Tjedza tja Yahwe tjosiya Jerusalema
1 Ipapo ndakati ndilinga, bonani, zhuzhugwi kwe misholo ye dzikherubhu kwakabe kuna kuthu kunonga bgwe linoyi safire ngono kwakabumbika se tjigalo tje bushe. 2 Yahwe bakabe bedwa nlume wakaambala zwiambalo zwe jila beti, “Ngina pakati kwe makumbgwana kusi kwe dzikherubhu, uzhadze maboko awo nge masimbe anothuta moto apakati kwe dzikherubhu uapaladze mu nzi nkulu.” Ngono kangina ndakalinga. 3 Dzikherubhu dzakabe dzili ku lubizho gwe burwa gwe ng'umba ye Ndzimu ipapa nlume engina, ngono gole likazhala mu nsha utjemukati. 4 Ipapo tjedza tja Yahwe tjikamilika tjidwa pezhugwi kwe dzikherubhu tjikayenda tjikanoma pa nkoba we ng'umba, ng'umba ikazhala gole, nsha iwo ukazhala kupenya kwe tjedza tja Yahwe. 5 Nsindo we mapapilo e dzikherubhu wakabe uhwika kunoti ku nsha utjakuzhe ufanana ne hwi le Ndzimu Masimbawose ha ulebeleka. 6 Bakati bedwa nlume wakaambala zwiambalo zwe jila beti, “Tola moto pakati kwe makumbgwana pakati kwe dzikherubhu,” iye kangina mukati kama pa gumbgwana. 7 Ngono kherubhu ikatambunudza luboko gwayo kudwa pakati kwe dzikherubhu ikanokola moto wakabe uli pakati kwe dzikherubhu ngono ikaulonga mu zwiazha zwe nlume wakabe akaambala zwiambalo zwe jila, ngono iye kabhudila kuzhe nawo. 8 Dzikherubhu dzina maboko anonga e nthu kusi kwe mapapilo adzo.
9 Ndakati ndilinga, bonani, ndakabona makumbgwana ali manna kubapa ne dzikherubhu, limwe ne limwe lakabapa ne kherubhu ngono makumbgwana epenya se bgwe le dayimani. 10 Ngono ndingiko bunna gwawo efanana elingika se gumbgwana limu limwe. 11 Akabe eti ha eyenda eyendila ku lubizho gumwe ne gumwe kwakalinga dzikherubhu akatambunuka asingatendebuke, koga kwakalinga gumbgwana limbeli ndiko kwaakabe eyenda ha woyenda. 12 Mibili yadzo yose, kushule ne maboko ne mapapilo kwakabe kuli zhele mesho, makumbgwana adzo naiwo akajalobo. 13 Ahwa makumbgwana edang'wa tjampupudze. 14 Kherubhu imwe ne imwe yakabe ina njiso dzili nna, buso gwe kutanga guli gwe kherubhu, gwe bubili guli gwe nthu, gwe butatu guli gwe shumba, gwe bunna guli gwe dzu. 15 Dzikherubhu dzikamilikila zhuzhugwi. Ndidzo zwibumbiwa zwinotjila zwandakabona pa gwizi gwe Kheba. 16 Dzikherubhu dzakabe dziti ha dziyenda, makumbgwana eyendabo, dzikherubhu dzakabe dziti ha dzimilidza mapapilo dziwuluka, makumbgwana amuhwunde yadzo asingatendebuke. 17 Dzakabe dziti adzima, makumbgwana emabo, ha dzimilikila pezhugwi, makumbgwana emilika nadzo, nge kuti meya ye zwibumbiwa zwinotjila yakabe ili mu makumbgwana.
18 Ipapo tjedza tja Yahwe tjikadwa pa bunginilo gwe ng'umba ye Ndzimu tjikanoma pezhugwi kwe dzikherubhu. 19 Dzikherubhu dzikamilidza mapapilo adzo ngono makumbgwana akabapa nadzo kayenda nadzo. Dzikanoma pa bunginilo gwe nkoba we kubhezhuba we ng'umba ya Yahwe, ngono tjedza tje Ndzimu we Iziraela tjakabe tjili pezhugwi kwadzo.
20 Izwezwi ndizo zwibumbiwa zwinotjila zwandakabona kusi kwe Ndzimu we Iziraela pa gwizi gwe Kheba, ngono ndakaziba kuti dzikherubhu. 21 Tjimwe ne tjimwe tjazo tjakabe tjina njiso dzili nna ne mapapilo manna, kusi kwe mapapilo azo kwakabe kuna zwinolingika se maboko e nthu. 22 Njiso dzazo dzakabe dzifanana nedze zwandakabona ku gwizi gwe Kheba. Tjimwe ne tjimwe tjazo tjakabe tjiyenda tjakatambunukila mbeli.
Tjedza tja Yahwe tjosiya Jerusalema
1 Ipapo ndakati ndilinga, bonani, zhuzhugwi kwe misholo ye dzikherubhu kwakabe kuna kuthu kunonga bgwe linoyi safire ngono kwakabumbika se tjigalo tje bushe. 2 Yahwe bakabe bedwa nlume wakaambala zwiambalo zwe jila beti, “Ngina pakati kwe makumbgwana kusi kwe dzikherubhu, uzhadze maboko awo nge masimbe anothuta moto apakati kwe dzikherubhu uapaladze mu nzi nkulu.” Ngono kangina ndakalinga. 3 Dzikherubhu dzakabe dzili ku lubizho gwe burwa gwe ng'umba ye Ndzimu ipapa nlume engina, ngono gole likazhala mu nsha utjemukati. 4 Ipapo tjedza tja Yahwe tjikamilika tjidwa pezhugwi kwe dzikherubhu tjikayenda tjikanoma pa nkoba we ng'umba, ng'umba ikazhala gole, nsha iwo ukazhala kupenya kwe tjedza tja Yahwe. 5 Nsindo we mapapilo e dzikherubhu wakabe uhwika kunoti ku nsha utjakuzhe ufanana ne hwi le Ndzimu Masimbawose ha ulebeleka. 6 Bakati bedwa nlume wakaambala zwiambalo zwe jila beti, “Tola moto pakati kwe makumbgwana pakati kwe dzikherubhu,” iye kangina mukati kama pa gumbgwana. 7 Ngono kherubhu ikatambunudza luboko gwayo kudwa pakati kwe dzikherubhu ikanokola moto wakabe uli pakati kwe dzikherubhu ngono ikaulonga mu zwiazha zwe nlume wakabe akaambala zwiambalo zwe jila, ngono iye kabhudila kuzhe nawo. 8 Dzikherubhu dzina maboko anonga e nthu kusi kwe mapapilo adzo.
9 Ndakati ndilinga, bonani, ndakabona makumbgwana ali manna kubapa ne dzikherubhu, limwe ne limwe lakabapa ne kherubhu ngono makumbgwana epenya se bgwe le dayimani. 10 Ngono ndingiko bunna gwawo efanana elingika se gumbgwana limu limwe. 11 Akabe eti ha eyenda eyendila ku lubizho gumwe ne gumwe kwakalinga dzikherubhu akatambunuka asingatendebuke, koga kwakalinga gumbgwana limbeli ndiko kwaakabe eyenda ha woyenda. 12 Mibili yadzo yose, kushule ne maboko ne mapapilo kwakabe kuli zhele mesho, makumbgwana adzo naiwo akajalobo. 13 Ahwa makumbgwana edang'wa tjampupudze. 14 Kherubhu imwe ne imwe yakabe ina njiso dzili nna, buso gwe kutanga guli gwe kherubhu, gwe bubili guli gwe nthu, gwe butatu guli gwe shumba, gwe bunna guli gwe dzu. 15 Dzikherubhu dzikamilikila zhuzhugwi. Ndidzo zwibumbiwa zwinotjila zwandakabona pa gwizi gwe Kheba. 16 Dzikherubhu dzakabe dziti ha dziyenda, makumbgwana eyendabo, dzikherubhu dzakabe dziti ha dzimilidza mapapilo dziwuluka, makumbgwana amuhwunde yadzo asingatendebuke. 17 Dzakabe dziti adzima, makumbgwana emabo, ha dzimilikila pezhugwi, makumbgwana emilika nadzo, nge kuti meya ye zwibumbiwa zwinotjila yakabe ili mu makumbgwana.
18 Ipapo tjedza tja Yahwe tjikadwa pa bunginilo gwe ng'umba ye Ndzimu tjikanoma pezhugwi kwe dzikherubhu. 19 Dzikherubhu dzikamilidza mapapilo adzo ngono makumbgwana akabapa nadzo kayenda nadzo. Dzikanoma pa bunginilo gwe nkoba we kubhezhuba we ng'umba ya Yahwe, ngono tjedza tje Ndzimu we Iziraela tjakabe tjili pezhugwi kwadzo.
20 Izwezwi ndizo zwibumbiwa zwinotjila zwandakabona kusi kwe Ndzimu we Iziraela pa gwizi gwe Kheba, ngono ndakaziba kuti dzikherubhu. 21 Tjimwe ne tjimwe tjazo tjakabe tjina njiso dzili nna ne mapapilo manna, kusi kwe mapapilo azo kwakabe kuna zwinolingika se maboko e nthu. 22 Njiso dzazo dzakabe dzifanana nedze zwandakabona ku gwizi gwe Kheba. Tjimwe ne tjimwe tjazo tjakabe tjiyenda tjakatambunukila mbeli.