Yahwe banopa babo kukunda
1 Mu zhuba ilelo kowombiwa lumbo wogu mu shango ye Juda;
“Iswi tina nzi nkulu wakasima,
Ndzimu unobakilila nge jidzo lawo
se makuma ne makuma e mbakililo.
2 Zhulani mikoba
kuti itjaba tjakalulwama tjinolondolodza
malebeswa tjingine mukati.
3 Mon'dzikamisa mu kunyalala kwakapelela
iye una meya iye igele mu muli,
ngoti unogalikabgwe mu muli.
4 Galabgwe muna Yahwe nge kusingapele,
ngoti Yahwe Ndzimu i shogwe isingapele.
5 Bakayisa pasi bagali be nzi nkulu u zhuzhugwi wakamilidzika.
Banoyisa pasi, banowulashila pasi mu hwuluba.
6 Gumbo lowutshamba,
makumbo e bashayi,
thambo dze basheti.”
7 Zila ye nlulwami ayina makomba,
mothama zila ye nlulwami ikalizalizana.
8 Kakale mukusumikilisa takalindila imwi Yahwe,
yemula dze meya yedu dzimu zina lenyu.
9 Meya yangu inomushuba busiku,
meya yangu inomushaka nge moyo wangu wose,
inowomushaka kwazo nge mazhokuyedza.
Ngoti kusumikilisa kwenyu ha kuli mu shango,
bagali be lubumbo banozwidiya ndulamo.
10 Ha mbiimbi angahwigwa ngoni,
aatozwidiya ndulamo,
ne mu shango ye bakatambunuka unotjinya,
aatobona bukulu gwa Yahwe.
11 Imwi Yahwe, luboko gwenyu gwakamilidzika,
koga abatogubona. Ngababone kupisikila bathu benyu kwenyu,
ngono babhakhwe nge shoni. Letjani moto we zwita zwenyu ubaje.
12 Imwi Yahwe mowotipa kunyalala.
Makatishingila mishingo yedu yose.
13 Imwi Yahwe Ndzimu wedu, bamwe boshe basi imwi bakatibusa,
koga zina lenyu loga ndilo latinokudza.
14 Bakafa, abangatjile, bakafa abangamuke,
ndizo makabaloba mukabalobesa mukabukusha ikumbuludzo nge kwabo.
15 Koga imwi makawatsha itjaba imwi Yahwe,
makawatsha itjaba, imwi mokudziwa,
imwi makatalabudza migathu ye shango.
16 Imwi Yahwe bathu benyu bakamushaka bali mu buyendasi,
bakazwipa betembezela tjibaka tjamakabe mu batjemela.
17 Takanga nkadzi wakazwisenga tili mbeli kwenyu,
unolila ali mu zwibhayo,
mbili uwe usingadzikame ngoti abe pejo ngotshibama,
takalingika takajalo mu mesho enyu imwi Yahwe.
18 Takabe takazwisenga, tili mu zwibhayo
koga kukanga se tatshibama phepo.
Akuna jidzo latakazhisa mu shango,
atizozwala bathu be shango.
19 Bafi benyu banowotjila,
mibili yabo inowomuka.
Imwi bamu hwuluba, mukani mumbe mupululudze!
Ngoti khawa yenyu inonga khawa ye mangwanana,
shango inowotshibama bafi bayo.
20 Bathu bangu yendani munongina mu ng'umba dzenyu
muzwizhalilile, mubgwate kwe tjibakana
kuswikila bushongola gwabo gupela.
21 Lingani, Yahwe banozha bebhuda mu bugalo gwabo
kuloba bagali be shango ngekwe matjinyo abo.
Ngono shango inowolakidza malopa akatebugwa muili,
aingabe itjasumbika bakabulawa muili.
Yahwe banopa babo kukunda
1 Mu zhuba ilelo kowombiwa lumbo wogu mu shango ye Juda;
“Iswi tina nzi nkulu wakasima,
Ndzimu unobakilila nge jidzo lawo
se makuma ne makuma e mbakililo.
2 Zhulani mikoba
kuti itjaba tjakalulwama tjinolondolodza
malebeswa tjingine mukati.
3 Mon'dzikamisa mu kunyalala kwakapelela
iye una meya iye igele mu muli,
ngoti unogalikabgwe mu muli.
4 Galabgwe muna Yahwe nge kusingapele,
ngoti Yahwe Ndzimu i shogwe isingapele.
5 Bakayisa pasi bagali be nzi nkulu u zhuzhugwi wakamilidzika.
Banoyisa pasi, banowulashila pasi mu hwuluba.
6 Gumbo lowutshamba,
makumbo e bashayi,
thambo dze basheti.”
7 Zila ye nlulwami ayina makomba,
mothama zila ye nlulwami ikalizalizana.
8 Kakale mukusumikilisa takalindila imwi Yahwe,
yemula dze meya yedu dzimu zina lenyu.
9 Meya yangu inomushuba busiku,
meya yangu inomushaka nge moyo wangu wose,
inowomushaka kwazo nge mazhokuyedza.
Ngoti kusumikilisa kwenyu ha kuli mu shango,
bagali be lubumbo banozwidiya ndulamo.
10 Ha mbiimbi angahwigwa ngoni,
aatozwidiya ndulamo,
ne mu shango ye bakatambunuka unotjinya,
aatobona bukulu gwa Yahwe.
11 Imwi Yahwe, luboko gwenyu gwakamilidzika,
koga abatogubona. Ngababone kupisikila bathu benyu kwenyu,
ngono babhakhwe nge shoni. Letjani moto we zwita zwenyu ubaje.
12 Imwi Yahwe mowotipa kunyalala.
Makatishingila mishingo yedu yose.
13 Imwi Yahwe Ndzimu wedu, bamwe boshe basi imwi bakatibusa,
koga zina lenyu loga ndilo latinokudza.
14 Bakafa, abangatjile, bakafa abangamuke,
ndizo makabaloba mukabalobesa mukabukusha ikumbuludzo nge kwabo.
15 Koga imwi makawatsha itjaba imwi Yahwe,
makawatsha itjaba, imwi mokudziwa,
imwi makatalabudza migathu ye shango.
16 Imwi Yahwe bathu benyu bakamushaka bali mu buyendasi,
bakazwipa betembezela tjibaka tjamakabe mu batjemela.
17 Takanga nkadzi wakazwisenga tili mbeli kwenyu,
unolila ali mu zwibhayo,
mbili uwe usingadzikame ngoti abe pejo ngotshibama,
takalingika takajalo mu mesho enyu imwi Yahwe.
18 Takabe takazwisenga, tili mu zwibhayo
koga kukanga se tatshibama phepo.
Akuna jidzo latakazhisa mu shango,
atizozwala bathu be shango.
19 Bafi benyu banowotjila,
mibili yabo inowomuka.
Imwi bamu hwuluba, mukani mumbe mupululudze!
Ngoti khawa yenyu inonga khawa ye mangwanana,
shango inowotshibama bafi bayo.
20 Bathu bangu yendani munongina mu ng'umba dzenyu
muzwizhalilile, mubgwate kwe tjibakana
kuswikila bushongola gwabo gupela.
21 Lingani, Yahwe banozha bebhuda mu bugalo gwabo
kuloba bagali be shango ngekwe matjinyo abo.
Ngono shango inowolakidza malopa akatebugwa muili,
aingabe itjasumbika bakabulawa muili.