Kukunda kwa Dafite
(1 Zwiyitikalo 18:1-17)1 Shule kwa ikoku, Dafite kakunda Bafilisitiya, kabayisa pasi kukwe, katola Metegama mu maboko e Bafilisitiya.
2 Kakale kakunda Bamoabu, kabaladza pasi, kabalizanya nge nsungo, mizila yose mibili ikabulawa, ngono nzila we butatu ukasibulawe. Ndizo Bamoabu bakabe pasi kwa Dafite bakadusa ndilo ya nzinda.
3 Kapapha kakunda Hadadezeri nkololo wa Rehobi, mambo we Zoba, paakabe eyenda kunomusa mbuso uwe ku gwizi gwe Yufuratesi. 4 Dafite kantapila batathi be mbizi bali tjiwulu tjina mazana ali kutendeka (1 700) ne babhayani be makumbo bali zwiwulu zwili makumi mabili (20 000). Dafite katema mbizi dzose dzinokweba koloyi makanyu, koga kasiya dzakaswika koloyi dzili zana (100). 5 Kwakati Baaramu be Damasiko bezha kuwobhatsha Hadadezeri mambo we Zoba, Dafite kabulaya balume bali zwiwulu zwili makumi mabili ana mabili (22 000). 6 Dafite kabiga makotokelo e babhayani mu ntuthu we Baaramu be Damasiko, ngono Baaramu bakabe balanda ba Dafite ngono bakadusa lukhetho. Yahwe bakathama kuti Dafite akunde kumwe ne kumwe kwaanoyenda. 7 Dafite wakatola zwivikili zwe golide zwakabe zwakasengwa nge balanda ba Hadadezeri, kazwizhisa ku Jerusalema. 8 Kudwa ku Bheta ne kudwa ku Bherotai mizi ya Hadadezeri, Mambo Dafite bakatola phangula njinji kwazo.
9 Kukati Toi mambo we Hamati ehwa kuti Dafite wakakunda babhayani ba Hadadezeri bose, 10 katuma nkololo uwe Joramu kuna Dafite, kunon'dumilisa ne kunlumbidza ngobe akakunda Hadadezeri mu ngwa, ngobe Hadadezeri wagala egwa na Toi. Joramu kabuya ne zwithu zwe siliva ne golide ne phangula. 11 Mambo Dafite kapa Yahwe zwithu izwezwi, kose ne siliva ne golide zwaakabe epa Yahwe kudwa mu tjaba dzose dzaakakunda, 12 kudwa ku Edomu ne Moabu ne Baamoni ne Bafilisitiya ne Amaleki ne kudwa pana zwakatapigwa Mambo Hadadezeri nkololo wa Rehobi mambo we Zoba. 13 Dafite wakawana tjilumbi shule kwe asinobuya edwa kubulaya Baedomu bali zwiwulu zwili gumi lina zhanakadzi (18 000) mu Nkuku we Mwenyu. 14 Dafite kabaka makotokelo e babhayani mu Edomu yose, Baedomu bose bakabe pasi kukwe. Yahwe bakathama kuti Dafite akunde kumwe ne kumwe kwaakabe eyenda.
15 Ndizo Dafite wakabusa Iziraela yose, eshingila bathu babe bose ndulamo ne kulizalizana. 16 Joabu nkololo wa Zeruya wakabe ali ntungamili we babhayani, Jehoshafati nkololo wa Ahiludi wakabe ali nkwali we zwiyitikalo. 17 Zadoki nkololo wa Ahitubu na Ahimeleki nkololo wa Abiathari bakabe bali bapirisiti, Seraya ali nkwalili. 18 Bhenaya nkololo wa Jehoyada wakabe ali nlauli we Bakhereti ne Bapeleti ngono bakololo ba Dafite ibo bakabe bali bapirisiti.
Kukunda kwa Dafite
(1 Zwiyitikalo 18:1-17)1 Shule kwa ikoku, Dafite kakunda Bafilisitiya, kabayisa pasi kukwe, katola Metegama mu maboko e Bafilisitiya.
2 Kakale kakunda Bamoabu, kabaladza pasi, kabalizanya nge nsungo, mizila yose mibili ikabulawa, ngono nzila we butatu ukasibulawe. Ndizo Bamoabu bakabe pasi kwa Dafite bakadusa ndilo ya nzinda.
3 Kapapha kakunda Hadadezeri nkololo wa Rehobi, mambo we Zoba, paakabe eyenda kunomusa mbuso uwe ku gwizi gwe Yufuratesi. 4 Dafite kantapila batathi be mbizi bali tjiwulu tjina mazana ali kutendeka (1 700) ne babhayani be makumbo bali zwiwulu zwili makumi mabili (20 000). Dafite katema mbizi dzose dzinokweba koloyi makanyu, koga kasiya dzakaswika koloyi dzili zana (100). 5 Kwakati Baaramu be Damasiko bezha kuwobhatsha Hadadezeri mambo we Zoba, Dafite kabulaya balume bali zwiwulu zwili makumi mabili ana mabili (22 000). 6 Dafite kabiga makotokelo e babhayani mu ntuthu we Baaramu be Damasiko, ngono Baaramu bakabe balanda ba Dafite ngono bakadusa lukhetho. Yahwe bakathama kuti Dafite akunde kumwe ne kumwe kwaanoyenda. 7 Dafite wakatola zwivikili zwe golide zwakabe zwakasengwa nge balanda ba Hadadezeri, kazwizhisa ku Jerusalema. 8 Kudwa ku Bheta ne kudwa ku Bherotai mizi ya Hadadezeri, Mambo Dafite bakatola phangula njinji kwazo.
9 Kukati Toi mambo we Hamati ehwa kuti Dafite wakakunda babhayani ba Hadadezeri bose, 10 katuma nkololo uwe Joramu kuna Dafite, kunon'dumilisa ne kunlumbidza ngobe akakunda Hadadezeri mu ngwa, ngobe Hadadezeri wagala egwa na Toi. Joramu kabuya ne zwithu zwe siliva ne golide ne phangula. 11 Mambo Dafite kapa Yahwe zwithu izwezwi, kose ne siliva ne golide zwaakabe epa Yahwe kudwa mu tjaba dzose dzaakakunda, 12 kudwa ku Edomu ne Moabu ne Baamoni ne Bafilisitiya ne Amaleki ne kudwa pana zwakatapigwa Mambo Hadadezeri nkololo wa Rehobi mambo we Zoba. 13 Dafite wakawana tjilumbi shule kwe asinobuya edwa kubulaya Baedomu bali zwiwulu zwili gumi lina zhanakadzi (18 000) mu Nkuku we Mwenyu. 14 Dafite kabaka makotokelo e babhayani mu Edomu yose, Baedomu bose bakabe pasi kukwe. Yahwe bakathama kuti Dafite akunde kumwe ne kumwe kwaakabe eyenda.
15 Ndizo Dafite wakabusa Iziraela yose, eshingila bathu babe bose ndulamo ne kulizalizana. 16 Joabu nkololo wa Zeruya wakabe ali ntungamili we babhayani, Jehoshafati nkololo wa Ahiludi wakabe ali nkwali we zwiyitikalo. 17 Zadoki nkololo wa Ahitubu na Ahimeleki nkololo wa Abiathari bakabe bali bapirisiti, Seraya ali nkwalili. 18 Bhenaya nkololo wa Jehoyada wakabe ali nlauli we Bakhereti ne Bapeleti ngono bakololo ba Dafite ibo bakabe bali bapirisiti.