pezhugwi. Bakati bennunga, kabe afa. 10 Koga Paulo kadeluka kakotama ngono kan'gumbatila. Kati, “Musidziyidzike unotjila!” 11 Paulo kati abgwilila pezhugwi, kapemula tjiwunga kaja, ngono kalebeleka nabo tjibaka tjilefu kudzina zhuba libhuda, ndizo kayenda. 12 Bakayenda ne nzhuzha kanyi etjila, ngono bakanyaladzika kwazo.
Kudwa ku Tiroasi kunoti Mileto
13 Takayendila mbeli ku ikepe ngono tikayenda nge gungwa ku Asosi, kwatakabe tinotathisa Paulo. Wakabe alongolosa sa ikoko, ngobe iye nge kukwe wakabe akazwimisila kuyenda nge makumbo. 14 Kati eshangana naswi mu Asosi tikantathisa ngono tikayenda ku Mitilene. 15 Tikayenda nge gungwa kudwa ipapo, ngono tikaswika kwakalingisana ne Kiyosi tjimuka. Shule kwe zhuba ling'ompela tikaswika ku Samosi, ngono tjimuka tikaswika ku Mileto. 16 Paulo wakabe akumbula kuyenda nge gungwa epinda nge mu Efeso, kuti asilashe tjibaka mu ntuthu we Ezhiya ngoti wakabe elibilidzila kube yapo mu Jerusalema nge zhuba le Pentekosite, ha kwakabe kutubuka.
Ndebeleko ye kuwoneka kwa Paulo ku bakulu be Efeso
17 Kudwa mu Mileto Paulo kayisa thumo ku Efeso, kudana bakulu be gubungano kuti bazhe kunli. 18 Bakati baswika kati ku bali, “Imwi nge kwenyu moziba sekwa ndakatjila pakati kwenyu kudwa mu zhuba le kutanga nditshamba mu Ezhiya. 19 Ndakashingila She nge kuzwiyisa pasi kose nenge mishodzi nenge ndiko dzakazha kundili nge milangano ye Bajuta. 20 Moziba kuti akuna tjandakasumbika tjakabe tjina bhatsho mu muli se ndakabe ndisumikila ndidiya patjena ne kudwa mu ng'umba ndiyenda kuyimwe. 21 Ndakalebeleka ne Bajuta ne Bezwitjaba ngekwe kushandukila ku Ndzimu nenge kugalamoyo muna She wedu Jesu. 22 Ngono ngwenu, mu kuhwa Meya, ndoyenda ku Jerusalema, ndisingazibe tjinowonondishingikalalila ikoko, 23 kuzhe kwe kuti Meya yakayengemala inolebeleka nami kuti mu nzi mmwe ne mmwe busungwa nenge kudziyidziwa zwakandilinda. 24 Koga anditotola butjilo gwangu guna themba kene gudika kundili, ndoshaka koga kuwidza thumo yangu ne kupedza nshingo She Jesu wabakandipa kuushinga. Iwo, kuleba ndebo mbuya ngekwe ngoni dze Ndzimu.
25 “Bonani ndoziba kuti imwi mose bandakayenda pakati kwenyu ndisumikila ngekwe bushe gwe Ndzimu amutjowobona tjiso tjangu. 26 Ndizo ndomubudza ndisimisa mu zhuba lino nditi, ha mmwe wenyu angalashika, andina nlandu. 27 Ngobe andizotongo sumbika kumubudza ngekwe kuda kose kwe Ndzimu. 28 Ndizo muzwilise, mulise pkhwizi dzose dzamakalisisiwa nge Meya yakayengemala, kutjengeta gubungano le Ndzimu, lawakathama nge malopa e Nkololo wawo. 29 Ndoziba kuti shule kwe ndayenda, phele dzinotjisa dzowozha pakati kwenyu, ngono adzitowotjidza pkhwizi. 30 Tjibaka tjowozha tjinowoti balume bamwe banodwa mu muli bakaleba manyepkhwa kupambusila bagalimoyo ku bali. 31 Ndizo, ibeni nge njele, mualakane kuti mu makole matatu, andizoletja kutjemela siku ne sikati mmwe ne mmwe wenyu ndilila.
32 “Ngono ngwenu ndomuyisa mu kutjengeta kwe Ndzimu ne mu dama le ngoni dzawo, ilo linotubula kumubumba likamupa thaka Ndzimu yaunayo kupa bayengemadziwa bawo. 33 Andizotongo yemula siliva kene golide kene zwiambalo zwimwe. 34 Imwi nge kwenyu moziba kuti ndakashinga ndi iyawa maboko angu kuwana tjimwe ne tjimwe tjakabe tjishakwa nge bakwinya bangu kose nami. 35 Ndakamulakidza mu zwithu zose kuti ngoshinga kwazo mu zila iyeyi takafanilo bhatsha basakasima tikumbula matama akalebgwa ndi She Jesu eti, ‘Kupa kwakakombolegwa pana kupiwa!’ ”
36 Paulo kati epedza, kathigama pasi katembezela nabo bose. 37 Bakalila bose ben'gumbatila bemputa. 38 Bakabe bali mu buyendasi kwazo, ngobe wakabe ati abatjowombona kakale. Ndizo bakampeleka ku ikepe.