Kupa kwe Tjikirisiti
1 Toshaka kuti muzibe, zwikamu, ngekwe ngoni dze Ndzimu idzo dzakalakidziwa mu makubungano e Makedoniya. 2 Mukulikwa kwakabipa nge kudziyila kwabakawilana nako, koga kushatha kwabo kwakabe kukulu kwakayita kuti bakobane bakasununguka nenguba bakabe bali bashayi. 3 Ndotendeka kuti bakapa kunolizana ngotubula kwabo ne kupinda kuda kwabo. 4 Bakatikumbila bakalonga meya kuti babe ne gobe kushinga mu kubhatsha bayengemali be Ndzimu mu Judiya. 5 Ikoku kwakabe kuli kwatisakaalakana. Tje kutanga bakazwipa kuna She, ngono bakazwipa ne mutili nge kuda kwe Ndzimu. 6 Ndizo iswi takakulumbidza Tito, kuti sekwa akatangisa kale ngaapedzise nshingo iwoyu wakanaka pakati kwenyu. 7 Ngono ngwenu sekwa muli mbeli mu tjimwe ne tjimwe, mu kugalamoyo nemu ndebeleko nemu zibo nemu kumusa meya nemu kutida kwenyu, mubone kuti mu mbeli nemu nshingo iwoyu wakanaka.
8 Anditomupa nlayo, koga ndoshaka kubona kuti kene ludo gwenyu nge gwakwako nge kugufanidzanya nge kutukutila kwe bamwe. 9 Moziba ngoni dza She wedu Jesu Kirisiti, kuti nenguba akabe akafuma, wakabe nshayi nge kwenyu, kuti nge bushayi gugwe, imwi mufume.
10 Mu ndebo iyeyi ndomupa ikumbuludzo: Koyita kuti mupedzise tjamakatangisa makenyi, musingashinge koga mushinga ngoda, 11 kuti ndizo kuzwilulwamisila kuda kwenyu kuyendidzane ngopedzisa nge matatabuko enyu. 12 Ha kutukutilila kuli yapo, tjipo tjoamutjilika ku Ndzimu kuyendidzana nge tjaunatjo, kusi nge tjausinatjo.
13 Anditodwa kuti bamwe baamugwe, imwi mulemesegwe, koga ndodwa kuti kube nge kulizalizana, 14 kuti zwinjinji zwamunazo ngwenu zwibhatshe kusheta kwabo, kuti ndizo zwinjinji zwabanowobe nazo zwizhe zwibhatshe kusheta kwenyu. Ha kwakajalo kowobe nge kulizalizana. 15 Sekwa kwakakwagwa kuyi, “Iye wakatonotha kunjinji aazobe ne kunjisa, na iye wakatonotha kushomanana aazobe ne kushomanisa.”
Tito ne bakwinya babe
16 Ngakubokiwe Ndzimu iwo wakalonga ludo igogo gwandinagobo muna Tito kumubhatsha. 17 Tito aazoamutjila kunkumbila kwedu koga, koga wakagala abe eshaka kuzha kumuli ngoda kukwe. 18 Tonzhisa ana ikamu tjinozibgwa kwazo ngosumikila ndebo mbuya kwatjo mu makubungano wose. 19 Ngono kusi ngekwa ikoku koga, wakashalugwa nge makubungano kuti ayende naswi mu nshingo iwoyu wakanaka watinoyendisa kukudza She ne kulakidza mazwimisilo edu akalulwama.
20 Toshaka kuti kushete watibona nlandu ngekwe tjipo itjetji tjakanaka tjatinoyendisa. 21 Takazwimisila kuthama tjakalulwama, kusi mu mesho a She koga, koga nenge mu mesho e bathu.
22 Ngono banozha ne ikamu tjedu tjatakalika kanjinji tikawana tjakatukutila mu zwithu zwinjinji, koga ngwenu watjitukutila kupindisa misi yose nge kugalabgwe kwaanako mu muli. 23 Tito, iye nkwinya wangu kakale nshingi nami mu kumushinga kwedu; ngekwe zwikamu zwedu, ibo batumwa be makubungano, ndibo Kirisiti baanokudziwa nge kwabo. 24 Ndizo mubalakidze ludo gwenyu mbeli kwe makubungano nenge tjatinomukudzila.
Kupa kwe Tjikirisiti
1 Toshaka kuti muzibe, zwikamu, ngekwe ngoni dze Ndzimu idzo dzakalakidziwa mu makubungano e Makedoniya. 2 Mukulikwa kwakabipa nge kudziyila kwabakawilana nako, koga kushatha kwabo kwakabe kukulu kwakayita kuti bakobane bakasununguka nenguba bakabe bali bashayi. 3 Ndotendeka kuti bakapa kunolizana ngotubula kwabo ne kupinda kuda kwabo. 4 Bakatikumbila bakalonga meya kuti babe ne gobe kushinga mu kubhatsha bayengemali be Ndzimu mu Judiya. 5 Ikoku kwakabe kuli kwatisakaalakana. Tje kutanga bakazwipa kuna She, ngono bakazwipa ne mutili nge kuda kwe Ndzimu. 6 Ndizo iswi takakulumbidza Tito, kuti sekwa akatangisa kale ngaapedzise nshingo iwoyu wakanaka pakati kwenyu. 7 Ngono ngwenu sekwa muli mbeli mu tjimwe ne tjimwe, mu kugalamoyo nemu ndebeleko nemu zibo nemu kumusa meya nemu kutida kwenyu, mubone kuti mu mbeli nemu nshingo iwoyu wakanaka.
8 Anditomupa nlayo, koga ndoshaka kubona kuti kene ludo gwenyu nge gwakwako nge kugufanidzanya nge kutukutila kwe bamwe. 9 Moziba ngoni dza She wedu Jesu Kirisiti, kuti nenguba akabe akafuma, wakabe nshayi nge kwenyu, kuti nge bushayi gugwe, imwi mufume.
10 Mu ndebo iyeyi ndomupa ikumbuludzo: Koyita kuti mupedzise tjamakatangisa makenyi, musingashinge koga mushinga ngoda, 11 kuti ndizo kuzwilulwamisila kuda kwenyu kuyendidzane ngopedzisa nge matatabuko enyu. 12 Ha kutukutilila kuli yapo, tjipo tjoamutjilika ku Ndzimu kuyendidzana nge tjaunatjo, kusi nge tjausinatjo.
13 Anditodwa kuti bamwe baamugwe, imwi mulemesegwe, koga ndodwa kuti kube nge kulizalizana, 14 kuti zwinjinji zwamunazo ngwenu zwibhatshe kusheta kwabo, kuti ndizo zwinjinji zwabanowobe nazo zwizhe zwibhatshe kusheta kwenyu. Ha kwakajalo kowobe nge kulizalizana. 15 Sekwa kwakakwagwa kuyi, “Iye wakatonotha kunjinji aazobe ne kunjisa, na iye wakatonotha kushomanana aazobe ne kushomanisa.”
Tito ne bakwinya babe
16 Ngakubokiwe Ndzimu iwo wakalonga ludo igogo gwandinagobo muna Tito kumubhatsha. 17 Tito aazoamutjila kunkumbila kwedu koga, koga wakagala abe eshaka kuzha kumuli ngoda kukwe. 18 Tonzhisa ana ikamu tjinozibgwa kwazo ngosumikila ndebo mbuya kwatjo mu makubungano wose. 19 Ngono kusi ngekwa ikoku koga, wakashalugwa nge makubungano kuti ayende naswi mu nshingo iwoyu wakanaka watinoyendisa kukudza She ne kulakidza mazwimisilo edu akalulwama.
20 Toshaka kuti kushete watibona nlandu ngekwe tjipo itjetji tjakanaka tjatinoyendisa. 21 Takazwimisila kuthama tjakalulwama, kusi mu mesho a She koga, koga nenge mu mesho e bathu.
22 Ngono banozha ne ikamu tjedu tjatakalika kanjinji tikawana tjakatukutila mu zwithu zwinjinji, koga ngwenu watjitukutila kupindisa misi yose nge kugalabgwe kwaanako mu muli. 23 Tito, iye nkwinya wangu kakale nshingi nami mu kumushinga kwedu; ngekwe zwikamu zwedu, ibo batumwa be makubungano, ndibo Kirisiti baanokudziwa nge kwabo. 24 Ndizo mubalakidze ludo gwenyu mbeli kwe makubungano nenge tjatinomukudzila.