Iziraela isingagalikemoyo
1 “Ha nlume elamba nkadzi uwe,
nkadzi ebe etogwa ne mmwe nlume,
ebe nkadzi we nlume upoga,
apa nlume unga tjabgwilila kunli kakale wali?
Apa ikoku akungatemapadze shango kwakapindilila?
Makafukula ne zwamba zwinjinji
apa mungatjabgwilila kundili kene?
Kojalo Yahwe
2 Milidzilani mesho enyu kwakatuthumala kusina tjimwe mubone!
Ndingayi kwamusakawalilanila ko kene?
Hwunde ne dzizila makagala makalindila zwamba
se N'arabu ali mu tjilambanyika.
Makatemapadza shango
nge bufukula gwenyu kwakayipa.
3 Ndizo wali vula yadzibiwa
vula ye nsewulo aizobuya,
ne kwakajalo tjiso tjitjo tjoboneka bufukula,
unolamba kubhakhwa nge shoni.
4 Apa auzondidana ngwenu uti,
‘Tate bangu, nzwalani wangu kudwa mu butjetjana gwangu,
5 apa banowondigwadzila moyo nge kusingapele kene,
apa banowobe ne shungu kunoti ku bupelo kene?’
Bona, waleba uijalo
ngono wakathama zose zwakabipa sekwa wakatubula.”
Shandukilani matjinyo enyu Iziraela ne Juda
6 Kwakati mu misi ya Mambo Josiya Yahwe bakati, “Apa wakabona tjaakathama kene, iwouje usingagalikemoyo, iye Iziraela kene? Kuti wakatatha matuthu mamwe ne mamwe kayenda tjini kusi kwe nti mmwe ne mmwe ntala ethama bufukula kene? 7 Ndakakumbula nditi, ‘Shule kwe athama zose izwezwi unowoshandukila kundili,’ koga aazoshanduka ngono ne hama iye isina malebeswa Juda wakakubona ikoku. 8 Wakabona kuti mu bupongwe gose gwa iwouje usingagalikemoyo iye Iziraela, ndakantatila ku tjena nge nkwalo we kunlamba koga hama iye isina malebeswa Juda, aazotja, ndizo na iyobo ikathama bufukula. 9 Ngoti bufukula gwakabe gusi tjimwe muili, yakatemapadza shango, ithama bupongwe ne mabgwe ne miti. 10 Koga ngekwa ikoku hama iye isina malebeswa Juda aizoshandukila kundili nge moyo wayo wose yakazwithama yashanduka, kojalo Yahwe.”
11 Ipapo Yahwe bakati kundili, “Iziraela usingagalikemoyo wakazwilakidza akalulwama muna Juda usina malebeswa. 12 Yenda, kalebe matama iyawa ku bunandzwa uti,
“‘Shandukani kaa, Iziraela isingagalikemoyo,
kojalo Yahwe.Anditowomulinga nge kugwadzamoyo,
ngoti ndina ngoni,
anditowogwadzilamoyo tjatjose,
kojalo Yahwe.13 Koga amutjilani nlandu wenyu,
kuti makapandukila Yahwe Ndzimu wenyu,
mukazwipa midzimu ipoga kusi kwe nti mmwe ne mmwe ntala
mukasibhulutane hwi langu,
kojalo Yahwe.14 Shandukani kaa imwi bana basingagalikemoyo,
kojalo Yahwe,ngoti ndi tetshi wenyu.
Ndowomutola, nn'gompela kudwa mu nzi nkulu
ne babili kudwa mu nsha,
ngono ndowomuzhisa ku Ziyoni.
15 “‘Ipapo ndowomupa balisi kuyenda nge moyo wangu, banowomufudza nge luzibo ne hwisiso. 16 Mu mazhuba iyawo mowoti matjiwanda kakale mapaphidzika mu shango, kojalo Yahwe, abatjowobe batjati, “Bhokisi le Tjidumano tja Yahwe.” Akutowozha mu njalakang'wa dzabo kene kuli kukumbugwa kene kushubiwa, kene kuthamiwa kakale. 17 Mu tjibaka itjetjo Jerusalema inowodang'wa tjiala tje bushe tja Yahwe, zwitjaba zose zowokubunganila kuili, mbeli kwa Yahwe mu Jerusalema ngono abatjowotobela nge bukomba mimoyo yabo yakabipa. 18 Mu mazhuba iyawo ng'umba ya Juda inowobhatana nge ng'umba ya Iziraela ngono bose banowozha kudwa ku shango ye bunandzwa beyenda ku shango yandakapa botate benyu ili thaka.
Namata midzimu kwe bathu be Ndzimu
19 “‘Ndakakumbula kuti
ndowomubhata se bakololo bangu tjini
ndikamupa shango yakanaka,
thaka mbuya mu zwitjaba zose,
akumbula nditi pamwe swiyo mowondidana Tate,
mukasiletje kunditobela.
20 Nge malebeswa, koga se nkadzi usingagalikemoyo esiya nlume uwe
ndiko sekwa musakagalikamoyo kundili imwi Baiziraela,
kojalo Yahwe.’ ”21 Hwi lohwika pezhugwi kwe matuthu,
kulila ne kumbila kwe bathu be Iziraela,
ngoti bakapambuka mu zila yabo,
bakakangang'wa Yahwe Ndzimu wabo.
22 “Shandukani kaa, imwi bathu basingagalikemoyo,
ndowopodza kusagalikamoyo kwenyu.”
“Bonani, tozha ku muli
ngoti ndimwi Yahwe Ndzimu wedu.
23 Nge malebeswa zhoba yeku matuthu manyepkhwa koga,
butjebeli guku matombo.
Nge malebeswa Yahwe Ndzimu wedu
ba jidzo le Iziraela.
24 “Koga kudwa mu butjetjana gwedu midzimu inobhatisa shoni yakaja mitjelo ye masimba a botate bedu, mbudzi ne pkhwizi dzabo ne ng'ombe dzabo ne bakololo ne bakololokadzi babo. 25 Ngati lingeni pasi tibhakhwe nge shoni, kulengudzika kwedu ngakutifukidze, ngoti takatjinyila Yahwe Ndzimu wedu, iswi na botate bedu kudwa tjose mu butjetjana gwedu kuswika zhuba la nasi, atizobhulutana hwi la Yahwe Ndzimu wedu.”
Iziraela isingagalikemoyo
1 “Ha nlume elamba nkadzi uwe,
nkadzi ebe etogwa ne mmwe nlume,
ebe nkadzi we nlume upoga,
apa nlume unga tjabgwilila kunli kakale wali?
Apa ikoku akungatemapadze shango kwakapindilila?
Makafukula ne zwamba zwinjinji
apa mungatjabgwilila kundili kene?
Kojalo Yahwe
2 Milidzilani mesho enyu kwakatuthumala kusina tjimwe mubone!
Ndingayi kwamusakawalilanila ko kene?
Hwunde ne dzizila makagala makalindila zwamba
se N'arabu ali mu tjilambanyika.
Makatemapadza shango
nge bufukula gwenyu kwakayipa.
3 Ndizo wali vula yadzibiwa
vula ye nsewulo aizobuya,
ne kwakajalo tjiso tjitjo tjoboneka bufukula,
unolamba kubhakhwa nge shoni.
4 Apa auzondidana ngwenu uti,
‘Tate bangu, nzwalani wangu kudwa mu butjetjana gwangu,
5 apa banowondigwadzila moyo nge kusingapele kene,
apa banowobe ne shungu kunoti ku bupelo kene?’
Bona, waleba uijalo
ngono wakathama zose zwakabipa sekwa wakatubula.”
Shandukilani matjinyo enyu Iziraela ne Juda
6 Kwakati mu misi ya Mambo Josiya Yahwe bakati, “Apa wakabona tjaakathama kene, iwouje usingagalikemoyo, iye Iziraela kene? Kuti wakatatha matuthu mamwe ne mamwe kayenda tjini kusi kwe nti mmwe ne mmwe ntala ethama bufukula kene? 7 Ndakakumbula nditi, ‘Shule kwe athama zose izwezwi unowoshandukila kundili,’ koga aazoshanduka ngono ne hama iye isina malebeswa Juda wakakubona ikoku. 8 Wakabona kuti mu bupongwe gose gwa iwouje usingagalikemoyo iye Iziraela, ndakantatila ku tjena nge nkwalo we kunlamba koga hama iye isina malebeswa Juda, aazotja, ndizo na iyobo ikathama bufukula. 9 Ngoti bufukula gwakabe gusi tjimwe muili, yakatemapadza shango, ithama bupongwe ne mabgwe ne miti. 10 Koga ngekwa ikoku hama iye isina malebeswa Juda aizoshandukila kundili nge moyo wayo wose yakazwithama yashanduka, kojalo Yahwe.”
11 Ipapo Yahwe bakati kundili, “Iziraela usingagalikemoyo wakazwilakidza akalulwama muna Juda usina malebeswa. 12 Yenda, kalebe matama iyawa ku bunandzwa uti,
“‘Shandukani kaa, Iziraela isingagalikemoyo,
kojalo Yahwe.Anditowomulinga nge kugwadzamoyo,
ngoti ndina ngoni,
anditowogwadzilamoyo tjatjose,
kojalo Yahwe.13 Koga amutjilani nlandu wenyu,
kuti makapandukila Yahwe Ndzimu wenyu,
mukazwipa midzimu ipoga kusi kwe nti mmwe ne mmwe ntala
mukasibhulutane hwi langu,
kojalo Yahwe.14 Shandukani kaa imwi bana basingagalikemoyo,
kojalo Yahwe,ngoti ndi tetshi wenyu.
Ndowomutola, nn'gompela kudwa mu nzi nkulu
ne babili kudwa mu nsha,
ngono ndowomuzhisa ku Ziyoni.
15 “‘Ipapo ndowomupa balisi kuyenda nge moyo wangu, banowomufudza nge luzibo ne hwisiso. 16 Mu mazhuba iyawo mowoti matjiwanda kakale mapaphidzika mu shango, kojalo Yahwe, abatjowobe batjati, “Bhokisi le Tjidumano tja Yahwe.” Akutowozha mu njalakang'wa dzabo kene kuli kukumbugwa kene kushubiwa, kene kuthamiwa kakale. 17 Mu tjibaka itjetjo Jerusalema inowodang'wa tjiala tje bushe tja Yahwe, zwitjaba zose zowokubunganila kuili, mbeli kwa Yahwe mu Jerusalema ngono abatjowotobela nge bukomba mimoyo yabo yakabipa. 18 Mu mazhuba iyawo ng'umba ya Juda inowobhatana nge ng'umba ya Iziraela ngono bose banowozha kudwa ku shango ye bunandzwa beyenda ku shango yandakapa botate benyu ili thaka.
Namata midzimu kwe bathu be Ndzimu
19 “‘Ndakakumbula kuti
ndowomubhata se bakololo bangu tjini
ndikamupa shango yakanaka,
thaka mbuya mu zwitjaba zose,
akumbula nditi pamwe swiyo mowondidana Tate,
mukasiletje kunditobela.
20 Nge malebeswa, koga se nkadzi usingagalikemoyo esiya nlume uwe
ndiko sekwa musakagalikamoyo kundili imwi Baiziraela,
kojalo Yahwe.’ ”21 Hwi lohwika pezhugwi kwe matuthu,
kulila ne kumbila kwe bathu be Iziraela,
ngoti bakapambuka mu zila yabo,
bakakangang'wa Yahwe Ndzimu wabo.
22 “Shandukani kaa, imwi bathu basingagalikemoyo,
ndowopodza kusagalikamoyo kwenyu.”
“Bonani, tozha ku muli
ngoti ndimwi Yahwe Ndzimu wedu.
23 Nge malebeswa zhoba yeku matuthu manyepkhwa koga,
butjebeli guku matombo.
Nge malebeswa Yahwe Ndzimu wedu
ba jidzo le Iziraela.
24 “Koga kudwa mu butjetjana gwedu midzimu inobhatisa shoni yakaja mitjelo ye masimba a botate bedu, mbudzi ne pkhwizi dzabo ne ng'ombe dzabo ne bakololo ne bakololokadzi babo. 25 Ngati lingeni pasi tibhakhwe nge shoni, kulengudzika kwedu ngakutifukidze, ngoti takatjinyila Yahwe Ndzimu wedu, iswi na botate bedu kudwa tjose mu butjetjana gwedu kuswika zhuba la nasi, atizobhulutana hwi la Yahwe Ndzimu wedu.”