Ndayidzo ngekwe Amoni
1 Ngekwe Baamoni, Yahwe bakati,
“Apa Iziraela aana bakololo kene?
Apa aana n'gali thaka kene?
Ini Milikomo akatola thaka ye Gadi?
Ini bathu bayo begala mu mizi yayo mikulu kene?
2 Koga bonani misi yaswika,
kojalo Yahwe,
pandinowothama kuti nsindo we ngwa uhwike,
kubhayana ne Rabha we Baamoni,
inowobe duluthulu le dongo,
ne mizi yakaipoteleka inowopisiwa nge moto,
ipapo Iziraela inowotola thaka ye bakatongo batolela,
kojalo Yahwe.
3 “Mimila iwe Heshibhoni ngoti Ai yakolomogwa!
Lilani imwi bagali be Rabha!
Ambalani jila le saka mulile,
libilidzilani ngeno na ikoko mukati kwe makuma,
ngoti Milikomo unowotapiwa,
kose ne bapirisiti bayo ne makulukota ayo.
4 Ini muzwikudza nge mikuku yenyu,
iwe nkololokadzi usingagalikebgwe,
unogalabgwe mu fumwa iyo uti,
‘Ndiani unowondinginilila kene?’
5 Ndozhisa kupaluka moyo mukuli,
kudwa muna ibabo bakakupoteleka,”
kojalo She Yahwe Masimbawose.“Mmwe ne mmwe uwo unowotatigwa kutjena,
akuna unowokubunganya banowobe batizha.
6 “Ngono shule ndowobgwiliza fumwa ye Baamoni,”
kojalo Yahwe.Ndayidzo ngekwe Edomu
7 Ngekwe Edomu, Yahwe Masimbawose bakati,
“Apa akutjina butjenjedu mu Temani kene?
Apa bukumbuludzi gwakapela mu batjenjedu kene?
Apa butjenjedu gwabo gwakapela kene?
8 Tizhani, shandukani, galani mu makuwu akangina,
imwi bagali be Dedani!
Ngoti ndowozhisa mbatsha muna Esau,
tjibaka tjandinowobe ndin'loba shamu.
9 Ha batjeli be zhambi bezha kumuli,
apa abangasiye zhambi shomanana kene?
Ha mbava dzingazha busiku,
apa adzingakwibe kwakadzilizana koga kene?
10 Koga ndowoambula Esau,
ndowon'zumbunula mu magalo awe aakabgwata,
kuti ndizo asitongozwisumbika.
Bana babe ne hama ne babakidzani babe banowoloba,
ngono aatowobe po kakale.
11 Siyani siyang'wa dzenyu ndowotjengeta butjilo gwadzo,
Tjilikadzi dzenyu naidzo dzingandigalabgwe.”
12 Ngoti Yahwe bakati, “Ha ibabo basakafanila kung'wa mu bhepe beng'wa, ini iwe usakafanila lobgwa shamu? Aungashete ku lobgwashamu, koga makafanila ng'wa. 13 Ngoti ndakatuna nge kwangu,” kojalo Yahwe, “kuti Bhozira inowobe dongo ikabe tjithu tjinopalusa moyo ne madado ne bhiso ne mizi yayo yose inowobe matongo tjatjose.”
14 Ndakahwa ndayidzo ya Yahwe,
ntumwa wakatumwa ku zwitjaba kuyi,
“Muzwikubunganye ngono mun'nginilile
milikani mugwe!”
15 Ngoti bonani, ndowomuthama itjaba tjitukununu pakati kwe zwitjaba,
tjinolengudzika pakati kwe bathu.
16 Kupaluka moyo kuko ne
kuzwikudza kwe moyo uwo kwakakutjebela,
iwe unogala mu phaswa dze shongwe,
iwe unogala ku thongoma dze matuthu.
Nenguba ungabaka shaka lilo pezhugwi zhugwi sele dzu,
ikoko ndowokutulula,
koleba Yahwe.17 Edomu inowobe tjithu tjinopalusa moyo,
bose banopinda paili banowokaabala
bakasungana mavudzi ngekwe malonda ayo wose.
18 Koga se Sodoma ne Gomora dzakakolomogwa,
kose ne babakidzani badzo,
kojalo Yahwe,ndizo akuna unowogala ko,
akuna nthu unowogala muili.
19 “Bonani koga se shumba idwa mu ishaka tje Jorodani,
izha kuwobhata pkhwizi mu danga lakasima,
ndowotata Edomu mu shango yayo tjinyolotjo.
Ndiyani wakashalugwa wandingabigila ikoku kene?
Ndiyani unonga imi kakale ndiani ungalingisana nami kene?
Nlisi ndiyani ungama kalingisana nami kene?
20 Ndizo ke ihwani Yahwe tjabalongolosela Edomu,
tjabaalakana kutjithamila ibabo banogala mu Temani,
Zwitjetjana zwe mbudzi ne pkhwizi zowotogwa,
unowothukudza mafulo abo nge kwabo.
21 Nge nsindo wekuwa kwabo shango inowotetema,
tjililo tjabo tjowohwika ku Gungwa Shaba.
22 Bonani, dzu lowuluka likadzamula,
lakafukidza mapapilo alo pezhugwi kwe Bhozira.
Mu zhuba ilelo mimoyo ye babhayani be Edomu
inowonga moyo we nkadzi ali mu zwibhayo zwe kutshibama.”
Ndayidzo ngekwe Damasiko
23 Ngekwe Damasiko,
“Hamati ne Aripadi dzatemeka mafupa,
ngoti dzahwa thawu dzakabipa,
dzadzongeka nkumbulo se gungwa gusakadzikama.
24 Damasiko yapelegwa nge simba,
ikashanduka ikatizha,
lutjo gwaifukidza,
zogwadza ne buyendasi zwa ikulila,
se nkadzi ali mu zwibhayo zwe kutshibama.
25 Nzi una tjilumbi wafupatigwa seni,
nzi wakabe undishathisa.
26 Nge malebeswa bazhuzha bawo banowa mu dzizila,
babhayani bawo bose banowonyaladziwa mu zhuba ilelo,”
koleba Yahwe Masimbawose.27 “Ndowolonga moto mu makuma e Damasiko,
unowoja matizhilo a Bhenihadadi.”
Ndayidzo ngekwe Kedari ne Hazori
28 Ngekwe Kedari ne mibuso ye Hazori iyo yakanginiligwa ndi Nebukadineza mambo we Bhabhiloni Yahwe bakati,
“Milikani munginilile Kedari,
mulobese bathu be ku bhezhuba!
29 Mishasha yabo ne mbudzi ne pkhwizi dzabo dzowotogwa,
zwibakililo zwabo zowosengwa,
kose ne thundu dzabo ne kamela dzabo.
Balume banowobamimilila beti,
‘Kupaluka moyo ku mbizho dzose!’
30 “Tizhani tjinyolotjo!
Galani mu makuwu akangina imwi bagali be Hazori,”
koleba Yahwe.Nebukadineza mambo we Bhabhiloni,
wamulukila gwanga,
wathama ndongoloso yakabipa nge kwenyu.
31 “Milikani, nginililani itjaba tjigele tjakaliga makumbo,
tjigele tjakabakililika,”
koleba Yahwe,“itjaba tjisina mikoba kene mikoba ye butale,
bathu batjo banogala boga.
32 Kamela dzabo dzowotapiwa,
matanga e ng'ombe dzabo anowotogwa.
Ndowopaladzila ku phepo ibabo baku magalo akule,
ndowozhisa mbatsha mu bali kudwa mbizho dzose,”
koleba Yahwe.33 “Hazori inowobe zwimba le phungubgwe,
bugalo gwakathukudzika tjatjose.
Akuna unowogala ko,
akuna nthu unowogala muili.”
Ndayidzo ngekwe Elamu
34 Dama la Yahwe lakazha kuna Jeremiya nlebesambeli ngekwe Elamu mu kutangisa kwe kubusa kwa Zedekiya mambo we Juda lakazha sahwoku.
35 Yahwe Masimbawose bakati,
“Bonani ndowovuna dati le Elamu,
ilo simba labo labanozwikudza ndilo,
36 ngono ndowodelusila Elamu phepo nna,
dzinodwa mu mbizho nna dze kudzimu,
ngono ndowobapaladzila mu phepo idzedzo,
akutjowofa kwabe ne itjaba tjinowobe tjisina batapiwa be Elamu.
37 Ndowopalusa moyo Elamu mbeli kwe zwita zwayo,
na mbeli kwa ibabo banoshaka matjilo abo.
Ndowozhisa mbatsha mu bali
nenge kugwadzamoyo kwangu kukulu,”
koleba Yahwe.“Ndowotumila thumo shule kwabo,
kudzina ndazhisa bhelelo mu bali.
38 Ndowobiga tjigalo tjangu tje bumambo mu Elamu,
alobesa mambo wayo ne makulukota awe,”
koleba Yahwe.39 “Koga ndowobgwiliza fumwa ye Elamu,
mu mazhuba anozha,”
koleba Yahwe.Ndayidzo ngekwe Amoni
1 Ngekwe Baamoni, Yahwe bakati,
“Apa Iziraela aana bakololo kene?
Apa aana n'gali thaka kene?
Ini Milikomo akatola thaka ye Gadi?
Ini bathu bayo begala mu mizi yayo mikulu kene?
2 Koga bonani misi yaswika,
kojalo Yahwe,
pandinowothama kuti nsindo we ngwa uhwike,
kubhayana ne Rabha we Baamoni,
inowobe duluthulu le dongo,
ne mizi yakaipoteleka inowopisiwa nge moto,
ipapo Iziraela inowotola thaka ye bakatongo batolela,
kojalo Yahwe.
3 “Mimila iwe Heshibhoni ngoti Ai yakolomogwa!
Lilani imwi bagali be Rabha!
Ambalani jila le saka mulile,
libilidzilani ngeno na ikoko mukati kwe makuma,
ngoti Milikomo unowotapiwa,
kose ne bapirisiti bayo ne makulukota ayo.
4 Ini muzwikudza nge mikuku yenyu,
iwe nkololokadzi usingagalikebgwe,
unogalabgwe mu fumwa iyo uti,
‘Ndiani unowondinginilila kene?’
5 Ndozhisa kupaluka moyo mukuli,
kudwa muna ibabo bakakupoteleka,”
kojalo She Yahwe Masimbawose.“Mmwe ne mmwe uwo unowotatigwa kutjena,
akuna unowokubunganya banowobe batizha.
6 “Ngono shule ndowobgwiliza fumwa ye Baamoni,”
kojalo Yahwe.Ndayidzo ngekwe Edomu
7 Ngekwe Edomu, Yahwe Masimbawose bakati,
“Apa akutjina butjenjedu mu Temani kene?
Apa bukumbuludzi gwakapela mu batjenjedu kene?
Apa butjenjedu gwabo gwakapela kene?
8 Tizhani, shandukani, galani mu makuwu akangina,
imwi bagali be Dedani!
Ngoti ndowozhisa mbatsha muna Esau,
tjibaka tjandinowobe ndin'loba shamu.
9 Ha batjeli be zhambi bezha kumuli,
apa abangasiye zhambi shomanana kene?
Ha mbava dzingazha busiku,
apa adzingakwibe kwakadzilizana koga kene?
10 Koga ndowoambula Esau,
ndowon'zumbunula mu magalo awe aakabgwata,
kuti ndizo asitongozwisumbika.
Bana babe ne hama ne babakidzani babe banowoloba,
ngono aatowobe po kakale.
11 Siyani siyang'wa dzenyu ndowotjengeta butjilo gwadzo,
Tjilikadzi dzenyu naidzo dzingandigalabgwe.”
12 Ngoti Yahwe bakati, “Ha ibabo basakafanila kung'wa mu bhepe beng'wa, ini iwe usakafanila lobgwa shamu? Aungashete ku lobgwashamu, koga makafanila ng'wa. 13 Ngoti ndakatuna nge kwangu,” kojalo Yahwe, “kuti Bhozira inowobe dongo ikabe tjithu tjinopalusa moyo ne madado ne bhiso ne mizi yayo yose inowobe matongo tjatjose.”
14 Ndakahwa ndayidzo ya Yahwe,
ntumwa wakatumwa ku zwitjaba kuyi,
“Muzwikubunganye ngono mun'nginilile
milikani mugwe!”
15 Ngoti bonani, ndowomuthama itjaba tjitukununu pakati kwe zwitjaba,
tjinolengudzika pakati kwe bathu.
16 Kupaluka moyo kuko ne
kuzwikudza kwe moyo uwo kwakakutjebela,
iwe unogala mu phaswa dze shongwe,
iwe unogala ku thongoma dze matuthu.
Nenguba ungabaka shaka lilo pezhugwi zhugwi sele dzu,
ikoko ndowokutulula,
koleba Yahwe.17 Edomu inowobe tjithu tjinopalusa moyo,
bose banopinda paili banowokaabala
bakasungana mavudzi ngekwe malonda ayo wose.
18 Koga se Sodoma ne Gomora dzakakolomogwa,
kose ne babakidzani badzo,
kojalo Yahwe,ndizo akuna unowogala ko,
akuna nthu unowogala muili.
19 “Bonani koga se shumba idwa mu ishaka tje Jorodani,
izha kuwobhata pkhwizi mu danga lakasima,
ndowotata Edomu mu shango yayo tjinyolotjo.
Ndiyani wakashalugwa wandingabigila ikoku kene?
Ndiyani unonga imi kakale ndiani ungalingisana nami kene?
Nlisi ndiyani ungama kalingisana nami kene?
20 Ndizo ke ihwani Yahwe tjabalongolosela Edomu,
tjabaalakana kutjithamila ibabo banogala mu Temani,
Zwitjetjana zwe mbudzi ne pkhwizi zowotogwa,
unowothukudza mafulo abo nge kwabo.
21 Nge nsindo wekuwa kwabo shango inowotetema,
tjililo tjabo tjowohwika ku Gungwa Shaba.
22 Bonani, dzu lowuluka likadzamula,
lakafukidza mapapilo alo pezhugwi kwe Bhozira.
Mu zhuba ilelo mimoyo ye babhayani be Edomu
inowonga moyo we nkadzi ali mu zwibhayo zwe kutshibama.”
Ndayidzo ngekwe Damasiko
23 Ngekwe Damasiko,
“Hamati ne Aripadi dzatemeka mafupa,
ngoti dzahwa thawu dzakabipa,
dzadzongeka nkumbulo se gungwa gusakadzikama.
24 Damasiko yapelegwa nge simba,
ikashanduka ikatizha,
lutjo gwaifukidza,
zogwadza ne buyendasi zwa ikulila,
se nkadzi ali mu zwibhayo zwe kutshibama.
25 Nzi una tjilumbi wafupatigwa seni,
nzi wakabe undishathisa.
26 Nge malebeswa bazhuzha bawo banowa mu dzizila,
babhayani bawo bose banowonyaladziwa mu zhuba ilelo,”
koleba Yahwe Masimbawose.27 “Ndowolonga moto mu makuma e Damasiko,
unowoja matizhilo a Bhenihadadi.”
Ndayidzo ngekwe Kedari ne Hazori
28 Ngekwe Kedari ne mibuso ye Hazori iyo yakanginiligwa ndi Nebukadineza mambo we Bhabhiloni Yahwe bakati,
“Milikani munginilile Kedari,
mulobese bathu be ku bhezhuba!
29 Mishasha yabo ne mbudzi ne pkhwizi dzabo dzowotogwa,
zwibakililo zwabo zowosengwa,
kose ne thundu dzabo ne kamela dzabo.
Balume banowobamimilila beti,
‘Kupaluka moyo ku mbizho dzose!’
30 “Tizhani tjinyolotjo!
Galani mu makuwu akangina imwi bagali be Hazori,”
koleba Yahwe.Nebukadineza mambo we Bhabhiloni,
wamulukila gwanga,
wathama ndongoloso yakabipa nge kwenyu.
31 “Milikani, nginililani itjaba tjigele tjakaliga makumbo,
tjigele tjakabakililika,”
koleba Yahwe,“itjaba tjisina mikoba kene mikoba ye butale,
bathu batjo banogala boga.
32 Kamela dzabo dzowotapiwa,
matanga e ng'ombe dzabo anowotogwa.
Ndowopaladzila ku phepo ibabo baku magalo akule,
ndowozhisa mbatsha mu bali kudwa mbizho dzose,”
koleba Yahwe.33 “Hazori inowobe zwimba le phungubgwe,
bugalo gwakathukudzika tjatjose.
Akuna unowogala ko,
akuna nthu unowogala muili.”
Ndayidzo ngekwe Elamu
34 Dama la Yahwe lakazha kuna Jeremiya nlebesambeli ngekwe Elamu mu kutangisa kwe kubusa kwa Zedekiya mambo we Juda lakazha sahwoku.
35 Yahwe Masimbawose bakati,
“Bonani ndowovuna dati le Elamu,
ilo simba labo labanozwikudza ndilo,
36 ngono ndowodelusila Elamu phepo nna,
dzinodwa mu mbizho nna dze kudzimu,
ngono ndowobapaladzila mu phepo idzedzo,
akutjowofa kwabe ne itjaba tjinowobe tjisina batapiwa be Elamu.
37 Ndowopalusa moyo Elamu mbeli kwe zwita zwayo,
na mbeli kwa ibabo banoshaka matjilo abo.
Ndowozhisa mbatsha mu bali
nenge kugwadzamoyo kwangu kukulu,”
koleba Yahwe.“Ndowotumila thumo shule kwabo,
kudzina ndazhisa bhelelo mu bali.
38 Ndowobiga tjigalo tjangu tje bumambo mu Elamu,
alobesa mambo wayo ne makulukota awe,”
koleba Yahwe.39 “Koga ndowobgwiliza fumwa ye Elamu,
mu mazhuba anozha,”
koleba Yahwe.