Ndzimu unowoloba zwitjaba
1 Sedzelani pejo imwi zwitjaba muhwe,
imwi bathu, bhulutanani!
Shango ngayihwilile na kose kumuili,
lubumbo na kose kunodwa muguli.
2 Ngoti Yahwe bakagwadzila moyo njudzi dzose,
bazhelile bushongola babhayani badzo bose.
Bapedza nge kwabo kuti babulawe.
3 Babulawa babo banowolashigwa kutjena,
nnuwo we zwitumbu zwabo unowosilinga,
matombo anowowunga malopa abo.
4 Mibunga ye zhuzhugwi inowonyawuka,
zhuzhugwi kowopetana se lukwalo.
Kose ku zhuzhugwi kowoshashamuka,
kuwila pasi se mazhani e nzhambi awoma,
kene phaya dzakaswaba.
5 Thumo langu lakavunga malopa kudzimu,
ngono bonani lowodelukila kusumikilisa Edomu,
mu bathu bandakasumikilisila.
6 Yahwe bana thumo lakavunga malopa,
lakapushikana mafuta,
lakazhola malopa e pkhwizana ne e mbudzi,
lina mafuta e so dze nyundo.
Yahwe bana tjibhayilo ku Bhozira,
kowobulawa bathu banjinji mu shango ye Edomu.
7 Nyati dzowofa nabo,
mikong'wana yadzo ne mikono yadzo yakasima.
Shango yabo inowozhala malopa,
mavu pasi anowotshutshuma nge mafuta.
8 Ngoti Yahwe bana zhuba le kubgwilizila,
gole le kulakidza tjimo tje Ziyoni kuti tjakatambunuka.
9 Hwoba dze Edomu dzowoshandugwa dzikabe ikontiri,
mavu akabe sibabuli,
shango iye inowobe ikontiri tjinopisa.
10 Kowotshwa siku ne sikati kusingadzimiwe,
busi gwayo gowomilikila pezhugwi gusingame.
Shango inowogala yakashakala kuyenda nge zwizekugwana,
akuna unowopinda eipalama kakale.
11 Kowobe magalo e mafukumudzi nabo shoni,
zwikundamwenyu ne makungubo zowogala mukati.
Banowozhisa kuhwumana muili
ne kushangashangana kwe bakudziwa babo.
12 Akutowobe ne mbuso wa bomambo ikweno,
ne makombgwa ayo anowobe asitjimwe.
13 Mihwa inomela mu matizhilo ayo,
kowobe ne zwitambaphowu ne kungubo mu matizhilo ayo.
Phungubgwe dzogala muili,
ne mafukumudzi anowobaka ikoko.
14 Thilili dzowoshangana ne phele ikoko,
meya mibiibi inowodanana ikoko,
ne phuka dze busiku dzowonyaluluka ikoko.
15 Gunda lowobaka shaka lalo ikoko,
likabigila mabumbulu likaphophonya likabubatila bana balo,
maphangwana matema naiwo, limwe ne limwe ne nkwinya walo
anowokubungana ikoko.
16 Shakisisa ubale mu lukwalo gwa Yahwe.
Akuna tjimwe tjaizwezwi tjinowobe tjisipo,
akuna tjinowobe tjisina nkwinya watjo.
Yahwe bakakuleba nge nlomo wabo,
ne meya yabo yakazwikubunganya.
17 Yahwe ndibo bakazwikobela magalo,
ngono zowogala muili nge kusingapele,
kudwa mu tjizekugwana kuyenda ku tjizekugwana,
zowotjilila muili.
Ndzimu unowoloba zwitjaba
1 Sedzelani pejo imwi zwitjaba muhwe,
imwi bathu, bhulutanani!
Shango ngayihwilile na kose kumuili,
lubumbo na kose kunodwa muguli.
2 Ngoti Yahwe bakagwadzila moyo njudzi dzose,
bazhelile bushongola babhayani badzo bose.
Bapedza nge kwabo kuti babulawe.
3 Babulawa babo banowolashigwa kutjena,
nnuwo we zwitumbu zwabo unowosilinga,
matombo anowowunga malopa abo.
4 Mibunga ye zhuzhugwi inowonyawuka,
zhuzhugwi kowopetana se lukwalo.
Kose ku zhuzhugwi kowoshashamuka,
kuwila pasi se mazhani e nzhambi awoma,
kene phaya dzakaswaba.
5 Thumo langu lakavunga malopa kudzimu,
ngono bonani lowodelukila kusumikilisa Edomu,
mu bathu bandakasumikilisila.
6 Yahwe bana thumo lakavunga malopa,
lakapushikana mafuta,
lakazhola malopa e pkhwizana ne e mbudzi,
lina mafuta e so dze nyundo.
Yahwe bana tjibhayilo ku Bhozira,
kowobulawa bathu banjinji mu shango ye Edomu.
7 Nyati dzowofa nabo,
mikong'wana yadzo ne mikono yadzo yakasima.
Shango yabo inowozhala malopa,
mavu pasi anowotshutshuma nge mafuta.
8 Ngoti Yahwe bana zhuba le kubgwilizila,
gole le kulakidza tjimo tje Ziyoni kuti tjakatambunuka.
9 Hwoba dze Edomu dzowoshandugwa dzikabe ikontiri,
mavu akabe sibabuli,
shango iye inowobe ikontiri tjinopisa.
10 Kowotshwa siku ne sikati kusingadzimiwe,
busi gwayo gowomilikila pezhugwi gusingame.
Shango inowogala yakashakala kuyenda nge zwizekugwana,
akuna unowopinda eipalama kakale.
11 Kowobe magalo e mafukumudzi nabo shoni,
zwikundamwenyu ne makungubo zowogala mukati.
Banowozhisa kuhwumana muili
ne kushangashangana kwe bakudziwa babo.
12 Akutowobe ne mbuso wa bomambo ikweno,
ne makombgwa ayo anowobe asitjimwe.
13 Mihwa inomela mu matizhilo ayo,
kowobe ne zwitambaphowu ne kungubo mu matizhilo ayo.
Phungubgwe dzogala muili,
ne mafukumudzi anowobaka ikoko.
14 Thilili dzowoshangana ne phele ikoko,
meya mibiibi inowodanana ikoko,
ne phuka dze busiku dzowonyaluluka ikoko.
15 Gunda lowobaka shaka lalo ikoko,
likabigila mabumbulu likaphophonya likabubatila bana balo,
maphangwana matema naiwo, limwe ne limwe ne nkwinya walo
anowokubungana ikoko.
16 Shakisisa ubale mu lukwalo gwa Yahwe.
Akuna tjimwe tjaizwezwi tjinowobe tjisipo,
akuna tjinowobe tjisina nkwinya watjo.
Yahwe bakakuleba nge nlomo wabo,
ne meya yabo yakazwikubunganya.
17 Yahwe ndibo bakazwikobela magalo,
ngono zowogala muili nge kusingapele,
kudwa mu tjizekugwana kuyenda ku tjizekugwana,
zowotjilila muili.