Dafite unolambiwa nge Bafilisitiya
1 Bafilisitiya bakakubunganyila babhayani babo bose ku Apheki, Baiziraela ibo bakakotokela pa nsenya umu Jezerele. 2 Kwakati batungamili be babhayani be Bafilisitiya Bakalongoloka nge mizila ye mazana nenge zwiwulu, Dafite ne bathu babe bakapinda bali shule na Akhishi. 3 Balauli be babhayani be Bafilisitiya bakabe beti, “Bahebheru ibaba banoshingani ipapa kene?”
Akhishi kadabila balauli be Bafilisitiya kati, “Apa iwoyu ate ali Dafite, wakabe ali gulukota la Saulo mambo we Iziraela, wakabe nami tjibaka tjingapinda gole? Kwetjinga kwa akadwa kuna Saulo andizotongowana nlandu munli kuswikila nasi.”
4 Koga balauli be babhayani be Bafilisitiya bakan'gwadzila moyo bakati kunli, “Shandusa nlume iwoyu, abgwilile ku bugalo gwawakambiga. Asitongo ngina naswi mu ngwa, ungadwa etishandukila titji pakati kwe ngwa. Ini tjingandziba kuzwihwananya na tetshi uwe ngobulaya balume ibaba bedu kene? 5 Apa ate iye Dafite iwoyu, wabakamba bedabidzana mu mizano kene? Beti, ‘Saulo wakabulaya zwiwulu zwizwe, ngono Dafite wakabulaya zwiwulu zwili gumi kene?’ ”
6 Ndizo Akhishi kadana Dafite kandwa kati, “Tjoselele ndotuna na Yahwe banotjila, wabe ugalika bgwe mundili, kakale ndabe ndishathila kuti ungashinga nami mu ngwa, ngobe akuna tjandakawana tjinlandu mukuli kudwa mu zhuba lawakazha kundili kuswikila nasi. Ngono batungamili abatokudumila. 7 Shandukazo, uyende nge mbakiso, kuti usidwe ukopodza batungamili be Bafilisitiya.”
8 Dafite kabhuzwa eti, “Ndakathamani kene? Ini tjamakabona mu nlanda wenyu kudwa mu zhuba landakatangisa kungina mu nshingo wenyu kowoti nasi? Ngono ini tjingandikonedza kunogwa ne zwita zwa tetshi wangu mambo kene?”
9 Akhishi kadabila Dafite eti, “Ndoziba kuti wakalulwama mu mesho angu se ntumwa we kudzimu, koga balauli be Bafilisitiya baleba beti, ‘Angayende naswi ku ngwa.’ 10 Ndizo ngwenu mumuke mubinduke mangwanana, iwe ne balanda ba tetshi uwo bawakazha nabo, mu milike kutji mangwanana koga akuyedza.”
11 Ndizo Dafite ne balanda babe bakabinduka kutji mangwanana bakabgwilila ku shango ye Bafilisitiya, ngono Bafilisitiya ibo bayenda ku Jezerele.
Dafite unolambiwa nge Bafilisitiya
1 Bafilisitiya bakakubunganyila babhayani babo bose ku Apheki, Baiziraela ibo bakakotokela pa nsenya umu Jezerele. 2 Kwakati batungamili be babhayani be Bafilisitiya Bakalongoloka nge mizila ye mazana nenge zwiwulu, Dafite ne bathu babe bakapinda bali shule na Akhishi. 3 Balauli be babhayani be Bafilisitiya bakabe beti, “Bahebheru ibaba banoshingani ipapa kene?”
Akhishi kadabila balauli be Bafilisitiya kati, “Apa iwoyu ate ali Dafite, wakabe ali gulukota la Saulo mambo we Iziraela, wakabe nami tjibaka tjingapinda gole? Kwetjinga kwa akadwa kuna Saulo andizotongowana nlandu munli kuswikila nasi.”
4 Koga balauli be babhayani be Bafilisitiya bakan'gwadzila moyo bakati kunli, “Shandusa nlume iwoyu, abgwilile ku bugalo gwawakambiga. Asitongo ngina naswi mu ngwa, ungadwa etishandukila titji pakati kwe ngwa. Ini tjingandziba kuzwihwananya na tetshi uwe ngobulaya balume ibaba bedu kene? 5 Apa ate iye Dafite iwoyu, wabakamba bedabidzana mu mizano kene? Beti, ‘Saulo wakabulaya zwiwulu zwizwe, ngono Dafite wakabulaya zwiwulu zwili gumi kene?’ ”
6 Ndizo Akhishi kadana Dafite kandwa kati, “Tjoselele ndotuna na Yahwe banotjila, wabe ugalika bgwe mundili, kakale ndabe ndishathila kuti ungashinga nami mu ngwa, ngobe akuna tjandakawana tjinlandu mukuli kudwa mu zhuba lawakazha kundili kuswikila nasi. Ngono batungamili abatokudumila. 7 Shandukazo, uyende nge mbakiso, kuti usidwe ukopodza batungamili be Bafilisitiya.”
8 Dafite kabhuzwa eti, “Ndakathamani kene? Ini tjamakabona mu nlanda wenyu kudwa mu zhuba landakatangisa kungina mu nshingo wenyu kowoti nasi? Ngono ini tjingandikonedza kunogwa ne zwita zwa tetshi wangu mambo kene?”
9 Akhishi kadabila Dafite eti, “Ndoziba kuti wakalulwama mu mesho angu se ntumwa we kudzimu, koga balauli be Bafilisitiya baleba beti, ‘Angayende naswi ku ngwa.’ 10 Ndizo ngwenu mumuke mubinduke mangwanana, iwe ne balanda ba tetshi uwo bawakazha nabo, mu milike kutji mangwanana koga akuyedza.”
11 Ndizo Dafite ne balanda babe bakabinduka kutji mangwanana bakabgwilila ku shango ye Bafilisitiya, ngono Bafilisitiya ibo bayenda ku Jezerele.