LUKWALO GWE BUTATU
Kutambunuka kwe Ndzimu
1 Malebeswa Ndzimu wakalulwamila Iziraela,
ibabo bana mimoyo mitjena.
2 Koga imi nge kwangu ndoyenda ndikweba makumbo;
ndakanyala nkumbulo.
3 Ndakabe ndina ndandala ngekwe banozwikudza,
pandakabe ndabona bhudilila kwe babi.
4 Ngobe basina mang'oni,
mibili yabo yakazwilizanila kakale ikwidzima.
5 Abateli mu tshiyilo se bamwe bathu,
abana magwadzi se bamwe bathu,
6 Bakasenga mazwikudzo abo se bakaambala i timbi.
Phipiti yakabaambala se hazu.
7 Mimoyo yabo inotebukana nge mbipo,
mikumbulo yabo ye bubi ainatjilizanyo.
8 Banogongobola kakale belebeleka nge lubengo
banozwiloba zwifuba ngekwe tshambilidzo.
9 Banonyanyayidza mazhuzhugwi,
ndimi dzabo dzikalaula shango.
10 Ndizo bathu banoshanduka bakabakudza,
bebuya beshaya nlandu mubali.
11 Ndizo banoti, “Ndzimu ungaziba tjini?
Apa kuna luzibo muna Upezhugwi zhugwi kene?”
12 Ndiko sekwa babi bali iko
bagele bakati khenyenye, banowatsha fumwa dzabo.
13 Ndakatjenapadzila moyo wangu suli
ndakangulila maboko angu suli ndilakidza ndisina nlandu.
14 Zhuba lose ndakahwisiwa zogwadza,
kakale ndolobgwa shamu mangwanana mamwe ne mamwe.
15 Ha ndakabe ndati, “Ndowolebeleka yetji.”
Ndakabe ndowobe ndashayila bana benyu lebeswa.
16 Koga ndakati ndigwisa hwisisa kose ikoku,
awana ili masimbamalashe,
17 kudzina ndangina mu bugalo gwe Ndzimu
gwakayengemala, ndizo ahwisisa bhelelo labo.
18 Nge malebeswa mobagadza mu magalo anosodzoloka,
mubaligila mu golomodzo.
19 Banokolomogwa tjinyolotjo seni,
bekubigwa kutjena nge lutjo!
20 Mowoti mumuka imwi Yahwe banonga mawoloto
anokanganika ha nthu emuka mu hwope.
Mukumuka kwenyu mowobanyeledza bakakanganika.
21 Kwakati meya yangu yahwa zogwadza kwazo,
pandakabe ndabhayika mu moyo,
22 ndakabe ndili tjilengwe kakale ndisina luzibo,
ndakabe ndinga tjibandana mbeli kwenyu.
23 Nenguba kwakajalo ndinamwi misi yose,
makandibhata nge luboko gwangu gwe luji.
24 Makandilakidza zila nge gumbuludzo lenyu,
gwe bupelo mowondiamutjila nge kunditeta.
25 Apa ndiani wandinaye kuzhe kwenyu kene?
Mu shango akuna tjandinoyemula kuzhe kwenyu.
26 Nyama yangu ne moyo wangu zwinga kong'wa,
koga Ndzimu ndiwo simba le moyo wangu
ne gobe langu nge kusingapele.
27 Ndolebesa, ibabo bakule namwi banowoloba,
molobesa bose ibabo basingagalebgwe mu muli.
28 Koga imi nge kwangu, kwakanaka kugala pejo ne Ndzimu.
Ndakathama She Yahwe dizhilo langu,
kuti ndizo ndilebe ngekwe mishingo yabo.
LUKWALO GWE BUTATU
Kutambunuka kwe Ndzimu
1 Malebeswa Ndzimu wakalulwamila Iziraela,
ibabo bana mimoyo mitjena.
2 Koga imi nge kwangu ndoyenda ndikweba makumbo;
ndakanyala nkumbulo.
3 Ndakabe ndina ndandala ngekwe banozwikudza,
pandakabe ndabona bhudilila kwe babi.
4 Ngobe basina mang'oni,
mibili yabo yakazwilizanila kakale ikwidzima.
5 Abateli mu tshiyilo se bamwe bathu,
abana magwadzi se bamwe bathu,
6 Bakasenga mazwikudzo abo se bakaambala i timbi.
Phipiti yakabaambala se hazu.
7 Mimoyo yabo inotebukana nge mbipo,
mikumbulo yabo ye bubi ainatjilizanyo.
8 Banogongobola kakale belebeleka nge lubengo
banozwiloba zwifuba ngekwe tshambilidzo.
9 Banonyanyayidza mazhuzhugwi,
ndimi dzabo dzikalaula shango.
10 Ndizo bathu banoshanduka bakabakudza,
bebuya beshaya nlandu mubali.
11 Ndizo banoti, “Ndzimu ungaziba tjini?
Apa kuna luzibo muna Upezhugwi zhugwi kene?”
12 Ndiko sekwa babi bali iko
bagele bakati khenyenye, banowatsha fumwa dzabo.
13 Ndakatjenapadzila moyo wangu suli
ndakangulila maboko angu suli ndilakidza ndisina nlandu.
14 Zhuba lose ndakahwisiwa zogwadza,
kakale ndolobgwa shamu mangwanana mamwe ne mamwe.
15 Ha ndakabe ndati, “Ndowolebeleka yetji.”
Ndakabe ndowobe ndashayila bana benyu lebeswa.
16 Koga ndakati ndigwisa hwisisa kose ikoku,
awana ili masimbamalashe,
17 kudzina ndangina mu bugalo gwe Ndzimu
gwakayengemala, ndizo ahwisisa bhelelo labo.
18 Nge malebeswa mobagadza mu magalo anosodzoloka,
mubaligila mu golomodzo.
19 Banokolomogwa tjinyolotjo seni,
bekubigwa kutjena nge lutjo!
20 Mowoti mumuka imwi Yahwe banonga mawoloto
anokanganika ha nthu emuka mu hwope.
Mukumuka kwenyu mowobanyeledza bakakanganika.
21 Kwakati meya yangu yahwa zogwadza kwazo,
pandakabe ndabhayika mu moyo,
22 ndakabe ndili tjilengwe kakale ndisina luzibo,
ndakabe ndinga tjibandana mbeli kwenyu.
23 Nenguba kwakajalo ndinamwi misi yose,
makandibhata nge luboko gwangu gwe luji.
24 Makandilakidza zila nge gumbuludzo lenyu,
gwe bupelo mowondiamutjila nge kunditeta.
25 Apa ndiani wandinaye kuzhe kwenyu kene?
Mu shango akuna tjandinoyemula kuzhe kwenyu.
26 Nyama yangu ne moyo wangu zwinga kong'wa,
koga Ndzimu ndiwo simba le moyo wangu
ne gobe langu nge kusingapele.
27 Ndolebesa, ibabo bakule namwi banowoloba,
molobesa bose ibabo basingagalebgwe mu muli.
28 Koga imi nge kwangu, kwakanaka kugala pejo ne Ndzimu.
Ndakathama She Yahwe dizhilo langu,
kuti ndizo ndilebe ngekwe mishingo yabo.