Izhani mose imwi bana nyota
1 Izhani, imwi mose muna nyota,
izhani ku vula,
imwi musina mari,
izhani mutenge muje.
Izhani mutenge nkumbi we zhambi ne nkaka,
tengani musina mari kene themba.
2 Ini mushingisa mari kusi mu tjiwunga kene?
Ini mushingisa matatabuko muna tjisingagutshe kene?
Munditeedze nge njele, ijani tjakalulwama,
mushathile zwakanaka zwinoshathisa meya.
3 Zhulani zebe, muzhe kundili,
ihwani ndizo mutjile.
Ndowothama tjidumano tjisingapele namwi,
ndowomulakidza ludo gusingapele gwandakagadzabgwe Dafite.
4 Bonani, ndakanthama ntendeki ku bathu
ntungamili ne nlauli we bathu.
5 Bonani, mowodana njudzi dzamusingazibe,
njudzi dzisingamuzibe dzowolabukila kumuli,
dziyikhwa ndi Yahwe Ndzimu wenyu,
ibo Wakayengemala we Iziraela,
ngoti bakamukudza.
6 Shakani Yahwe batjawanika,
mubadane batji pejo.
7 Mbimbi ngaasiye zila iye,
ne usakalulwama asiye mikumbulo iye.
Ngaashandukile kuna Yahwe kuti banhwile ngoni,
ashandukile ku Ndzimu wedu,
ngoti unowon'zwiibhatigwa.
8 “Ngoti njalakang'wa dzangu ate dzili dzenyu,
ne zila dzenyu ate dzilidzangu,”
koleba Yahwe.
9 Se kudzimu kuli kule kudwa mu shango,
zila dzangu dzakajalo dzikule ne dzenyu
ne mikumbulo yangu ikule ne yenyu.
10 Se vula ne kapuku zwideluka zwidwa ku zhuzhugwi,
ngono zwibe zwisingabgwilile ko
koga zwibe zwidilidzila shango,
zwiyithama kuti ithinile iduse zwizwalo,
ndizo n'dzwali awane mbewu ne unoja awane zojiwa,
11 saikokubo, dama langu lowobhuda mu nlomo wangu,
ngono alingabuye lisina tjalinatjo,
koga lowowidza tjandakazwimisila kuti litjishinge,
ngono likakunda muna tjandakalitumila kutjishinga.
12 Dumbu mowobhuda nge kushatha,
ngono mukatungamigwa nge kunyalala,
matombo ne matuthu a mbeli kwenyu,
anowopululudza nge kushatha,
ne miti yose ye shango inowoloba phande.
13 Mu bumo gwe mihwa kowomela nsipuri,
mu bumo gwe zwikungubo kukamela nshangule,
ngono kowobe ikumbuludzo tja Yahwe,
kukabe tjilakidzo tjigelile tjose tjisingawo kolomogwa.
Izhani mose imwi bana nyota
1 Izhani, imwi mose muna nyota,
izhani ku vula,
imwi musina mari,
izhani mutenge muje.
Izhani mutenge nkumbi we zhambi ne nkaka,
tengani musina mari kene themba.
2 Ini mushingisa mari kusi mu tjiwunga kene?
Ini mushingisa matatabuko muna tjisingagutshe kene?
Munditeedze nge njele, ijani tjakalulwama,
mushathile zwakanaka zwinoshathisa meya.
3 Zhulani zebe, muzhe kundili,
ihwani ndizo mutjile.
Ndowothama tjidumano tjisingapele namwi,
ndowomulakidza ludo gusingapele gwandakagadzabgwe Dafite.
4 Bonani, ndakanthama ntendeki ku bathu
ntungamili ne nlauli we bathu.
5 Bonani, mowodana njudzi dzamusingazibe,
njudzi dzisingamuzibe dzowolabukila kumuli,
dziyikhwa ndi Yahwe Ndzimu wenyu,
ibo Wakayengemala we Iziraela,
ngoti bakamukudza.
6 Shakani Yahwe batjawanika,
mubadane batji pejo.
7 Mbimbi ngaasiye zila iye,
ne usakalulwama asiye mikumbulo iye.
Ngaashandukile kuna Yahwe kuti banhwile ngoni,
ashandukile ku Ndzimu wedu,
ngoti unowon'zwiibhatigwa.
8 “Ngoti njalakang'wa dzangu ate dzili dzenyu,
ne zila dzenyu ate dzilidzangu,”
koleba Yahwe.
9 Se kudzimu kuli kule kudwa mu shango,
zila dzangu dzakajalo dzikule ne dzenyu
ne mikumbulo yangu ikule ne yenyu.
10 Se vula ne kapuku zwideluka zwidwa ku zhuzhugwi,
ngono zwibe zwisingabgwilile ko
koga zwibe zwidilidzila shango,
zwiyithama kuti ithinile iduse zwizwalo,
ndizo n'dzwali awane mbewu ne unoja awane zojiwa,
11 saikokubo, dama langu lowobhuda mu nlomo wangu,
ngono alingabuye lisina tjalinatjo,
koga lowowidza tjandakazwimisila kuti litjishinge,
ngono likakunda muna tjandakalitumila kutjishinga.
12 Dumbu mowobhuda nge kushatha,
ngono mukatungamigwa nge kunyalala,
matombo ne matuthu a mbeli kwenyu,
anowopululudza nge kushatha,
ne miti yose ye shango inowoloba phande.
13 Mu bumo gwe mihwa kowomela nsipuri,
mu bumo gwe zwikungubo kukamela nshangule,
ngono kowobe ikumbuludzo tja Yahwe,
kukabe tjilakidzo tjigelile tjose tjisingawo kolomogwa.