Nshangano ku Jerusalema
1 Bamwe balume bakazha bedwa ku Judiya, ngono bakatangisa kudiya zwikamu beti, “Amungatjidziwe ha musakathumbigwa kuyendidzana ne mpanga wa Mushe.” 2 Paulo na Bhanabhasi bakanyanyayidzana nabo kwazo ngekwa ikoku, ndizo kukathamwa kuti Paulo na Bhanabhasi ne bamwe bayende ku Jerusalema banobona batumwa ne bakulu ngekwa ikoku.
3 Bakalongwa mu zila nge gubungano; ngono bakati bepinda ne mu Fenikiya ne Samariya, bakabika ngekwe kushandugwa kwe Bezwitjaba, ngono bakashathisa zwikamu zose kwazo. 4 Bakati beswika mu Jerusalema bakaamutjigwa nge gubungano ne batumwa ne bakulu, ngono bakababudza kose Ndzimu kwawakashinga ndibo. 5 Koga bamwe be bagalimoyo bakabe bali be bhiko le Bafarasi bakamilika bakati, “Bezwitjaba bakafanila thumbigwa kakale babudziwe kulondolodza nlayo wa Mushe.”
6 Batumwa ba Jesu ne bakulu bakashangana kukanuka ndebo iyeyi. 7 Shule kwe kunyanyayidzana nge tjibaka tjilefu Pita kamilika, ngono kati “Zwikamu zwangu, moziba kuti Ndzimu wakandishalula mu kutangisa pakati kwenyu kusumikila ndebo mbuya kuna Bezwitjaba kuti bahwe, bagalemoyo. 8 Koga Ndzimu iwo unoziba moyo we nthu wakabatendekela nge kupa Meya yakayengemala koga sekwa wakathama ku tili. 9 Auzothubukanya pakati kwedu na ibo, wakasuka mimoyo yabo nge kugalamoyo. 10 Ngono ngwenu ini mulika Ndzimu nge kubiga jokwi mu mitshibha ye badiyiwa, ilo lisakatubugwa kusengwa ndi bobatategulu bedu kene ndiswi? 11 Koga iswi takagalamoyo kuti towotjidziwa nge ngoni dza She Jesu, koga sa ibo.”
12 Gubungano lose lakanyalala lihwa Bhanabhasi na Paulo beleba zwilakidzo ne matjenamiso Ndzimu zwawakashinga ndibo pakati kwe Bezwitjaba. 13 Bakati bepedza kulebeleka, Jakubo kalebeleka eti, “Mundibhulutane, zwikamu! 14 Simoni watjenesa Ndzimu sekwa wakazha muna Bezwitjaba gwe kutanga kutola bathu pakati kwabo kuti babe bawo. 15 Matama e balebesambeli anodumana nge buzhalo na ikoku, sekwa kwakakwagwa kuyi,
16 “ ‘Shule kwa ikoku ndowobuya,
ngono ndowomusa bugalo gwa Dafite igo gwakakolomoka.
Ndowomusa matongo ago,
ngono agumusa kakale,
17 kuti ndizo bathu bose bashake She
na bose Bezwitjaba banodang'wa nge zina langu.
18 Kojalo She ibo bakathama ikoku
kuti kuzibgwe kudwa ntolo.’ ”
19 Jakubo kadwilila eti, “Bona kwangu hwuti tisidziyidzeni Bezwitjaba banoshandukila ku Ndzimu. 20 Koga ngatibakwalileni, kuti basije zojiwa zwisizwibuyanana, ngobe zwakapigwa midzimu, bazwidzibe mu bupombgwe ne mu kuja phuka yabulawa ngosiniwa nenge kuja malopa. 21 Kudwila ntolo nlayo wa Mushe wakabe ubagwa mu ng'umba dze mitembezelo dzose, Sabata limwe ne limwe ne mahwi awe anosumikigwa mu mizi yose.”
Lukwalo gunoyenda ku bagalimoyo Bezwitjaba
22 Ndizo batumwa ne bakulu ne gubungano lose bakawana kwakalulwama kushalula balume kudwa mubali kuti babatume ku Antiyoki bana Paulo na Bhanabhasi. Bakashalula balume babili bakabe bali bakulu mu zwikamu, Judasi wakabe edang'wa Bhasabhasi na Silasi, 23 ngono bakatumila lukwalo ogu nabo,
“Iswi, batumwa ne bakulu be gubungano, tili zwikamu zwenyu, tomudumilisa imwi zwikamu zwedu zwe Bezwitjaba zwinogala mu Antiyoki, Siriya ne Silisiya. 24 Takahwa kuti bamwe balume bakadwa mutili bakamudziyidza nge matama, betjinya mikumbulo yenyu, nenguba iswi tisakabatuma. 25 Ndizo takawana kwakalulwama shule kwe tadumana kushalula bathu tibatuma kumuli bana badiwa bedu Bhanabhasi na Paulo, 26 ibo bakalonga matjilo abo mu mbhatsha ngekwe nshingo wa She wedu Jesu Kirisiti. 27 Ndizo tatumila Judasi na Silasi, ibo banowomubudza nge nlomo izwezwi zwithu zwatakwala. 28 Meya yakayengemala naswi takabona kwakafanila kuti tisibige ntolo pezhugwi kwenyu kuzhe kwe zwithu izwezwi zwakafanila: 29 musije zojiwa zwakapiwa midzimu, musije malopa, musije phuka yakabulawa ngosiniwa, muzwidzibe mu bupombgwe. Mowotjila zubuyanana amuzwidziba muna izwezwi. Salani zubuyanana.”
30 Bakati batjidusiwa bakadelukila ku Antiyoki ngono bakati bakubunganya gubungano bakayisa lukwalo. 31 Bathu bakati begubala bakashathisiwa nge gulumbidzo lago. 32 Judasi na Silasi ibo bakabe nge kwabo bali balebesambeli bakakulumbidza zwikamu nge matama manjinji bakabasimisa. 33 Bakati bapitsha tjibaka, bakabgwilila shule kuna bakabe babatuma, bakadusiwa nge kunyalala. [34 Koga Silasi kabona kwakafanila kusala ikoko.]
35 Paulo na Bhanabhasi bakasala mu Antiyoki bediya kakale besumikila dama la She bana bamwebo banjinji.
Paulo na Bhanabhasi banothubukana
36 Shule kwe mazhuba Paulo kati kuna Bhanabhasi, “Ngatibgwilile shule kukumba zwikamu zwedu mu nzi mmwe ne mmwe kwatakasumikila dama la She, tibone kuti batjani.” 37 Bhanabhasi wakabe eshaka kuti batole Johani wakabe edang'wa Mako bayende naye. 38 Koga Paulo wakabe ekumbula ha kusakalulwama kuntola, ngobe aazodwilila nabo mu nshingo wabo, koga wakashanduka kabasiya mu Pamufiliya. 39 Kwakabe ne kunyanyayidzana kwakasima, ngono bakathubukana. Bhanabhasi katola Mako, ngono kayenda nge gungwa ku Sipuro, 40 Paulo iye kashalula Silasi, ngono kayenda, ebigwa mu ngoni dza She nge zwikamu. 41 Wakapalama Siriya ne Silisiya, esimisa makubungano.
Nshangano ku Jerusalema
1 Bamwe balume bakazha bedwa ku Judiya, ngono bakatangisa kudiya zwikamu beti, “Amungatjidziwe ha musakathumbigwa kuyendidzana ne mpanga wa Mushe.” 2 Paulo na Bhanabhasi bakanyanyayidzana nabo kwazo ngekwa ikoku, ndizo kukathamwa kuti Paulo na Bhanabhasi ne bamwe bayende ku Jerusalema banobona batumwa ne bakulu ngekwa ikoku.
3 Bakalongwa mu zila nge gubungano; ngono bakati bepinda ne mu Fenikiya ne Samariya, bakabika ngekwe kushandugwa kwe Bezwitjaba, ngono bakashathisa zwikamu zose kwazo. 4 Bakati beswika mu Jerusalema bakaamutjigwa nge gubungano ne batumwa ne bakulu, ngono bakababudza kose Ndzimu kwawakashinga ndibo. 5 Koga bamwe be bagalimoyo bakabe bali be bhiko le Bafarasi bakamilika bakati, “Bezwitjaba bakafanila thumbigwa kakale babudziwe kulondolodza nlayo wa Mushe.”
6 Batumwa ba Jesu ne bakulu bakashangana kukanuka ndebo iyeyi. 7 Shule kwe kunyanyayidzana nge tjibaka tjilefu Pita kamilika, ngono kati “Zwikamu zwangu, moziba kuti Ndzimu wakandishalula mu kutangisa pakati kwenyu kusumikila ndebo mbuya kuna Bezwitjaba kuti bahwe, bagalemoyo. 8 Koga Ndzimu iwo unoziba moyo we nthu wakabatendekela nge kupa Meya yakayengemala koga sekwa wakathama ku tili. 9 Auzothubukanya pakati kwedu na ibo, wakasuka mimoyo yabo nge kugalamoyo. 10 Ngono ngwenu ini mulika Ndzimu nge kubiga jokwi mu mitshibha ye badiyiwa, ilo lisakatubugwa kusengwa ndi bobatategulu bedu kene ndiswi? 11 Koga iswi takagalamoyo kuti towotjidziwa nge ngoni dza She Jesu, koga sa ibo.”
12 Gubungano lose lakanyalala lihwa Bhanabhasi na Paulo beleba zwilakidzo ne matjenamiso Ndzimu zwawakashinga ndibo pakati kwe Bezwitjaba. 13 Bakati bepedza kulebeleka, Jakubo kalebeleka eti, “Mundibhulutane, zwikamu! 14 Simoni watjenesa Ndzimu sekwa wakazha muna Bezwitjaba gwe kutanga kutola bathu pakati kwabo kuti babe bawo. 15 Matama e balebesambeli anodumana nge buzhalo na ikoku, sekwa kwakakwagwa kuyi,
16 “ ‘Shule kwa ikoku ndowobuya,
ngono ndowomusa bugalo gwa Dafite igo gwakakolomoka.
Ndowomusa matongo ago,
ngono agumusa kakale,
17 kuti ndizo bathu bose bashake She
na bose Bezwitjaba banodang'wa nge zina langu.
18 Kojalo She ibo bakathama ikoku
kuti kuzibgwe kudwa ntolo.’ ”
19 Jakubo kadwilila eti, “Bona kwangu hwuti tisidziyidzeni Bezwitjaba banoshandukila ku Ndzimu. 20 Koga ngatibakwalileni, kuti basije zojiwa zwisizwibuyanana, ngobe zwakapigwa midzimu, bazwidzibe mu bupombgwe ne mu kuja phuka yabulawa ngosiniwa nenge kuja malopa. 21 Kudwila ntolo nlayo wa Mushe wakabe ubagwa mu ng'umba dze mitembezelo dzose, Sabata limwe ne limwe ne mahwi awe anosumikigwa mu mizi yose.”
Lukwalo gunoyenda ku bagalimoyo Bezwitjaba
22 Ndizo batumwa ne bakulu ne gubungano lose bakawana kwakalulwama kushalula balume kudwa mubali kuti babatume ku Antiyoki bana Paulo na Bhanabhasi. Bakashalula balume babili bakabe bali bakulu mu zwikamu, Judasi wakabe edang'wa Bhasabhasi na Silasi, 23 ngono bakatumila lukwalo ogu nabo,
“Iswi, batumwa ne bakulu be gubungano, tili zwikamu zwenyu, tomudumilisa imwi zwikamu zwedu zwe Bezwitjaba zwinogala mu Antiyoki, Siriya ne Silisiya. 24 Takahwa kuti bamwe balume bakadwa mutili bakamudziyidza nge matama, betjinya mikumbulo yenyu, nenguba iswi tisakabatuma. 25 Ndizo takawana kwakalulwama shule kwe tadumana kushalula bathu tibatuma kumuli bana badiwa bedu Bhanabhasi na Paulo, 26 ibo bakalonga matjilo abo mu mbhatsha ngekwe nshingo wa She wedu Jesu Kirisiti. 27 Ndizo tatumila Judasi na Silasi, ibo banowomubudza nge nlomo izwezwi zwithu zwatakwala. 28 Meya yakayengemala naswi takabona kwakafanila kuti tisibige ntolo pezhugwi kwenyu kuzhe kwe zwithu izwezwi zwakafanila: 29 musije zojiwa zwakapiwa midzimu, musije malopa, musije phuka yakabulawa ngosiniwa, muzwidzibe mu bupombgwe. Mowotjila zubuyanana amuzwidziba muna izwezwi. Salani zubuyanana.”
30 Bakati batjidusiwa bakadelukila ku Antiyoki ngono bakati bakubunganya gubungano bakayisa lukwalo. 31 Bathu bakati begubala bakashathisiwa nge gulumbidzo lago. 32 Judasi na Silasi ibo bakabe nge kwabo bali balebesambeli bakakulumbidza zwikamu nge matama manjinji bakabasimisa. 33 Bakati bapitsha tjibaka, bakabgwilila shule kuna bakabe babatuma, bakadusiwa nge kunyalala. [34 Koga Silasi kabona kwakafanila kusala ikoko.]
35 Paulo na Bhanabhasi bakasala mu Antiyoki bediya kakale besumikila dama la She bana bamwebo banjinji.
Paulo na Bhanabhasi banothubukana
36 Shule kwe mazhuba Paulo kati kuna Bhanabhasi, “Ngatibgwilile shule kukumba zwikamu zwedu mu nzi mmwe ne mmwe kwatakasumikila dama la She, tibone kuti batjani.” 37 Bhanabhasi wakabe eshaka kuti batole Johani wakabe edang'wa Mako bayende naye. 38 Koga Paulo wakabe ekumbula ha kusakalulwama kuntola, ngobe aazodwilila nabo mu nshingo wabo, koga wakashanduka kabasiya mu Pamufiliya. 39 Kwakabe ne kunyanyayidzana kwakasima, ngono bakathubukana. Bhanabhasi katola Mako, ngono kayenda nge gungwa ku Sipuro, 40 Paulo iye kashalula Silasi, ngono kayenda, ebigwa mu ngoni dza She nge zwikamu. 41 Wakapalama Siriya ne Silisiya, esimisa makubungano.