1 Dama la Yahwe lakazha kuna Hoseya nkololo wa Bheeri mu misi ye kubusa kwa Uziya nekwa Jothamu nekwa Ahazi nekwa Hezekiya bomambo be Juda ne mumisi ye kubusa kwa Jeroboamu nkololo wa Joashi mambo we Iziraela.
Nkadzi wa Hoseya ne bana babe
2 Yahwe bakati betangisa kulebeleka ndi Hoseya, bakati kuna Hoseya, “Yenda ulobole nkadzi we fukula ube ne bana be bufukula ngoti shango izhele bupombgwe bukulu nge kusiya Yahwe.” 3 Ndizo kayenda kanolobola Gomeri nkololokadzi wa Dibulamu ngono kazwisenga katshibama mwana we tjilisana.
4 Ngono Yahwe bakadwa Hoseya bakati, “Un'dane zina uti Jezirele ngoti ndowoloba shamu ng'umba ya Jehu tjinyolotjo ndinlobela kubulaya kwaakathama ku Jezirele ngono ndowopedzisa bushe gwe Iziraela. 5 Mu zhuba ilelo ndowovuna dati le Iziraela mu nkuku wa Jezirele.”
6 Kazwisenga kakale ngono kawana nkololokadzi. Ipapo Yahwe bakati kuna Hoseya, “Umpe zina uti Loruhama ngoti anditjawohwila ngoni Baiziraela kene kuli kubazwiibhatigwa. 7 Koga ndowohwila ngoni mbuso we Juda abatjidza imi, anditowobatjidza nge dati kene nge thumo kene nge ngwa kene nge mbizi kene nge bataswi be mbizi, koga ngekwa Yahwe Ndzimu wabo.”
8 Gomeri wakati athwisa Loruhama zhamu, Gomeri kazwisenga kawana mwana we tjilisana. 9 Ngono Yahwe bakati, “Untumile uti Loammi ngoti imwi amutemuli bathu bangu nami anditeli Ndzimu wenyu.”
Baiziraela banobgwilizwa mu tjimo
10 “Koga Baiziraela banowowanda kulizana ne nsetje we gungwa usingake ukalizanyidziwa kene ukabagwa. Ngono mu magalo abakadwiwa kukayi ‘Imwi amute muli bathu bangu,’ banowodang'wa, ‘Bakololo be Ndzimu unotjila.’ ” 11 Bathu be Juda ne bathu be Iziraela banowoshanganyiwa, ngono bakazwishalulila ntungamili ng'ompela. Ngono banowowanda mu shango ngoti zhuba la Jezirele lowobe gulu.
1 Dama la Yahwe lakazha kuna Hoseya nkololo wa Bheeri mu misi ye kubusa kwa Uziya nekwa Jothamu nekwa Ahazi nekwa Hezekiya bomambo be Juda ne mumisi ye kubusa kwa Jeroboamu nkololo wa Joashi mambo we Iziraela.
Nkadzi wa Hoseya ne bana babe
2 Yahwe bakati betangisa kulebeleka ndi Hoseya, bakati kuna Hoseya, “Yenda ulobole nkadzi we fukula ube ne bana be bufukula ngoti shango izhele bupombgwe bukulu nge kusiya Yahwe.” 3 Ndizo kayenda kanolobola Gomeri nkololokadzi wa Dibulamu ngono kazwisenga katshibama mwana we tjilisana.
4 Ngono Yahwe bakadwa Hoseya bakati, “Un'dane zina uti Jezirele ngoti ndowoloba shamu ng'umba ya Jehu tjinyolotjo ndinlobela kubulaya kwaakathama ku Jezirele ngono ndowopedzisa bushe gwe Iziraela. 5 Mu zhuba ilelo ndowovuna dati le Iziraela mu nkuku wa Jezirele.”
6 Kazwisenga kakale ngono kawana nkololokadzi. Ipapo Yahwe bakati kuna Hoseya, “Umpe zina uti Loruhama ngoti anditjawohwila ngoni Baiziraela kene kuli kubazwiibhatigwa. 7 Koga ndowohwila ngoni mbuso we Juda abatjidza imi, anditowobatjidza nge dati kene nge thumo kene nge ngwa kene nge mbizi kene nge bataswi be mbizi, koga ngekwa Yahwe Ndzimu wabo.”
8 Gomeri wakati athwisa Loruhama zhamu, Gomeri kazwisenga kawana mwana we tjilisana. 9 Ngono Yahwe bakati, “Untumile uti Loammi ngoti imwi amutemuli bathu bangu nami anditeli Ndzimu wenyu.”
Baiziraela banobgwilizwa mu tjimo
10 “Koga Baiziraela banowowanda kulizana ne nsetje we gungwa usingake ukalizanyidziwa kene ukabagwa. Ngono mu magalo abakadwiwa kukayi ‘Imwi amute muli bathu bangu,’ banowodang'wa, ‘Bakololo be Ndzimu unotjila.’ ” 11 Bathu be Juda ne bathu be Iziraela banowoshanganyiwa, ngono bakazwishalulila ntungamili ng'ompela. Ngono banowowanda mu shango ngoti zhuba la Jezirele lowobe gulu.