Ntumwa we Ndzimu ku Bhokhimu
1 Ntumwa wa Yahwe kamilika edwa ku Giligala eyenda ku Bhokhimu kati, “Ndakamudusa mu Egipiti ndimuzhisa mu shango yandakabe ndatuna kuyipa botate benyu. Ndakati, ‘Anditowokolomodza tjidumano tjangu namwi, 2 musithame tjidumano ne bagali be shango iyeyi, mu kolomodze zwibeso zwabo zwe zwibhayilo.’ Koga amuzobhata nlayo wangu, ini ikoko kwamakathama kene? 3 Ndizo ngwenu ndikati, anditowobatata mbeli kwenyu, banowobe zwita zwenyu ngono midzimu yabo inowobe bhuzhu ku muli.” 4 Kwakati ntumwa wa Yahwe a leba matama iyawa ku Baiziraela bose, bathu bakamilidza mahwi bakalila. 5 Bakatumila bugalo igogo zina beti Bhokimu, bakadusila Yahwe zwibhayilo ikoko.
Lufu gwa Joshuwa
6 Kwakati Joshuwa asina kupaladza bathu, mmwe ne mmwe akayenda kunotola thaka iye, kuthuwa shango. 7 Bathu bakashingila Yahwe mazhuba wose a Joshuwa, ne mazhuba wose e bakulu bakatjila tjibaka tjilefu pana Joshuwa, bakabona mishingo mikulu yakathamigwa Baiziraela ndi Yahwe. 8 Joshuwa nkololo wa Nuni, nlanda wa Yahwe wakafa ana makole ali zana lina ali gumi (110). 9 Bakambiganyila mu shango ye thaka iye ku Timinatiheresi mu shango ye matuthu ya Ifureimi, ku bunandzwa gwe Dombo le Gaashi. 10 Kwakati tjizekugwana tjose tjatjilala nabo batategulu batjo, ngono kukamuka tjizekugwana tjitshwa tjisingazibe Yahwe kene mishingo yabakathamila Baiziraela. 11 Ngono bathu be Iziraela bakathama mbipo mu mesho a Yahwe, bakashingila bo Bhaale. 12 Bakasiya Yahwe Ndzimu wa botate babo wakabadusa mu Egipiti. Bakatobela midzimu yakasiyanasiyana ye bathu bakabapoteleka, ngono bakayithigamila, bakalonga Yahwe bushongola. 13 Bakasiya Yahwe bakashingila Bhaale na Ashitoreti. 14 Ndizo bushongola gwa Yahwe gukathutila Baiziraela ngono bakabalonga mu maboko e batapi bakabatapila thundu. Bakabatengesela zwita zwabo kubapoteleka, kwabakabe basingatjatubule kugwa nazo. 15 Kwakabe kuti apa Baiziraela bebhuda beyenda ku ngwa, luboko gwa Yahwe gwakabe gu gwa nabo kubathamila bubi, Yahwe sekwa bakabebaleba na Yahwe sekwa bakabebabatunila. Bakabe mu buyendasi bukulu. 16 Ngono Yahwe bakabamusila basumikilisi bakabatjidza mu simba le batapi babo. 17 Koga bakasiteedze basumikilisi babo ngoti bakathama bupombgwe ne midzimu ipoga ngono bakayithigamila, bakatjimbidza bapambuka mu zila yakayendiwa na botate babo bakatobela milayo ya Yahwe, ngono bakasithame bejalo. 18 Kwakabe kuti apa Yahwe bebamusila basumikilisi, Yahwe bakabe bana nsumikilisi ngono katjidza bathu mu luboko gwe zwita zwabo mu mazhuba wose e nsumikilisi, ngoti Yahwe bakabe nge ngoni mubali pabakabe bedziyidziwa be tshambilidziwa. 19 Koga kwakabe kuti apa nsumikilisi afa, bathu bakabe beshandukila kuzila dzabo dzakabipa kupinda dza botate babo, betobela midzimu ipoga beyishingila beinamata. Bakabe belamba kuletja mishingo yabo ne zila dzabo dze moyonkukutu. 20 Ndizo bushongola gwa Yahwe gukathutila Baiziraela, ngono bakati, “Ngoti bathu ibaba batjuluka tjidumano tjangu tjandaka laya botate babo, bakasinditeedze, 21 anditjowotata zwitjaba mbeli kwabo zwakasiyiwa ndi Joshuwa afa. 22 Ndowozwishingisa kulika Baiziraela, ndibone kuti banowobhata zila dza Yahwe bakadzitobela sekwakathama bobatategulu babo kene aa.” 23 Ndizo Yahwe bakaletja zwitjaba izwezo basingazwitate ngokuzwilonga mu maboko a Joshuwa.
Ntumwa we Ndzimu ku Bhokhimu
1 Ntumwa wa Yahwe kamilika edwa ku Giligala eyenda ku Bhokhimu kati, “Ndakamudusa mu Egipiti ndimuzhisa mu shango yandakabe ndatuna kuyipa botate benyu. Ndakati, ‘Anditowokolomodza tjidumano tjangu namwi, 2 musithame tjidumano ne bagali be shango iyeyi, mu kolomodze zwibeso zwabo zwe zwibhayilo.’ Koga amuzobhata nlayo wangu, ini ikoko kwamakathama kene? 3 Ndizo ngwenu ndikati, anditowobatata mbeli kwenyu, banowobe zwita zwenyu ngono midzimu yabo inowobe bhuzhu ku muli.” 4 Kwakati ntumwa wa Yahwe a leba matama iyawa ku Baiziraela bose, bathu bakamilidza mahwi bakalila. 5 Bakatumila bugalo igogo zina beti Bhokimu, bakadusila Yahwe zwibhayilo ikoko.
Lufu gwa Joshuwa
6 Kwakati Joshuwa asina kupaladza bathu, mmwe ne mmwe akayenda kunotola thaka iye, kuthuwa shango. 7 Bathu bakashingila Yahwe mazhuba wose a Joshuwa, ne mazhuba wose e bakulu bakatjila tjibaka tjilefu pana Joshuwa, bakabona mishingo mikulu yakathamigwa Baiziraela ndi Yahwe. 8 Joshuwa nkololo wa Nuni, nlanda wa Yahwe wakafa ana makole ali zana lina ali gumi (110). 9 Bakambiganyila mu shango ye thaka iye ku Timinatiheresi mu shango ye matuthu ya Ifureimi, ku bunandzwa gwe Dombo le Gaashi. 10 Kwakati tjizekugwana tjose tjatjilala nabo batategulu batjo, ngono kukamuka tjizekugwana tjitshwa tjisingazibe Yahwe kene mishingo yabakathamila Baiziraela. 11 Ngono bathu be Iziraela bakathama mbipo mu mesho a Yahwe, bakashingila bo Bhaale. 12 Bakasiya Yahwe Ndzimu wa botate babo wakabadusa mu Egipiti. Bakatobela midzimu yakasiyanasiyana ye bathu bakabapoteleka, ngono bakayithigamila, bakalonga Yahwe bushongola. 13 Bakasiya Yahwe bakashingila Bhaale na Ashitoreti. 14 Ndizo bushongola gwa Yahwe gukathutila Baiziraela ngono bakabalonga mu maboko e batapi bakabatapila thundu. Bakabatengesela zwita zwabo kubapoteleka, kwabakabe basingatjatubule kugwa nazo. 15 Kwakabe kuti apa Baiziraela bebhuda beyenda ku ngwa, luboko gwa Yahwe gwakabe gu gwa nabo kubathamila bubi, Yahwe sekwa bakabebaleba na Yahwe sekwa bakabebabatunila. Bakabe mu buyendasi bukulu. 16 Ngono Yahwe bakabamusila basumikilisi bakabatjidza mu simba le batapi babo. 17 Koga bakasiteedze basumikilisi babo ngoti bakathama bupombgwe ne midzimu ipoga ngono bakayithigamila, bakatjimbidza bapambuka mu zila yakayendiwa na botate babo bakatobela milayo ya Yahwe, ngono bakasithame bejalo. 18 Kwakabe kuti apa Yahwe bebamusila basumikilisi, Yahwe bakabe bana nsumikilisi ngono katjidza bathu mu luboko gwe zwita zwabo mu mazhuba wose e nsumikilisi, ngoti Yahwe bakabe nge ngoni mubali pabakabe bedziyidziwa be tshambilidziwa. 19 Koga kwakabe kuti apa nsumikilisi afa, bathu bakabe beshandukila kuzila dzabo dzakabipa kupinda dza botate babo, betobela midzimu ipoga beyishingila beinamata. Bakabe belamba kuletja mishingo yabo ne zila dzabo dze moyonkukutu. 20 Ndizo bushongola gwa Yahwe gukathutila Baiziraela, ngono bakati, “Ngoti bathu ibaba batjuluka tjidumano tjangu tjandaka laya botate babo, bakasinditeedze, 21 anditjowotata zwitjaba mbeli kwabo zwakasiyiwa ndi Joshuwa afa. 22 Ndowozwishingisa kulika Baiziraela, ndibone kuti banowobhata zila dza Yahwe bakadzitobela sekwakathama bobatategulu babo kene aa.” 23 Ndizo Yahwe bakaletja zwitjaba izwezo basingazwitate ngokuzwilonga mu maboko a Joshuwa.