Ida Yahwe Ndzimu uwo
1 Eyi ndiyo milayo Yahwe Ndzimu wenyu yabakandidwa kuti ndimudiye iyo kuti muyilondolodze mu shango yamunoyenda kuyitola, 2 kuti utje Yahwe Ndzimu uwo, iwe ne nkololo uwo ne zwizekugwana zwizo nge kulondolodza milayo yabo yose mu mazhuba wose butjilo gugo nekuti mazhuba awo apaphidziwe. 3 Ndizo wali ihwa iwe Iziraela, ibe ne njele kuyilondolodza kuti kukuyendile zubuyanana ne kuti muwande kwazo Yahwe Ndzimu wa botate benyu sekwa bakamugadzabgwe mu shango inowunga nkaka ne butji.
4 “Ihwa iwe Iziraela, Yahwe Ndzimu wedu ndi Yahwe bang'ompela, 5 ngono ude Yahwe Ndzimu uwo nge moyo uwo wose nenge meya iyo yose ne simba lilo lose. 6 Ngono matama iyawa andinokupa mu zhuba lino agale mu moyo uwo. 7 Uadiye bana babo, ulebeleke nge kwawo uligele mu ng'umba iyo ne uyenda mu zila ne ulilele pasi ne umuka. 8 Uasungilile mu tjiazha tjitjo ili ikumbuludzo abe lutjwayo pakati kwe mesho awo. 9 Ngono uakwale mu makwasayile e nkoba we ng'umba iyo nemu mazhalilo e nkoba we nzi.”
10 “Ngono kowoti Yahwe Ndzimu uwo bekulonga mu shango yabakatuna kuna botate benyu, kuna Abhurahama ne kuna Isaki ne kuna Jakubo kukupa iyo ne mizi mikulu yayo yakanaka yawusakabaka, 11 ng'umba dzizhele zwithu zose zwakanaka zwausakalonga mudzili ne matshime akatshiwa kale, awusakatsha ne mizhambi ne mitoba yawusakadzikila, ngono uti uja uguta, 12 ipapo ube ne njele usitongo kangang'wa Yahwe ibo bakakudusa mu shango ye Egipiti, bekudusa mu ng'umba ye busungwa. 13 Utje Yahwe Ndzimu uwo, ubashingile utune nge zina labo.”
14 “Musitongo tobela midzimu mimwe, midzimu ye bathu bakakupoteleka, 15 ngoti Yahwe Ndzimu wenyu upakati kwenyu Ndzimu una fupa, kugwadzamoyo kwa Yahwe Ndzimu wenyu kusitongo dwa kumuhwila bebe bemulobesa kudwa mu shango. 16 Musitongo buya mukalika Yahwe Ndzimu wenyu sekwa makabalika ku Masa. 17 Mumusile moyo kulondolodza milayo ya Yahwe Ndzimu wenyu ne milaywana yabo yabakamudwa kuyilondolodza. 18 Ngono muthame tjakatambunuka ne tjakalulwama mu mesho a Yahwe kuti ndizo kumuyendile zubuyanana nenge kuti mungine mutole shango iyeyi yakanaka Yahwe yabakatuna kuyipa bobatategulu benyu 19 nge kutata zwita zwenyu zose mbeli kwenyu Yahwe sekwa bakagadzabgwe.
20 “Ha nkololo uwo ekubhuzwa mu tjibaka tjinozha eti, ‘Milayo iyeyi ne milaywana iyeyi yabakadwiwa ndi Yahwe Ndzimu wedu kuyilondolodza inodwani?’ 21 Ipapo udwe nkololo uwo uti, ‘Takabe tili balanda ba Faro mu Egipiti, ngono Yahwe bakatidusa mu Egipiti nge tjiazha tjakasima. 22 Ngono Yahwe bakalakidza zwilakidzo ne matjenamiso makulu anogwadza ebhayana ne Egipiti na Faro ne nsha uwe wose mu mesho edu. 23 Ngono bakatidusa ikoko kuti batizhise batipe shango yabakagadzabgwe kuipa bobatategulu bedu. 24 Yahwe bakatilaya kulondolodza milayo yose iyeyi, kutja Yahwe Ndzimu wedu kuti kutilulwamile misi yose kuti batibhabhe titjile sekwa kuliiko mu zhuba ileli. 25 Ngono kowobe ndulamo kutili ha tingabe ne njele kulondolodza nlayo wose mbeli kwa Yahwe Ndzimu wedu sekwa bakatidwa.’ ”
Ida Yahwe Ndzimu uwo
1 Eyi ndiyo milayo Yahwe Ndzimu wenyu yabakandidwa kuti ndimudiye iyo kuti muyilondolodze mu shango yamunoyenda kuyitola, 2 kuti utje Yahwe Ndzimu uwo, iwe ne nkololo uwo ne zwizekugwana zwizo nge kulondolodza milayo yabo yose mu mazhuba wose butjilo gugo nekuti mazhuba awo apaphidziwe. 3 Ndizo wali ihwa iwe Iziraela, ibe ne njele kuyilondolodza kuti kukuyendile zubuyanana ne kuti muwande kwazo Yahwe Ndzimu wa botate benyu sekwa bakamugadzabgwe mu shango inowunga nkaka ne butji.
4 “Ihwa iwe Iziraela, Yahwe Ndzimu wedu ndi Yahwe bang'ompela, 5 ngono ude Yahwe Ndzimu uwo nge moyo uwo wose nenge meya iyo yose ne simba lilo lose. 6 Ngono matama iyawa andinokupa mu zhuba lino agale mu moyo uwo. 7 Uadiye bana babo, ulebeleke nge kwawo uligele mu ng'umba iyo ne uyenda mu zila ne ulilele pasi ne umuka. 8 Uasungilile mu tjiazha tjitjo ili ikumbuludzo abe lutjwayo pakati kwe mesho awo. 9 Ngono uakwale mu makwasayile e nkoba we ng'umba iyo nemu mazhalilo e nkoba we nzi.”
10 “Ngono kowoti Yahwe Ndzimu uwo bekulonga mu shango yabakatuna kuna botate benyu, kuna Abhurahama ne kuna Isaki ne kuna Jakubo kukupa iyo ne mizi mikulu yayo yakanaka yawusakabaka, 11 ng'umba dzizhele zwithu zose zwakanaka zwausakalonga mudzili ne matshime akatshiwa kale, awusakatsha ne mizhambi ne mitoba yawusakadzikila, ngono uti uja uguta, 12 ipapo ube ne njele usitongo kangang'wa Yahwe ibo bakakudusa mu shango ye Egipiti, bekudusa mu ng'umba ye busungwa. 13 Utje Yahwe Ndzimu uwo, ubashingile utune nge zina labo.”
14 “Musitongo tobela midzimu mimwe, midzimu ye bathu bakakupoteleka, 15 ngoti Yahwe Ndzimu wenyu upakati kwenyu Ndzimu una fupa, kugwadzamoyo kwa Yahwe Ndzimu wenyu kusitongo dwa kumuhwila bebe bemulobesa kudwa mu shango. 16 Musitongo buya mukalika Yahwe Ndzimu wenyu sekwa makabalika ku Masa. 17 Mumusile moyo kulondolodza milayo ya Yahwe Ndzimu wenyu ne milaywana yabo yabakamudwa kuyilondolodza. 18 Ngono muthame tjakatambunuka ne tjakalulwama mu mesho a Yahwe kuti ndizo kumuyendile zubuyanana nenge kuti mungine mutole shango iyeyi yakanaka Yahwe yabakatuna kuyipa bobatategulu benyu 19 nge kutata zwita zwenyu zose mbeli kwenyu Yahwe sekwa bakagadzabgwe.
20 “Ha nkololo uwo ekubhuzwa mu tjibaka tjinozha eti, ‘Milayo iyeyi ne milaywana iyeyi yabakadwiwa ndi Yahwe Ndzimu wedu kuyilondolodza inodwani?’ 21 Ipapo udwe nkololo uwo uti, ‘Takabe tili balanda ba Faro mu Egipiti, ngono Yahwe bakatidusa mu Egipiti nge tjiazha tjakasima. 22 Ngono Yahwe bakalakidza zwilakidzo ne matjenamiso makulu anogwadza ebhayana ne Egipiti na Faro ne nsha uwe wose mu mesho edu. 23 Ngono bakatidusa ikoko kuti batizhise batipe shango yabakagadzabgwe kuipa bobatategulu bedu. 24 Yahwe bakatilaya kulondolodza milayo yose iyeyi, kutja Yahwe Ndzimu wedu kuti kutilulwamile misi yose kuti batibhabhe titjile sekwa kuliiko mu zhuba ileli. 25 Ngono kowobe ndulamo kutili ha tingabe ne njele kulondolodza nlayo wose mbeli kwa Yahwe Ndzimu wedu sekwa bakatidwa.’ ”