Mwana tanzwaligwa
1 Akungabe ne zhalima muna ibabo bakabe bali mu buyendasi. Mu tjibaka tjakapinda wakayisa pasi shango ye Zebhuloni ne shango ye Nafutali, koga mu misi imbeli unowolumbidza Galili shango ye zwitjaba imu tjekelo dze gungwa seli kwe Jorodani,
2 Bathu bakayenda mu zhalima,
bakabona tjedza tjikulu,
ibabo bakatjila mu shango ye mitutshi ye lufu,
tjedza tjakabapenyela.
3 Makawatsha itjaba,
mukapaphidza kushatha kwatjo,
banoshatha mbeli kwenyu,
se bathu beshatha ha bevuna zwidzwalo mu minda,
se balume beshatha ha bekobana thundu yabatapa.
4 Ngoti makavuna jokwi linobalemela,
ne ikombo tjinobaloba mathudzi,
shamu ye kubatshambilidza,
makakuthama sekwa makathama mu nsi we Midiya.
5 Ngoti shangu dze babhayani dzakashingisiwa mu ngwa,
ne zwiambalo zwakabumbuludziwa mu malopa,
zowolashigwa mu moto zwikathutidza moto.
6 Ngoti mwana tanzwaligwa,
mwana we tjilisana tampiwa,
mbuso unowobe mu mathudzi awe.
Unowodang'wa Nkumbuludzi Unotjenamisa,
Ndzimu Wakasima,
Tate nge kusingapele, Mambo we Kunyalala.
7 Mbuso uwe ne kunyalala,
zotalabudzika nge kusingapele.
Unowobusa mu tjigalo tja Dafite
ebaka mbuso uwe unowuthumbidza nge lebeswa nenge
ndulamo kudwila mu tjibaka itjetjo kuyenda kusingapele.
Kupisika kwa Yahwe Masimbawose kokuthama ikoku.
8 She badusa dama linobhayana na Jakubo,
ngono lawila Iziraela.
9 Bathu bose bakakuziba ikoku,
Ifureimi ne bagali be Samariya,
ibo banozwida, bezwikudza mu mimoyo yabo beti,
10 “Zwitina zwakakolomoka,
koga iswi towomusa nge mabgwe akabezhiwa,
mipaya yakatemegwa pasi,
koga iswi towoyimisa nge misida.”
11 Ndizo Yahwe banowobamusila zwita,
banowokuswanyidza zwita.
12 Baaramu ku bhezhuba ne Bafilisitiya ku golombedzo
bakamidza Iziraela nge nlomo wakaashama.
Kose ikoku akuzoshandula bushongola gwabo,
luboko gwabo gutjakamilikila kuloba.
13 Koga bathu abazoshandukila ku bali ibo bakabaloba,
kene kuli kushaka Yahwe Masimbawose.
14 Ndizo Yahwe banowothubula Iziraela nsholo ne mwise,
ne lutabi gwe nlala ne lushanga mu zhuba ling'ompela.
15 Sholotjena ne bana mamo ndibo nsholo, balebesambeli banodiya manyepkhwa ndibo mwise.
16 Ibabo banotungamila bathu ibaba bakabatungamilila ntome,
ibabo bakatungamigwa bakasala bakawumana.
17 Ndizo wali She abatoshathila bazhuzha babo
kene kuli kuhwila zogwadza siyang'wa ne tjilikadzi dzabo,
ngoti mmwe ne mmwe aana bundzimu, babiibi,
nlomo mmwe ne mmwe unoleba zwakabipa.
Nenguba kwakajalo kugwadzamoyo kwabo akuzopela,
luboko gwabo gutjakamilikila kuloba.
18 Mbipo inopisa se moto
unopisa kungubo ne mihwa,
unothuta ukapisa matjokotjoko e ishakana
tjikamilikila mu phepo tjili bhulubusi.
19 Shango inopisiwa
nge kugwadzamoyo kwa Yahwe Masimbawose,
ngono bathu ndibo banowobe hwuni dze moto,
akuna unowotjidza mmwe naye.
20 Banoja ku luji koga bakasala bana zhala zwabo,
bakaja ku lumeshwe koga bakasigutshike zwabo.
Mmwe ne mmwe unowoshanduka kaja mwana uwe.
21 Manase unowogwa na Ifureimi, Ifureimi kagwa na Manase,
bubili gwabo banowonginilila Juda.
Nenguba kwakajalo kugwadzamoyo kwabo akutowoshanduka,
luboko gwabo gutjakamilikila kuloba.
Mwana tanzwaligwa
1 Akungabe ne zhalima muna ibabo bakabe bali mu buyendasi. Mu tjibaka tjakapinda wakayisa pasi shango ye Zebhuloni ne shango ye Nafutali, koga mu misi imbeli unowolumbidza Galili shango ye zwitjaba imu tjekelo dze gungwa seli kwe Jorodani,
2 Bathu bakayenda mu zhalima,
bakabona tjedza tjikulu,
ibabo bakatjila mu shango ye mitutshi ye lufu,
tjedza tjakabapenyela.
3 Makawatsha itjaba,
mukapaphidza kushatha kwatjo,
banoshatha mbeli kwenyu,
se bathu beshatha ha bevuna zwidzwalo mu minda,
se balume beshatha ha bekobana thundu yabatapa.
4 Ngoti makavuna jokwi linobalemela,
ne ikombo tjinobaloba mathudzi,
shamu ye kubatshambilidza,
makakuthama sekwa makathama mu nsi we Midiya.
5 Ngoti shangu dze babhayani dzakashingisiwa mu ngwa,
ne zwiambalo zwakabumbuludziwa mu malopa,
zowolashigwa mu moto zwikathutidza moto.
6 Ngoti mwana tanzwaligwa,
mwana we tjilisana tampiwa,
mbuso unowobe mu mathudzi awe.
Unowodang'wa Nkumbuludzi Unotjenamisa,
Ndzimu Wakasima,
Tate nge kusingapele, Mambo we Kunyalala.
7 Mbuso uwe ne kunyalala,
zotalabudzika nge kusingapele.
Unowobusa mu tjigalo tja Dafite
ebaka mbuso uwe unowuthumbidza nge lebeswa nenge
ndulamo kudwila mu tjibaka itjetjo kuyenda kusingapele.
Kupisika kwa Yahwe Masimbawose kokuthama ikoku.
8 She badusa dama linobhayana na Jakubo,
ngono lawila Iziraela.
9 Bathu bose bakakuziba ikoku,
Ifureimi ne bagali be Samariya,
ibo banozwida, bezwikudza mu mimoyo yabo beti,
10 “Zwitina zwakakolomoka,
koga iswi towomusa nge mabgwe akabezhiwa,
mipaya yakatemegwa pasi,
koga iswi towoyimisa nge misida.”
11 Ndizo Yahwe banowobamusila zwita,
banowokuswanyidza zwita.
12 Baaramu ku bhezhuba ne Bafilisitiya ku golombedzo
bakamidza Iziraela nge nlomo wakaashama.
Kose ikoku akuzoshandula bushongola gwabo,
luboko gwabo gutjakamilikila kuloba.
13 Koga bathu abazoshandukila ku bali ibo bakabaloba,
kene kuli kushaka Yahwe Masimbawose.
14 Ndizo Yahwe banowothubula Iziraela nsholo ne mwise,
ne lutabi gwe nlala ne lushanga mu zhuba ling'ompela.
15 Sholotjena ne bana mamo ndibo nsholo, balebesambeli banodiya manyepkhwa ndibo mwise.
16 Ibabo banotungamila bathu ibaba bakabatungamilila ntome,
ibabo bakatungamigwa bakasala bakawumana.
17 Ndizo wali She abatoshathila bazhuzha babo
kene kuli kuhwila zogwadza siyang'wa ne tjilikadzi dzabo,
ngoti mmwe ne mmwe aana bundzimu, babiibi,
nlomo mmwe ne mmwe unoleba zwakabipa.
Nenguba kwakajalo kugwadzamoyo kwabo akuzopela,
luboko gwabo gutjakamilikila kuloba.
18 Mbipo inopisa se moto
unopisa kungubo ne mihwa,
unothuta ukapisa matjokotjoko e ishakana
tjikamilikila mu phepo tjili bhulubusi.
19 Shango inopisiwa
nge kugwadzamoyo kwa Yahwe Masimbawose,
ngono bathu ndibo banowobe hwuni dze moto,
akuna unowotjidza mmwe naye.
20 Banoja ku luji koga bakasala bana zhala zwabo,
bakaja ku lumeshwe koga bakasigutshike zwabo.
Mmwe ne mmwe unowoshanduka kaja mwana uwe.
21 Manase unowogwa na Ifureimi, Ifureimi kagwa na Manase,
bubili gwabo banowonginilila Juda.
Nenguba kwakajalo kugwadzamoyo kwabo akutowoshanduka,
luboko gwabo gutjakamilikila kuloba.