Fanilo ne mishingo ye ntumwa wa Jesu
1 Apa andizosununguka kene? Apa ate ndili ntumwa wa Jesu kene? Andizobona Jesu She wedu kene? Apa ate muli mbhayilo we nshingo wangu muna She kene? 2 Ha kuli kuti ku bamwe andite ndili ntumwa wa Jesu, iko ndi iye kumuli, ngobe imwi ndimwi lutjwayo gwe kuti ndi ntumwa wa She.
3 Ndowozwidabilila muna ibabo banowondibhuzwa nditi; 4 Apa atina fanilo kupiwa zojiwa ne zwinong'wiwa kene? 5 Apa atina fanilo dze kuyenda ne nkadzi wakalobogwa we Nkirisiti mu njendo se bamwe batumwa ne banung'una ba She na Pita kene? 6 Kene ndimi na Bhanabhasi koga basina fanilo dze kuletjedza kushingila kuzwitjidza kene? 7 Ndiupi unoshinga nshingo we bubhayani, ngono ezwilipa kene? Ndiani unoti alima nzhambi mu nnda kasije ntjelo wawo kene? Ndiupi unothuwa zwithuwo kasing'we nkaka wazo kene?
8 Apa ndoleba ikoku nge ndaulo ye bathu kene? Nlayo autoleba itjo zwatjo kene? 9 Ngobe kwakakwagwa mu nlayo wa Mushe kuyi, “Usisunge nlomo ng'ombe inoshokola mathunde.” Apa Ndzimu ipapa unoleba ngekwe ng'ombe kene? 10 Apa autoleba nge kwedu kene? Kwakakwaligwa iswi, ngobe ha nlimi elima ne nshokoli ha eshokola, bakafanila thama ikoku nge kugalabgwe kose kuti banowobe ne gobe muna tjavung'wa. 11 Ha tadzwala mbewu ye tjimeya mu muli, apa akuzofanila kuti tiwane zwe tjinyama zwatinotjila ndizo mu muli kene? 12 Ha bamwe bana fanilo iyeyi ye kutjidziwa mu muli, apa iswi atizofanila kube ne hwulu kupinda yabo kene?
Koga atizoishingisa fanilo iyeyi, kakale todzikitadzila tjimwe ne tjimwe pana kuti tidzinganyidze ndebo mbuya ngekwa Kirisiti. 13 Apa amutoziba kuti ibabo banoshinga mu ng'umba ye Ndzimu, banowana zojiwa zwabo mu ng'umba ye Ndzimu kene, na ibabo banopila zwibhayilo mu tjibeso bana gobe mu tjibhayilo kene? 14 Nge kunofanana, She bakalaula kuti ibabo banosumikila ndebo mbuya bawane tjabanotjila nditjo nge ndebo mbuya.
15 Nenguba kwakajalo andizotongo shingisa imwe ye fanilo idzedzi, kakale anditokwala ikoku kuti mutjitangisa kundipa. Bukulu ndingafa pana kuti ndiletje mmwe anditolele tjandinozwikudza nditjo. 16 Ha ndisumikila ndebo mbuya andingazwikudze, ngoti ndakafanila kuisumikila. Yee mme wee ndapalala, ha ndisingasumikile ndebo mbuya. 17 Ha ndithama ikoku ngoda kwangu, ndingalingilila mbhayilo. Ha ndisingathame ngoda kwangu, koga ndokuthama uli nshingo wandakapiwa, 18 ngono mbhayilo wangu ini? Ndiwoyu: ndosumikila ndebo mbuya kuzhe kwe ndipo, ndisingashingise fanilo dzangu nge buzhalo se nsumikili.
19 Nenguba imi ndakasununguka ndisina wakandithuwa ndakazwithama nlanda wa bose kuti ndizo ndiwane banji. 20 Ku Bajuta ndakabe Njuta, kuti ndiwane Bajuta. Kuna ibabo bapasi kwe nlayo ndakabe nthu upasi kwe nlayo, nenguba imi ndisi pasi kwe nlayo, kuti ndizo ndiwane bapasi kwe nlayo. 21 Kuna ibabo bakuzhe kwe nlayo ndakanga nthu u kuzhe kwe nlayo kuwana ibabo bakuzhe kwe nlayo. Oku akutodwa kuti anditolondolodza nlayo we Ndzimu, ngobe ndi pasi kwe nlayo wa Kirisiti. 22 Ha ndili pakati kwe basakasima ndobe usakasimabo, kuti ndiwane basakasima. Ndabe zwithu zose ku bathu bose, kuti ha kutubuka nditjidze bamwe babo nge zila imwe ne imwe.
23 Ndothama ikoku ndithamila ndebo mbuya, kuti ndibe ne gobe mu makombolelo ayo. 24 Apa amutoziba kuti mu kutangidzana nge lubilo balabuki banolabuka bose, koga nng'ompela kawana tjiala kene? Ndizo labukani nge zila yamunowowana tjiala. 25 Mmwe ne mmwe nlabuki unozwibhata mu zwithu zose. Banokuthama kuwana tjiala tjinoshakala, koga iswi tothama kuwana tjisingashakale. 26 Imi anditolabuka koga, anditoloba veyisi se nthu unoloba phepo koga, 27 ngono ndoloba mbili wangu aulaula, kuti ndisiti shule kwe ndasumikila ku bamwe, imi nge kwangu ndibe ndiwang'wa ndakafanilo lashiwa.
Fanilo ne mishingo ye ntumwa wa Jesu
1 Apa andizosununguka kene? Apa ate ndili ntumwa wa Jesu kene? Andizobona Jesu She wedu kene? Apa ate muli mbhayilo we nshingo wangu muna She kene? 2 Ha kuli kuti ku bamwe andite ndili ntumwa wa Jesu, iko ndi iye kumuli, ngobe imwi ndimwi lutjwayo gwe kuti ndi ntumwa wa She.
3 Ndowozwidabilila muna ibabo banowondibhuzwa nditi; 4 Apa atina fanilo kupiwa zojiwa ne zwinong'wiwa kene? 5 Apa atina fanilo dze kuyenda ne nkadzi wakalobogwa we Nkirisiti mu njendo se bamwe batumwa ne banung'una ba She na Pita kene? 6 Kene ndimi na Bhanabhasi koga basina fanilo dze kuletjedza kushingila kuzwitjidza kene? 7 Ndiupi unoshinga nshingo we bubhayani, ngono ezwilipa kene? Ndiani unoti alima nzhambi mu nnda kasije ntjelo wawo kene? Ndiupi unothuwa zwithuwo kasing'we nkaka wazo kene?
8 Apa ndoleba ikoku nge ndaulo ye bathu kene? Nlayo autoleba itjo zwatjo kene? 9 Ngobe kwakakwagwa mu nlayo wa Mushe kuyi, “Usisunge nlomo ng'ombe inoshokola mathunde.” Apa Ndzimu ipapa unoleba ngekwe ng'ombe kene? 10 Apa autoleba nge kwedu kene? Kwakakwaligwa iswi, ngobe ha nlimi elima ne nshokoli ha eshokola, bakafanila thama ikoku nge kugalabgwe kose kuti banowobe ne gobe muna tjavung'wa. 11 Ha tadzwala mbewu ye tjimeya mu muli, apa akuzofanila kuti tiwane zwe tjinyama zwatinotjila ndizo mu muli kene? 12 Ha bamwe bana fanilo iyeyi ye kutjidziwa mu muli, apa iswi atizofanila kube ne hwulu kupinda yabo kene?
Koga atizoishingisa fanilo iyeyi, kakale todzikitadzila tjimwe ne tjimwe pana kuti tidzinganyidze ndebo mbuya ngekwa Kirisiti. 13 Apa amutoziba kuti ibabo banoshinga mu ng'umba ye Ndzimu, banowana zojiwa zwabo mu ng'umba ye Ndzimu kene, na ibabo banopila zwibhayilo mu tjibeso bana gobe mu tjibhayilo kene? 14 Nge kunofanana, She bakalaula kuti ibabo banosumikila ndebo mbuya bawane tjabanotjila nditjo nge ndebo mbuya.
15 Nenguba kwakajalo andizotongo shingisa imwe ye fanilo idzedzi, kakale anditokwala ikoku kuti mutjitangisa kundipa. Bukulu ndingafa pana kuti ndiletje mmwe anditolele tjandinozwikudza nditjo. 16 Ha ndisumikila ndebo mbuya andingazwikudze, ngoti ndakafanila kuisumikila. Yee mme wee ndapalala, ha ndisingasumikile ndebo mbuya. 17 Ha ndithama ikoku ngoda kwangu, ndingalingilila mbhayilo. Ha ndisingathame ngoda kwangu, koga ndokuthama uli nshingo wandakapiwa, 18 ngono mbhayilo wangu ini? Ndiwoyu: ndosumikila ndebo mbuya kuzhe kwe ndipo, ndisingashingise fanilo dzangu nge buzhalo se nsumikili.
19 Nenguba imi ndakasununguka ndisina wakandithuwa ndakazwithama nlanda wa bose kuti ndizo ndiwane banji. 20 Ku Bajuta ndakabe Njuta, kuti ndiwane Bajuta. Kuna ibabo bapasi kwe nlayo ndakabe nthu upasi kwe nlayo, nenguba imi ndisi pasi kwe nlayo, kuti ndizo ndiwane bapasi kwe nlayo. 21 Kuna ibabo bakuzhe kwe nlayo ndakanga nthu u kuzhe kwe nlayo kuwana ibabo bakuzhe kwe nlayo. Oku akutodwa kuti anditolondolodza nlayo we Ndzimu, ngobe ndi pasi kwe nlayo wa Kirisiti. 22 Ha ndili pakati kwe basakasima ndobe usakasimabo, kuti ndiwane basakasima. Ndabe zwithu zose ku bathu bose, kuti ha kutubuka nditjidze bamwe babo nge zila imwe ne imwe.
23 Ndothama ikoku ndithamila ndebo mbuya, kuti ndibe ne gobe mu makombolelo ayo. 24 Apa amutoziba kuti mu kutangidzana nge lubilo balabuki banolabuka bose, koga nng'ompela kawana tjiala kene? Ndizo labukani nge zila yamunowowana tjiala. 25 Mmwe ne mmwe nlabuki unozwibhata mu zwithu zose. Banokuthama kuwana tjiala tjinoshakala, koga iswi tothama kuwana tjisingashakale. 26 Imi anditolabuka koga, anditoloba veyisi se nthu unoloba phepo koga, 27 ngono ndoloba mbili wangu aulaula, kuti ndisiti shule kwe ndasumikila ku bamwe, imi nge kwangu ndibe ndiwang'wa ndakafanilo lashiwa.