1 Ipapo Zofa we N'namathi kadabila eti,
2 “Apa matama wose mangapa aatodabigwa kene?
Apa nthu unoleba matama manjinji ungashayiwa nlandu kene?
3 Apa matama awo e ludado anonyaladza balume kene?
Apa audada akuna unowokutjemela kene?
4 Unoti, ‘Kudiya kwangu kwakatjena,
kakale ndi mbuyanana mu mesho enyu.’
5 Koga ungati Ndzimu ungalebeleka,
ukakuzhulila nlomo wawo ukakubudza,
6 ukakubudza zwikohwa zwe butjenjedu,
ngobe butjenjedu gwe lebeswa gukabili.
Ziba woku, Ndzimu unokuloba shamwana isakalizana zwibi zwizo.
7 “Apa ungashaka ukabona zwithu zwikulu zwe Ndzimu?
Apa ungashaka ukabona bhelelo le simba la Masimbawose kene?
8 Lopinda zhuzhugwi dumbu, ungathamani wali?
Lopinda kungina kwe bugalo gwe bafi, ungazibani wali?
9 Tjilizanyo tjalo tjopinda shango nge bulefu,
bupabi gwalo gopinda gungwa.
10 Ha Ndzimu uti upinda ukakulonga mu ng'umba ye busungwa,
ukadanila kusumikilisiwa, apa ndiani ungaudziba kene?
11 Nge malebeswa unoziba bathu basi betjimwe,
apa aubona bubi autobe ne hanya nge kwangu kene?
12 Tjilengwe tjingatjenjela,
koga ha donki ye shango inga zwagwa ili nthu.
13 “Ngono koga ha ungaupa moyo uwo,
ukamilidzila maboko awo kuuli,
14 ha ungalashila kutjena jinyo limu luboko gugo,
ukasiletjedzele bubi gukagala mu nshasha uwo,
15 ipapo ndiko unowomilidza buso gugo usina shoni,
unowoma wakasima usingatje.
16 Ngelebeswa unowokangang'wa mang'oni awo
ukaakumbula se vula yakatongowunga.
17 Butjilo gugo gowopenya kupinda masikati makulu,
zhalima lago likanga mangwanana.
18 Unowonyaladzika ngoti kuna kugalabgwe,
unowobakililika ngono ukanyaluluka wakabakililika.
19 Unowolala kusina unokutjisa,
banji banowoyemula kushathisiwa ndiwe.
20 Koga mesho e babi anowokong'wa,
bakasibone pabangapudzumuka ndipo.
Kugalabgwe kwabo kowobe kuti bangafa.”
1 Ipapo Zofa we N'namathi kadabila eti,
2 “Apa matama wose mangapa aatodabigwa kene?
Apa nthu unoleba matama manjinji ungashayiwa nlandu kene?
3 Apa matama awo e ludado anonyaladza balume kene?
Apa audada akuna unowokutjemela kene?
4 Unoti, ‘Kudiya kwangu kwakatjena,
kakale ndi mbuyanana mu mesho enyu.’
5 Koga ungati Ndzimu ungalebeleka,
ukakuzhulila nlomo wawo ukakubudza,
6 ukakubudza zwikohwa zwe butjenjedu,
ngobe butjenjedu gwe lebeswa gukabili.
Ziba woku, Ndzimu unokuloba shamwana isakalizana zwibi zwizo.
7 “Apa ungashaka ukabona zwithu zwikulu zwe Ndzimu?
Apa ungashaka ukabona bhelelo le simba la Masimbawose kene?
8 Lopinda zhuzhugwi dumbu, ungathamani wali?
Lopinda kungina kwe bugalo gwe bafi, ungazibani wali?
9 Tjilizanyo tjalo tjopinda shango nge bulefu,
bupabi gwalo gopinda gungwa.
10 Ha Ndzimu uti upinda ukakulonga mu ng'umba ye busungwa,
ukadanila kusumikilisiwa, apa ndiani ungaudziba kene?
11 Nge malebeswa unoziba bathu basi betjimwe,
apa aubona bubi autobe ne hanya nge kwangu kene?
12 Tjilengwe tjingatjenjela,
koga ha donki ye shango inga zwagwa ili nthu.
13 “Ngono koga ha ungaupa moyo uwo,
ukamilidzila maboko awo kuuli,
14 ha ungalashila kutjena jinyo limu luboko gugo,
ukasiletjedzele bubi gukagala mu nshasha uwo,
15 ipapo ndiko unowomilidza buso gugo usina shoni,
unowoma wakasima usingatje.
16 Ngelebeswa unowokangang'wa mang'oni awo
ukaakumbula se vula yakatongowunga.
17 Butjilo gugo gowopenya kupinda masikati makulu,
zhalima lago likanga mangwanana.
18 Unowonyaladzika ngoti kuna kugalabgwe,
unowobakililika ngono ukanyaluluka wakabakililika.
19 Unowolala kusina unokutjisa,
banji banowoyemula kushathisiwa ndiwe.
20 Koga mesho e babi anowokong'wa,
bakasibone pabangapudzumuka ndipo.
Kugalabgwe kwabo kowobe kuti bangafa.”