1 Ipapo Bhilidadi we N'shuhi kashandula eti,
2 “Apa unowomisa lini kulebanya kene?
Kumbula, ndiko tikolebeleka.
3 Apa ini titogwa se ng'ombe koga kene?
Apa ini titogwa se zwilengwe mbeli kwenyu kene?
4 Iwe unozwipalula nge kugwadzamoyo kuko,
shango inowolamwiwa nge kuko kene?
Kene shongwe dzotshedugwa mu magalo adzo kene?
5 “Ndodwa, tjedza tje mbiimbi tjowodzimiwa,
nthuto we moto uwe unowotundubala.
6 Tjedza tjabe zhalima mu nshasha uwe,
ne luvone gugwe pezhugwi gowodzimiwa.
7 Thambo dzidze dzakasima dzatapudziwa,
Ndongoloso iye inonlasha.
8 Ngoti unobhatshigwa nge gwanga laateya iye,
unoyenda engina mu gomba.
9 Silaha inon'bhatshila mu itshitshino,
dati likan'bhatshila.
10 Wakasumbikigwa nsungo pasi,
wakabigigwa bhuzhu mu zila.
11 Zwinotjisa zowompalusamoyo kumwe ne kumwe,
zwakansala shule pamwe ne pamwe.
12 Mbatsha dzina zhala nge kukwe,
dziyidzika kwakan'lalila kuti akuthiwe,
13 koja ndungululo dze mbili uwe,
mbano ye lufu inoja ndungululo dzidze.
14 Unowodzikunugwa mu nshasha waanogalabgwe,
akazhisiwa kuna mambo we zwinotjisa.
15 Mu nshasha uwe kogala bose basi babe,
sibaboli tjakapaladzigwa mu magalo awe.
16 Midzi iye inowomelela kusi,
ne matabi awe anobuna.
17 Aatja kumbugwa mu shango,
aatjina zina mu shango.
18 Unotatiwa mu tjedza etatigwa ku zhalima,
unotatiwa mu shango.
19 Aana mwana kene tjizekugwana
pakati kwe bathu bakanyi kukwe,
akuna limbelimbe lakasala kwaakabe egala.
20 Mu zhuba laawigwa, bakazha shule bakatjenama,
baku bhezhuba ne baku golombedzo banotetema ngotja.
21 Nge malebeswa izwezwi magalo e babiibi,
gwakajalo bugalo gwe usingazibe Ndzimu.”
1 Ipapo Bhilidadi we N'shuhi kashandula eti,
2 “Apa unowomisa lini kulebanya kene?
Kumbula, ndiko tikolebeleka.
3 Apa ini titogwa se ng'ombe koga kene?
Apa ini titogwa se zwilengwe mbeli kwenyu kene?
4 Iwe unozwipalula nge kugwadzamoyo kuko,
shango inowolamwiwa nge kuko kene?
Kene shongwe dzotshedugwa mu magalo adzo kene?
5 “Ndodwa, tjedza tje mbiimbi tjowodzimiwa,
nthuto we moto uwe unowotundubala.
6 Tjedza tjabe zhalima mu nshasha uwe,
ne luvone gugwe pezhugwi gowodzimiwa.
7 Thambo dzidze dzakasima dzatapudziwa,
Ndongoloso iye inonlasha.
8 Ngoti unobhatshigwa nge gwanga laateya iye,
unoyenda engina mu gomba.
9 Silaha inon'bhatshila mu itshitshino,
dati likan'bhatshila.
10 Wakasumbikigwa nsungo pasi,
wakabigigwa bhuzhu mu zila.
11 Zwinotjisa zowompalusamoyo kumwe ne kumwe,
zwakansala shule pamwe ne pamwe.
12 Mbatsha dzina zhala nge kukwe,
dziyidzika kwakan'lalila kuti akuthiwe,
13 koja ndungululo dze mbili uwe,
mbano ye lufu inoja ndungululo dzidze.
14 Unowodzikunugwa mu nshasha waanogalabgwe,
akazhisiwa kuna mambo we zwinotjisa.
15 Mu nshasha uwe kogala bose basi babe,
sibaboli tjakapaladzigwa mu magalo awe.
16 Midzi iye inowomelela kusi,
ne matabi awe anobuna.
17 Aatja kumbugwa mu shango,
aatjina zina mu shango.
18 Unotatiwa mu tjedza etatigwa ku zhalima,
unotatiwa mu shango.
19 Aana mwana kene tjizekugwana
pakati kwe bathu bakanyi kukwe,
akuna limbelimbe lakasala kwaakabe egala.
20 Mu zhuba laawigwa, bakazha shule bakatjenama,
baku bhezhuba ne baku golombedzo banotetema ngotja.
21 Nge malebeswa izwezwi magalo e babiibi,
gwakajalo bugalo gwe usingazibe Ndzimu.”