1 “Zwikamu na botate, mundihwilile andizwimila ngwenu mbeli kwenyu!” 2 Bakati behwa elebeleka nabo nge Tjihebheru bakanyalala kwazo; ngono Paulo kadwilila kati:
3 “Imi ndi Njuta ndakazwaligwa mu Taso mu Silisiya, koga alegwa mu nzi iwowuno ndili pasi kwa Gamaliyele. Ndakaamutjila ndayo yakasima mu nlayo wa bobatategulu bedu ngono ndakabe ndakatukutilila Ndzimu samwi mose nasi. 4 Ndakadziyidza kunoti mu lufu, bathu bakabe betobela zila iyeyi. Ndakabhata balume ne bakadzi ha balashila mu ng'umba ye busungwa. 5 Ntungamili we bapirisiti ne Gulukota lose bangatendeka kuti ndoleba malebeswa. Ndakaamutjila mubali hwalo dzakwaligwa zwikamu mu Damasiko, ndizo ayenda ikoko kubhata bathu ibaba ne kubazhisa ngeno ku Jerusalema bakasungwa kuti balobgwe.
Paulo unolebeleka nge kushanduka kukwe
(Mishingo 9:1-19Mishingo 26:12-18)6 “Ndakati nditjayenda ndiabilila Damasiko, kungabe pakati kwe masikati tjinyolotjo tjedza tjikulu tjidwa kudzimu tjakandipoteleka. 7 Ndakawila pasi, ngono ahwa hwi liti kundili, ‘Saulo, Saulo! Apa unondidziyidzilani kene?’ 8 Adabila ndibhuzwa nditi, ‘Ndimwi ani She?’ Iye kadabila eti kundili, ‘Ndimi Jesu we Nazareta, iye waunodziyidza.’ 9 Balume bakabe banami bakabona tjedza, koga abazohwa hwi lakabe lilebeleka nami. 10 Abhuzwa ati, ‘Ndishingeni ngono She?’ Ngono She kati kundili, ‘Milika ungine mu Damasiko, ngono ikweno unowobudziwa tjimwe ne tjimwe tjawakashaluligwa kutjishinga!’ 11 Ndakabe bhofu ngekwe tjedza tjinopenya, ndizo bandakabe ndinabo bakandikweba nge luboko bakanditungamilila mu Damasiko.
12 “Mu nzi iwowuje kwakabe kuna nlume edang'wa kuyi Ananiyasi, nlume wakabe enamata kunoyendidzana ne nlayo, etetiwa kwazo nge Bajuta bose bakabe begala ikoko. 13 Kazha kundili, kama pandili, ngono kati, ‘Ikamu Saulo, pofunuka!’ Nge tjibaka itjetjo apofunuka, ngono ambona. 14 Kati, ‘Ndzimu wa bobatategulu bedu wakushalulila kuziba kuda kwawo, kubona Nlulwami ne kuhwa hwi linodwa mu nlomo uwe. 15 Ngobe unowobe ntendeki ku bathu bose ngekwe tjawakabona nenge tjawakahwa. 16 Ndizo ngwenu, utjigelileni? Milika, udubikiwe ungule jinyo lilo udana zina lile.’
Kudang'wa kwa Paulo kusumikila kuna Bezwitjaba
17 “Ndakazha ku Jerusalema, ngono ati nditjatembezela mu Ng'umba ye Ndzimu, abe ne mbono, 18 yandakabona She muili beti kundili, ‘Libilidza ubhude mu Jerusalema tjinyolotjo, ngobe bathu muno abatowoamutjila butendeki gugo nge kwangu.’ 19 Adabila nditi, ‘She, bathu banoziba zubuyanana kuti ndakayenda ku ng'umba dze mitembezelo kulonga mu ng'umba ye busungwa ne kuloba ibabo bakabe begalamoyo mu muli. 20 Kwakati lopa le ntendeki wenyu Sitifani litebugwa, imi ndakabe ndili ipapo ndidumana ne kubulawa kukwe ndakalinda zwiambalo zwe babulayi babe.’ 21 She bakati kundili, ‘Yenda, ngobe ndowokutuma kule kule kuna Bezwitjaba.’ ”
22 Bathu bakahwilila Paulo kudzina eleba ikoku, koga ipapo bakatangisa mimilila pezhugwi beti, “Dusani nthu wakajali mu shango! Mumbulaye! Aazofanilo tjila!” 23 Bakabe bemimila belashanya zwiambalo zwabo, bepukula hwuluba. 24 Nkulu we babhayani kalaya kuti Paulo ayisiwe mu ng'umba ye babhayani, kabadwa kati banlobe nge rwabha kuti babone kuti ini Bajuta bemmimila sa ikoku. 25 Koga bakati bansunga kuti banlobe Paulo kati ku nlauli we babhayani bali zana wakabe ali mile ipapo, “Apa ku mu nlayo kuti ulobe n'gali we Roma asatongo sumikilisigwa mmwe nlandu kene?”
26 Nlauli we babhayani kati ehwa ikoku, kayenda ku Nkulu we babhayani, ngono kambhuzwa kati, “Moshaka thamani kene? Nlume iwoyu Nroma!”
27 Ndizo Nkulu we babhayani kayenda kuna Paulo kambhuzwa eti, “Undibudze, apa un'gali we Roma kene?”
Paulo kadabila eti, “Ee.”
28 Nkulu we babhayani kati, “Ndakabe Nroma ngolipa themba hwulu ye mari.”
Paulo kashandula eti, “Koga imi ndakazwagwa ndili Nroma.”
29 Tjinyolotjo balume bakabe bewombhuzwa bakabuyila shule bedwa panli; Nkulu we babhayani kapalukamoyo asinoziba kuti Paulo Nroma nenge kuti wansunga nge dziketani.
Paulo mbeli kwe Gulukota
30 Nkulu we babhayani kada kuziba malebeswa kuti Bajuta bakabe bebona Paulo nlandu weni; ndizo tjimuka kasunungula Paulo kalaya bapirisiti bakulu ne Gulukota lose kushangana. Ipapo katola Paulo kammisa mbeli kwabo.
1 “Zwikamu na botate, mundihwilile andizwimila ngwenu mbeli kwenyu!” 2 Bakati behwa elebeleka nabo nge Tjihebheru bakanyalala kwazo; ngono Paulo kadwilila kati:
3 “Imi ndi Njuta ndakazwaligwa mu Taso mu Silisiya, koga alegwa mu nzi iwowuno ndili pasi kwa Gamaliyele. Ndakaamutjila ndayo yakasima mu nlayo wa bobatategulu bedu ngono ndakabe ndakatukutilila Ndzimu samwi mose nasi. 4 Ndakadziyidza kunoti mu lufu, bathu bakabe betobela zila iyeyi. Ndakabhata balume ne bakadzi ha balashila mu ng'umba ye busungwa. 5 Ntungamili we bapirisiti ne Gulukota lose bangatendeka kuti ndoleba malebeswa. Ndakaamutjila mubali hwalo dzakwaligwa zwikamu mu Damasiko, ndizo ayenda ikoko kubhata bathu ibaba ne kubazhisa ngeno ku Jerusalema bakasungwa kuti balobgwe.
Paulo unolebeleka nge kushanduka kukwe
(Mishingo 9:1-19Mishingo 26:12-18)6 “Ndakati nditjayenda ndiabilila Damasiko, kungabe pakati kwe masikati tjinyolotjo tjedza tjikulu tjidwa kudzimu tjakandipoteleka. 7 Ndakawila pasi, ngono ahwa hwi liti kundili, ‘Saulo, Saulo! Apa unondidziyidzilani kene?’ 8 Adabila ndibhuzwa nditi, ‘Ndimwi ani She?’ Iye kadabila eti kundili, ‘Ndimi Jesu we Nazareta, iye waunodziyidza.’ 9 Balume bakabe banami bakabona tjedza, koga abazohwa hwi lakabe lilebeleka nami. 10 Abhuzwa ati, ‘Ndishingeni ngono She?’ Ngono She kati kundili, ‘Milika ungine mu Damasiko, ngono ikweno unowobudziwa tjimwe ne tjimwe tjawakashaluligwa kutjishinga!’ 11 Ndakabe bhofu ngekwe tjedza tjinopenya, ndizo bandakabe ndinabo bakandikweba nge luboko bakanditungamilila mu Damasiko.
12 “Mu nzi iwowuje kwakabe kuna nlume edang'wa kuyi Ananiyasi, nlume wakabe enamata kunoyendidzana ne nlayo, etetiwa kwazo nge Bajuta bose bakabe begala ikoko. 13 Kazha kundili, kama pandili, ngono kati, ‘Ikamu Saulo, pofunuka!’ Nge tjibaka itjetjo apofunuka, ngono ambona. 14 Kati, ‘Ndzimu wa bobatategulu bedu wakushalulila kuziba kuda kwawo, kubona Nlulwami ne kuhwa hwi linodwa mu nlomo uwe. 15 Ngobe unowobe ntendeki ku bathu bose ngekwe tjawakabona nenge tjawakahwa. 16 Ndizo ngwenu, utjigelileni? Milika, udubikiwe ungule jinyo lilo udana zina lile.’
Kudang'wa kwa Paulo kusumikila kuna Bezwitjaba
17 “Ndakazha ku Jerusalema, ngono ati nditjatembezela mu Ng'umba ye Ndzimu, abe ne mbono, 18 yandakabona She muili beti kundili, ‘Libilidza ubhude mu Jerusalema tjinyolotjo, ngobe bathu muno abatowoamutjila butendeki gugo nge kwangu.’ 19 Adabila nditi, ‘She, bathu banoziba zubuyanana kuti ndakayenda ku ng'umba dze mitembezelo kulonga mu ng'umba ye busungwa ne kuloba ibabo bakabe begalamoyo mu muli. 20 Kwakati lopa le ntendeki wenyu Sitifani litebugwa, imi ndakabe ndili ipapo ndidumana ne kubulawa kukwe ndakalinda zwiambalo zwe babulayi babe.’ 21 She bakati kundili, ‘Yenda, ngobe ndowokutuma kule kule kuna Bezwitjaba.’ ”
22 Bathu bakahwilila Paulo kudzina eleba ikoku, koga ipapo bakatangisa mimilila pezhugwi beti, “Dusani nthu wakajali mu shango! Mumbulaye! Aazofanilo tjila!” 23 Bakabe bemimila belashanya zwiambalo zwabo, bepukula hwuluba. 24 Nkulu we babhayani kalaya kuti Paulo ayisiwe mu ng'umba ye babhayani, kabadwa kati banlobe nge rwabha kuti babone kuti ini Bajuta bemmimila sa ikoku. 25 Koga bakati bansunga kuti banlobe Paulo kati ku nlauli we babhayani bali zana wakabe ali mile ipapo, “Apa ku mu nlayo kuti ulobe n'gali we Roma asatongo sumikilisigwa mmwe nlandu kene?”
26 Nlauli we babhayani kati ehwa ikoku, kayenda ku Nkulu we babhayani, ngono kambhuzwa kati, “Moshaka thamani kene? Nlume iwoyu Nroma!”
27 Ndizo Nkulu we babhayani kayenda kuna Paulo kambhuzwa eti, “Undibudze, apa un'gali we Roma kene?”
Paulo kadabila eti, “Ee.”
28 Nkulu we babhayani kati, “Ndakabe Nroma ngolipa themba hwulu ye mari.”
Paulo kashandula eti, “Koga imi ndakazwagwa ndili Nroma.”
29 Tjinyolotjo balume bakabe bewombhuzwa bakabuyila shule bedwa panli; Nkulu we babhayani kapalukamoyo asinoziba kuti Paulo Nroma nenge kuti wansunga nge dziketani.
Paulo mbeli kwe Gulukota
30 Nkulu we babhayani kada kuziba malebeswa kuti Bajuta bakabe bebona Paulo nlandu weni; ndizo tjimuka kasunungula Paulo kalaya bapirisiti bakulu ne Gulukota lose kushangana. Ipapo katola Paulo kammisa mbeli kwabo.