Jerusalema inopiwa nlandu
1 Meya ikandimilidza ikandiyisa ku nkoba we ku bhezhuba we ng'umba ya Yahwe wakalinga ku bhezhuba. Kwakabe kuna balume bali makumi mabili ana bashanu (25) ipapo pa bunginilo gwe nkoba, pakati kwabo ndakabona Jaazaniya nkololo wa Zuri na Pelatiya nkololo wa Bhenaya batungamili be bathu.
2 Yahwe bakabe beti kundili, “Nkololo we nthu, balume ibaba ndibo banolunganya jinyo bebe bepa ikumbuludzo tjakabipa mu nzi nkulu iwoyu, 3 banoti, ‘Tjibaka ate tjili pejo tje kubaka ng'umba, nzi nkulu iwoyu i hali inobhika, iswi ti nyama.’ 4 Ndizo wali lebesambeli nge kwabo, lebesambeli nkololo we nthu.”
5 Ipapo meya ya Yahwe ikadelukila mu ndili ngono ikati ku ndili, “Uti Yahwe bakati, ikoku ndiko kwamunokumbula imwi bathu be Iziraela, ndoziba zwithu zwinozha mu mikumbulo yenyu. 6 Makabulaya bathu banjinji mu nzi iwoyu, mukazhadza zila dzawo nge zwitumbu. 7 Ndizo wali She Yahwe bakati, zwitumbu zwamakalashila muuli ndizo nyama, nzi nkulu iwo i hali inobhika koga imwi mowodusiwa muuli. 8 Motja thumo, ngono thumo ndilo landinowozhisa mu muli, kojalo She Yahwe. 9 Ndowomudusa mu nzi iwoyu ngono amulonga mu maboko e bataya ngono amuloba shamu. 10 Mowofa mu bulawa nge thumo, amusumikilisa pa n'gathu we Iziraela. Ngono mowoziba kuti ndimi Yahwe. 11 Nzi nkulu iwoyu autowobe hali inomubhika, kakale amutowobe nyama muuli, ndowomusumikilisa pa n'gathu we Iziraela. 12 Ipapo mowoziba kuti ndimi Yahwe wamakalamba kutobela milayo iye ne milawana iye mukalamba kuilondolodza, koga makashinga kunoyendidzana ne milayo ye njudzi idzedzi dzakamupoteleka.”
13 Kwakati ipapo nditjalebesambeli, Pelatiya nkololo wa Bhenaya kafa. Ipapo awila pasi nge buso ngono alilila pezhugwi, ati, “She Yahwe, apa mowolobesa malimbelimbe e Iziraela kene?”
Ndzimu unogadzabgwe batapiwa kubgwilila kanyi
14 Ipapo dama la Yahwe likazha kundili likati, 15 “Nkololo we nthu, hama dzidzo, ludzi gugo dumbu, ludzi gose gwe Iziraela, bose koga ndibo ibaba bakati bagali be Jerusalema bakati, ‘Bakayendila kule na Yahwe, iswi shango iyeyi takaipiwa kube yedu.’
16 “Ndizo wali lebeleka uti, ‘She Yahwe bakati, nenguba ndakabatatila kule pakati kwe zwitjaba, abapaladza nge shango, koga ndakabe bugalo gwabo gwakayengemala mu shango dzabakayenda ku dzili.’ 17 Ndizo lebeleka uti, ‘She Yahwe bakati, ndowomukubunganya kudwa mu zwitjaba, kudwa mu shango dzamakabe mapaladzigwa kudzili ngono ndowomubgwilizila shango ye Iziraela.’ 18 Banowoti bebuya bakadusa muili zwamwi ne zwimwe zose zwinoshimika. 19 Ndowobapa moyo nng'ompela ngono alonga mu bali meya tshwa, ndowodusa moyo wabo we bgwe mu bali ngono alonga moyo we nyama, 20 ndizo banowotobela milayo yangu bakaihwa ngono bakailondolodza. Ipapo banowobe bathu bangu ngono imi abe Ndzimu wabo. 21 Koga ngekwa ibabo be moyo yakasala shule zwamwi zwabo ne zwinoshimika zwabo, ndowobasengesa mija yabo, koleba She Yahwe.”
Gudzo le Ndzimu losiya Jerusalema
22 Ipapo dzikherubhu dzikamilidza mapapilo adzo makumbgwana adzo ali mu hwunde yadzo, ngono tjedza tje Ndzimu we Iziraela tjili pezhugwi kwadzo. 23 Tjedza tja Yahwe tjikamilika kudwa pakati kwe nzi nkulu tjikanoma pezhugwi kwe dombo liku bhezhuba kwe nzi nkulu. 24 Meya ikandimilidza ikandiyisa ku Khaladiya ku batapiwa ndili mu mbono yandapiwa nge Meya ye Ndzimu. Ipapo mbono yandakabe ndabona ikandisiya. 25 Ngono abudza batapiwa zwithu zose Yahwe zwabandilakidza.
Jerusalema inopiwa nlandu
1 Meya ikandimilidza ikandiyisa ku nkoba we ku bhezhuba we ng'umba ya Yahwe wakalinga ku bhezhuba. Kwakabe kuna balume bali makumi mabili ana bashanu (25) ipapo pa bunginilo gwe nkoba, pakati kwabo ndakabona Jaazaniya nkololo wa Zuri na Pelatiya nkololo wa Bhenaya batungamili be bathu.
2 Yahwe bakabe beti kundili, “Nkololo we nthu, balume ibaba ndibo banolunganya jinyo bebe bepa ikumbuludzo tjakabipa mu nzi nkulu iwoyu, 3 banoti, ‘Tjibaka ate tjili pejo tje kubaka ng'umba, nzi nkulu iwoyu i hali inobhika, iswi ti nyama.’ 4 Ndizo wali lebesambeli nge kwabo, lebesambeli nkololo we nthu.”
5 Ipapo meya ya Yahwe ikadelukila mu ndili ngono ikati ku ndili, “Uti Yahwe bakati, ikoku ndiko kwamunokumbula imwi bathu be Iziraela, ndoziba zwithu zwinozha mu mikumbulo yenyu. 6 Makabulaya bathu banjinji mu nzi iwoyu, mukazhadza zila dzawo nge zwitumbu. 7 Ndizo wali She Yahwe bakati, zwitumbu zwamakalashila muuli ndizo nyama, nzi nkulu iwo i hali inobhika koga imwi mowodusiwa muuli. 8 Motja thumo, ngono thumo ndilo landinowozhisa mu muli, kojalo She Yahwe. 9 Ndowomudusa mu nzi iwoyu ngono amulonga mu maboko e bataya ngono amuloba shamu. 10 Mowofa mu bulawa nge thumo, amusumikilisa pa n'gathu we Iziraela. Ngono mowoziba kuti ndimi Yahwe. 11 Nzi nkulu iwoyu autowobe hali inomubhika, kakale amutowobe nyama muuli, ndowomusumikilisa pa n'gathu we Iziraela. 12 Ipapo mowoziba kuti ndimi Yahwe wamakalamba kutobela milayo iye ne milawana iye mukalamba kuilondolodza, koga makashinga kunoyendidzana ne milayo ye njudzi idzedzi dzakamupoteleka.”
13 Kwakati ipapo nditjalebesambeli, Pelatiya nkololo wa Bhenaya kafa. Ipapo awila pasi nge buso ngono alilila pezhugwi, ati, “She Yahwe, apa mowolobesa malimbelimbe e Iziraela kene?”
Ndzimu unogadzabgwe batapiwa kubgwilila kanyi
14 Ipapo dama la Yahwe likazha kundili likati, 15 “Nkololo we nthu, hama dzidzo, ludzi gugo dumbu, ludzi gose gwe Iziraela, bose koga ndibo ibaba bakati bagali be Jerusalema bakati, ‘Bakayendila kule na Yahwe, iswi shango iyeyi takaipiwa kube yedu.’
16 “Ndizo wali lebeleka uti, ‘She Yahwe bakati, nenguba ndakabatatila kule pakati kwe zwitjaba, abapaladza nge shango, koga ndakabe bugalo gwabo gwakayengemala mu shango dzabakayenda ku dzili.’ 17 Ndizo lebeleka uti, ‘She Yahwe bakati, ndowomukubunganya kudwa mu zwitjaba, kudwa mu shango dzamakabe mapaladzigwa kudzili ngono ndowomubgwilizila shango ye Iziraela.’ 18 Banowoti bebuya bakadusa muili zwamwi ne zwimwe zose zwinoshimika. 19 Ndowobapa moyo nng'ompela ngono alonga mu bali meya tshwa, ndowodusa moyo wabo we bgwe mu bali ngono alonga moyo we nyama, 20 ndizo banowotobela milayo yangu bakaihwa ngono bakailondolodza. Ipapo banowobe bathu bangu ngono imi abe Ndzimu wabo. 21 Koga ngekwa ibabo be moyo yakasala shule zwamwi zwabo ne zwinoshimika zwabo, ndowobasengesa mija yabo, koleba She Yahwe.”
Gudzo le Ndzimu losiya Jerusalema
22 Ipapo dzikherubhu dzikamilidza mapapilo adzo makumbgwana adzo ali mu hwunde yadzo, ngono tjedza tje Ndzimu we Iziraela tjili pezhugwi kwadzo. 23 Tjedza tja Yahwe tjikamilika kudwa pakati kwe nzi nkulu tjikanoma pezhugwi kwe dombo liku bhezhuba kwe nzi nkulu. 24 Meya ikandimilidza ikandiyisa ku Khaladiya ku batapiwa ndili mu mbono yandapiwa nge Meya ye Ndzimu. Ipapo mbono yandakabe ndabona ikandisiya. 25 Ngono abudza batapiwa zwithu zose Yahwe zwabandilakidza.