Dafite unotizha Saulo
1 Dafite wakazha ku Nobhu ku mpirisiti Ahimeleki. Ahimeleki kayenda etetema enonshanganidza, ngono kambhuzwa kati, “Ini wazha ngeno woga kusina waunaye?”
2 Dafite wakashandula mpirisiti Ahimeleki eti, “Ndakadwiwa ndi mambo kuti ndithame tjimwe, ngono wakandidwa kati, ‘Akuna wakafanila ziba ngekwe nshingo uwo kene tjawadwiwa.’ Koga ngekwe bathu bangu, ndakababudza kwabanga ndishanganidza. 3 Ngono ngwenu, wakabhatani mu luboko? Undipe zwiwunga zwishanu, kene tjimwe tjaungabe unatjo.”
4 Mpirisiti akashandula Dafite eti, “Andina tjiwunga tjinojiwa koga, kuna tjiwunga tjakayengemala koga, ha kusi kuti balume bakazwithubukanya ne bakadzi.”
5 Dafite kadabila mpirisiti eti, “Ku malebeswa, bakadzi bagala bakathubukanyiwa naswi se kwagala, andakazwimisila gwendo, mibili ye balume inogala yakayengemala nakuto guli gwendo gwakawolobeleka. Ngono nasi inowoyengemala kungapani kene?”
6 Ndizo mpirisiti akampa tjiwunga tjakayengemala, ngobe kwakabe kusina tjiwunga ipapo, kuzhe kwe tjiwunga tje Tjipo tje Ndzimu, tjakabe tjadusiwa mbeli kwa Yahwe, tjokowomisigwa nge tjiwunga tjadwa pabhugwa.
7 Mu zhuba ilelo, kwakabe kuna mmwe we balanda ba Saulo akasungwa mbeli kwa Yahwe, zina lile liyi Doegi we N'edomu, nlauli we balisi be pkhwizi dza Saulo.
8 Dafite kabhuzwa Ahimeleke kati, “Amuna thumo kene bukano ipapa? Andizozha ne bukano gwangu kene tjimwe tje zwibhayano, ngobe nshingo wa mambo wabe undishaka tjinyolotjo.”
9 Mpirisiti kadabila eti, “Bukano gwa Goliati we Nfilisitiya wawakabulaya mu nkuku we Ela, guyapo gwakapetegwa nge jila shule kwe efodi, ha ugushaka ugutole, akuna gumwe ipapa kuzhe kwago.”
Dafite kabe eti, “Akuna gumwe gunonga igo, undipe igo.”
10 Mu zhuba ilelo Dafite kamilika kayenda kuna Akhishi mambo we Gati, etizha Saulo. 11 Balanda ba Akhishi bakandwa bakati, “Apa ate Dafite iwoyu, mambo we shango iyeyi kene? Apa ate iye wabakabe bemba nge kukwe bezana beti, ‘Saulo wakabulaya tjiwulu tjitje, ngono Dafite kabulaya zwiwulu zwili gumi kene?’ ”
12 Matama abo kangina Dafite mu moyo kwazo, ngono katja Akhishi mambo we Gati kwazo. 13 Ndizo kazwishanganya nsholo mbeli kwabo, kazwithama se unopenga, kapala mazhalilo ye mikoba nge nyala, akaletjedza mate awe ewungila mu ndedu. 14 Akhishi kadwa balanda babe eti, “Bonani, nlume iwoyu unopenga, apa hwutini manzhisa kundili kene? 15 Apa ndoshaka bapengo imi, kwamazhisa nthu iwoyu kuwothamila bupengo mbeli kwangu? Apa nlume iwoyu wafanila ngina mu ng'umba yangu kene?”
Dafite unotizha Saulo
1 Dafite wakazha ku Nobhu ku mpirisiti Ahimeleki. Ahimeleki kayenda etetema enonshanganidza, ngono kambhuzwa kati, “Ini wazha ngeno woga kusina waunaye?”
2 Dafite wakashandula mpirisiti Ahimeleki eti, “Ndakadwiwa ndi mambo kuti ndithame tjimwe, ngono wakandidwa kati, ‘Akuna wakafanila ziba ngekwe nshingo uwo kene tjawadwiwa.’ Koga ngekwe bathu bangu, ndakababudza kwabanga ndishanganidza. 3 Ngono ngwenu, wakabhatani mu luboko? Undipe zwiwunga zwishanu, kene tjimwe tjaungabe unatjo.”
4 Mpirisiti akashandula Dafite eti, “Andina tjiwunga tjinojiwa koga, kuna tjiwunga tjakayengemala koga, ha kusi kuti balume bakazwithubukanya ne bakadzi.”
5 Dafite kadabila mpirisiti eti, “Ku malebeswa, bakadzi bagala bakathubukanyiwa naswi se kwagala, andakazwimisila gwendo, mibili ye balume inogala yakayengemala nakuto guli gwendo gwakawolobeleka. Ngono nasi inowoyengemala kungapani kene?”
6 Ndizo mpirisiti akampa tjiwunga tjakayengemala, ngobe kwakabe kusina tjiwunga ipapo, kuzhe kwe tjiwunga tje Tjipo tje Ndzimu, tjakabe tjadusiwa mbeli kwa Yahwe, tjokowomisigwa nge tjiwunga tjadwa pabhugwa.
7 Mu zhuba ilelo, kwakabe kuna mmwe we balanda ba Saulo akasungwa mbeli kwa Yahwe, zina lile liyi Doegi we N'edomu, nlauli we balisi be pkhwizi dza Saulo.
8 Dafite kabhuzwa Ahimeleke kati, “Amuna thumo kene bukano ipapa? Andizozha ne bukano gwangu kene tjimwe tje zwibhayano, ngobe nshingo wa mambo wabe undishaka tjinyolotjo.”
9 Mpirisiti kadabila eti, “Bukano gwa Goliati we Nfilisitiya wawakabulaya mu nkuku we Ela, guyapo gwakapetegwa nge jila shule kwe efodi, ha ugushaka ugutole, akuna gumwe ipapa kuzhe kwago.”
Dafite kabe eti, “Akuna gumwe gunonga igo, undipe igo.”
10 Mu zhuba ilelo Dafite kamilika kayenda kuna Akhishi mambo we Gati, etizha Saulo. 11 Balanda ba Akhishi bakandwa bakati, “Apa ate Dafite iwoyu, mambo we shango iyeyi kene? Apa ate iye wabakabe bemba nge kukwe bezana beti, ‘Saulo wakabulaya tjiwulu tjitje, ngono Dafite kabulaya zwiwulu zwili gumi kene?’ ”
12 Matama abo kangina Dafite mu moyo kwazo, ngono katja Akhishi mambo we Gati kwazo. 13 Ndizo kazwishanganya nsholo mbeli kwabo, kazwithama se unopenga, kapala mazhalilo ye mikoba nge nyala, akaletjedza mate awe ewungila mu ndedu. 14 Akhishi kadwa balanda babe eti, “Bonani, nlume iwoyu unopenga, apa hwutini manzhisa kundili kene? 15 Apa ndoshaka bapengo imi, kwamazhisa nthu iwoyu kuwothamila bupengo mbeli kwangu? Apa nlume iwoyu wafanila ngina mu ng'umba yangu kene?”