Kululwamisila bakiwa kwe Ng'umba ye Ndzimu
(1 Bomambo 5:1-18)1 Solomoni wakadusa ndaulo kuti kubakwe Ng'umba ye Ndzimu ibakigwa zina la Yahwe ne kuti kubakwe ng'umba iye ye bumambo. 2 Solomoni wakatola balume bali zwiwulu zwili makumi ali kutendeka (70 000) kuti basenge zwishingisiwa zwinobaka ne bali zwiwulu zwili makumi ali zhanakadzi (80 000) kuti bakobole mabgwe mu matombo ne bali zwiwulu zwitatu zwina mazana ali tathatu (3 600) kube batungamili be nshingo.
3 Ngono Solomoni kayisa dama kuna Huramu mambo we Tire kati, “Munditumilile mapango e miti ye sida sekwa makathamila tate bangu Dafite kuti babakise ng'umba yabo ye bushe. 4 Bonani, ngwenu ndoshaka kubaka ng'umba ndi ibakila zina la Yahwe Ndzimu wangu ne kuipa Ndzimu kuti kupisigwe motsha unonuhwa zwinozipa mbeli kwawo, ne kuzhisa zwipo zwe tjiwunga zwinozhisiwa tjibaka ne tjibaka muili ne kupisila zwibhayilo zwinopisiwa mangwanana ne madekwana ne zwinopisiwa mu mazhuba e Sabata ne zwinopisiwa tjibaka tje Mwedzi ugala nenge zwinopisiwa mu zwibaka zwe mizano yakabigwa ya Yahwe Ndzimu wedu, ibo bakalaula kuti ikoko kuthamiwe. 5 Ng'umba yandinoshaka baka inowobe hwulu kwazo ngobe Ndzimu wedu nkulu kupinda midzimu yose. 6 Koga dumbu ndiani ungatubula kuubakila ng'umba ngoti zhuzhugwi na pezhugwizhugwi zwisakaulizana kene? Dumbu ndiani imi kwandingaubakila ng'umba yaungagala kene? Kuzhe kwekuti ndiubakile pangapisigwa zwibhayilo koga kene? 7 Ndizo ngwenu unditumile nlume una luzibo gwe kushinga nge golide ne siliva ne phangula ne butale nenge kuthama jila le mbala we gova ne jila shaba ne jila le bushaba gwakabondelela, abe akazwidiya kukwala muna zwakasima, unditumilile iye kuti azhe ashinge ne nyambi dze bashingi dzinami mu Juda nemu Jerusalema ibo bakashalugwa ndi tate bangu Dafite. 8 Unditumilile kakale mapango e misida ne e misipuri ne e aligumu inodwa ku Lebanoni, ngobe ndoziba kuti balanda babo banoziba kubezha mapango anodwa ku Lebanoni. Balanda bangu banowobhatshana ne balanda babo, 9 kundilulwamisila mapango manjinji ngobe ng'umba yandinobaka inowobe hwuluhwulu kwazo kakale itjenamisa. 10 Ngono ndowopa balanda babo banotema miti masaka ali zwiwulu zwili zana (100 000) zwe mathunde e korong ne masaka ali zwiwulu zwili zana (100 000) zwe mathunde e bhali ne maswaki ali zwiwulu zwili zana lina gumi (110 000) e nkumbi we zhambi ne maswaki ali zwiwulu zwili zana lina gumi (110 000) e mafuta e ntoba.”
11 Ipapo Huramu mambo we Tire kashandula Solomoni nge nkwalo eti, “Ngoti Yahwe banoda bathu babo bakubiga kuti ube mambo we bathu babo.”
12 Huramu kadwilila kati, “Kudzani Yahwe Ndzimu we Iziraela, ibo bakabumba kudzimu ne shango! Ibo bakapa Dafite nkololo wakatjenjela, uzhele luzibo ne hwisiso, iye unowobakila Yahwe ng'umba kakale kazwibakila ng'umba ye bushe.
13 “Ndokuzhisila Huramuabi, nyambi ye nlume una luzibo, 14 mmeyabe bakabe bedwa ku Dani ngono tate babe bedwa mu Tire. Wakazwidiyila shinga nge golide ne siliva ne phangula ne butale ne mabgwe ne lukuni nenge kushinga nge matyila e mbala we gova ne mashaba neye bushaba gwakabondelela ne matjena. Una luzibo muna zose zwe kukobola, i nyambi yethama zwithu zwakasiyana siyana zwaangabe apiwa kuti azwithame. Unowoshinga ne nyambi dzidzo ne dza tetshi bangu Dafite tate babo. 15 Ndizo ngwenu tetshi bangu ngabatumilile balanda babo mathunde e korong ne mathunde e bhali ne mafuta e ntoba ne nkumbi we zhambi zwabakagadzabgwe. 16 Towotema mapango mu Lebanoni amunoshaka tikamuzhisila iwo ku Jopa nge gungwa ngono iwe unowoatola ukayisa ku Jerusalema.”
Ng'umba ye Ndzimu inotangisiwa bakiwa
(1 Bomambo 6:1-38)17 Ipapo Solomoni kabala bataya bose bakabe bali mu Iziraela shule kwe mbalo ye bathu yakathamwa ndi tate babe Dafite, ngono bakawanika bali zwiwulu zwili zana ling'ompela zwina makumi mashanu ana zwili zwitatu ne mazana ali tathatu (153 600). 18 Mu bali, bali zwiwulu zwili makumi ali kutendeka (70 000) kababiga kuti babe ibo basengi, bali zwiwulu zwili makumi ali zhanakadzi (80 000) ibo bakabe banokobola mabgwe mu matombo ne bali zwiwulu zwitatu zwina mazana ali tathatu (3 600) bakabigwa kuti babe batungamili kubona kuti nshingo unoyenda.
Kululwamisila bakiwa kwe Ng'umba ye Ndzimu
(1 Bomambo 5:1-18)1 Solomoni wakadusa ndaulo kuti kubakwe Ng'umba ye Ndzimu ibakigwa zina la Yahwe ne kuti kubakwe ng'umba iye ye bumambo. 2 Solomoni wakatola balume bali zwiwulu zwili makumi ali kutendeka (70 000) kuti basenge zwishingisiwa zwinobaka ne bali zwiwulu zwili makumi ali zhanakadzi (80 000) kuti bakobole mabgwe mu matombo ne bali zwiwulu zwitatu zwina mazana ali tathatu (3 600) kube batungamili be nshingo.
3 Ngono Solomoni kayisa dama kuna Huramu mambo we Tire kati, “Munditumilile mapango e miti ye sida sekwa makathamila tate bangu Dafite kuti babakise ng'umba yabo ye bushe. 4 Bonani, ngwenu ndoshaka kubaka ng'umba ndi ibakila zina la Yahwe Ndzimu wangu ne kuipa Ndzimu kuti kupisigwe motsha unonuhwa zwinozipa mbeli kwawo, ne kuzhisa zwipo zwe tjiwunga zwinozhisiwa tjibaka ne tjibaka muili ne kupisila zwibhayilo zwinopisiwa mangwanana ne madekwana ne zwinopisiwa mu mazhuba e Sabata ne zwinopisiwa tjibaka tje Mwedzi ugala nenge zwinopisiwa mu zwibaka zwe mizano yakabigwa ya Yahwe Ndzimu wedu, ibo bakalaula kuti ikoko kuthamiwe. 5 Ng'umba yandinoshaka baka inowobe hwulu kwazo ngobe Ndzimu wedu nkulu kupinda midzimu yose. 6 Koga dumbu ndiani ungatubula kuubakila ng'umba ngoti zhuzhugwi na pezhugwizhugwi zwisakaulizana kene? Dumbu ndiani imi kwandingaubakila ng'umba yaungagala kene? Kuzhe kwekuti ndiubakile pangapisigwa zwibhayilo koga kene? 7 Ndizo ngwenu unditumile nlume una luzibo gwe kushinga nge golide ne siliva ne phangula ne butale nenge kuthama jila le mbala we gova ne jila shaba ne jila le bushaba gwakabondelela, abe akazwidiya kukwala muna zwakasima, unditumilile iye kuti azhe ashinge ne nyambi dze bashingi dzinami mu Juda nemu Jerusalema ibo bakashalugwa ndi tate bangu Dafite. 8 Unditumilile kakale mapango e misida ne e misipuri ne e aligumu inodwa ku Lebanoni, ngobe ndoziba kuti balanda babo banoziba kubezha mapango anodwa ku Lebanoni. Balanda bangu banowobhatshana ne balanda babo, 9 kundilulwamisila mapango manjinji ngobe ng'umba yandinobaka inowobe hwuluhwulu kwazo kakale itjenamisa. 10 Ngono ndowopa balanda babo banotema miti masaka ali zwiwulu zwili zana (100 000) zwe mathunde e korong ne masaka ali zwiwulu zwili zana (100 000) zwe mathunde e bhali ne maswaki ali zwiwulu zwili zana lina gumi (110 000) e nkumbi we zhambi ne maswaki ali zwiwulu zwili zana lina gumi (110 000) e mafuta e ntoba.”
11 Ipapo Huramu mambo we Tire kashandula Solomoni nge nkwalo eti, “Ngoti Yahwe banoda bathu babo bakubiga kuti ube mambo we bathu babo.”
12 Huramu kadwilila kati, “Kudzani Yahwe Ndzimu we Iziraela, ibo bakabumba kudzimu ne shango! Ibo bakapa Dafite nkololo wakatjenjela, uzhele luzibo ne hwisiso, iye unowobakila Yahwe ng'umba kakale kazwibakila ng'umba ye bushe.
13 “Ndokuzhisila Huramuabi, nyambi ye nlume una luzibo, 14 mmeyabe bakabe bedwa ku Dani ngono tate babe bedwa mu Tire. Wakazwidiyila shinga nge golide ne siliva ne phangula ne butale ne mabgwe ne lukuni nenge kushinga nge matyila e mbala we gova ne mashaba neye bushaba gwakabondelela ne matjena. Una luzibo muna zose zwe kukobola, i nyambi yethama zwithu zwakasiyana siyana zwaangabe apiwa kuti azwithame. Unowoshinga ne nyambi dzidzo ne dza tetshi bangu Dafite tate babo. 15 Ndizo ngwenu tetshi bangu ngabatumilile balanda babo mathunde e korong ne mathunde e bhali ne mafuta e ntoba ne nkumbi we zhambi zwabakagadzabgwe. 16 Towotema mapango mu Lebanoni amunoshaka tikamuzhisila iwo ku Jopa nge gungwa ngono iwe unowoatola ukayisa ku Jerusalema.”
Ng'umba ye Ndzimu inotangisiwa bakiwa
(1 Bomambo 6:1-38)17 Ipapo Solomoni kabala bataya bose bakabe bali mu Iziraela shule kwe mbalo ye bathu yakathamwa ndi tate babe Dafite, ngono bakawanika bali zwiwulu zwili zana ling'ompela zwina makumi mashanu ana zwili zwitatu ne mazana ali tathatu (153 600). 18 Mu bali, bali zwiwulu zwili makumi ali kutendeka (70 000) kababiga kuti babe ibo basengi, bali zwiwulu zwili makumi ali zhanakadzi (80 000) ibo bakabe banokobola mabgwe mu matombo ne bali zwiwulu zwitatu zwina mazana ali tathatu (3 600) bakabigwa kuti babe batungamili kubona kuti nshingo unoyenda.