Tjibi tje Iziraela
1 Yahwe bakati,
“Gungayi lukwalo gwa mmeyabo
gunolakidza kuti ndakathubukana nabo
mu ndobolo?
Kene ndiupi ntengi mu ndili
wandakamutengesa kunli?
Bonani, makatengesiwa nge zwibi zwenyu,
mme benyu bakalambiwa ngekwe matjinyo enyu.
2 Ini ndakabe ndizha ndiwana kusina uyapo?
Ini ndakati ndidana kukasibe ne wadabila kene?
Apa andina matatabuko ekuti ndingamudzutunula kene?
Andina masimba ekumusunungula?
Ngotjemela koga gungwa gopkhwa,
njizi ndingadzishandula dzikabe tjilambanyika,
hwobe dzadzo dzowonuwa ngosheta vula,
dzikafa nge nyota.
3 Ndoambadza zhuzhugwi nge zhalima,
athama saka likabe tjiambalo tjako.”
4 She Yahwe bakandipa lulimi gwe bakadiyika,
kuti ndizibe dama landingasimisa bakanyala ndilo.
Mangwanana mamwe ne mamwe
banondimusa kuteedza, banozhula zebe
yangu kuhwa se banodiyiwa.
5 She Yahwe bakandizhula zebe
ngono andizotongopanduka,
andizotongo fupatila.
6 Ndakapa nshongoshongo wangu balobi,
shaya dzangu adzipa banondisimula ndedu.
Andizotongosumbikila buso gwangu
banondisapula bendithwila mate.
7 Ngoti She Yahwe banondibhatsha,
ndizo andingabhakhwe nge shoni.
Ndizo ndathama buso gwangu gukanga bgwe,
ngono ndoziba kuti andingabhakhwe nge shoni.
8 Iye unolakidza kuti andina nlandu upejo.
Ndiani ngono unganyanyayidzana nami? Ngaabuye tilingisane.
9 Bonani, She Yahwe ndibo banondibhatsha,
ngono ndiani ungati ndi nlandu?
Bose koga banowoshakala se tjiambalo,
sole dzowobaja.
10 Ndiupi pakati kwenyu unotja Yahwe
ngono kahwa dama le nlanda wabo?
Ndiani unoyenda mu zhalima asina tjedza kene,
koga egalabgwe mu zina la Yahwe,
egalabgwe Ndzimu uwe?
11 Bonani, mose imwi banobhatidza moto,
imwi munothutidza zwisikalala.
Yendani mu tjedza tje moto wenyu
ne tje zwisikalala zwenyu zwamakabhatidza.
Tjamunowowana mu luboko gwangu ndi yetji,
mowobumbuluka pasi muli mu zogwadza zwikulu.
Tjibi tje Iziraela
1 Yahwe bakati,
“Gungayi lukwalo gwa mmeyabo
gunolakidza kuti ndakathubukana nabo
mu ndobolo?
Kene ndiupi ntengi mu ndili
wandakamutengesa kunli?
Bonani, makatengesiwa nge zwibi zwenyu,
mme benyu bakalambiwa ngekwe matjinyo enyu.
2 Ini ndakabe ndizha ndiwana kusina uyapo?
Ini ndakati ndidana kukasibe ne wadabila kene?
Apa andina matatabuko ekuti ndingamudzutunula kene?
Andina masimba ekumusunungula?
Ngotjemela koga gungwa gopkhwa,
njizi ndingadzishandula dzikabe tjilambanyika,
hwobe dzadzo dzowonuwa ngosheta vula,
dzikafa nge nyota.
3 Ndoambadza zhuzhugwi nge zhalima,
athama saka likabe tjiambalo tjako.”
4 She Yahwe bakandipa lulimi gwe bakadiyika,
kuti ndizibe dama landingasimisa bakanyala ndilo.
Mangwanana mamwe ne mamwe
banondimusa kuteedza, banozhula zebe
yangu kuhwa se banodiyiwa.
5 She Yahwe bakandizhula zebe
ngono andizotongopanduka,
andizotongo fupatila.
6 Ndakapa nshongoshongo wangu balobi,
shaya dzangu adzipa banondisimula ndedu.
Andizotongosumbikila buso gwangu
banondisapula bendithwila mate.
7 Ngoti She Yahwe banondibhatsha,
ndizo andingabhakhwe nge shoni.
Ndizo ndathama buso gwangu gukanga bgwe,
ngono ndoziba kuti andingabhakhwe nge shoni.
8 Iye unolakidza kuti andina nlandu upejo.
Ndiani ngono unganyanyayidzana nami? Ngaabuye tilingisane.
9 Bonani, She Yahwe ndibo banondibhatsha,
ngono ndiani ungati ndi nlandu?
Bose koga banowoshakala se tjiambalo,
sole dzowobaja.
10 Ndiupi pakati kwenyu unotja Yahwe
ngono kahwa dama le nlanda wabo?
Ndiani unoyenda mu zhalima asina tjedza kene,
koga egalabgwe mu zina la Yahwe,
egalabgwe Ndzimu uwe?
11 Bonani, mose imwi banobhatidza moto,
imwi munothutidza zwisikalala.
Yendani mu tjedza tje moto wenyu
ne tje zwisikalala zwenyu zwamakabhatidza.
Tjamunowowana mu luboko gwangu ndi yetji,
mowobumbuluka pasi muli mu zogwadza zwikulu.