Mambo Solomoni unokumbila butjenjedu
(1 Bomambo 3:1-15)1 Solomoni nkololo wa Dafite kabhudilila mu bushe gugwe ngono Yahwe Ndzimu uwe bakabe banaye bakanthama nkulu kupinda.
2 Kukati limwe zhuba Solomoni kalebeleka ne Baiziraela bose ne balauli be babhayani be bali zwiwulu ne be bali mazana ne basumikilisi ne makulukota wose e Iziraela ne misholo ye misha, 3 kuti bayende bose ku bugalo gwakatathila ku Gibiyoni ngobe nshasha we bushanganilo we Ndzimu wakabe wathamwa ndi Mushe nlanda wa Yahwe ali mu tjilambanyika wakabe uli ikoko, 4 nenguba Bhokisi le Tjidumano le Ndzimu lakabe latogwa ndi Dafite ku Kiriatijearimu eliyisa ku Jerusalema kwaakaswika elibiga mu nshasha waakabe abaka. 5 Pezhugwi kwa ikoku tjibeso tjinopisigwa zwibhayilo tje phangula tjakabe tjabakwa ndi Bhezaleli nkololo wa Uri, Uri ali nkololo wa Huri, tjakabe tjiliku Gibiyoni mbeli kwe bugalo gwe Ndzimu Yahwe. Solomoni ne gubungano lose bakanamata Yahwe ikoko. 6 Ngono Solomoni kayenda ku tjibeso tjinopisigwa zwibhayilo tjakathamwa nge phangula pa nshasha we bushanganilo kadusila Yahwe zwibhayilo zwinopisiwa zwili tjiwulu (1 000) mu tjili.
7 Kukati mu busiku igogo Ndzimu ukazwilakidza kuna Solomoni ngono ukandwa uti, “Unokumbila kuti ndikupeni kene?”
8 Ngono Solomoni kati ku Ndzimu, “Makathamila tate bangu Dafite lubu, na ngwenu kose matjindibiga mambo mu tjigalo tjabo. 9 Ngono ngwenu Yahwe Ndzimu wangu thamani kuti mushingikadze tjamakagadzabgwe tate bangu Dafite ngobe mandibiga mambo we bathu banjinji se hwuluba ye shango, 10 mundipe butjenjedu ne luzibo kuti ndizo ndibuse bathu ibaba, dumbu ndiani ungatubula kubusa bathu benyu wali?”
11 Ndzimu ukashandula Solomoni uti, “Ngoti ikoku kwabe kuli mu moyo uwo kakale auzokumbila thundu ne fumwa ne gudzo kene kuti kubulawe zwita zwizo kakale auzokumbila butjilo bulefu koga wakumbila butjenjedu ne luzibo gwe kubusa bathu bangu ibo bandakubiga kuti ube mambo wabo, 12 ndizo ndowokupa butjenjedu ne luzibo. Pezhugwi kwa ikoko ndowokupa thundu ne fumwa ne gudzo zwisakatongoti kukabe ne mambo wakabusa mbeli kuko wakabe nazo ne unowobusa shule kuko unowobe nazo.”
Simba ne fumwa ya Mambo Solomoni
(1 Bomambo 10:26-29)13 Ndizo Solomoni kayenda ku Jerusalema edwa mu Gibiyoni pa bugalo gwakatathila pa nshasha we bushanganilo ngono ikoko kabusa bathu be Iziraela.
14 Solomoni wakazwishabila koloyi dze ngwa ne mbizi, wakabe ana koloyi dze ngwa dzili tjiwulu tjina mazana ali manna (1 400) ne mbizi dzili zwiwulu zwili gumi lina zwiwulu zwibili (12 000). Dzimwe dzadzo wakabe akadzibiga mu Jerusalema koga dzimwe wakabe akadzibiga mu mimwe mizi mikulu ngothubukana kwayo. 15 Solomoni wakathama kuti siliva ne golide zwiwande se mabgwe mu Jerusalema ne miti ye sida ibe minji se miti ye sikamore inomela mu hwunde ye matombo. 16 Solomoni wakabe etenga mbizi ku Egipiti neku Kue, batengi ba mambo bakabe bedzitenga ku Kue. 17 Bakatenga koloyi ye ngwa imwe ne imwe ku Egipiti nge themba ye shekele dze siliva dzili mazana ali tathatu (600) ne mbizi ing'ompela nge themba ye zana lina makumi mashanu (150). Bakatengeselabo bomambo be Bahiti na bomambo be Siriya mbizi ne koloyi dze ngwa.
Mambo Solomoni unokumbila butjenjedu
(1 Bomambo 3:1-15)1 Solomoni nkololo wa Dafite kabhudilila mu bushe gugwe ngono Yahwe Ndzimu uwe bakabe banaye bakanthama nkulu kupinda.
2 Kukati limwe zhuba Solomoni kalebeleka ne Baiziraela bose ne balauli be babhayani be bali zwiwulu ne be bali mazana ne basumikilisi ne makulukota wose e Iziraela ne misholo ye misha, 3 kuti bayende bose ku bugalo gwakatathila ku Gibiyoni ngobe nshasha we bushanganilo we Ndzimu wakabe wathamwa ndi Mushe nlanda wa Yahwe ali mu tjilambanyika wakabe uli ikoko, 4 nenguba Bhokisi le Tjidumano le Ndzimu lakabe latogwa ndi Dafite ku Kiriatijearimu eliyisa ku Jerusalema kwaakaswika elibiga mu nshasha waakabe abaka. 5 Pezhugwi kwa ikoku tjibeso tjinopisigwa zwibhayilo tje phangula tjakabe tjabakwa ndi Bhezaleli nkololo wa Uri, Uri ali nkololo wa Huri, tjakabe tjiliku Gibiyoni mbeli kwe bugalo gwe Ndzimu Yahwe. Solomoni ne gubungano lose bakanamata Yahwe ikoko. 6 Ngono Solomoni kayenda ku tjibeso tjinopisigwa zwibhayilo tjakathamwa nge phangula pa nshasha we bushanganilo kadusila Yahwe zwibhayilo zwinopisiwa zwili tjiwulu (1 000) mu tjili.
7 Kukati mu busiku igogo Ndzimu ukazwilakidza kuna Solomoni ngono ukandwa uti, “Unokumbila kuti ndikupeni kene?”
8 Ngono Solomoni kati ku Ndzimu, “Makathamila tate bangu Dafite lubu, na ngwenu kose matjindibiga mambo mu tjigalo tjabo. 9 Ngono ngwenu Yahwe Ndzimu wangu thamani kuti mushingikadze tjamakagadzabgwe tate bangu Dafite ngobe mandibiga mambo we bathu banjinji se hwuluba ye shango, 10 mundipe butjenjedu ne luzibo kuti ndizo ndibuse bathu ibaba, dumbu ndiani ungatubula kubusa bathu benyu wali?”
11 Ndzimu ukashandula Solomoni uti, “Ngoti ikoku kwabe kuli mu moyo uwo kakale auzokumbila thundu ne fumwa ne gudzo kene kuti kubulawe zwita zwizo kakale auzokumbila butjilo bulefu koga wakumbila butjenjedu ne luzibo gwe kubusa bathu bangu ibo bandakubiga kuti ube mambo wabo, 12 ndizo ndowokupa butjenjedu ne luzibo. Pezhugwi kwa ikoko ndowokupa thundu ne fumwa ne gudzo zwisakatongoti kukabe ne mambo wakabusa mbeli kuko wakabe nazo ne unowobusa shule kuko unowobe nazo.”
Simba ne fumwa ya Mambo Solomoni
(1 Bomambo 10:26-29)13 Ndizo Solomoni kayenda ku Jerusalema edwa mu Gibiyoni pa bugalo gwakatathila pa nshasha we bushanganilo ngono ikoko kabusa bathu be Iziraela.
14 Solomoni wakazwishabila koloyi dze ngwa ne mbizi, wakabe ana koloyi dze ngwa dzili tjiwulu tjina mazana ali manna (1 400) ne mbizi dzili zwiwulu zwili gumi lina zwiwulu zwibili (12 000). Dzimwe dzadzo wakabe akadzibiga mu Jerusalema koga dzimwe wakabe akadzibiga mu mimwe mizi mikulu ngothubukana kwayo. 15 Solomoni wakathama kuti siliva ne golide zwiwande se mabgwe mu Jerusalema ne miti ye sida ibe minji se miti ye sikamore inomela mu hwunde ye matombo. 16 Solomoni wakabe etenga mbizi ku Egipiti neku Kue, batengi ba mambo bakabe bedzitenga ku Kue. 17 Bakatenga koloyi ye ngwa imwe ne imwe ku Egipiti nge themba ye shekele dze siliva dzili mazana ali tathatu (600) ne mbizi ing'ompela nge themba ye zana lina makumi mashanu (150). Bakatengeselabo bomambo be Bahiti na bomambo be Siriya mbizi ne koloyi dze ngwa.