Kunamata Ndzimu mu shango ne Kudzimu
1 Tjidumano tje kutanga naitjo tjakabe tjina milayo ye kunamata Ndzimu ne nshasha we kunamata wa muno mu shango. 2 Kwakabakiwa nshasha utjakuzhe, imomo kwakabe kuna bugalo gwe luvone ne tafuli inobigiwa tjiwunga tjadusigwa Ndzimu; wakabe udang'wa bugalo gwakayengemala. 3 Shule kwe tjisitili tje bubili kuli nshasha unodang'wa Bugalo gwakayengemala kupindisa. 4 Imomo kwakabe kuna tjibeso tje golide tjinopisigwa motsha ne Bhokisi le Tjidumano lakabe lakadzulugwa nge golide, mulili kwakabe kuna hali ye golide igala mana ne ludozo gwa Aroni gwakati gukathinila ne mabgwe mabili e tjidumano ne hali ye golide yakabe igala mana. 5 Pezhugwi kwe bhokisi ileli kwakabe kuna batumwa be Ndzimu banopenya bakasitila tjigalo tje ngoni. Koga atingatjenese zwithu izwezwi ngwenu.
6 Kwakati zwithu izwezwi zwisinolulwamisiwa nge zila yakajalo, bapirisiti bakabe bogala bengina mu nshasha ukuzhe kushinga mishingo ye kunamata. 7 Ngono koga mu nshasha we bubili kongina Ntungamili we bapirisiti koga, naiye engina kang'ompela koga nge gole, engina akasenga malopa aanopa ezwipila ebe epila milandu ye bathu. 8 Nge zila iyeyi Meya yakayengemala inolakidza kuti zila inongina mu Bugalo gwakayengemala kupindisa ayithu ikazhugwa, ha nshasha we kutanga utji yapo. 9 Ikoku kolakidza ngekwe misi ino. Kuyendidzana ne ndongoloso iyeyi, zwipo ne zwibhayilo zwinopiwa Ndzimu azwingalulwamise hana ye unouthigamila, 10 koga koshinga nge zojiwa ne zwing'o ne kungudziwa, ili milawana ye kubuyapidza mbili tjakuzhe kuswikila ndongoloso tshwa ibepo.
11 Koga Kirisiti wakati ezha ali Ntungamili we bapirisiti we zwithu zwakanaka zwakazha, kangina kushinga mu nshasha nkulu wakapelela usakathamiwa nge maboko, usi we lubumbo guno, 12 wakangina kang'ompela kakale asingatjowongina kakale mu Bugalo gwakayengemala kupinda magalo wose akayengemala asakasenga malopa e mbudzi kene e zwikondolo, koga nge awe malopa kawana kudzutunula kusingapele. 13 Ngobe ha kuli kuti kunyasiwa kwe nthu wakatemapala nge malopa e mbudzi ne e mikono nenge milota ye pholombe kutjenapadza mbili; 14 malopa a Kirisiti iwo anowobatjenapadza kungapani iye wakati nge Meya inotjila nge kusingapele kazwipa Ndzimu, ali tjibhayilo tjisina tjifo, kuyengemadza mikumbulo yenyu kuti ibhude mu mishingo isina bhatsho, kuti tishingile Ndzimu unotjila.
15 Ndizo Kirisiti ndiye mmilili we tjidumano tjitshwa, kuyita kuti ndizo ibabo bakadang'wa baamutjile thaka isingapele yabakagadziwabgwe se Kirisiti akafa kubasunungula mu kutjinya kwabakathama mu mazhuba e tjidumano tje kutanga.
16 Ha kuli kuti kuna lukwalo gunokoba lukata, kwakafanila zibgwa kuti malebeswa nkwali wago wakafa; 17 ngobe lukwalo gunokoba lukata goshinga koga mweni wago afa, agutoshinga atjatjila. 18 Ndizo ne tjidumano tje kutanga na itjobo atjizotongoshinga kusina malopa. 19 Ngobe Mushe wakabe eti asinozibisa bathu ndayo yose ye nlayo, katola malopa e zwikondolo ne e mbudzi akashanganyiwa ne vula ne wulu shaba ne nshangule ebe eanyasa lukwalo gwe nlayo kose ne bathu bose. 20 Elebeleka eti, “Awa ndiwo malopa e tjidumano tjakalaugwa nge Ndzimu kuti mu tjilondolodze.” 21 Nge zila iyeyo zwayo, Mushe wanyasa malopa Nshasha we Tjidumano ne zwithu zose zwinoshingisiwa mu kunamata Ndzimu. 22 Malebeswa hwuti, mu nlayo, bunji gwe zwithu gotjenapadziwa nge malopa ne zwibi zwe bathu zozwiibhatigwa koga ha kwatebuka malopa.
Kirisiti ndiye tjibhayilo tjinodusa jinyo
23 Kwakabe kwakalingisana kuti mitutshi ye zwithu zwi kudzimu itjenapadziwe nge zwithu izwezwi, koga zwe kudzimu izo, zwitjenepadziwe nge zwibhayilo zwinoyita pana izwezwi. 24 Ngobe Kirisiti aazongina mu bugalo gwakayengemala gwakathamwa nge bathu, igo gwakabe guli ntutshi we zwithu zwakwako. Koga wakangina kudzimu tjose iko kwaali mmilili wedu mbeli kwe Ndzimu. 25 Kene aazobe ezwithama tjibhayilo gole ne gole, sekwakabe kuthama Ntungamili we bapirisiti wakabe engina mu Bugalo gwakayengemala kupinda magalo wose akayengemala akasenga malopa asi awe. 26 Ha kwakabe kwakajalo wakabe ewobe akafanila kudziyila kanjinji kudwila mu kubumbiwa kwe shango. Koga, wakazha ngwenu mu bupelo gwe misi yose, wakazha kang'ompela kakale asingatjawozha, kadusa jinyo nge kuzwithama tjibhayilo. 27 Mmwe ne mmwe wakalingisana ngofa kang'ompela, ngono shule kwa ipapo asumikilisiwe. 28 Sa ikoko Kirisiti na iyebo wakabe tjibhayilo kang'ompela kudusa jinyo le banji. Unowoboneka gwe bubili, asingazhile jinyo le bathu, koga ewotjidza ibabo bakanlindila nge mimoyo yabo yose.
Kunamata Ndzimu mu shango ne Kudzimu
1 Tjidumano tje kutanga naitjo tjakabe tjina milayo ye kunamata Ndzimu ne nshasha we kunamata wa muno mu shango. 2 Kwakabakiwa nshasha utjakuzhe, imomo kwakabe kuna bugalo gwe luvone ne tafuli inobigiwa tjiwunga tjadusigwa Ndzimu; wakabe udang'wa bugalo gwakayengemala. 3 Shule kwe tjisitili tje bubili kuli nshasha unodang'wa Bugalo gwakayengemala kupindisa. 4 Imomo kwakabe kuna tjibeso tje golide tjinopisigwa motsha ne Bhokisi le Tjidumano lakabe lakadzulugwa nge golide, mulili kwakabe kuna hali ye golide igala mana ne ludozo gwa Aroni gwakati gukathinila ne mabgwe mabili e tjidumano ne hali ye golide yakabe igala mana. 5 Pezhugwi kwe bhokisi ileli kwakabe kuna batumwa be Ndzimu banopenya bakasitila tjigalo tje ngoni. Koga atingatjenese zwithu izwezwi ngwenu.
6 Kwakati zwithu izwezwi zwisinolulwamisiwa nge zila yakajalo, bapirisiti bakabe bogala bengina mu nshasha ukuzhe kushinga mishingo ye kunamata. 7 Ngono koga mu nshasha we bubili kongina Ntungamili we bapirisiti koga, naiye engina kang'ompela koga nge gole, engina akasenga malopa aanopa ezwipila ebe epila milandu ye bathu. 8 Nge zila iyeyi Meya yakayengemala inolakidza kuti zila inongina mu Bugalo gwakayengemala kupindisa ayithu ikazhugwa, ha nshasha we kutanga utji yapo. 9 Ikoku kolakidza ngekwe misi ino. Kuyendidzana ne ndongoloso iyeyi, zwipo ne zwibhayilo zwinopiwa Ndzimu azwingalulwamise hana ye unouthigamila, 10 koga koshinga nge zojiwa ne zwing'o ne kungudziwa, ili milawana ye kubuyapidza mbili tjakuzhe kuswikila ndongoloso tshwa ibepo.
11 Koga Kirisiti wakati ezha ali Ntungamili we bapirisiti we zwithu zwakanaka zwakazha, kangina kushinga mu nshasha nkulu wakapelela usakathamiwa nge maboko, usi we lubumbo guno, 12 wakangina kang'ompela kakale asingatjowongina kakale mu Bugalo gwakayengemala kupinda magalo wose akayengemala asakasenga malopa e mbudzi kene e zwikondolo, koga nge awe malopa kawana kudzutunula kusingapele. 13 Ngobe ha kuli kuti kunyasiwa kwe nthu wakatemapala nge malopa e mbudzi ne e mikono nenge milota ye pholombe kutjenapadza mbili; 14 malopa a Kirisiti iwo anowobatjenapadza kungapani iye wakati nge Meya inotjila nge kusingapele kazwipa Ndzimu, ali tjibhayilo tjisina tjifo, kuyengemadza mikumbulo yenyu kuti ibhude mu mishingo isina bhatsho, kuti tishingile Ndzimu unotjila.
15 Ndizo Kirisiti ndiye mmilili we tjidumano tjitshwa, kuyita kuti ndizo ibabo bakadang'wa baamutjile thaka isingapele yabakagadziwabgwe se Kirisiti akafa kubasunungula mu kutjinya kwabakathama mu mazhuba e tjidumano tje kutanga.
16 Ha kuli kuti kuna lukwalo gunokoba lukata, kwakafanila zibgwa kuti malebeswa nkwali wago wakafa; 17 ngobe lukwalo gunokoba lukata goshinga koga mweni wago afa, agutoshinga atjatjila. 18 Ndizo ne tjidumano tje kutanga na itjobo atjizotongoshinga kusina malopa. 19 Ngobe Mushe wakabe eti asinozibisa bathu ndayo yose ye nlayo, katola malopa e zwikondolo ne e mbudzi akashanganyiwa ne vula ne wulu shaba ne nshangule ebe eanyasa lukwalo gwe nlayo kose ne bathu bose. 20 Elebeleka eti, “Awa ndiwo malopa e tjidumano tjakalaugwa nge Ndzimu kuti mu tjilondolodze.” 21 Nge zila iyeyo zwayo, Mushe wanyasa malopa Nshasha we Tjidumano ne zwithu zose zwinoshingisiwa mu kunamata Ndzimu. 22 Malebeswa hwuti, mu nlayo, bunji gwe zwithu gotjenapadziwa nge malopa ne zwibi zwe bathu zozwiibhatigwa koga ha kwatebuka malopa.
Kirisiti ndiye tjibhayilo tjinodusa jinyo
23 Kwakabe kwakalingisana kuti mitutshi ye zwithu zwi kudzimu itjenapadziwe nge zwithu izwezwi, koga zwe kudzimu izo, zwitjenepadziwe nge zwibhayilo zwinoyita pana izwezwi. 24 Ngobe Kirisiti aazongina mu bugalo gwakayengemala gwakathamwa nge bathu, igo gwakabe guli ntutshi we zwithu zwakwako. Koga wakangina kudzimu tjose iko kwaali mmilili wedu mbeli kwe Ndzimu. 25 Kene aazobe ezwithama tjibhayilo gole ne gole, sekwakabe kuthama Ntungamili we bapirisiti wakabe engina mu Bugalo gwakayengemala kupinda magalo wose akayengemala akasenga malopa asi awe. 26 Ha kwakabe kwakajalo wakabe ewobe akafanila kudziyila kanjinji kudwila mu kubumbiwa kwe shango. Koga, wakazha ngwenu mu bupelo gwe misi yose, wakazha kang'ompela kakale asingatjawozha, kadusa jinyo nge kuzwithama tjibhayilo. 27 Mmwe ne mmwe wakalingisana ngofa kang'ompela, ngono shule kwa ipapo asumikilisiwe. 28 Sa ikoko Kirisiti na iyebo wakabe tjibhayilo kang'ompela kudusa jinyo le banji. Unowoboneka gwe bubili, asingazhile jinyo le bathu, koga ewotjidza ibabo bakanlindila nge mimoyo yabo yose.