Mbako mbili pejo ne ng'umba ye Ndzimu
1 Ipapo nlume ihwoyo kandiyisa ku nsha ukuzhe ku bunandzwa ngono kandiswiswa pa ng'umba dzakalingisana ne bhakasa le ng'umba ye Ndzimu kwakalingisana ne mbako itjakuzhe ku bunandzwa. 2 Mbako yakabe nkoba wayo wakalinga ku bunandzwa yakabe ilizana thambo dzili makumi mashanu ana dzili tathatu bulefu, bupabi gwayo gulizana thambo dzili makumi mabili ana dzili zhanalume. 3 Kuthubulanya thambo dzili gumi lina ili ing'ompela kudwa ku bhakasa litjemukati kulingisana ne budzilo gwe bhakasa litjakuzhe kwakabe kuna ng'umbana dzakabapa kuyenda nge matathikano matatu e mbako kuyenda pezhugwi. 4 Mbeli kwe ng'umba idzedzi kwakabe kuna zila ilizana thambo dzili shanu dzina luboko gung'ompela bupabi, bulefu gwayo ilizana thambo dzili makumi ali mashanu ana dzili tathatu. Mikoba yadzo yakabe ili ku bunandzwa. 5 Ng'umbana dzakabe dzili ku matathikano e butatu dzakabe dzili tukunu pana dze ebubili ne ekutanga ngoti matathiso akabe atalabuka kupinda matathiso akabe ali pakati ne akabe ali pasi mu mbako. 6 Ng'umba dze matathikano e butatu dzakabe dzisina phanda se nsha, ndizo wali dzakabe dzakamanikana kupinda dzakabe dzili pakati ne dzakabe dzili pasi. 7 Kwakabe kuna guma likuzhe lakabapisa ng'umba ne nsha utjakuzhe lilizana thambo dzili makumi ali mabili ana dzili kutendeka (27). 8 Ng'umba dzakabe dzili mu nsha ukuzhe bulefu gwe kubapa kwadzo kwakabe kuli makumi mabili ana dzili zhanakadzi (28), koga ng'umba dzakabe dzakalingisana ne ng'umba ye Ndzimu idzo dzakabe dziswika thambo dzili makumi mashanu (50) bulefu. 9 Ng'umba dzitjapasi nkoba unonginila kudzili wakabe wakalinga ku bhezhuba ha nthu engina edwa ku nsha ukuzhe.
10 Pakabe petangisa guma le nsha kulinga ku burwa kwakalingisana ne bhakasa ne mbako kwakabe kuna dzi ng'umba, 11 mbeli kwadzo kuna zila ngono dzakabe dzifanana ne ng'umba dziku bunandzwa, bulefu ne bupabi dzakabe dzilizana koga ne dzimwe, dzifanana nenge mikoba. 12 Mikoba ye ng'umba dziku ndzibo we burwa yakabe inging'wa nge nkoba wakabe udwa mu zila inodwa ku bhezhuba yakabapisa guma.
13 Ipapo kandidwa kati, Ng'umba dziku bunandzwa ne dziku burwa dzakalingisa mikoba ku bhakasa le ng'umba ye Ndzimu dzakayengemala. Ndiko kunowoti bapirisiti banozha pana Yahwe bakajila zwibhayilo zwakayengemala kupindisako. Ndiko kwabanowobiga zwibhayilo zwakayengemala kupindisa, banowobigako zwibhayilo zwe mathunde ne zwibhayilo zwe tjibi ne zwibhayilo zwe nlandu ngoti ipapa bugalo gwakayengemala. 14 Bapirisiti ha bangina mu bugalo gwakayengemala, basibhudile kuzhe mu bhakasa likuzhe kuswikila bambula zwiambalo zwabanoshinga bakazwiambala ngoti zwakayengemala. Ha bebhudila ku magalo abangashangana ne bathu baambale zwiambalo zwipoga.
Ndizanyo ye pagele ng'umba ye Ndzimu
15 Nlume ihwoyo wakati apedza kulizanya tjemukati kwe mbakililo ye ng'umba ye Ndzimu, kayenda nami kuzhe tibhuda nge nkoba we bhezhuba ngono kalizanya kose kupoteleka mbakililo. 16 Kalizanya nge lukombo ndzibo we ku bhezhuba ngono ukalizana thambo dzili mazana ali makumi mabili ana makumi ali zhanakadzi (280). 17 Katendebuka kalizanya nge lukombo ndzibo we bunandzwa, naiwobo ukalizana thambo dzili mazana mabili ana makumi ali zhanakadzi (280). 18 Kalizanya nge lukombo ndzibo we burwa, naiwobo ukalizana thambo dzili mazana ali makumi mabili ana makumi ali zhanakadzi (280). 19 Ipapo katendebukila ku ndzibo we golombedzo kaulizanya nge lukombo, naiwo ukalizana thambo dzili mazana ali mabili ana makumi ali zhanakadzi (280). 20 Ndizo wakalizanya pathu ipapo midzibo yose minna. Pakabe pana guma linothubukanya tjakayengemala ne tjisakayengemala, kukalizana thambo dzili mazana ali makumi mabili ana makumi ali zhanakadzi (280) bulefu ne bupabi.
Mbako mbili pejo ne ng'umba ye Ndzimu
1 Ipapo nlume ihwoyo kandiyisa ku nsha ukuzhe ku bunandzwa ngono kandiswiswa pa ng'umba dzakalingisana ne bhakasa le ng'umba ye Ndzimu kwakalingisana ne mbako itjakuzhe ku bunandzwa. 2 Mbako yakabe nkoba wayo wakalinga ku bunandzwa yakabe ilizana thambo dzili makumi mashanu ana dzili tathatu bulefu, bupabi gwayo gulizana thambo dzili makumi mabili ana dzili zhanalume. 3 Kuthubulanya thambo dzili gumi lina ili ing'ompela kudwa ku bhakasa litjemukati kulingisana ne budzilo gwe bhakasa litjakuzhe kwakabe kuna ng'umbana dzakabapa kuyenda nge matathikano matatu e mbako kuyenda pezhugwi. 4 Mbeli kwe ng'umba idzedzi kwakabe kuna zila ilizana thambo dzili shanu dzina luboko gung'ompela bupabi, bulefu gwayo ilizana thambo dzili makumi ali mashanu ana dzili tathatu. Mikoba yadzo yakabe ili ku bunandzwa. 5 Ng'umbana dzakabe dzili ku matathikano e butatu dzakabe dzili tukunu pana dze ebubili ne ekutanga ngoti matathiso akabe atalabuka kupinda matathiso akabe ali pakati ne akabe ali pasi mu mbako. 6 Ng'umba dze matathikano e butatu dzakabe dzisina phanda se nsha, ndizo wali dzakabe dzakamanikana kupinda dzakabe dzili pakati ne dzakabe dzili pasi. 7 Kwakabe kuna guma likuzhe lakabapisa ng'umba ne nsha utjakuzhe lilizana thambo dzili makumi ali mabili ana dzili kutendeka (27). 8 Ng'umba dzakabe dzili mu nsha ukuzhe bulefu gwe kubapa kwadzo kwakabe kuli makumi mabili ana dzili zhanakadzi (28), koga ng'umba dzakabe dzakalingisana ne ng'umba ye Ndzimu idzo dzakabe dziswika thambo dzili makumi mashanu (50) bulefu. 9 Ng'umba dzitjapasi nkoba unonginila kudzili wakabe wakalinga ku bhezhuba ha nthu engina edwa ku nsha ukuzhe.
10 Pakabe petangisa guma le nsha kulinga ku burwa kwakalingisana ne bhakasa ne mbako kwakabe kuna dzi ng'umba, 11 mbeli kwadzo kuna zila ngono dzakabe dzifanana ne ng'umba dziku bunandzwa, bulefu ne bupabi dzakabe dzilizana koga ne dzimwe, dzifanana nenge mikoba. 12 Mikoba ye ng'umba dziku ndzibo we burwa yakabe inging'wa nge nkoba wakabe udwa mu zila inodwa ku bhezhuba yakabapisa guma.
13 Ipapo kandidwa kati, Ng'umba dziku bunandzwa ne dziku burwa dzakalingisa mikoba ku bhakasa le ng'umba ye Ndzimu dzakayengemala. Ndiko kunowoti bapirisiti banozha pana Yahwe bakajila zwibhayilo zwakayengemala kupindisako. Ndiko kwabanowobiga zwibhayilo zwakayengemala kupindisa, banowobigako zwibhayilo zwe mathunde ne zwibhayilo zwe tjibi ne zwibhayilo zwe nlandu ngoti ipapa bugalo gwakayengemala. 14 Bapirisiti ha bangina mu bugalo gwakayengemala, basibhudile kuzhe mu bhakasa likuzhe kuswikila bambula zwiambalo zwabanoshinga bakazwiambala ngoti zwakayengemala. Ha bebhudila ku magalo abangashangana ne bathu baambale zwiambalo zwipoga.
Ndizanyo ye pagele ng'umba ye Ndzimu
15 Nlume ihwoyo wakati apedza kulizanya tjemukati kwe mbakililo ye ng'umba ye Ndzimu, kayenda nami kuzhe tibhuda nge nkoba we bhezhuba ngono kalizanya kose kupoteleka mbakililo. 16 Kalizanya nge lukombo ndzibo we ku bhezhuba ngono ukalizana thambo dzili mazana ali makumi mabili ana makumi ali zhanakadzi (280). 17 Katendebuka kalizanya nge lukombo ndzibo we bunandzwa, naiwobo ukalizana thambo dzili mazana mabili ana makumi ali zhanakadzi (280). 18 Kalizanya nge lukombo ndzibo we burwa, naiwobo ukalizana thambo dzili mazana ali makumi mabili ana makumi ali zhanakadzi (280). 19 Ipapo katendebukila ku ndzibo we golombedzo kaulizanya nge lukombo, naiwo ukalizana thambo dzili mazana ali mabili ana makumi ali zhanakadzi (280). 20 Ndizo wakalizanya pathu ipapo midzibo yose minna. Pakabe pana guma linothubukanya tjakayengemala ne tjisakayengemala, kukalizana thambo dzili mazana ali makumi mabili ana makumi ali zhanakadzi (280) bulefu ne bupabi.