Kusumikilisiwa ne kugalabgwe
1 Yahwe bakati,
“Kudzimu tjigalo tjangu tje bumambo,
shango tjigalo tje makumbo angu.
Ngono ng'umba nge yakatini yamunga ndibakila?
Ndingayi kene kuna magalo angu e kunyaluluka?
2 Zwithu zose izwezwi zwakathamiwa nge luboko gwangu,
ndizo saikoko zwikabepo.”
Koleba Yahwe
Koga nthu wandinoamutjila nge unozwiisapasi
ana moyo nnyolo unotja dama langu.
3 “Koga iye unobulaya ng'ombe ili tjibhayilo,
unofanana ne wabulaya nthu,
ne wabhaya pkhwizana ili tjibhayilo
unofanana ne wavuna ntshibha we mbgwa,
wadusa tjipo tje mathunde unonga wadusa malopa e hwotji,
unopisa motsha we ikumbuludzo,
unofanana ne unamata ndzimu we ifano.
Bathu bakashalula kutobela zila dzabo,
meya yabo inoshathila zwinoshimisa zwabanothama.
4 Ndizo namibo ndowoshalula shamu yandingabaloba ndiyo,
zwabanotja kwazo ndizo zwandinowobaloba ndizo.
Ngoti ndakati ndidana kukasheta wadabila,
ati ndilebeleka kukasheta wahwilila.
Bakathama mbipo mu mesho angu,
ngono bakashalula zwisingandishathise.”
5 Ihwani dama la Yahwe imwi munotja dama labo,
“Bana batate benyu banomubenga,
bebe bemulamba ngekwe zina langu beti,
‘Yahwe ngabakudziwe, kuti tibone kushatha kwenyu.’
Koga banowobhakhwa nge shoni.
6 Ihwani zhoba iyeyi isishoma imu nzi nkulu,
ihwani zhoba imu Ng'umba ye Ndzimu.
Nsindo wa Yahwe bebgwilizila zwita zwabo kose sekwa kwakalingisana.
7 “Nkadzi aangati asathu kangina mu zwibhayo kabe etshibama,
aangati zwibhayo asathu kazwihwa ebe ewana mwana.
8 Ndiani wakatongo kuhwa ikoku kwakajali?
Ndiani wakatongo kubona kene?
Apa itjaba tjingabumbiwa zhuba ling'ompela kene?
Apa itjaba tjingabe itjaba mu tjibaka tjitukununu kene?
Koga Ziyoni yati ingina mu zwibhayo
tjinyolotjo ikabe itshibama bana.
9 Apa ndingalonga mu zwibhayo ndibe ndidzibila kutshibama kakale kene?” Koleba Yahwe.
“Apa ndingazhalila tjibumbilo koga imi ndazhisa kusununguka kene?” Koleba Ndzimu uwo.
10 Pululudzani ne Jerusalema, muishathile,
imwi mose munoda nzi nkulu iwoyu.
Pululudzani nawo ngwenu,
imwi mose bakawulilila.
11 Ngoti mowomwa ngono mukaguta mu mazhamu anonyaladza,
mowong'wa mukashatha mu thundu yawo yakawanda.
12 Yahwe bakati,
“Ndowotalabudza mbakiso yawo se gwizi,
ne fumwa ye zwitjaba inowomuwungila se lukoba gulizhele gututa makuni,
mowomwa mukabuya mukasengwa nge maboko ayo,
mukazana pa makumbo ayo.
13 Mayi banoti bakanyaladza mwana wabo,
namibo ndowomunyaladza saikoko,
ngono mowonyaladzika mu Jerusalema.
14 Mowoti ikoku kushingikala mukubona mimoyo yenyu inowoshatha,
ngono mowopasula se bushwa,
ndizo kowozibika kuti tjiazha tja Yahwe tjina balanda bawo,
ngono banowolakidza bushongola gwabo.
15 “Ngono bonani, Yahwe banozha nge moto,
koloyi dzabo dzengwa dzonga tjampupudze,
kugwadza moyo kwabo kozha nge simba
ndizo banotjemela nge nthuto we moto.
16 Ngoti nge moto nenge thumo,
Yahwe banowoshingikadza kusumikilisa mu bathu bose,
ngono banjinji kowobe ibo babulawa ndi Yahwe.”
17 Yahwe bakati, “Bhelelo laswika kuna ibabo banozwiyengemadza, bezwitjenapadzila kuyenda benonamata midzimu yabo mu minda, beyenda bakalongoloka kunoja nyama ye hwotji ne mbeba ne zwimwe zwinoshimisa, bhelelo labo lowobazhila bose kang'ompela.
18 “Ndoziba mikumbulo yabo ne mishingo yabo. Ndaswika kuwokubunganya njudzi nge ndimi dzadzo dzose, ngono ha bakubungana banowobona gudzo langu.
19 “Ndowobiga lutjwayo mu bali, ngono bamwe be bakatjila ndowobatumila ku zwitjaba, ku Tashishi neku Puli neku Ludi (nyambi dze kubhayana nge misebe) neku Tubali ne Javani, ku shango dzikule dzimu tjekelo dze gungwa dzisathu dzikahwa nge kwangu kene dzikabona gudzo langu. Ngono banowoleba ngekwe gudzo langu pakati kwe zwitjaba. 20 Ngono banowobuya ne bakanyi kwenyu bose kudwa mu tjaba dzose bali tjipo kuna Yahwe. Banowobuya bakatatha mbizi ne koloyi dze ngwa ne mabhokobho ne mowulo ne kamela bezha ku dombo langu lakayengemala mu Jerusalema koga se Baiziraela bezhisa tjipo tje mathunde mu zwija zwibuyanana ku Ng'umba ya Yahwe. 21 Bamwe babo ndowobashalula kube bapirisiti ne Balevi,” koleba Yahwe.
22 “Koga se kudzimu kutshwa ne shango tshwa zowogala zwilipo mbeli kwangu, zina lenyu ne zwizekugwana zwenyu zowogalabo saikoko,” koleba Yahwe.
23 “Kudwa mu Mwedzi ugala kunoti ku mmwe ne kudwa mu Sabata imwe kunoti ku imwe bathu bose banowozha kuwondinamata. 24 Ngono banowobhuda bakanobona zwitumbu zwe bathu bakandipandukila, ngoti hwonye dzabo adzingafe ne moto unobapisa awungadzimiwe, ngono banowobe banoshimisa ku bathu bose.”
Kusumikilisiwa ne kugalabgwe
1 Yahwe bakati,
“Kudzimu tjigalo tjangu tje bumambo,
shango tjigalo tje makumbo angu.
Ngono ng'umba nge yakatini yamunga ndibakila?
Ndingayi kene kuna magalo angu e kunyaluluka?
2 Zwithu zose izwezwi zwakathamiwa nge luboko gwangu,
ndizo saikoko zwikabepo.”
Koleba Yahwe
Koga nthu wandinoamutjila nge unozwiisapasi
ana moyo nnyolo unotja dama langu.
3 “Koga iye unobulaya ng'ombe ili tjibhayilo,
unofanana ne wabulaya nthu,
ne wabhaya pkhwizana ili tjibhayilo
unofanana ne wavuna ntshibha we mbgwa,
wadusa tjipo tje mathunde unonga wadusa malopa e hwotji,
unopisa motsha we ikumbuludzo,
unofanana ne unamata ndzimu we ifano.
Bathu bakashalula kutobela zila dzabo,
meya yabo inoshathila zwinoshimisa zwabanothama.
4 Ndizo namibo ndowoshalula shamu yandingabaloba ndiyo,
zwabanotja kwazo ndizo zwandinowobaloba ndizo.
Ngoti ndakati ndidana kukasheta wadabila,
ati ndilebeleka kukasheta wahwilila.
Bakathama mbipo mu mesho angu,
ngono bakashalula zwisingandishathise.”
5 Ihwani dama la Yahwe imwi munotja dama labo,
“Bana batate benyu banomubenga,
bebe bemulamba ngekwe zina langu beti,
‘Yahwe ngabakudziwe, kuti tibone kushatha kwenyu.’
Koga banowobhakhwa nge shoni.
6 Ihwani zhoba iyeyi isishoma imu nzi nkulu,
ihwani zhoba imu Ng'umba ye Ndzimu.
Nsindo wa Yahwe bebgwilizila zwita zwabo kose sekwa kwakalingisana.
7 “Nkadzi aangati asathu kangina mu zwibhayo kabe etshibama,
aangati zwibhayo asathu kazwihwa ebe ewana mwana.
8 Ndiani wakatongo kuhwa ikoku kwakajali?
Ndiani wakatongo kubona kene?
Apa itjaba tjingabumbiwa zhuba ling'ompela kene?
Apa itjaba tjingabe itjaba mu tjibaka tjitukununu kene?
Koga Ziyoni yati ingina mu zwibhayo
tjinyolotjo ikabe itshibama bana.
9 Apa ndingalonga mu zwibhayo ndibe ndidzibila kutshibama kakale kene?” Koleba Yahwe.
“Apa ndingazhalila tjibumbilo koga imi ndazhisa kusununguka kene?” Koleba Ndzimu uwo.
10 Pululudzani ne Jerusalema, muishathile,
imwi mose munoda nzi nkulu iwoyu.
Pululudzani nawo ngwenu,
imwi mose bakawulilila.
11 Ngoti mowomwa ngono mukaguta mu mazhamu anonyaladza,
mowong'wa mukashatha mu thundu yawo yakawanda.
12 Yahwe bakati,
“Ndowotalabudza mbakiso yawo se gwizi,
ne fumwa ye zwitjaba inowomuwungila se lukoba gulizhele gututa makuni,
mowomwa mukabuya mukasengwa nge maboko ayo,
mukazana pa makumbo ayo.
13 Mayi banoti bakanyaladza mwana wabo,
namibo ndowomunyaladza saikoko,
ngono mowonyaladzika mu Jerusalema.
14 Mowoti ikoku kushingikala mukubona mimoyo yenyu inowoshatha,
ngono mowopasula se bushwa,
ndizo kowozibika kuti tjiazha tja Yahwe tjina balanda bawo,
ngono banowolakidza bushongola gwabo.
15 “Ngono bonani, Yahwe banozha nge moto,
koloyi dzabo dzengwa dzonga tjampupudze,
kugwadza moyo kwabo kozha nge simba
ndizo banotjemela nge nthuto we moto.
16 Ngoti nge moto nenge thumo,
Yahwe banowoshingikadza kusumikilisa mu bathu bose,
ngono banjinji kowobe ibo babulawa ndi Yahwe.”
17 Yahwe bakati, “Bhelelo laswika kuna ibabo banozwiyengemadza, bezwitjenapadzila kuyenda benonamata midzimu yabo mu minda, beyenda bakalongoloka kunoja nyama ye hwotji ne mbeba ne zwimwe zwinoshimisa, bhelelo labo lowobazhila bose kang'ompela.
18 “Ndoziba mikumbulo yabo ne mishingo yabo. Ndaswika kuwokubunganya njudzi nge ndimi dzadzo dzose, ngono ha bakubungana banowobona gudzo langu.
19 “Ndowobiga lutjwayo mu bali, ngono bamwe be bakatjila ndowobatumila ku zwitjaba, ku Tashishi neku Puli neku Ludi (nyambi dze kubhayana nge misebe) neku Tubali ne Javani, ku shango dzikule dzimu tjekelo dze gungwa dzisathu dzikahwa nge kwangu kene dzikabona gudzo langu. Ngono banowoleba ngekwe gudzo langu pakati kwe zwitjaba. 20 Ngono banowobuya ne bakanyi kwenyu bose kudwa mu tjaba dzose bali tjipo kuna Yahwe. Banowobuya bakatatha mbizi ne koloyi dze ngwa ne mabhokobho ne mowulo ne kamela bezha ku dombo langu lakayengemala mu Jerusalema koga se Baiziraela bezhisa tjipo tje mathunde mu zwija zwibuyanana ku Ng'umba ya Yahwe. 21 Bamwe babo ndowobashalula kube bapirisiti ne Balevi,” koleba Yahwe.
22 “Koga se kudzimu kutshwa ne shango tshwa zowogala zwilipo mbeli kwangu, zina lenyu ne zwizekugwana zwenyu zowogalabo saikoko,” koleba Yahwe.
23 “Kudwa mu Mwedzi ugala kunoti ku mmwe ne kudwa mu Sabata imwe kunoti ku imwe bathu bose banowozha kuwondinamata. 24 Ngono banowobhuda bakanobona zwitumbu zwe bathu bakandipandukila, ngoti hwonye dzabo adzingafe ne moto unobapisa awungadzimiwe, ngono banowobe banoshimisa ku bathu bose.”