1 Meya yangu inopela,
mazhuba angu wopela
gomba lakandimilila.
2 Nge malebeswa badadi bakandipoteleka,
ndogala ndakabalonga zhisho nge sekwa banobhayana nami.
3 “Ndomukumbila, mundibigile tjamunoshaka,
ndiani ungabe mbakilili wangu kene?
4 Ngoti makabazwina mikumbulo yabo kuhwisisa,
ndizo amutobaletjedza bakakunda.
5 Iye unoshaka gobe nge kuwonga bakwinya babe,
bana babe ndibo banowopelela bedziyidzika nge kwako.
6 “Wakandithama sumo ku bathu,
ndatjibe unothwigwa mate mu buso.
7 Mesho angu aatjabonesesa nge tjililo,
ndungululo dzangu dzabe mafupa koga.
8 Balulwami bakatjenamila kose ikoko,
usina nlandu unomukila usina bundzimu.
9 Koga nlulwami wakadzikila mu zila dzidze,
be maboko mabuyanana banowodwilila ngo sima.
10 Koga imwi, shandukilani kundili, imwi mose,
akuna ne nng'ompela wandingawana akatjenjela mu muli.
11 “Mazhuba angu akapinda, mikumbulo yangu yakashangashangana,
kose ne njemulo dze moyo wangu.
12 Busiku banoguthama masikati,
‘Tjedza’ banoti, ‘tjipejo ne zhalima.’
13 Ha ndilinga bugalo gwe bafi ndoti i ng'umba yangu,
mu zhalima ndolulwamisa bulawo gwangu.
14 Ndodwa ikumbu nditi, ‘U tate bangu,’
ku gonye ndoti, ‘Mme bangu’ kene ‘Hazwadzi yangu.’
15 Kugalabgwe kwangu kungayi ngono?
Ndiani unobona kugalabgwe kwangu kene?
16 Apa kowodelukila ku phanda dze bugalo gwe bafi?
Apa towodelukila tose ku hwuluba kene?”
1 Meya yangu inopela,
mazhuba angu wopela
gomba lakandimilila.
2 Nge malebeswa badadi bakandipoteleka,
ndogala ndakabalonga zhisho nge sekwa banobhayana nami.
3 “Ndomukumbila, mundibigile tjamunoshaka,
ndiani ungabe mbakilili wangu kene?
4 Ngoti makabazwina mikumbulo yabo kuhwisisa,
ndizo amutobaletjedza bakakunda.
5 Iye unoshaka gobe nge kuwonga bakwinya babe,
bana babe ndibo banowopelela bedziyidzika nge kwako.
6 “Wakandithama sumo ku bathu,
ndatjibe unothwigwa mate mu buso.
7 Mesho angu aatjabonesesa nge tjililo,
ndungululo dzangu dzabe mafupa koga.
8 Balulwami bakatjenamila kose ikoko,
usina nlandu unomukila usina bundzimu.
9 Koga nlulwami wakadzikila mu zila dzidze,
be maboko mabuyanana banowodwilila ngo sima.
10 Koga imwi, shandukilani kundili, imwi mose,
akuna ne nng'ompela wandingawana akatjenjela mu muli.
11 “Mazhuba angu akapinda, mikumbulo yangu yakashangashangana,
kose ne njemulo dze moyo wangu.
12 Busiku banoguthama masikati,
‘Tjedza’ banoti, ‘tjipejo ne zhalima.’
13 Ha ndilinga bugalo gwe bafi ndoti i ng'umba yangu,
mu zhalima ndolulwamisa bulawo gwangu.
14 Ndodwa ikumbu nditi, ‘U tate bangu,’
ku gonye ndoti, ‘Mme bangu’ kene ‘Hazwadzi yangu.’
15 Kugalabgwe kwangu kungayi ngono?
Ndiani unobona kugalabgwe kwangu kene?
16 Apa kowodelukila ku phanda dze bugalo gwe bafi?
Apa towodelukila tose ku hwuluba kene?”