Kusumikilisa kwa Yahwe
1 Ndakabona She bali mile pa tjibeso tjinopisigwa zwibhayilo, ngono bakati, “Katsha phanda kuti denga le ng'umba liwe, liwile mu misholo ye bathu bose. Basala ndowobabulaya nge thumo. Akuna unowotizha, akuna unowopudzumuka. 2 Kene bangatsha kunginila pasi mu bugalo gwe bafi, luboko gwangu gowobadusa ikoko. Kene bangatathila pezhugwi kudzimu, ndowobadelusila pasi. 3 Kene bangabgwata pezhugwi kwe Dombo le Karimeli, ndowobavima ikoko abatola. Kene bangandibgwatila kusi kusi mu gungwa, ndowodwa nyoka ko kuti ibalume. 4 Kene bangatapiwa ne zwita zwabo, ndowoti babulawe nge thumo, ndowobalonga zhisho, ndowobazhisila mbipo, anditowobazhisila tjakanaka.”
5 She Yahwe Masimbawose,
ibo banokutha shango ikatengenyeka,
na bose banogala muili bakalila.
Shango yose inomiduka se gwizi gwe Naili,
idwapo itebama se gwizi gwe Egipiti.
6 Ibo banobaka ng'umba dzabo kudzimu,
banoteya zhuzhugwi mu shango.
Unodana vula dze gungwa,
kadzitebulila mu shango.
Yahwe ndilo zina labo!
7 Yahwe bakalebeleka beti, “Baiziraela, apa kundili amutofanana ne Baitopiya kene? Apa andizomudusa mu Egipiti, Bafilisitiya abadusa mu Kafutori, ne Baaramu mu Kiri kene? 8 Bonani, ndalonga mesho bushe guzhele mbipo. Ngono ndowogulobesa mu shango, nenguba ndisingawolobesa ludzi gose gwa Jakubo.” Koleba She Yahwe.
9 “Bonani, ndomudwa nditi, ndowozunguza itjaba tje Iziraela pakati kwe zwitjaba se nthu ezunguza sefo, koga akuna bgwana linowowila pasi. 10 Batjinyi bose pakati kwe bathu bangu banowobulawa nge thumo, ibabo banoti, ‘Mbatsha adzingatiwile, adzingatime mbeli.’ ”
Musiwa kwe bushe gwe Iziraela
11 “Mu zhuba ilelo ndowomusa nshasha wa Dafite wakawa, alulwamisa ne pawakashoshonoka. Ndowomusa matongo awo aubaka sekwa wakabe uli iko mu mazhuba antolo, 12 kuti batole limbelimbe le Edomu ne tjaba dzose dzinodang'wa nge zina langu.” Koleba Yahwe ibo banowothama ikoku.
13 “Bonani, misi yaswika inowoti unolima kapindila unovuna,
ne unokutunula nkumbi kapindila unodzwala mbewu.
Matombo anowomiminika nkumbi unozipa,
ne matombgwana anowowunga nkumbi.” Koleba Yahwe.
14 “Ndowobuza bathu bangu, Baiziraela bakatapiwa,
banowobaka kakale mizi yakakolomodziwa bakagala muili,
banowodzwala mizhambi bakang'wa mikumbi yayo,
bakalima minda bakaja mitjelo yayo.
15 Ndowobadzikila mu shango yabo,
ndizo abatowofa badzikunugwa kakale mu shango yandakabapa.”
Koleba Yahwe Ndzimu wenyu.
Kusumikilisa kwa Yahwe
1 Ndakabona She bali mile pa tjibeso tjinopisigwa zwibhayilo, ngono bakati, “Katsha phanda kuti denga le ng'umba liwe, liwile mu misholo ye bathu bose. Basala ndowobabulaya nge thumo. Akuna unowotizha, akuna unowopudzumuka. 2 Kene bangatsha kunginila pasi mu bugalo gwe bafi, luboko gwangu gowobadusa ikoko. Kene bangatathila pezhugwi kudzimu, ndowobadelusila pasi. 3 Kene bangabgwata pezhugwi kwe Dombo le Karimeli, ndowobavima ikoko abatola. Kene bangandibgwatila kusi kusi mu gungwa, ndowodwa nyoka ko kuti ibalume. 4 Kene bangatapiwa ne zwita zwabo, ndowoti babulawe nge thumo, ndowobalonga zhisho, ndowobazhisila mbipo, anditowobazhisila tjakanaka.”
5 She Yahwe Masimbawose,
ibo banokutha shango ikatengenyeka,
na bose banogala muili bakalila.
Shango yose inomiduka se gwizi gwe Naili,
idwapo itebama se gwizi gwe Egipiti.
6 Ibo banobaka ng'umba dzabo kudzimu,
banoteya zhuzhugwi mu shango.
Unodana vula dze gungwa,
kadzitebulila mu shango.
Yahwe ndilo zina labo!
7 Yahwe bakalebeleka beti, “Baiziraela, apa kundili amutofanana ne Baitopiya kene? Apa andizomudusa mu Egipiti, Bafilisitiya abadusa mu Kafutori, ne Baaramu mu Kiri kene? 8 Bonani, ndalonga mesho bushe guzhele mbipo. Ngono ndowogulobesa mu shango, nenguba ndisingawolobesa ludzi gose gwa Jakubo.” Koleba She Yahwe.
9 “Bonani, ndomudwa nditi, ndowozunguza itjaba tje Iziraela pakati kwe zwitjaba se nthu ezunguza sefo, koga akuna bgwana linowowila pasi. 10 Batjinyi bose pakati kwe bathu bangu banowobulawa nge thumo, ibabo banoti, ‘Mbatsha adzingatiwile, adzingatime mbeli.’ ”
Musiwa kwe bushe gwe Iziraela
11 “Mu zhuba ilelo ndowomusa nshasha wa Dafite wakawa, alulwamisa ne pawakashoshonoka. Ndowomusa matongo awo aubaka sekwa wakabe uli iko mu mazhuba antolo, 12 kuti batole limbelimbe le Edomu ne tjaba dzose dzinodang'wa nge zina langu.” Koleba Yahwe ibo banowothama ikoku.
13 “Bonani, misi yaswika inowoti unolima kapindila unovuna,
ne unokutunula nkumbi kapindila unodzwala mbewu.
Matombo anowomiminika nkumbi unozipa,
ne matombgwana anowowunga nkumbi.” Koleba Yahwe.
14 “Ndowobuza bathu bangu, Baiziraela bakatapiwa,
banowobaka kakale mizi yakakolomodziwa bakagala muili,
banowodzwala mizhambi bakang'wa mikumbi yayo,
bakalima minda bakaja mitjelo yayo.
15 Ndowobadzikila mu shango yabo,
ndizo abatowofa badzikunugwa kakale mu shango yandakabapa.”
Koleba Yahwe Ndzimu wenyu.